زوجة ثانية حزينة

ابتعدي عن وساوس الشيطان وخلي عنج حب الامتلاك وارضي بنصيبج اللي انتي اخترتينه وكنتي تدرين بان هذا الشخص متزوج وعنده اطفال لاتحاولين بهذي الاشياء وبنفسيتج اللي تعبتينها تضغطين على زوجج وتخلينه يبتعد عن زوجته الاولى واطفاله ترى العدل واجب في هذي الحاله
واذا اهو يحبج وانتي اختياره خلاص حاولي تبادلين زوجج المحبه وانتبهي لنفسج وابتعدي عن هالاشياء اللي مالها داعي

انتي اخترتي هذي الحياة حاولي تكملين المشوار

اسمحيلي اختي على هذا الكلام ...ممكن انه يكون جارح لج ...بس هذا الواقع والي لازم ترضين فيه

بغيت اسألج سؤال واحد ....اذا كان هذا شعورج ...عيل الزوجة الأولى شو تقول
انتي الدخيلة ...والحب والحنان والاحترام والتقدير الي انتي مب راضية فيه ...هذا كله كان ملكها وانتي الي شاركتيها فيه ...والشعور الي انتي تحسين فيه الحين ...هي اتحس فيه اكثر منج بمليون مرة ...الغصة الي في قلبها اكبر من الي في قلبج .

ومدام انتي اخترتي هذا الدرب ...لازم تتحملينه ...والحرمة من تتزوج ...ما تفكر في نفسها بس ..عندها زوج وبيت ومسؤولية وعيال لازم تفكر فيهم وهم من اولوياته وقولي الحمدلله ان زوجج يحبج ويقدرج ويحترمج ...فلا تكونين انانية مثل ما يعطيج خليه يعطي الاولى هذا حقها , ,

وللعلم ...كل ريال بيي يتزوج للمرة الثانية ...بيقول انا ما احب زوحتي او انه مب مرتاح وياها .وانه خذاها غصب...ولا يمكن ينسى عياله

آسفة اذا قسيت وياج بس هذا لمصلحتج ...اتركي عنج الوسواس ...وعيشي حياتج ..واحمدي الله انه زوج صالح وعادل من بينكم ...هذا أهم شيء ...

بصراحة ياحبيبتي مو عارفة شاقولج ،،،، أنتوا صايرين مثلث مظاليم ، أنتي ظلمتي نفسك بانك أخذتي واحد متزوج و هي مظلومة أنه أخذ على راسها وحدة ثانية و هي أنتي و هو مظلوم لأنه أخذكم أنتوا الثنتين ،،،، و أنتي ماتدرين يمكن هي بعد تظن نفس ماتظنين أنتي لين يقولك كلام حلو فهو ضايع بين نارين نارج و نارها ،،،، و بعدين يا أختي العزيزة بيني و بينج أنتي تدرين من قبل أنه متزوج و أن هناك حرمة على ذمته فكان لازم تفكرين بدل المرة عشر و بدل اللألف مليون لأن الوضع مو طبيعي ..... و دامك عارفة ظروفه من قبل المفروض تتأقلمين و تتقبلين الوضع مثل ما هو صج لي قالوا الضرة تحر بس هالشئ ينطبق عليها لأن أنتي الثانية و هي إللي أحترت و أنبطت من القهر ....

فقولي الحمدلله على كل حال وبدأي صفحة جديدة من حياتج الزوجية من هاللحظة حبي زوجج و دلعيه و سوي IGNORE لأي شئ ثاني بهالدنيا قبل لا يضيع من إيدج و يلفي على الأولية أو يجوفله لا سمح الله الثالثة ..... ترى الرجال ما يعيبه شئ لو شنو هو ....

الله يمسح على قلبج و يهديج لزوجج و يهديه لج يارب

انتي اخترتي من البداية وقبلتي بنصف زوج مش تطمعي وتطلبي زيادة انتي لازم لو قصر فحقها تنبهيه وانها ليها نفس حقوقك رغم اني ضد تعدد الزوجات وبزعل اوي لما وحدة بتتخيل ان اللي تهون عليه زوجته وبسهوله اتجوز عليها انها هي بكده مختلفة وان ليها الحب كله ارضي باللي اخترتي وحرام عليكي لو خلتية يهمل اسرته الاولي دي امانه يوم القيامة فرقبته ورقبتك لو مكنش قد انه يعدل ميتجوزش واحنا عموما فدلوقتي انسي الحكاية دي وده زوجك وخليكي فكره انه بيحبك وانه مهتم بيكي وانتي محتاجه اكتر من كده ايه والجميل انه يعدل ما بنكم طالما انتي اخترتي من البداية يبقي ترضي بنصيبك وحرام عليكي لو خطر فبالك لحظة انك تخليه يسبها

لاحول ولاقوة الابالله اختي الغاليه هذي كلها اوهام انتي شيليها من راسك
ولا تفتحي يااختي مجال لكلمة لو لو لو

هذي كلها وساس لا تعطينها اهتمام ارضي بقضاء الله

اقنعي نفسك بان هذا امر الله وهذا قضائه والامر خلص وانتهى هو الان زوجك

لاتقولي اني كنت اتمنى يكون هذا الحب لي انا وحدي

احمدي الله وارضي وسلمي فانك لاتدرين لعل الخيرة تكون اين...

