انا خلاص انهرت

:shy: بصراحه ماقدر اجيب بيبي الحين لان هو دائم بعيد وانا في ديره غير اهلي عشان شغلي يعني صعبه وين احطه وانا اشتغل من 7 الصبح الى 4 العصر و من 4 العصر الى 8 الليل اروح الجامعه عشان دروسي
و مااقدر اهد الجامعه لان خلاص انشاء الله اخر ترم واتخرج ماجستير حرام يعني مرره
بس انشاء الله اول مااتخرج على طول اجيب:shy: :shy: :shy:

ابصراحه البنات ما خلوا شي ما شاء الله عليهم كفوا ووفوا

والله يهدي زوجك وينسى في هذي وتكون سحابة صيف في علاقتكم وتكون ذكرى ومن الماضي

والله يوفقج ان شاء الله في دارستج وشغلج واهم شي في حياتج الزوجيه ويرجع لك زوجك

وتتهنون وتخلفوا صبيان وبنات ..

وهذ باقة ورد حمراء وان شاء الله تكون كل ايامج حمراء ورومنسية

تسلمي حبيبتي مرره خجلتيني , تسلمو صبايا وشكرا رفعتو معنوياتي و هديتوني شكرا والله اعجز عن شكركم
تسلمو الله لايحرمني منكم
شكرا حبيبتي على الورد من طيب اصلج : )

يا بعد عمري الله يسهل عليج ويسر امورج ولا يبعدج عن زوجج يااارب
البنات ما قصرو وانا اقول خليج على رايج وموقفج لا تسمحين له انه يطلقج وقوليله حياتي معاك اتريحني واتخليني سعيدة وانا ما تحلطمت عليك وقلت مو عاجبني شي انا ابيك انت زوجي وغيرك لاء وحلوة فكرة ام سعيدة ييبي اعيال وربيهم بس لا اتخلين عن زوجج

والله يهنيج يارب

يا الله يا حبيبتى

مفيش مشاكل ولا حاجة انا من راى انك تحملى من جوزك فى اقرب فرصة ان شاء الله

وكمان اما انتى تروحى تعيشى معاة هناك فى البلد التانى او هو يشوف شغل فى اللبد اللى انتى فيها

وربنا يوفقكم وما يبعدكم عن بعض

:sad: حبيبتي حبيبه خطيبها
مو هاي المشكله !! زوجي شغله يتنقل يعني كل اسبوع او اسبوعين في بلد وهذا الي مبهدلنا احنا !! و طبيعه شغله ان في البلد الي يشتغل فيها يكون في منشئات بعيده عن المدن الرئيسيه !! ماقدر يعني !! ومستحيل يستقر في بلد قبل 5 سنوات وصعب احمل وانا في مكان لوحدي و شغل ودراسه , مااقدر الحمل فكره مرره صعبه
عموما انا ارسلت اله الصباح اليوم ايميل :(
رد علي ان هو يحبني بس هو يفكر على المدى البعيد و انا استاهل اعيش حياه مستقره و هو مايقدر يأمن هذا الشي الي ولا يقدر يوعد فيه شغله و طبيعه شغله مايقدر يتنبأ فيها !! وقال ان لانه يحبني يتمنى الاحسن الي و يتمنى يشوفني سعيده و هو مايتحمل فكره انه هو السبب في لخبطه حياتي و خرابيط خرابيط من هذا النوع !!
صراحه انرفع ضغطي وارسلت اله مو انت الي تقرر هذا القرار لوحدك انا الي نص القرار و انا قلت لا وماابي اسمع هالكلام مره ثانيه و لو صار شي منا لي انت تقوله انا مرح الومك رح الوم نفسي انت عطيتني الخيار وبليز لاتفكر في عقلك بس ترى عواطفك وقلبك الهم حق عليك
و قلت اله انت طول الاسبوع الي فات قلبت حياتي فوق تحت لارحت الشغل ولاالجامعه و علي الاسبوع الجاي اختبارات و ماجهزت نفسي وانا ماادري ليش انت تبي تنكد علي وعلى نفسك
وقلت اله رسلت الك بدلتين جدد للشغل و بنطلون جينز بعد يومين يوصلوك
وانا ارسلت اله بدليتين و بنطلون جينز و السي دي الي فيه الصور و عطر و رساله و بيجامه حلوه مع شنطه صغيره فيها اغراض حلاقه مال السفر و عطر وافتر شيف وماادري ايش ارح يصير

الله يخليكم لبعض ولا يفرق بينكم ابد يااارب

انتي سوي الفكرة اللي في بالج وراح يستانس وايد وهذي الفكرة ياته من ضغوط العمل ولانه اشتاق لج وايد .. بس ليش ماتروحين معاه ؟

