من جبت ولدي الثاني والرومانسية طارت مع الريح

هاي مشكلة اكثر الحريم الي اييبن عيال

الله يعينج ....

هلا الغالية

هذي فترة موقته دامهم صغار وان شاء الله بيكبرون و بترجع الرومنسية اسالي مجرب

وحاولي دوم تكونين مرتبه وانيقه حتى لو كنت مع عيالج اكثر الرجاجيل يهتم بالنظرة... مجرد يشوفون الحرمه مرتبه وجميله متعطرة هذا شي يشبع وايد رغبات عندهم...وبعدين حاولي ان ريلج يتفهم الوضع ودايما قوليله هذي فترة وبتعدي

أختج
الريم العيناوية

انا حاسه انه توج مربيه من كم شهر وللحين ماتاقلمتي مع الوضع

حاولي تنظمين نومهم هذا ييعطيج وقت اظافي لنفسج وله

طول النهار لعبيهم عشان مايجي العشا الا وهم مهدودين وبيرقدون علا طول

اهم شي انج ماتتشكين لريلج الوضع ودام انه شكالج فهميه انه مساله وقت وراح تمسكين زمام الامور مره ثانيه

الله يهدي سرج ان شاء الله

كل اليهال جذيه بس سبحان الله لازم يشغلون وقتك طول اليوم نفسيا وجسميا وأنا رايي من راي الأخت
العيناويه بيكبرون وبيترتب كل شي إن شاء الله

الاطفال حلوين في البيت وبركة ونعمة والرجال يستانس بالعيال بس خلي ولدج هذا يكبر شوي اذا ماقالج نبي بيبي ثاني بس تدرين شنو السبب ..

انج مب عارفه تنظمين وقتج .. لاتقولين اوقاتج منظمة لان مب معقولة منظمة وزوجج مب عارف ياخ راحته معاج

اذا تبين تسوين ليلة رومانسية حلوة لزوجج ترجعينه 10 سنين لورى اخذي لعيال من الصبح وديهم عند هلج حتى لو بيت امج بعيد ساعه كامله .. والظهر جهزي كل شي حلو من فستان من ميك اب من اشياء خاصه وخلي زوجج يستانس ...

وحزة مايرجع زوجج من الدوام قبلها بساعتين دخلي مع اطفالج داخل الغرفه وحاولي تخلينهم يناموون نومه هنيه وهذا الشي لازم انتي تعودينهم عليه ان لما يرد ريلج يلاقي الاطفال راقدين وانتي قعدي معاه على راحتكم واخذي واعطي معاه بالكلام ...

واذا عن الطلعات اخذوهم وياكم اصلا ماتحلى الطلعه الا مع اليهال بس اذا تبين جلسة خاصه بدون صياح ولا صراخ بتضطرين تاخذينهم عند امج قبل ماتروحين اي مكان او انج تنومينهم بالبيت عند الخدامه بس ما اايد هذا الشي لاني اخاف من الخدم والافضل يكونون عند امج او عند وحده من خواتج او خوات زوجج

وان شاء الله ترجعين زوجج لاحلى ايام عمركم بحق محمد وآل محمد

الله يعينج اختي ومثل ما قالو البنات انه هذا الوظع مؤقت .بس يكبرون بتتعدل نومتهم

اختي لازم تنظمين وقتج شوي

يعني دخليهم الروضه او اذا هم صغار صحيهم من النوم بدري

ولما ترجعين من الشغل لا تنامين الظهر لا خليج وياهم لين الساعه 7 بتلاقينهم خلاص يدورون السرير رقديهم على 7

وبتلاقين بعدين وقت كااااااااااااااااافي لج ولزوجج

اهم شي تصحينهم من وقت وما تخلينهم ينامون الا الساعه 7 بالليل

لا تقولين ما ينامون اذا سوييتي هالشكل صدقيني راح ينامون بس انتي شوي راح تتعبين لانج ما راح ترتاحين الضهر

جربي وقولي قطر 221 قالت

الله يعينك أختي
أنا نفس الحالة توني والدة من شهرين والبيبي بعده ما اتعود عالرقاد المنتظم

بس أنا دايما أحسسه بالمسؤوليه باتجاه العيال
أخليه أوقاات يهز البيبي إذا صاح أو أخليه يعطيه حليب

إنا أشوف انه معظم الزوجات ما يخلون رياييلهم يتدخلون في أمور العيال أو بالعادة الريال نفسه ما يحب بس لازم تغصبه

هو بيحس فيك انه فعلا ما عندك وقت لها الشيء وبينيله انه هذا الشيء مؤقت

هو بالعادة الأطفال ينتظم رقادهم من عمر الثلاث شهور

الله يعينا يا رب

الله يعينش ..

