السلام عليكم ورحمة الله وبركاته
اختي الكريمه
هل تحبين ان اسمج ينكتب في بلاك لست خاص بالتاجرات ؟؟
اصلا تعرفين يا غاليتي شو يعني البلاك لست بالنسبه للتاجرات شو يعني ؟؟
هو ان التاجرات يتداولون اسمج باأنج غير جاده في الشراء وتلعبين بس
وتعرفين اكثر شي غير محبب
هو انج تتفقين مع تاجره بالشراء وبعدين ماتستلمين الاغراض
ليش هي السالفه لعب
مب انتي ارسلتي عنوانج للتاجره ؟؟
عشان ترسل لج الاغراض
والاتفاق سلم واستلم
ليش التطنيش
لو ارسلتي للتاجره فلوسج قبل وتاخرت اسبوعين بتاكلينها أكل
وطبعا هذا من حقج
ف ليش هالاسلوب يا بنات
كم بنتحمل منكم هالاسلوب نسير نراكض ورا شركات الشحن عشان نشحن لكم
واللي يطنشنا واللي يقول لنا تعالي الصناعيه واللي واللي وكل وحده فينا معبله ع اخوها ولا ابوها ولا زوجها
وبعدين تتفاجأ انج مرجعه الاغراض مع ان اكثر من وحده طالبه طلبج اللي رجعتيه حضرتج
وكم بنتحمل ندفع من وراكم قيمة التوصيل
غير الاسئله والاستفسارات واللي كل تاجره ترد عليها وورها 100 شغله وشغله
اكيد من حقج هذا كله
بس يوم انج متردده ولا تبين في وقت معين ارمسي قولي ابي طلبيتي خلال اسبوع توصل ولا ماابيها
جييه بقول لج عن شركات الشحن وكيف انهم هم بعد مضغوطين
مب معقوله كل يوم برسل طلبات
بيمع طلباتكم كل يومين او ثلاث وبرسلها وحسب المندوب بعد ممكن ايي وممكن مضغوط
وممكن ينسى بعد
وتقريبا اغلب التاجرات جييه يسون
الا من رحم ربي والله يوفقها دووم وتوصل طلبيتها في وقتها
البلاك لست
ماارضها لكم لكن مرات اقول كم بدفع قيمة توصيل وكم بخسر على بضاعه وكم وكم
وارجع اقول الستر زين ومحد كامل
المهم
سؤالي هل ترضين نسوي لسته باسماء اللي يطنشون المندوب
تبين اسمج ينكتب في بلاك لست ؟؟
ع
11-12-2006 | 09:39 PM
د
11-12-2006 | 10:08 PM
ياريت اتسون عشان انعرف ويه منوه نتعامل عشان ما انطرش ولا يستلمون ولا انتعب عمارنا ..
د
11-12-2006 | 10:17 PM
فكرة حلوة
او خلصو نفسكم وحطوا الاسعار وطرق التحويل وكل المعلومات على العام
واللي تبي بتطرش الفلوس وتعطيكم رقم الحوالة وعقبها تقدرون تخلصون نفسكم
والله يعينكم ويصبركم
وهاذي هي التجارة يبي لها صبر وشطارة
او خلصو نفسكم وحطوا الاسعار وطرق التحويل وكل المعلومات على العام
واللي تبي بتطرش الفلوس وتعطيكم رقم الحوالة وعقبها تقدرون تخلصون نفسكم
والله يعينكم ويصبركم
وهاذي هي التجارة يبي لها صبر وشطارة
ا
11-12-2006 | 10:21 PM
السلام عليكم
اختي ها الشكل لو كتبنا ها القائمة ممكن نظلم بنات ويانا
وحدة من صجها تبي بس ظروفها امنعتها " ولدها لا سمح الله تعبان - اخوها - اهي نفسها " و ما قدرت تكنسل الطلبية لهت عنها شوي
وحدة ناسية بعد لاحول و لا قوة
هذول يمكن عذرهم معاهم
اما الي بالعادة تلعوزنا هذي معليه بس شلون نفرق ؟؟؟
هل الي سوت كذي اكثر من مرة
طيب ها المرة سوتها معاك و ما كتبتي اسمها