سلامة قلبك يالغالية
والله عورتي قلبي .. شكلك انتي وريلج بعدكم صغار بالعمر ...
الغالية ليش ماتتناقشين معاه وتقنعينه انك تسافرين معاه؟
اذا سفراته تطول اشهر .. اعتقد ان الزوجة تتبع زوجها وين ماراح
حتى هو تركيزه على شغله بيكون اكثر ونفسيته مرتاحة اكثر طالما عنده احد فالبيت يوم يرجع يهتم فيه وفي طلباته ...
وفعلا موقف اهلج جدا غريب .. يعني احسن بالنسبة لهم ترجع البنت للبيت بعد الزواج...
خبرينا شو يستوي معاج وربي يسهل لج اموورج

انتى عندك كم سنة ؟؟ وهو عندة كم سنة ؟؟

وادامك كم سنة لتخلصى دراستك ؟؟

انا 25 وهو 28
وانا باقي كم شهر و اخلص

الله يردكم لبعض ان شاء الله وييسر اموركم ويهدي بالكم بس اختي هو ماكان يعرف انه شغله كذه وان الي بتاخذه بتصير حياتها كذه اليش مابعد ماتم الزواج جاي يقول هالكلام الله يهديه ويردكم لبعض يارب

تحياتي

هلا حبيبتي
لا هو اول ماخطبنا كان شغله عادي بس بعدين اثبت نفسه وجته فرصه فحرام يضيعها كان و انا واهلي مرره شجعناه
ماكنا حاسبين ان الموضوع بيصير جذي , و في بدايه الموضوع كان يروح 3 شهور ويجي اسبووع اجازه بس كل مايمر الوقت يزيد
بس انا راضيه والله و هو يحب شغله وادري ان هالتعب كلها بعده راحه

انا من راي الاخت

ام سعيدة

هوى داري


وحابة اضيف انه تمسكي في زوجك وهو اصلا بسافر وبضحي علشانك ويستاهل التضحية منك وانتم ليسه صغار والعمر قدامكم مالكم الا سنة ونص متزوجين والحياة في اولها دااااااايما صعبة وتحتاج تضحيات علشان ترتاحوا بعدين ... كل ايلي اعرفهم تغربوا وسافروا صاروا مدراء مؤسسات وشركات وحياتهم فوق الريح .. مثلا خالتي اخت امي زوجها في العين وهي في الضفة الغربية تشوفه بس اسبوعين طول السنة في اجازات المدارس وهي تهتم باولادها وترعاهم وهو ما شاء الله موفر لهم احسن عيشة وابنها الكبير في الجامعة عمره 22 سنة.... وتمووووووووت على زوجها وتقعد معاه على الشات

والزوج الصالح نعمة والطلاق مو لعبة وهو ابغض الحلال...

واهلك مالهم اذا انت مرتاحة وراضية ما حد يفيدك لما تصيري مطلقة والناس ما بترحم ورح تتكلم

يالغاليه لما تسكتين ومثل ما تقولين تطنشين وماتردين مب الحل

انتي لو نفكرين فيها صعبه انج ما تشوفينه الا ايام بس
وانتي تحسين انه صعب انج تطلقين منه
يالغاليه سؤالين
1- ليش ما سالتو عن طبيعه عمله اذا اوكى ولا لا ؟؟

2- هل تقدرين تروحين معاه لو مب كل السفرات بس على الاقل في كم سفره تروحين جذي تكونين اقرب

كلميه انتي وقولي له انا احبك ومستحيل اعيش بدونك....ومن هالكلام الحلو
ولا تستكتين وكلمي اهلج والله حرام ما يسوى عليهم هاللي سويتيه هههههههههههه
وطمنينا عنج

حبيبتى انتى لسة صغيرة وهو كمان لسة صغير

يعنى لما تستنوا وتاجلوا موضوع الاطفال شوية مش مشكلة

يعنى انا من راى انك تصبرية وتفهميه انك مش تعبانة وانها كلها 5 سنين وربنا يجمعكم على خير على طوول وتبقوا ليل نهار فى حضن بعض:shy:

ربنا يهيدكم لبعض ويقرب المسافات بينكم:salam:

[mark=FFFF99]شكرا حبيباتي :)
الحمدلله امس كلمني و بعد عمري قال ان ضغوط العمل وان قصده كان بس مصلحتي وانه يحبني و انه يبيني بس كان يبي يبين الي الموقف ومايبيبني بعدين الومه
قلت اله اني اموت فيه و بيجي يوم بنصير مع بعض يعني اكيد !! استانس و قالي انه اشترى تذكره اله اروح الاسبوع الجاي اله وقال انه اخذ 3 ايان اجازه عشان يقضيهم معي ومررررررره مستانسه
ويااااااااااااااارب يبعد الوسواس عنه دائم و شكرا حبيباتي على مواساتكم و شكرا اكثر على وقوفكم بجنبي مررررررررررره شكرا [/mark]

تستاهلين يا الروح الجميله

الله يوفقك عزيزتي


وطمنينا عليك دوم



سفيرة فوق العاده

شكرا للكل مرره شكرا

الله يهديه ويهديج وريح بالكم وان شاء الله يصير خير والبنات ما قصروا

الحمدلله ها الخبر اسعدني وااااايد

وتستاهلين اختي كل خير