اللهم فرج كربها وكن في عونها اللهم سهل امرها وارفع الحزن عنها اللهم امييين

يا اختي يا حبيبتي حاسه فيج والله انا مع ان

زوجي مطلق زوجته وعنده منها ولد ميته قهر

عيل اشلون انتي بس نفس ما ردوا البنات ماشالله

كل وحده ماقصرت وتركي عنج الوساويس مو انتي

اول وحده تكونين الزوجه الثانيه ولا اخر وحده والله

يوفقج ويسعدج مع زوجج :clap:

اضافه الى ماقالوه البنات نصيحه لك عشان ما تخربين عشك بيدك اذا دخل البيت انسي انه متزوج وعشي يومك واستمتعي بوقتك معاه ترى الدنيا فانيه ولا تثقلين على الرجل

قولي الحمد لله انه ما انقلب بعد الزواج

في رجاجييل ما يحسون بحبهم لزوجاتهم الا بعد ما يتزوج عليها الثانيه
تشوفينه بينجن عليها و يطلق الثانيه و يرجع للاولى و هو ميت عليها


فقولي الحمدلله انه زوجج بعده يحبج و يحاول يعدل بينكم

لا تهدميــــــــــــــــــــــــــــــــن بيتك بيدك..واحمدي ربك انه يحبك ويسمعك هالكلام..

وخليك واثقة من نفسك وانه حبه لك غير .. حتى لو قال نفس الكلام هذا لغيرك..

في فرق لما يطلع من القلب..او ترديد السنه..

بطريقتك هذي بتنفرين زوجك منك وبتخسرين النعمة اللي انتي فيها..

وبيكره يقولك كلام حلو ويداعب مشاعرك خوفا من هالحزازيات اللي انتي حاطتها..وهالافكار اللي تجي لك..حاولي تضحكين بوجهه ولا تبينين له علشان ما يزهق وينفر..

ولابتكونين انتي الخسرانة..

انتي تقدرين تملكين قلبه (مدامه الحين فاتحه لك ومعطيك الفرصة قبل يتغير عليك وتعضين اصابع الندم)..

احتويـــــــــــــــه وبادليه اجمل العبارات وداعبي مشاعره الين تصيرين ملكة قلبه ومتربعه بوسطه..

خليه يقولها مثلك..

لكن خليه ما يشعر بالحب والراحة والرومنسية الا معاك انتي..

علشااان تصيرين المميزة..

خليه يشعر انك شمعة حياته اللي منوره عليه دنيته..

اصلا ايش عرفك انه يقولها نفس الكلام..

واذا قاله يمكن مجامله مثل ما قلت لك مو من قلبه..

اصلا باين ان زوجك متزوج لأنه يبحث عن الحب والرومنسية اللي مالقاها عند زوجته الاولية..ولو لاقيها عندها او قادر يستمتع معها ما دور الشي هذا مع غيرها.. واختارك من بد البنات..كوني قد
هالاختيار وعطيه الحاجة اللي تزوجك علشانها..

لا تخلينــــــــــــــــه يندم ويقول:

يامن شرا له من حلاله علــــــــــــــــــــــــــــــه..

بالعكس كسبيه واخذيه بالاحضان مدامه ماد ذراعاته لك..

طيعيني..

ترا لفات الفوت ما ينفع الصوت..

ومبين ان الرجال يحبك وشاريك..

وصدقيني كل اللي فيك وسوسة شيطان..

يعني ماتدرين ان الشيطان مايرتاح الا اذا سوا ابغض الحلال بين زوجين بسم الله عليكم..

وبعديـــــــن الرجال يحبك وماقصر معاك..

يعني بدل ما تردين له الجميل..بابتسامه حلوة ..بليلة رومنسية..الخ..تجلسبن تبكين..

بيتحملك..لكن اكيد بيجي اليوم اللي بيزهق فيه ..بيقول ايش تبي هذي؟؟حاولت ارضيها بشتى الطرق ولا في فايدة..معطيها حقوقها وعمري ما ظلمتها او قصرت معها ولا في فايدة..
وبتكون النتيجة عكسية..

وانتـــــــــــــــــــــــــــــي الخسرانة..

استغلي الفرصة..

هو محتاج منك حاجات..اعطيها اياه ولا تبخلين بمشاعرك ولا دلالك ولا حركات الرومنسية معاه..هبلي فيه.. واستغلي حاجته للأشياء هذي وكسبيه..خليــــــه يتعلق فيك وبجنون..