المرة الجاية وياي و ما كتبت اسمها
و كل مرة عند تاجرة شكل بس تبي تتفرج و تطلع لنا اميت حجة هذي شلون نصيدها ؟؟؟؟؟؟؟؟
اقول شي اختي الغالية
من زمان كنت اتمنى ان العظوات الي ماعندهم شغله غير التلعوز ينكشفون ====بس كل مرة اقول شلون نحصرهم ؟؟؟؟؟؟
انا واااااايد اتكلم بس صج صعب نحصرهم
الله المستعان عليهم
تدرين لا تحللونهم
اختي ها الشكل لو كتبنا ها القائمة ممكن نظلم بنات ويانا
وحدة من صجها تبي بس ظروفها امنعتها " ولدها لا سمح الله تعبان - اخوها - اهي نفسها " و ما قدرت تكنسل الطلبية لهت عنها شوي
وحدة ناسية بعد لاحول و لا قوة
هذول يمكن عذرهم معاهم
اما الي بالعادة تلعوزنا هذي معليه بس شلون نفرق ؟؟؟
هل الي سوت كذي اكثر من مرة
طيب ها المرة سوتها معاك و ما كتبتي اسمها
المرة الجاية وياي و ما كتبت اسمها
و كل مرة عند تاجرة شكل بس تبي تتفرج و تطلع لنا اميت حجة هذي شلون نصيدها ؟؟؟؟؟؟؟؟
اقول شي اختي الغالية
من زمان كنت اتمنى ان العظوات الي ماعندهم شغله غير التلعوز ينكشفون ====بس كل مرة اقول شلون نحصرهم ؟؟؟؟؟؟
انا واااااايد اتكلم بس صج صعب نحصرهم
الله المستعان عليهم
تدرين لا تحللونهم
ا
11-12-2006 | 10:29 PM
وانا معاكم في وضع لبلاك لست يعني كل وحده تحط تجربتها ولتاجرة حرية الأختيار سواء تريد تتعامل مع البنت الا في اللست ولا لا......
مشكورة على الأقتراح أختي [glow=FF3366]عيون_الورد[/glow]
مشكورة على الأقتراح أختي [glow=FF3366]عيون_الورد[/glow]
B
11-12-2006 | 10:44 PM
مب لدرجه ان التااجره اتوصل الطلب وماتستلمه .. ها الشي مايصير
انا لو ماعندي درهم في جيبي والله اني ما ارد مندوب شركة التوصيل ... عشان بس ماياخذ فكره مب زينه عنااا ..
والاخوات الي من هالنووع .. هذي قطع ارزاااق ..ترا التاجره شراتنااا هذا مدخووولهااا ... ليش نحن نزيد خسايرهااا ..
الله يكون في عون الجميييع
والسموحه
انا لو ماعندي درهم في جيبي والله اني ما ارد مندوب شركة التوصيل ... عشان بس ماياخذ فكره مب زينه عنااا ..
والاخوات الي من هالنووع .. هذي قطع ارزاااق ..ترا التاجره شراتنااا هذا مدخووولهااا ... ليش نحن نزيد خسايرهااا ..
الله يكون في عون الجميييع
والسموحه
B
11-12-2006 | 10:50 PM
ياريت اتسون عشان انعرف ويه منوه نتعامل عشان ما انطرش ولا يستلمون ولا انتعب عمارنا
ع
11-12-2006 | 11:11 PM
كلامك صحيح اختي
ياما عانيت من هالنوعيه من الزباين تسوي لي زحمه وحوسه وطلبات وخصومات وبلاخير ضيعت وقتي على ولا شي
بس شنسوي الصبر والصبر والصبر
ياما عانيت من هالنوعيه من الزباين تسوي لي زحمه وحوسه وطلبات وخصومات وبلاخير ضيعت وقتي على ولا شي
بس شنسوي الصبر والصبر والصبر
e
11-12-2006 | 11:27 PM
أنا مع هالفكرة لنه صدق أنا مريت في هالشي!!
ل
11-12-2006 | 11:38 PM
معاكم قلبا وقالبا....
