الجــزء ال22 من تجهيـزات عرايس قطـــــ2006-2007ــــر

مبروووووووووووكين على هالجزء وقواكم الله بنات بلادي

احممم

بنت الغالي حبيبتي
مشكوورة على ردج في الجزء السابق

شوفي الركن الفرنسي الي في المرخيه عندهم كيك طعمممممممه لذيذ وديزاينات راقيه ...احلى ديزاين عجبني ديزاين النااافوره ...واول امس فخطوبة ولد عمتي الكيكه كانت حلوه بسألهم من وين واقوولج

وانتظر منج الرد عقب ما تسالينهم

دلوعة زوجي 2007:
تسلمين حبيبتي على هالمجهود الحلو

والله يعطيج العافيه ان شاء الله

انا من ضمن عرايس هالسنه بس اول ما نحدد الوقت واكد ان شاء الله باعطيج خبر ..

الله يسلمج حبيــبتي .... وانشالله ننتظر الموعــد :shy:

تفاحه قطر:
مبرووووووووووووك عليكم

الجزء الجديد

وناااااااسه اسمي موجووود


انزين بنات محد رد علي


يمنع السؤال عن الدي جي
ودزووولي ارقامهم بلييييييييييز

هلا بالغلاااا ....وناسه ها ؟؟ انطري خل يقرب الموعد اما خرعتج >>> شريره ههههههه

فديتج شيكي الخاصــ

تايم آوت:
مبروك الجزء الجديد بنات

والله يوفق كل العرايس الحلوين

وعقبال مانفرح فيج يابنوته:)

تسلميـــــــــن ياتايمووو ....... ابي احط اسمج فاللسته:angry:

غالية ياقطر:
مبروك عليكم الجزء الـــــــــــ 22

والله يتمم حق البنات كلهم على خير انشالله ويوفق الباقي

تسلمين يابنت الغالي والله يعطيج العافيه

تايم آوت
شيكي الخاص

تسلمييييييين غاليتنا عالدعاوي الحلوه .......وثانكس انج طرشتي الرقم لتاايم اوت :shy:

دلوعه قطريه:
غلاوي

سوسو تقصد ماحطيتي الويه المستحي عند ويهها

مادري منو سئل عن الديجي

عندج اميره والسعر حسب القاعه بس اقل شي 1200

بس شغلها حلوو فنانه

قمة التفهــــــي فيني !! هههه اي توني مستوعبه جملتها وحطيتلها ابتسااامه مادري شلون سقطت سهوا ...

twonty:
السلام عليكم ورحمه الله وبركاته
هذى اول مشاركه لى معاك اتمنى تقبلوني معاكم
ومبروك الجزء ال22 جاي مع المطر ان شاء الله كله خير وبركه مثل الاجزاء اللى قبلها
وتحيه خاصه كلها حب وتقدير واحترام للغاليه بنت الغالي
على المجهود اللى تبذله
وتحيه ثانيه وخاصه بعد للعرايس والبنات اللى يمدونا بافكارهم وتجاربهم

عليكم السلام ورحمة الله وبركاتــهــ

انشالله ماتكوون اخر مشاركه ... :shy: :shy: وتسلمين عالكلام الطيب مب غريب على بنت بلادي ..ويشرفنا وجودج

RoO7 QtR:

.
.

ماشاءالله في مجموعة بنات مابقى شي على اعراسهم الله يوفقهم ياربـ ..

مبـروووك الجزء الجديــد وعساكم دوم بافراح يا بنات قطر والفال للبنوتات ياربـ ..

الله يعطيج العافيه بنووتة الغاليـ .. :shy:

.
.

