قــولي لي شو هوايـــاتج وابداااااعج. أقول لج شو البزنس اللي يناسبج.بميزانية منــاسبة

sharoo-e5

هلا فيج

ياليت تشرحيلي شوي اصحاب التسويق والادارة شو من اعمال يمارسونها لان معلوماتي عن هالتخصص شوي ناقصة فياليت تخبريني ببعض الامور اللي تسوونها . وسؤال ثاني عندج شي تحبينه او هواية او ميزة خاصة فيج ؟

وان شاء الله انتظر ردج ومن بعدها ارد عليج من عيووني .

*******************************************************************************************************

hamida

فكرتج جدا حلوة واكيد مربحة ومثمرة 100 بالمية انا من رأيي تطرحين موضوع بهالقسم مال واعمال عن بحثج لشريك

وانا ان شاء الله بشوف واكيد بسال اذا احد يحب يشاركج وصدقيني اذا لقيت والله ما بتردد وعلى طول ببعثلج خاص

والله يوفقج

طايره في السما

ممكن اعرف ميزانيتج ؟ وتبعثيلي من بعض الرسومات اللس سويتيها ؟

لان براسي كذا شغلة بس اريد احددها بأجوبتج .. هل زوجك يقبل انج تشتغلين ؟

انتظر ردج حبوبة وان شاء الله خير
********************************************************************************************************

==فراشه==
انا وحدة احب الكروشية على فكرة ... والفكرة حلوة بس ملاحظة صغيرة على كلامج

خليها تشتغل على الملابس الداخلية اول شي كم حبة وكل حبة موديل او اذا عندج شي يديد لج صوريه وحطية بركن التسوق مع اسعار معقووولة لشغل الكروشية

وخليها تسوي كروشية للاطفال مثل طاقية عن البرد لحديثي الولادة قفازات وشال على الطلب وحركات بنات ومن بعدها تتوسع قمصان وتنانير .

انا شارية لعيد الاضحى تنورة كروشية ب 255 درهم تخيلي .

والكروشية موضته على طول الواحد يقدر يلبسها يعني ما نقول قديم علية ... وممكن تسوقون كميات وتنزلون اسعار بالجملة للخارج .. اهم شي ركزوا على الاطفال حديثي الولادة والبنات ... ويكون شغلها نظيييف وزين
وتدخل الالوان حلوة ومتناسقة بالشغل يكون ملفت.
والله يوفقكم يا رب.

*********************************************************************************************************
حزينه

عطيني بياناتج حبوبة العمر والميزانية وشو دراستج واذا فية هوايات او شي مارستيه من قبل؟

ومن شخصيتج افضللها وايد ان تدخل بزنس شراكة مع احد ....

بس خلني اشوف اجوبتج ويمكن افصص المعلومة لج اكثر

نورت الدنيا

ليش ما تعطين وحدة من البنات او تساهمين بفلوس بمشروع .. بحيث هالفلوس تكونين قادرة انج تستغنين عنهن لكم شهر ويكون المشروع مربح وسمعتي عنه

وتبين تساهمين فية ويردولج الالف .. الفين مثلا

لان لحد اللحين لو بطرح عليج مشروع بزنس ما اقدر لان المعلومات احسها شوي ناقصة قدامي ان ما عندج هواية او ما مارستي شي من قبل ... فما بجازف اللحين بوقولج اي بزنس يمكن ما يناسبج ...

لحد اللحين اللي اشوفة انسب شي لج انج تحطين شي من فلوسج باي مشروع تساهمين فية لوحدة شاطرة بس ناقصها فلوس وتردلج بعد شهر او اكثر فلوسج مع الفايدة ...

اتصفحي قسم مال واعمال واقري وخذي بعض الافكار من البنات وشوفي المطروح وانتقى الافضل

بس لا تنسين اذا فية شي تعرفينه ونسيتي تخبريني فية بكون وايد اوووكي والصفحة هاذي موجودة لكم كلكم على طول

********************************************************************************************************

ودي بحبك

برد عليج بعدين لان يونا نااس ههههه

والسموووحة

ودي بحبك

خلينا نركز على موضوع الدكان مثل ما قلت بكتابة سابقة لي لوحدة من الخوات بهالموضوع

الدكان جداااا ناجح لو عدالج سوبرماركت عوود الناس الدكان تمر علية كل يوم

او مردها تنسى شي من اغراض الجمعية ويطرشون الابو او لاسايق او الطباخ يروح الدكان

حليب او خبز او صلصلة او تسوين شي فجاة المقادير ما كفت وتطرشين بسرعه الطباخ يشتري من الدكان يعني الدكان لليهال وللكبار بعد واغراض البيت والمطبخ بعد