A
11-12-2006 | 11:59 PM
أنا مع هالفكرة لانه فعلا يسون الطلبيااات و بعد ما خلصها ما يردون لا على جوال و لا على مسج حراام و الله التعب يروح على الفااضي و الله علي شاهد وحده خذت قمصاان نوم للولاده و لين اليوم ما دفعت لي و لا ريال و أنا ما قول الكل عشان ما أظلم حد معاااي بس الحق ما ينزعل منه
w
12-12-2006 | 12:44 AM
فكره حلوه لانه انا مره صارتلي هالحركه مع بنت وافتشلت منها طرشت الاغراض وماقالتلي متى بطرشهن ويوم اتصلي المندوب انا نسيت السالفه واتفاجأت والله يوم دقتلي البنت ويهي احترق ومن يومها مااطلب الا يوم اتاكد اني عندي حد يستلمهم,,,,,,,,,,,,,,
والله يوفق كل التاجرات
والله يوفق كل التاجرات
ا
12-12-2006 | 03:09 AM
(y) صحيح اللي قلتيه في بعضهن عندهن ظروف والبعض يحب يلعوز والبعض ما عنده ضمير تاخد البضاعه ولاتدفع الله يعينها على عمرها هادي كيف تحط راسها قبل ما تنام وفرقبتها دين لغيرها
ا
12-12-2006 | 04:57 AM
انا معاج اختي انكم اتسوون البلاك لست
لانهم يخربون علينا نحن الزباين الي تشتري
لاني انا بصعوبه اطلع علشان ادز للتاجرات بيزاتهم وانا احب انه استلم البضاعة واسلم الفلوس بس بعض التاجرات ما يرضون لان في بنات يسوون ها الحركة فاظطر اطله واهد عيالي علشان اطرش البيزات
ومرة ثانيه انا اطالب بالبلاك ليست ظمانا لنا ولكم يا التاجرات
والله يوفقكم
لانهم يخربون علينا نحن الزباين الي تشتري
لاني انا بصعوبه اطلع علشان ادز للتاجرات بيزاتهم وانا احب انه استلم البضاعة واسلم الفلوس بس بعض التاجرات ما يرضون لان في بنات يسوون ها الحركة فاظطر اطله واهد عيالي علشان اطرش البيزات
ومرة ثانيه انا اطالب بالبلاك ليست ظمانا لنا ولكم يا التاجرات
والله يوفقكم
ا
12-12-2006 | 06:21 AM
انا مع الي قالوا انه في ناس عندهم ضروف .. وكل واحد وضرفه ..
يعني ساعات الوحده يصيدها شي مفاجئ لا سمح الله .. وانا افضل انه الفلوس تتطرش قبل اضمن ..
مثلا عني انا افضل اني لما اطلب اسلم الفلوس قبل ليش لاني من النوع النساي .. ممكن اطلب طلبيه وتقول لي التاجره فلوسج يوم اجيبها لج سلم واسلم هني انا اتوهق لو نسيت الطلبيه عادي الفلوس طارت وافتشل لو اتصلت واتسلف من الماما الله يخليها ..
وبالنسبه للكل التاجرات ياريت انكم ماتحددون لنا طريقة تحويل الفلوس لبنك معين او صرافه معينه ..
انا من اطرش الفلوس لبرع الدوحه ادفع 50 ريال غير عن قيمة التحويل 30 لقطر و20 علشان المبلغ يوصل لكم كامل .. بس لو اتعامل مع صرافه معتمده عندنا بقطر بس يحسبون علي قيمة تحويل المبلغ ..
فياريت لو تراعونا بها النقطه لانه التكلفه بتطلع علينا اغلى من الي انتوا طالبينها مع الشحن .. اتمنى ها الشي مايزعلكم بس مو معقوله اشتري شي ب 250 شامل الشحن وعلشان تحويل المبلغ للمكان الي تبونه + فرق المبلغ يكلفني 335 ريال ..
اتمنى انكم ماتزعلون مني .. وغير الويسترن يونيون مامدحه للخليج .. يعني كنت بارسل حواله بالويسترن لتاجره بالكويت وتعاملها معاي روعه تخيلوا علشان 120 دينار لازم ادفه 140 ريال قطري تحويل ويسترن .. فما يسوى علي وهاي الي يخليني اتردد يوم تاجره من الخليج تطلب مني اطرش لها المبلغ بالويسترن يونيون لو باطرشه لامريكا معليه بس لدول الخليج ما انصح فيه ..
ونرد للموضوع الاساسي .. بالنسبه للبلاك ليست انتوا شوفوا اكثر من تاجره لو يرسون على اسم معين وتكرر اكثر من 3 مرات حطوها بالبلاك ليست .. اما الي بس مره بسبب ضرف طارئ لها لا تظلمونها ..
وربي يخليكم ويوفقكم في تجارتكم ياررررررررب ..
يعني ساعات الوحده يصيدها شي مفاجئ لا سمح الله .. وانا افضل انه الفلوس تتطرش قبل اضمن ..
مثلا عني انا افضل اني لما اطلب اسلم الفلوس قبل ليش لاني من النوع النساي .. ممكن اطلب طلبيه وتقول لي التاجره فلوسج يوم اجيبها لج سلم واسلم هني انا اتوهق لو نسيت الطلبيه عادي الفلوس طارت وافتشل لو اتصلت واتسلف من الماما الله يخليها ..
وبالنسبه للكل التاجرات ياريت انكم ماتحددون لنا طريقة تحويل الفلوس لبنك معين او صرافه معينه ..
انا من اطرش الفلوس لبرع الدوحه ادفع 50 ريال غير عن قيمة التحويل 30 لقطر و20 علشان المبلغ يوصل لكم كامل .. بس لو اتعامل مع صرافه معتمده عندنا بقطر بس يحسبون علي قيمة تحويل المبلغ ..
