الـقـريه العالميه

غـنـاة الـروح 15-12-2006 144 رد 5,160 مشاهدة
3
مرحبا عزيزتي غلا ليوا..

هيه االقريه فاتحه فالعيد..

بس زحــــــــــــــــــمه.. ماراح تستمعين لو سرتي..

ربيعتي سارت هيه وريلها .. تقولي مارامو يكملوون ساعه هناك ..

تريي ما بقا غير يومين و سيري ..


تحياتي ..
عسوله و بس
ع
اممممممممممممممم

ماشي يديد ^.^
ب
مافي احد راااح؟؟
كل عام وانتن بخير ان شاء الله:)
l
هلا الغاليات

سرت القريه ..مافيها شي مميز ,, بس استانست وغيرت جووو :)
U
السلام عليكم
أنا أمس سرت القرية الصراحة واييييد روعة بس وااااايد زحمة ( هنود الإمارات كلهم هناك) بس الصراحة وااايد استانسنا واشترينا شغلات حلوة والأسعار بعد وايد معقولة بس القرية الكويتية أسعارها غالية شوي!!!!
اشتريت جلابيات من المصرية، الجلابية على ثلاثين درهم منزلين موديلات حلوة وألوان يديدة...
اشتريت مفارش حق الطاولات من الهندية، المفرش على أربعين درهم (كاسرته طبعا كان على سبعين)
لاحظت هالسنة انج يوم تكاسرينهم ينزلون ويوم تقولين خلاص مابا ينادونج ويعطونج سعر حلو لكن السنة اللي طافت كانو بطرانين وما ينزلون السعر :)
شو بعد.... هيه الصينية فيها شغلات حلوة ورخيصة عندهم شنط حلوة وغريبة.....
الفلسطينية فيها وحدة عند الباب تبيع أجبان ومكدوس وهالسوالف بس وااااايد لذيذ، خذت من عندها لبنة بالنعناع بس شو عذاب،،، بعشرين درهم :)
....... الكويتية فيها مواعين وقوالب مال الكيك اللي تكون شفافة تحطين فيها الكيك والبسكوت وهالسوالف .... عيبتني :)

.... اذا تذكرت شي بخبركم انشالله......
ب
ماشاءالله عليج اختي ام حمد رحتي
بس نسيت انج تصورين لنا الاغراض ولاعليج امر
ياليت تورينا شو اشتريتي :)
ومبروك عليج المشتريات
م
أنا ما رحت السنةبس ناوية أروح كم مرة عشن أخلص على كل القرى

أحلى شيء عندي في القرية الأكلات الشعبية مثل الأجبان الشامية وامكسرات الإيرانية

وعندي لكم نصايح عشان تكون زيارتكم للقرية ممتعة ومريحة:

--- أهم شيء البسي جوتي رياضة ---
--- البسي عباية مسكرة ---
--- البسي أمطة عشان تاخذين راحتج في الأكل واللعب ---
--- البسي ثياب غليظة وأهم شيء تلبسين بنطلون تحت العباية المسكرة خاصة إذا بتروحين الألعاب ---
--- اشحني الموبايل وعبيه رصيد ---
--- خذي كاميرا ولا تنسين تشحنينها ---
--- خذي معاج كاش عشان ما تضيعين وقت اتدورين مكينة سحب ---
--- خذي مظلة ---
--- توضئي قبل ماتروحين عشان ماتضيعين وقت في الحمامات ---
--- إذا وياكم أطفال لا تنسون اتحطولهم بطاقة الأطفال عند مداخل القرية عشان تكتبون فيها رقم موبايلكم ---

