بنات أنا وايد خايفة أرجوكم تعالوا قولوا لي رايكم

السلام عليكم ورحمة الله وبركاته


أمهات وحوامل منتدى عروس،

بقول لكم شنو صار معاي وأتمنى تعطوني رايكم :sad:

قبل 15 يوم سويت تحليل للسكر وكانت النتيجة

أول قراءة وهي تكون وأنا صايمة = 80

والقراءة الثانية بعد ما شربوني العصير إللي مليان سكر = 220

والقراءة الثالثة وهي بعد ساعة من تناول المشروب = 154

والقراءة الثالثة والأخيرة = 120

إللي عملت التحليل قالت لي الحمدلله النتيجة زينة.. بس لما دخلت على الدكتورة

قالت شنو هالنتيجة، السكر وايد مرتفع عندج خلاص من اليوم تسوين ريجيم

تبتعدين عن الحلويات والسكريات والعصاير الغير طبيعية.. وما تاكلين الفواكه

اللي تحتوي على سكر مثل الموز والعنب والمانجا.. وبصراحة وايد خرعتني :sad:

قالت لي الدكتورة بعد 15 يوم اعملي التحليل مرة ثانية.. وبصراحة أنا في هالفترة

قطعت الحلويات نهائيا والفواكه مثل ما قالت ابتعدت عن الموز والعنب والمانجا..

وما صرت أكل ايس كريم بس قبل كنت أكل وايد والعصاير ما صرت أشرب

إلاعصير برتقال طبيعي.. لكن أنصدمت بالنتيجة اليوم..

أول قراءة قبل ما تشربني العصير كانت 97

وثاني قراءة كانت 221

والثالثة 163

والأخيرة 109

يعني تقريبا زي قبل :sad: يعني بعد بتقول لي الدكتورة السكر مرتفع وبتهزئني

بس أنا ما أكل سكريات وابتعدت عن العصاير والأيس كريم والحلويات..

هل صحيح أن النتيجة عالية؟؟ وهل معناه إني مصابة بسكر الحمل؟؟

طيب شاسوي علشان السكر ينزل ؟؟ والله وايد خايفة.. :confused:


أرجوكم لا تكسرون بخاطري وردوا علي :sad:

والله يجزيكم كل خير