سياره ماره تشتري لبن او عصير او اي شي

الدكان فكرةر ااائعه وخاصة ان المنطقة ما فيها دكاكين ... وانا انصحج تسوين دكان صغيروون

وغير انج تحبين البيع والشراء ترومين تمارسين شغلج الخاص تشترين بالجملة وتسوقين من النت زي ما قلتي وخاصة انج تحبين هالسوالف

لكن اذا سويتي دكان اريح بكون لج وبييج مدخول شهري وحطي هنيدي فية وخللللي ميزانيتج علية بدل البيع والشرا بالمنتدى

والسموحة طولت عليج

يعطيج العافية ليالي العين

أنا ودي أسوي مشروع والميزينية موجودة وفوق 30 ألف بس ودي بمشروع وايد ناجح

راح أدزلج على الخاص وأفهمج كل شي بس أعذريني لبكرة أو بعدة لأني وايد تعبانة


وألف شكر لج الغلا

هلا حبيبتي
انا بصراحه مالي هوايه<< لاتضحكين علي

لكن عندي فكره وابي رايك فيها ابي افتح محل وابيع فيه بضاعه مابي نشاط واحد
ابي كذا شكل ممكن جلابيات وممكن شنط تقليد الماركه
وممكن ادوات مكياج يعني انا شفت البنات هنا يبيعون اشياء كثير حلوه
ممكن اخذ منها واعرضها بالمحل.........
وش رايك انا متردده وكم يكفي ميزانيه.....
ردي على الخاص ارجوك

مشكورة حبيبتي

مشكورة حبيبتي :shy:

يعطيج الف عافيه اختي ليالي العين

انا هوايتي تصميم الازياء..

السلام عليكم

اهلين حبيبتي ليالي العين ... اشحالج؟

مشكووورة على هذا الموضووووع الأكثر من رائع...

بصراحة أنا من زمان ناوية أبا اسوي مشروع بس الكسل والتردد والميزانية .. والوقت كلها مؤثرات مب عارفة كيف أبدأ

المهم بقولج شو هواياتي واهتماماتي .. وبقولج فكرتي وأباج اطورينها...او تعطيني نصايح بخصوصها..

شوفي حبيبتي انا عندي هوايات كثيرة منها التصميم ... يعني اصمم بالفتوشوب .. او حتى تصاميم أزياء .. أحب التصوير والتقاط لقطات نادرة وجميلة جدا تهمني الصورة الجميلة والمميزة .... أحب القراءة كثيرا كثيرا ..... حاليا ادرس ماجستير إدارة ..... أحب الابداع والتفنن في كل شئ من اصغر اهتماماتي إلى اكبرها .... وأحب الرسم ... عندي اهتمامات غيرها بس هذه اهمها ...

أنا فكرت في مشروع تصاميم سواء كروت بطاقات .. تصاميم لخدمة الشركات مثل البرزنتشنز بالبوربوينت (طبعا يكون بيرفكت ) لوجو ..

وبعد فكرت تصاميم أزياء .....

ما ادري شو رايج وكيف ممكن أبدأ؟؟

ومشكورة فديتج ما تقصرين (*_*)

ويزاج الله خير ...

واااااااااااااااااااااايد حلو موضوعج

السلام عليكم

اشكر كل اللي كتب بالموضوع واللي طلب مني مساعدة بفكرته

اسمحولي لكـــــــن راح ارد عليكم اخر يوم بالويك اند

والسموحة وحبيت ابلغكم عشان ما تحسون اني اهملت هالصفحة

وشكرا لكم وان شاء الله الكل برد على استفساراته

اختي ممكن تساعديني انا احب الميك اب و احب التدريس خصوصا الصغار واحب عمل التوزيعات والهدايا وتخصصي كمبيوتر بس مب عارفة شنو اسوي او ابتدي خصوصا الاعلان لاني جديدة بالمنطقة ومحد يعرفني وماعندي ميزانية الله يخليك تساعديني بافكار وجزاك الله كل خير

انا احب الملابس ولقيت لي مشروع حلو بس المشكله الشحن تحطمت لان البضاعه من خارج الدوله