المسألة بيدك انتي..

ولا تعطين غيرك الفرصة.. وتقدمينه لها بيدينك هذيه وبعدين تقولين ضاع زوجي..

انا ما اقولك كيدي لها او دمري حياتها..

ولكن انتي من حقك تسوين هالحركات لزوجك وتجذبينه ناحيتك..

والرسول صلى الله عليه وسلم كان يحب كل زوجاته ولكن عايشة كانت غير ومتعته معها غير وفي قصص واحاديث كثيرة تدل على هالشي ..

تعوذي من الشيطان وكثري من قراءة القرآن وحاولي ما تعطين هالافكار مجال .. لانها من الشيطان..لا تخلينه يخرب بيتك..

اختك:
نــــــــــــــارا

إنتي خذتيه والمفروض اتعرفين إنه كل شيء بيكون مقسوم بينج وبينها ..

لا تفكرين هو شو يقوللها وشو يسويلها .. فكري في نفسج بس ..

وإللي إيده في النار مو مثل إللي إيده في الماي

ولازم تتحملين

والله يكون في عونج صراحة لأني يالسة أشوف زوجات وايد متعذبين لأنهم استتوا زوجات ثانيات

والله كريم

اختي العزيزه
الحين هو صار زوجك
والله يصلح شانك حبيبتي
هو زوجك فكري كيف تسعدينه بدل ما تزيدينه هم وتمرضي نفسك
هذا نصيبك حبيبتي توكلي على الله
وابعدي الشيطان ووسوته

الله يكون في عونك ..

إذا استخرت من البداية ..

لا تندمين على شي سويتيه ..

والتوفيق بيد الله

اختي الغيره شي طبيعي لكن حاولي انك تبعديها عنك وتسمتعي فحياتك وانسي انه متزوج ولو جا يبي يكلم زوجته الاولى اطلعي من الغرفه وحاولي انج تنسين الموضوع وتحسين انج الوحيده في حياته والملكه المتوجه عبلا عرش قلبه ولا تتعبين نفسح وفالتوفيق .

بصراحه رايي من راي البنات


انتي خذتيه وهو متزوج وعارفه هالشي

ودامه مو مقصر فحقج مالج حق تحرمين الزوجه الاولى من عطف زوجها وحنانه

مو كفايه انه تزوج عليها؟

الغاليه خواطر اسى


والله حاسه فيج عندي قريبه بنفس حالتج

والله ريلها طفر منها وحن للاولى بسبت غيرتها الزايده والواضحه

صدقيني ما تبين يصير فيج نفسها

الغيره احساس طبيعي وفطرة المراه لكن زيادتها بتضرج وبتهدم بيتج

خلي نفسج في سلام مع هالانسانه وصدقيني مثل ما انتي تغارين هي تغار

وسالفت الهديه .. ليش تبين ريلج يظلمها ؟ يعني عشان يحبج اكثر خلاص ينكر العشره لا يالغاليه لا .. انتي اعقل من جيه ..

دايما لمى تييج هالافكار كلمي نفسج بصوت عالي وصدقيني بتتراجعين على طول عن هالمشاعر


اتمنى ان ربي يعطيج القوة في مواجهة هالمشاعر

وقلوبنا معاج .. وليش نقسى عليج حبيبتي انتي اختنا وحبيبتنا ..

ربي يحفظج ويوفقج ويرزقج راحة البال والسعادة

: )

ابنتي الغاليه مش هقول لكى انتي اختيارك هو السبب لانه فات وقته دلوقتى دي حياتك ودا مستقبلك ارضي بالوضع لاتعطي للشيطان فرصه للدخول بيتك وياخذ سعادتك زوجك يحبك ؤانتي ايضا لاكن انتي غيرانه جدا علي زوجك وشويه كرامتك اصبري وراعي زوجك وحياتك واعلمي ان مثل مالكي من حق علي زوجك ان الزوجه الاولي والاولاد لهم مثلك منه وكوني علي يقين بهذا وان شاء الله يارب يزيح عنك الهم والغم ووساوس الشيطان ويهدي سرك ويريح بالك يارب ويهديلك نفسك والله المستعان

هذي غيرة انثى وانا ما الومج عليها

ولكن انتي شو عليج اهم شي انه يحبج ويكون زين وبعدين لاتنسين زوجته الاولي لازم يعطيها بعد تراه محاسب أمام الله لو صدق تحبينه تعاونينه على هالشي

تخيلي حبيبتي انتي الاولى نفس الشي

استغفري ربج وتوكلي على الله دامه ريال زين وحبوب ويحبج خلاص انسي

سيري أكشخي وتعدلي وسولفي وياه واضحكي ترى الريال مايحب الوحدة النكدية والي غيرتها وايد

موفقة حبيبتي باذن الله تعالى وان شا الله شدة وتزول ياقمر