والله يحفظ عيالنا وعيالكم واتمنى لكم تسوق ممتع

وإذا عندكم نصايح ثانية أفيدونا
ا
السلام عليكم
وكل عام وانت بخير
بما ان موضوعكم عن القريه
يعني الي جذبني
القريه اللبنانيه محل شيل ترسم عليه وحده روسيه واذا عندج فكره ممكن اتسويلج اياها والاسعار غاليه اشوي
وفي محل اسمه لبنان يبيع اكسسوارات ويايب تنانير جلد وعليهم شغل كريستال غريب اشوي ينفع للسهرات وتقريبا السعر 600بس شي مميز
وعنكم طبعا الاكلات المعروفه مثل الزعتر واللبنه مجرب ولذيذ:ok:
القريه الكويتيه يوم رحتها كانت عندهم ملابس الستوكات مال السنه الي طافت ماادري اذا نزلو شي يديد(n)
يعني ماعيبتني وايد
عندكم القريه التايلنديه
عندهم روبيان على طريقتهم الخاصه وايد لذيذ ويحطون معاه صوص سبايسي
و عندهم من الفواكه الغريبه بطيخ لكن اصفر مب احمر بعد وايد حلو
وفي محل اكسسوارات للكبار والصغار ماركات واشياءه حلوه:shy:
والقريه السعوديه كلها عطورات
واخيرا القريه القطريه:clap:
عجبني على جهة اليسار محل سويت بقلاوه وغيره
وفي محل ميكب ماركه فرنسيه مكياجهم حلو وجربت من عندهم كمن شي اسمه clio انصحكم تزورونا للي يحبون الاشياء المميزه.
وبحاول امر على باقي القريات وبعطيكم ملخصات
والسموحه:shy:
ر
البارحه سرت القريه ويا خواتي


واااااااااااااااااااااااااااااااااااايد كانت زحمه حشاااا

ماتم هندي في الامارات كلهم في القريه

اختي تشرت وايد اغراض حق عيالها...


وانا اشتريت للوالده طقم دلال ويا فنايل واستكانات من القريه السعوديه

وشريت لي قميص طويل من القريه الكويتيه ,,,,,,,,,, بدلهم وااااايد مكرره ومال السنوات اللي طافت ووايد غاليه بعد..

ومكسرات مال القريه الايرانيه

وبعد خذت دي في دي مسرحية طارق العلي اليديده عائلة قرقيعااااااااااان:)

وبعد اشياء وايد وناسيه

وان شاء الله اصوور لكم
أ
مرحبا خواتي الصراحه موضوع حلوو ومفيد وايد

ومشكووره اختي ع الموضوع

وانا ليين اللحيين ماسرت القريه

وكتبت كل الاشياء ف نوته عشان يوم اسير

بس عندي كمن سؤوال

متى اخر يووم للقريه؟؟؟

ومتى ايام العائلات؟

ومتى المختلط؟

ومتى للحريم بس؟

ووين اقدر القى الزعتر اللي يكوون منظف وورق؟؟

ووين اقدر القى اشياء للبيبي يعني مثل خش الياهل وفراش ولبس ومن ها الامور؟؟

ووين اقدر القى لي جلاليب دانتيل خفيف لبعد الولاده؟

وتسلموون خواتي ويزاكم الله الف خير
م
هلا بنات

انا سرت القرية قبل العيد بيومين تقريبا بتاريخ 27/12/2006

اولا الدخول ب5 دراهم ما ادري السنة اليايه بكم بيكون؟

القريات ما زاد عليهم شي نفس كل سنة

القرية اللبنانية عندهم محلات للاكسسورات بس غالية الصراحة يعني سلسلة في شوية احجار ب300 درهم

بس في محل عيبني انه يسوي احزمه وفي الحزام حلقات بالكريستال نفس التراجي على اسمج والحرف ب100 ...اذا اسمج طويل ما انصج تسوينه انا اختي اسمها من 4 حروف ب400

وبعد عندهم ثريات حلوه انشاءلله اذا ملجت وشفت بيت الزوجية شو يحتاج بسير اخذلي وحده لانها في خاطري

القرية الهندية وااايد غالية ها السنة خذت شال ب100 بس خفيف كنت ابا شال مشغول بالشغل الكشميري قالي ب300

