الغــــزالــــــــــــــــــــــة !!

[poem font="Simplified Arabic,6,blue,bold,normal" bkcolor="transparent" bkimage="http://www.3roos.com/forums/images/toolbox/backgrounds/49.gif" border="none,4," type=0 line=0 align=center use=ex num="0,black"]
الغزالة ياالعتيبي جافلة = ضبيةٍ متحصنة فوق الهضاب

لو تغمّض عين ماهي غافلة = للخيانة حاسبة ميّة حساب

مااتعرف ملاطفة ومجاملة = مااتعرف إلاّ ترانيم الغياب

شفتها مرة ومرة قاتلة = وانفتح للجرح منها ألف باب

كنت طالع والغزالة نازلة = وصرت نازل والغزالة بالسحاب

يوم لدّتْ بالعيون الذابلة = هبْتها وأنا أحسب إني ماأهاب

أشّرت لي ماأظن مجاملة = المست في نظرتي معنى السراب

عندي احساس إنها متفائلة = إني أحميها من عيون الذياب

رحت أتابعها ولاهي حاصلة = هي تراوغ بي وأنا أزيد اقتراب

قرّبت مستاحشة متزاملة = كنها الباحث عن دروب الصواب

ويوم حسّت إنها متحاملة = سلّمت في همس يغني عن كتاب

تمتمت قالت تراني راحلة = واضحكت مدري خجل وإلا عتاب !

وطاحت عزومي وحلّت ناجلة = في حياتي يوم فكته الحجاب

رحت أصافحها وكانت واجلة = من فضاعة خوفها جف اللعاب

نيّتي ماهي وربي عاطلة = ليه مدري صابها مني ارتياب ؟!

إختفت مثل النجوم الآفلة = كنها يوم اخفقت خفقة شهاب

المكان أصبح صحاري قاحلة = مابقى إلاّ عطرها ذكرى عذاب

قمت أطالع بالوجيه الخاملة = يمكن ألقى بينهم بعض الجواب

مالقيت إلاّ العيون العاذلة = جعلها للنار في يوم الحساب

قالوا العذال يابن العايلة = وش تبي فيها وهي مثل السراب

إنت أصيل وهي مجرد هاملة = لاتمرّغ علم ربعك بالتراب

وش تبي في حيطةٍ متمايلة = خلها تولّي عساها للذهاب

ياالعتيبي حيرتي متعادلة = بين نار العشق وارضاء الصحاب

بعدها أعيش غربة شاملة = أقطع الرحلة تصبّر واحتساب

لعن أبو من قال عنها جاهلة = ماقرا بعيونها سبك الخطاب

ولعن أبو من قال ماهي كاملة = مابها لو دوّروا شيٍّ يعاب

طول ... شكل.. وفوق هذا عاقلة = من يحاول لمسها يلقى العقاب

لعن أبو من قال عنها سافلة = مالمس بكفوفها طهر السحاب

لأقبلت تقول وش هاالناحلة = ولاأدبرت تشكي من الحمل الثياب

ولاجْلست تقول هذي راجلة = ولامشت ياكنها زرقات داب

عيبها الوحيد ماهي عادلة = من بغاها تطعنه في ألف ناب

مدري هذا طبعها أومتجاهلة = تذبح المسلم ولاتقبل عتاب

قبلها اْسمع عن نجوم القايلة = وعقبها عاينتهن والراس شاب

جعل عذّالي بها للآكلة = جعل تمسي ديارهم فقر وخراب

شعر \ حمدان بن سالم العنزي[/poem]