اي فديتهم ماباقي شي ونخرعهم :shy: :shy: .... ربي يوفقهم ويسهل امورهم والفال لج يااااارب

qatar123:
مبروووووووووووكين على هالجزء وقواكم الله بنات بلادي

احممم

بنت الغالي حبيبتي
مشكوورة على ردج في الجزء السابق



وانتظر منج الرد عقب ما تسالينهم

سألتهم حبيبتي ......الكيكه كانت من ايلي فرانــــــــس :shy:

تدرووون


توني متذكره وحده من ربعي


عرسهاا 20\12

يوم الاربعااء


وانا مضيعه ولا جهزت شي امبيه


ليكون هي عيون المها والا نور الدوحه

هع هع


تسلمين حووووبي بنت الغالي على الرقم

بالمبارك عليكم الحيا + الجزء الجديد من الموضوع ^^

*
*

الغالية بنت الغالي :: اهئ اهئ .. تاريخ عرسي .. و الله عرست في 7 مب ستة .. فرق شهر واايد ^^

عرسي 26/7 / 2006

*
*

نور الدوحة :: اخذي عباية راس و حطيها على الطرحة .. و تحملي تحملي تشيلين طرحتج .. باعصب عليج هههه
لبسي العباية و نزليها على ويهج .. و خلي وحدة من خواتج أو خواته .. تطلع وياج و ترفع لج ذيل الفستان .. و خلصنا على جذي .. ^^

*
*

بارجع اقرا الردود اللي فاتتني .. و بارد إذا عندي رد :)

بنت الغالي

أقول لاحد يخرعني مب ناقصه تخرع انا :sad: واللي يخرعني بيجي يوم بنخرعه :shy:

بغيت رقم ام نعيم واللي يسلمكم

وانا عرسي 28/2/2007 وادعولي ان الله يوفقني ويبعد عني عيون العدو قولوا اميـــــن

عرسي بنهاية شهر واحد:)
اكيد سقط سهوا:)

حطوه في اللستة على انه بنهاية شهر واحد:)

ومبروووووك عليكم الجزء 22
ويعطيج العافية بنت الغالي والله انه جهد تشكرين عليه
حتى لو يسقط اسمي سهوا من اللستة
هههه



نور الدوحة
بالنسبة للعباية عشان تنقلج ليلة العرس
في عباية راس يسمونها ( هوى بيروت) تحصلينها في محل الاميرات للعبايات القدييييم واللي موجود في سوق واقف القديم.
وهالعباية ميزتها انها خفيفة وماتعفس الطرحة ولا الشعر اذا حطيتها على راسج
وفي منها انواع ودرجات في الثقل في شي منها خفيفة واااااايد لدرجة انها تشف بس انتي قولي له ابي اثقل وشوفي اللي يناسبج.
بسألكم بنات:)
وين احصل تاج حلو للطرحة؟؟؟
وكم أسعارهم؟
وهل في مكان يأجر تيجان لان وحده قالت لي التيجان غاااااالييييييية



ولا تنسون تنورون مشاركتي الأولى
http://www.3roos.com/forums/showthread.php?t=219040
مع انه مايصلح الا للآنسات
بس ردودكم بتسعدني:)

just 4 him:
عرسي بنهاية شهر واحد:)
اكيد سقط سهوا:)

حطوه في اللستة على انه بنهاية شهر واحد:)

ومبروووووك عليكم الجزء 22
ويعطيج العافية بنت الغالي والله انه جهد تشكرين عليه
حتى لو يسقط اسمي سهوا من اللستة
هههه

)

:angry: :angry: سوري حبيبتي العتب عالمخ ههههههههه يللا نزلت اللسته المعدلـــه :shy:

دوحانية:
*

الغالية بنت الغالي :: اهئ اهئ .. تاريخ عرسي .. و الله عرست في 7 مب ستة .. فرق شهر واايد ^^

عرسي 26/7 / 2006
:)

ويه اسم الله علي صج حالتي صعبه !! نزلت اللسته الي مب معدله ........ يللا عدلتها :shy:

فديتني دلوعه:
وانا عرسي 28/2/2007 وادعولي ان الله يوفقني ويبعد عني عيون العدو قولوا اميـــــن

هلا وغلا ضفتج للسته...ماشالله عرسج مع عرس الغاليه (فديته واللــه ) عرس ازدواجي ثالث ... ربي يوفقج ويسهل امورج واحنا في الشوفــه

خواتي اللي متابعين معاي الدورة اللي طارحتها << د. دوحانية هههه

تلحق على الإضافة الجديدة .. تراها شي ::

|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

*
*
*

:)

نبدا بالردود .. و اسمحوا لي جات متأخرة شوي ..