القرية التايلندية خذتلي نعول للبيت بس حلوه على 30 وعلى 20
وخذت بعد شنطة جينز على شكل موديل شنطة فندي ب100

هذيج السنة كنت اخذ القباضات "مال الشعر" على 5 ها السنة ب15 و20

القرية اليمينية ما دخلتها بس الوالدة دخلتها تشرى اغراضها المعتادة من حبة الحمراء وسوالف الاكل مال الطبخ

القرية القطرية عيبتني وحدة تبيع قمصان نوم حلو خذت 2 الواحد ب100
وقلت بسير اخر يوم يمكن تنزل من الاسعار وباخذ بعد 2

وعدالها بعد وحده تبيع سوالف مال الشعر شباصات وغيرها بس ما شي وقت المره اليايه بسير باخذلي

من القرية الصينية خذت قمصان نوم على 20 مب هاك الزود بس اشكالهم حلوه "والريايل ما يهمهم الماركة كثر الشكل"

في الصينية عندهم براويز حق البيت اشياء حلوه "ابغي املج قبل ما تخلص القرية عشان اخذ حق البيت "LO0O0OO0OL

That's all till now
ن
شكلهم كل سنة بيزيدون الاسعار

المفروض يحددون انه كل قرية ماتزيد اسعارها الدبل

مب على كيفهم
ب
أم حمدان:
مرحبا خواتي الصراحه موضوع حلوو ومفيد وايد

ومشكووره اختي ع الموضوع

وانا ليين اللحيين ماسرت القريه

وكتبت كل الاشياء ف نوته عشان يوم اسير

بس عندي كمن سؤوال

وتسلموون خواتي ويزاكم الله الف خير


بعدني ما رحت القرية بس حبيت اجاوب أم حمدان

متى اخر يووم للقريه؟؟؟

هم يفتحون القرية قبل المهرجان بأسبوع يعني آخر يوم بيكون بعد ما يخلص المهرجان بأسبوع بيكون يوم الجمعه 9/2/2007م

ومتى ايام العائلات؟

يوم الاثنين بس للعائلات

ومتى المختلط؟

باقي الايام كلها مختلط

ومتى للحريم بس؟

ما شي يوم مخصص للحريم السنة هذي

ووين اقدر القى الزعتر اللي يكوون منظف وورق؟؟

اتوقع في القرية اللبنانيه بس بعدني ما رحت وان شاء الله الخوات يفيدونج أكثر مني

ووين اقدر القى اشياء للبيبي يعني مثل خش الياهل وفراش ولبس ومن ها الامور؟؟

ما ادري يمكن في القرية الكويتية والا البحرينية

ووين اقدر القى لي جلاليب دانتيل خفيف لبعد الولاده؟

ما ادري

وربي يحفظج من كل شر ويعطيج العافية
ا
السلام عليكم بنات

اليوم العصر ان شاء بسير القريه وبوافيكم خلاف بالتقرير المفصل عن حاله السوق والبضائع بالقريه ،،، ونصيحه للأخوات انهم ما يسيرون القريه بايام الويك اند لأنهم بيضطرون يوقفون بالساعات بسيايرهم لين ما يدخلون وفوق هذا الخلق كلهم هناك ماشي نفس ،،،،، احسن شي الأيام العاديه

اشوفكم على خير ،،،،،،
أ
بنت__دبي:
بعدني ما رحت القرية بس حبيت اجاوب أم حمدان

متى اخر يووم للقريه؟؟؟

هم يفتحون القرية قبل المهرجان بأسبوع يعني آخر يوم بيكون بعد ما يخلص المهرجان بأسبوع بيكون يوم الجمعه 9/2/2007م