فياريت لو تراعونا بها النقطه لانه التكلفه بتطلع علينا اغلى من الي انتوا طالبينها مع الشحن .. اتمنى ها الشي مايزعلكم بس مو معقوله اشتري شي ب 250 شامل الشحن وعلشان تحويل المبلغ للمكان الي تبونه + فرق المبلغ يكلفني 335 ريال ..
اتمنى انكم ماتزعلون مني .. وغير الويسترن يونيون مامدحه للخليج .. يعني كنت بارسل حواله بالويسترن لتاجره بالكويت وتعاملها معاي روعه تخيلوا علشان 120 دينار لازم ادفه 140 ريال قطري تحويل ويسترن .. فما يسوى علي وهاي الي يخليني اتردد يوم تاجره من الخليج تطلب مني اطرش لها المبلغ بالويسترن يونيون لو باطرشه لامريكا معليه بس لدول الخليج ما انصح فيه ..
ونرد للموضوع الاساسي .. بالنسبه للبلاك ليست انتوا شوفوا اكثر من تاجره لو يرسون على اسم معين وتكرر اكثر من 3 مرات حطوها بالبلاك ليست .. اما الي بس مره بسبب ضرف طارئ لها لا تظلمونها ..
وربي يخليكم ويوفقكم في تجارتكم ياررررررررب ..
U
12-12-2006 | 10:44 AM
احم احم..
ادش عرض بالموضوع :) انا توني تاجره صغيرونه..
لكني مع البلاك لست..
صحيح يمكن البعض يكون عندهم ظروف تجبرهم لكن
مب الكل..يعني ما ينحط اسم الزبونه في اللست الا اذا
تكرر منها هالشي اكثر من مره..لان التكرار صعب يكون
صدفه!!!!!
ويفضل ان اللست تكون خاصه بالتاجرات يعني ما تنعرض
في العام..يمكن هذا مب حل نهائي للي يستوي لكن يقلل
منه شوي..
وفي النهايه كل وحده وضميرها سواء كانت تاجره او زبونه
والله يرزق الجميع ويعوضهم...
ر
12-12-2006 | 10:49 AM
بصراحة فكرة حلوة البلاك لست
م
12-12-2006 | 11:10 AM
السلام عليكم ورحمة الله وبركاته
هلا أخواتي
إحنا فعلا بدأنا تطبيق فكرة البلاك ليست من فترة...
لأنه في تاجرات حقيقي تأذوا من الزبونات الغير جادات...و في تاجرات إعتزلوا التجارة بسبب هذا الموضوع...
و بالنسبة للي تقول الزبونة عندها ظروف...أنا أشوف إنها على الأقل تبلغ التاجرة...صح ؟
و لو التاجرة هي اللي عندها ظروف تلاقي الزبونة تقلق و تبعث أكثر من شكوى...غير الشكوى على العام...صح ؟؟؟
د
12-12-2006 | 11:56 AM
كيف انعرف انه الزبونه ما تبغي الغرض بصدق لانه استوتلي من كم يوم السالفه نفسها وطرشة الغرض ورد وانا اليه اتحمل قيمة التوصيل ويوم اتصل ما اترد ... بس الله ايسامحها
ا
12-12-2006 | 02:03 PM
البنت الحبوبة الي قالت عن الويسترن :
بين دول الحليج ما تتعدى تكلفة ارسال الفلوس اكثر من 35 ريال و خلى بالك :
تبعثين الفلوس بعملة التاجرة يعني هي سعودية تقول لك طرشي 150 ريال سعودي يطلع مع تكلفة الويسترن 180 ريال قطري او اقل حتى
و الدرهم الاماراتي اقل من القطري يعني لو تطلب بالدرهم الاماراتي انتي الكسبانه يا القطرية
بنات مصر عملتهم واضحة يا يقولون بالقطري و لا السعودي و لا الاماراتي بعد سهل عليك
" التكلفة مو اكثر من 35 ريال قطري " مع الويسترن يونين
خلي بالك!!!!!!
بين دول الحليج ما تتعدى تكلفة ارسال الفلوس اكثر من 35 ريال و خلى بالك :
تبعثين الفلوس بعملة التاجرة يعني هي سعودية تقول لك طرشي 150 ريال سعودي يطلع مع تكلفة الويسترن 180 ريال قطري او اقل حتى
و الدرهم الاماراتي اقل من القطري يعني لو تطلب بالدرهم الاماراتي انتي الكسبانه يا القطرية
بنات مصر عملتهم واضحة يا يقولون بالقطري و لا السعودي و لا الاماراتي بعد سهل عليك
" التكلفة مو اكثر من 35 ريال قطري " مع الويسترن يونين
خلي بالك!!!!!!