**

عروس الدوحة :: وينج يالقاطعة ؟ مبروك الحمل و الله يعطيج الصحة و العافية :)
تسلمين فديتج ما تقصرين ..

*
*

فراشتنا :: شفتي محد فاهمج غيري << صدقت عمرها .. اشدراني انا اي بشارة خخخ

*
*

شمعة جلاس قطر :: يا رب يهنيج .. و يطلع عرسج أحلى من اللي تبينه .. و يوفقج في حياتج و يسخر لج قلب ريلج << أهم شي .. :)

و لا تتوترين .. ترى كلها ليلة بتكون من أحلى الليالي بإذن الله .. و بتمر .. لا تحاتين و عليج بالأذكار و سورة البقرة يوم العرس .. حتى لو ماقريتيها كلها أهم شي تقرين .. و يارب تطلعين قمر .. << تحس إنها أمج ^^

*
*

مدار قطر :: بالنسبة لشنطة الفندق .. إذا تقصدين اللي بتودينه معاج يوم العرس : الفستان بطرحته + الجيبون / سجادة الصلاة / كتيب أذكار و إذا عندج شي للرقية الشرعية يكون أحسن تقعدين تقرين فيه لحد ما تجهزين / قرآن / شامبو / صابون / فوطة / روب / الملابس الداخلية / المشد / العطر و البودرة و الكريم / المدخن / العود و البخور / دهن العود / إكسسوارات شعرج إذا عندج أو التاج / الجوتي / بودي بدون حمالات مع بنطلون أو تنورة / البودي سبراي / عباية رفع لا تنسينها / مناكير / ولاعة فحم / الذهب و الساعة / فرشاة الأسنان و المعجون / معطر للفم ..

إذا تقصدين للمبيت في الفندق :
مزيل المناكير / مشط أو مشاطة / كليب للشعر / مشابيص / قمصان النوم على عدد الليالي ( مال أول ليلة و 2 زيادة ) / ميك آب / عطوراتج / مدخن و ولاعة فحم / بخور وعود ( ممكن تكتفين بالعطورات ) / بدلة الصبح / سشوار / سبراي أو جل أو موس / كير فري / ملابس داخلية / فوط / عبايتج وشيلتج / صندل / إكسسواراتج أو ذهبج / معطر الفم ..

هذا اللي أتذكره و أعرفه .. و السموحة إذا في قصور :)

*
*

نور الدوحة :: باصيح اهئ اهئ بنت طنط بتعرس ههههه مرحلة البرود شي طبيعي كأن العرس مب لج ههههههههه
لا فديتج لا تتوترين و لا تحاتين .. أنتي أكدي حجوزاتج كلللللللها .. و أكدي على فلوسج و شوفي عرابينج اللي يبي له تدفعين له باقي قبل العرس جهزي المبلغ و اللي بعد العرس احفظيه مع الفواتير لا تنسين .. و يااااااااااارب يطلع عرس بنت طنط أحلى عرس في العالم :)

و بخصوص ويهج لا تحاتين بتطلع لج حبوب عقب خخخخ اسم الله عليج .. استمري على ماسك البرتقال و الروب و العسل .. و إن شاء الله يورد ويهج و يطلع أحلى من الوردة نفسها ..

*
*

قطر ون تو ثري ^^ :: للكيكات عندج إلي فرانس ..

امممم اطلبيها قبل بأسبوعين أو اتصلي لهم و سأليهم ..

*
*

غالية يا قطر :: لا تحتارين بخصوص الحلاوة .. اللي متعودة عليها حفي بها للعرس ..

