أبغى أعرف كل وحده شو تنادى أم زوجها....

حصه السويدى 18-12-2006 339 رد 32,365 مشاهدة
M
انا اناديها امي

وبالعكس ما اظن امي راح تتضايق بالعكس انا امي اهي اللي اتقولي اناديها بأمي
E
خالوه
د
انا توني مملكة من شهر تقريبا وكنت اسمع حريم اخواني ينادون امي بعمتي ماعدا وحده تناديها خالتي وانا عجبني خالتي اكثر من عمتي وغير كذا زوجي ينادي امي خالتي وعشان كذا اناديها خالتي بالرغم الى الان ماصار موقف وناديتها
ع
اناديها عمتيه

يتراوالي محد يستاهل كلمة الام غير الام
ا
أم زوجي أصلاً هي مرت خالي
بس لما تزوجت ولدها صرت أناديها خالتي
مع أني أحياناً أناديها مرت خالي ههههه توني ما آخذت على الجو
d
انا اناديها خالتي
ا
امـــي
ف
انا عن نفسي اناديها عمتي

انا اتمنى انا ديها امي لكن ما اعتقد ان افيه احد يستاهل هذا الاسم غير امي الله يرحمها ويغفرلها وللجميع المسلمين((امين ))
*
انا بصراحه يابنات كلامي من كلام الاخت طولون

مافي احد في الدنيا كان من يكوون يستاهل اقوولو امي

لكن انا ام زوجي جداااااااااااااااااااااا طيبه لكن مااحب احد يشاارك امي في لقبها

وانا انا ديها عمة فلانه
d
اناديها عمتي بس والله احس انها مثل امي وهي فعلا عزيزه وغاليه علي لانها طيبه معاي بكل ماتعنيه الكلمه وفي نفس الوقت احب اقول امي الا لامي انا بس والله يخليهم لي الثنتين آآآآآآآآآآآآآآآآآآآآآآآآآآآآآآمين
غ
اناديها عمتي وهي الي بنفسها طلبت مني كذا
r
يا عمه
ا
وانا اناديها خالتي

وبصراحه تستاهل اناديها بكلمة امي بس استحي اغير من خالتي لي امي

والله يخليلكم امهاتكم وامهات ريايلكم ولا يحرمكم منهم
أ
أناديها عموووووو
ت
عمتي لانها هي اصلا اخت ابوي
ق
عمتي طبعا بس صراحه هي مثل امي
l
انا اناديها عمه لانها مرة عمي قبل ماتكون ام زوجي
ا
انا اناديها يما لان اصلاً هي حرمه كبرة واكبر عن امي واحتراماً لها اناديها جذي
م
انا اسميها امي من ايام الملكه
وامي مايضايقها هذا الشي بالعكس
تستانس اني اناديها امي
a
انا ديها يمه ..وبين الناس اسميها أم خالد على اسم زوجي
X