ومتى ايام العائلات؟

يوم الاثنين بس للعائلات

ومتى المختلط؟

باقي الايام كلها مختلط

ومتى للحريم بس؟

ما شي يوم مخصص للحريم السنة هذي

ووين اقدر القى الزعتر اللي يكوون منظف وورق؟؟

اتوقع في القرية اللبنانيه بس بعدني ما رحت وان شاء الله الخوات يفيدونج أكثر مني

ووين اقدر القى اشياء للبيبي يعني مثل خش الياهل وفراش ولبس ومن ها الامور؟؟

ما ادري يمكن في القرية الكويتية والا البحرينية

ووين اقدر القى لي جلاليب دانتيل خفيف لبعد الولاده؟

ما ادري

وربي يحفظج من كل شر ويعطيج العافية



مشكووره الغاليه بنت دبي ع الرد

وتسلميين

وان شاء الله اني اقدر اسير ف يوم من ايام العايلات ومايكوون زحمه
أ
السلام عليكم
حابة استعرض لكم تجربتي المريرة في القرية العالمية
طبعا أنا سافرت بالسيارة؟؟؟
صفينا السيارة في الباركنغ ودخلنا....
كل شي حلو؟؟؟
ولفينا ودرنا....
ولما جينا بنروح البيت ماحصلنا السيارة؟؟؟
قعدنا 3 ساعات في البرد
ولما بغينا تاكسي شفنا طابور فيه 200 شخص ينتظرون؟؟؟
قام زوجي خذنا ورحنا لين الجسر!!!!
بصراحة تذكرت الحج؟؟؟وجبل عرفة؟؟؟
وتبهدلنا السبع بهدلات...
وزوجي بعد ماوصلنا الشقة رجع يدور السيارة
ومارجع الشقة الا 4 الفجر!!!!!!
هذا اليوم الاول؟؟؟
واليوم الثاني مابغيت اروح بس ريلي أصر.....
طلعنا بدري و(صفينا السيارة قريب)!!!!
ويابلفيت عائلات ؟؟؟
تره العزوبية اكثر من العوايل<<<<<<<<<كذبوا علينا!!!
وزحمة كأنكم في الطواف<<<<<<<<<<<<بس بدون اجر"""""
وفي قرية من القرى....بنتي فلتت من يدي ثواني
وكنت باموت...بس في هالثواني لقينا<<<<<<<<<<<<<ردت لي الروح!!
وهذي القصة مع القرية المشؤمة
مع العلم ان ماعندهم شي مميز
بالعكس وايد غالي....ومستغلين...هالبياعين
أحسن شي....
تنظيم المكان وتوفير كل الاحتياجات من عربات وطعام..
والمطاعم....والكرك....!
وبالنسبة لاحسن القرى أعتقد الافريقية!!!!
لاني خذت منهم ديكورات للبيت ستايل جلود
تناسب على بيتي....غريب ومناسب السعر...
ش
هاااااااااايووووووو ،،،،


انا وربيعاتي قررنا نسير ان شاء الله اذا ربي أراد ويسر لنا والماما عطتني الاشااره الخضرااء برووح يوم الأثنين الياي بنص الاسبوع وخاصه الحين امتحانات وماشي زحمه ان شاء الله

لأنه بعد بسير انا وربيعااتي ،، وان شاء الله نستانس ،، وسوف نوافيكم بااااااالأخبااااااااار ا ن شاء الله ،،،

حيااااااااكن

بايو
ع
NEW X NEW

^.^
ر
دخيييييييييييييييييييييلكم تعرفووووووووون سرنا ثاني يوم العيد و تعرفوووووووون قبل امتحانات الثانوية و بايام العيييد الزحححححححححححححمه موووووووووووت


ابوي الله يهدييييييييييييييييييه مصمم يبا القرية...

تعرفووون من الساعه وحده في لليل ظاهرين وردينا البيت الساعه 7 الصبح...
ع
انا ابوي مصمم مايبا القرية العالميه ولا يبي طلعه لدبي
؟؟؟؟؟؟؟؟؟؟؟؟؟؟


الله يهدييييييييييييييييه
X