انا ما ابي عيــال الا بعد كم سنــة من زواجي ان شالله ..

يكفي الحوســة اللي اشوفها مع ربيعاتي واخواتي بسبب عيــالهــم ..

اختي مثل ما قــالوا لك البنــات حــاولي تتعدليــن وتترتبي وتكوني عدلــة قدامــه ..

ورتبي بيتك .. في موضوع في افكـار وخبرات .. عن وحدة عنها عـيــال ..

وانها سويت فكرة معيــن حق زوجها علشان تكون معــه .. بحاول ابحث لك عن الموضوع

وبنزلــه لك ..

والله بيعوضك كل الايــام اللي قضيتيها بعسد عن الرومانسيــة

الله يعينز عزيزتي حاول نسقي اوقاتج مع عيالج ومع ريلج عشان ماتحرميهم من وجودج امبينهم والله يوفقج انشالله بين الاثنين:qaq:

المشكلة اني الصبح في الدوام
ومارجع الى العصر على الساعه ثلاث ونص وساعات اربع
ولما ارجع يكونون شبعوا رقاد ومارقد العصر تخيلوا يا بنات اقعد من صباحية ربنا الى الساعه 11 بالليل
احس اني اكون منهارة وبنتي الكبيرة الله يحفظها شيطانة ومشاغبة وان قلتوا ارقدهم وهل ....يقومون في نص الليل او متى ما سمعوني انا وابوهم نتكلم

صدقوني حاولت يا بنات اسوي اللي قلتوه لان ربعي نصحوني فيه ولا فيه فايده ما قدرت

انا اصلا هالايام بروحي قمت افكر انه مافي يعال لين عقب سبع سنين

الله يعينج عزيزتي..
أنا بضم صوتي للأخوات اللي قالوا نظمي رقادهم لأن هاي أفضل طريقة..
واذا الياهل الثاني بعده صغير وما انتظم نومه ما عليج الا الصبر
وان شاء الله كل شي بيسير حسب رغبتج

الله يعينج يارب

وانشالله الايام تعدي بسرع وعلى خير

امين الله يسمع منكم يالغاليات

الله يكون بعونك

سبحان الله نفس مشكلتي ..بس انا فنشت وقعدت بلبيت .. ومافيفايده متعلقين فيني وايد مع ان عندي خدامات .. بس ريلي مايرضا ولاخدامه تمسكهم ولاتنام معاهم ..فصار وقتنا لهم ..الله يعوضنا تالي خيرر .. ويطرح فيهم البركه .. وانا ساعات احس بعقده الذنب عقب اقول اللي مايقدر وضع زوجته مافيه خيرر.. بس مسكين زوجي والله يقول لما تقومين بحقهم كانك قايمه بحقي وزود وايد يخاف من سوالف الخدم اهو .. الله الحافظ
تحياتي

الله يعينج

هذى مشكلة الكل

ياله الايام يايه والعيال بيكبرون شو وبتشوفين نفسك وزوجك

الله يعينج اختي .

الله يكون في عونج ... بس انتي على الاقل بين الفتره والثانيه حاولي انج تستغلينها لزوجج يعني خلج كاشخه له كل الوقت ولو العيال شاغلينج ... واستغلي الوقت اللي يكون فيه برا وطرشيله مسجات حب وانج مع انشغالج الا انه على طول على بالج ... ومثلا اذا يا من برا سويله حمام بانيو ويا الورد والشموع وكاس عصير ثلج وخليه يهدي اعصابه يعني بيحس بوجودج معاه ولو كنتي عند الاولاد الله يحفظهم ... واكيد لازم بتحصلين ولو عشر دقايق يكون الاولاد نايمين او يلعبون استغليهم بلحظه رومانسيه بين الوقت والثاني ... يعني لازم تحاولين تسرقين لحظات لزوجج <<<< انا احاول والحمد لله موفقه بين العيال وزوجي الله يحفظهم