*
*
*

اي صج بنات .. اللي يستخدمون حمام زيت معين يحطونه يوم العرس الصبح و يخلونه لين قبل ما تجي الكوافيرا بشوي يغسلون شعورهم .. زين و عشان شعورهم تطلع حلوة و فيها لمعة و لبيبة على قولة أمي خخخ

بنااات

كلمت اميره حق الديجي


قالت لي 2000 اذا حق الزفه بس

تشوفووون السعر معقوول والا مبالغ

لاني احسه واجد

تفاحة قطر


احسه وايد بصراحة


انا بعد كلمتها قالت لي دي جي العرس بس الزفة 2000 ريال


واذا العرس كامل 3000 ريال


احس وايد مبالغة بالسعر

دوحانية:

نور الدوحة :: باصيح اهئ اهئ بنت طنط بتعرس ههههه مرحلة البرود شي طبيعي كأن العرس مب لج ههههههههه
لا فديتج لا تتوترين و لا تحاتين .. أنتي أكدي حجوزاتج كلللللللها .. و أكدي على فلوسج و شوفي عرابينج اللي يبي له تدفعين له باقي قبل العرس جهزي المبلغ و اللي بعد العرس احفظيه مع الفواتير لا تنسين .. و يااااااااااارب يطلع عرس بنت طنط أحلى عرس في العالم :)

و بخصوص ويهج لا تحاتين بتطلع لج حبوب عقب خخخخ اسم الله عليج .. استمري على ماسك البرتقال و الروب و العسل .. و إن شاء الله يورد ويهج و يطلع أحلى من الوردة نفسها ..

*


اي صج بنات .. اللي يستخدمون حمام زيت معين يحطونه يوم العرس الصبح و يخلونه لين قبل ما تجي الكوافيرا بشوي يغسلون شعورهم .. زين و عشان شعورهم تطلع حلوة و فيها لمعة و لبيبة على قولة أمي خخخ

:dd: :dd: :dd:

فدييييييييييت الرد ورااااااااااعية الرد والله

والله ضحكت من قلب
صج صج صج احللى رد ونسني ونساني هموم الدنيا <<<<<<<<<<< شدعوه :gum:

ولا يهمج باسوي كل شي قلتيه كلمة كلمة ويارب يطلع العرس فلة :shy: وتطلعين انتي نجمة الحفلة :shy:

وبخصوص حمام الزيت فكرة والله ... بس عادي مايخرب الشعر اذا تم مدة طويلة ؟ :gum:
ان شاء الله ننفذ النصيحه دام انها من وصايا طنط اللبيبة :bigsmile:

أما نجمة الحفل خخخخخ اشدعوة نوااارة ليكون باغني في عرسج و انا مادري .. صج ضحكت من قلب ..

اي ليش ما أصير نجمة الحفل .. توني عرووس ^_^ بس عاد لين الحين مافكرت شبالبس << قصة حياتها ههههه

بخصوص حمام الزيت .. حطي قبل لا تروحين القاعة بـساعتين بيكفون انا سويت جذي .. لكن اغسليه عدل .. عشان ما يلبد الشعر .. و إذا تخافين تغامرين .. سوي حمام زيت قبل العرس بيوم .. و نهار العرس اغسلي شعرج عادي .. و بالهنا و الشفا خخخخ

*
*

تفاحة و شظايا الماضي ..

اممم 3000 زينة .. لأن أميرة مضمونة إن شاء الله .. بس على راحتكم ..

شوفوا المنى .. أرخص على ما أظن :)

مبروك بنات الجزء اليديد
والله يزيد ويبارك

qatar123

عندج للكيك عن تجربه أوبرا والبتيل الكيك عندهم وايد حلو
وعندهم افكار حلوه

تفاحه قطر لايما انا شفت اللسته قبل التعديل وكانت ب 2006 وبعدين بنت الغالي عدلتها

بالنسبه للديجي وايد 2000 اذا بتشغلج الزفه بس انا جبت منى وكان شغلها حلو والصوت واضح وهي بنفسها حضرت العرس

واشرفت على السماعات والصوت وكل ذي ب 1000 ريال حتى انها تشغل موسيقى قبل الطق وحتى اتفقت ويها تشغلي اغنيه بعد الزفه واغنيه تزف فيها المعرس

بنات ايش الفرق بين البدي لوشن والملك كريم؟؟؟