عطيني حل اذا عندح

اتأقلم مع كل الناس...انتي ستايل بكون ستايل انتي لا بكون... عاد مو لأ لأ.. اقدر ابين اني قريب منج؟؟


منظمة و مرتبة بس ما وايد في الطبخ... احب اكون دائما انيقة على الرغم من اني ملتزمة و لله الحمد


الناس يثقوا فيني ولله الحمد بسبب اني لما يريدوني جد اكون جد لما ربشة.. اكثر وحدة مجنونة


البنات يقولوا ذوقي حلو وانا اعرف هذا الشئ

احب اقرا الكتب ... ولساني حلو.. انا موظفة حكومية... مهندسة جديدة بعدني

دائما مشغولة وهذه بروحة مشكلة... لان عندي وايد ربيعات غير شغلي.. غير حلقات الذكر مع البنات

والاهل ..

ميزانيتي بين 20 ريال الى 150 ريال عماني زيدي صفر علشان تعرفين بالدرهم


هذه قصة حياتي

الملكة ســ

حبوبة انتظر تراسليلي عالخاص بس اريد التفااصيل لا تنسين مع اسم الدولة والمنطقة.

............................................................................

راعية اللاب توب

هل المحل بكون بأمريكا .. او راح تفتحينة بموطنج الاصلي واعتقد انج سعودية .. اذا بأمريكا انتي ادرى بالمنطقة الساكنة فيها .. هل فية اقبال على الشنط والميك اب والجلابيات العربية الاجانب يحبونها .. ولا ما في اقبال ؟

وانا معاج فية اشياء حلوة تنعرض بالمنتدى .. اطلب منج لو سمحتي تشوفين المنطقة اللي انتي فيها وابدي بشي بسيييط وبأمريكا عادي تسوين بازار قدام منطقة سكنج مب عيب عندهم شوووفي في اقبال واذا كان كبيرة افتحي محل

والبداية اللحين بضاعه بسيطة منوعه وافتحي بازار وحطي عليها اعلان new

انتظر ردج حبوبة ... وشيكي الخاص
**************************************************************************************************

رامه

العفووو حبيبتي
********************************************************************************************

سحر الشرق

الغالية بياناتج اواايد ناقصة ..كم مازنيتج ؟ وكم عمرج وباقي البيانات اللي طلبتها بالصفحة الاولى الموضوع الاول !!

انتظر ردج

Meerah

حبوبة اريد افكر لج بشي فنتكة

وبرد عليج بالخاص .. ما اريد اعطيج اي فكرة .. اريد افكر زيادة ..والسموحة وبكون ردي لج بالخاص
*****************************************************************************************************
دمعه حزينة

تسلمين الغلا ومشكووورة عالتشجيع

****************************************************************************************************

بنااااات باقي المواضيع اللي ما رديت عليهم ان شاء الله قبل نهاية الويك اند برد عليكم

واريد اقوووول اللي عندها موضوع تطرحة لان السبت راح اغلق الموضووووووع

والشكر لكم

:salam: السلام عليكم وحبيت اشكرج اختي ليالي العين على هالموضوع الحلو.....



حبيت اشارك في الموضوع....

انا عمري 23 ، مدخولي الشهري(1000- 2000) ريال شهرا.:


انا احب اسوي الخلطات العربيه والفرنسيه... (( خلطات للعبايات والفراش وخلطات العود والبخور))

واصمم العبايات والجلابيات و الانجري....



..... وشكرا اختي .....:shy:

المهره الوحيده اللي بيدي الفوتوشوب وميزانيه صفر
وقاعده بالبيت

واعرف نفسي اذا مسكت شي واتقنتة ابدع فيه
يعني ملكه الابداع عندي في كل شيئ الحمد لله

وخاطري اتعلم خلطات عطور وكريمات جسم
احس نفسي بنتج شيئ
لو اعرف اساسيات الأشياء بس
-------------------------------

في انتظار ردك

السلام عليكم انا حبيبتى احب اى شى حميل رسم مثلا بس مو باحتراف بس معقول واحب اسوى الاشياى الى تخص البيبى من لبس السابع واشياء سرير البيبى والكل يعجبه والستائر فى بيتى وانا كمان كوافيرا اشتغلت فتره كويله فى المكياج والشعر وشغلى حلو بس انا ابغى اشتغل وانا فى البيت ولك جزيل الشكر اذا افدتنى