تعالوا شوفوا حيلتي وكيف تخلصت من الرضاعة في يومين

بنات وأخيرا تخلصت من الرضاعة اللي كنت شايله همها،، لأن ولدي كان مصادق الرضاعة على طول مو لأنه جائع لا بس تسلية وتقولون كأن رجل مدمن على السيجارة،، يعني متى ماعصب او كاعنده شي يسويه او يبي شي وأحنه ماسوينه طلب الرضاعة حتى لو بقاع الرضاعة كمية صغيرة من الحليب،، يعني كان هاوي عادة المص..

قبل 5 أيام، بعد عودتي من الدوام مريت آخذه من بيت أمي الا هو معصب وفالت الرضاعة على الحائط،، قالت له أمي شفت كسرت الرضاعة ،، زعل عاد وايد متأثر على رضاعته،، قمت أنا وقطعت طرف من الحلمة وقلت له شوف كسرتها، قال مابيها خلاص..

رجعنا الشقة وقعد يصيح يبيها،، قمت قطعت راس الحلمة وقلت له اوه شوف الفار اللي بالمطبخ كل الرضاعة،، قال وع فار شيطان باضربه،، مابيها، وكل شوي قال حليب قلت له تبي رضاعة الفار قال لا.. وقال آبلي الرضاعة اللي في بيت أمي، قلت له خلاص ذيك مكسورة....
المهم يومين ونساها، وكل تذكرها رد في كلامه وقال وع فار ...

هذي خلاصة القصة،، اللي متأذي من عياله خل يجرب الطريقة يمكن تنفع معاه...