ما قادرة اتحمل العيشه مع زوجي...اريد الطلاق

تعرفوا اني جالسة اسوي إللي يريده لاني صرت اخاف منه وبعدني ما قادره اتقبله ما اعرف كيف اتخلص من هذا الشعور...احس اخاف ارجع مثل قبل متفاهمين و كل واحد قريب من الثاني..اخاف يرجع يضربني بصراحه متعقده كثير

اسمحولي يا بنات
شو اصبري؟!

الوحده منا تطلع من بيت ابوها مو عشان تنضب وتتبهدل
اذا الوحده ما لقت الامان والحب عند ريلها وين بتلاقي
اعوذ بالله منها من عيشه!!

الغاليه لازم تاخذين موقف صارم
لازم تقولين عند هذا الحد وبس
لانج لما تبينين لريلج انج مكسورة الجناح راح يدوس عليج خاصه اذا كان من هذا النوع
والرسول صلوات الله عليه قال بما معناه ما اهانهن (الزوجات) الا لئيم!
وقفي الصرف عليه ...ايجار البيت مو مسؤوليتج خليه هو يتحملها
وسيارتج تخيرينه يا اما يدفع جزء من اقساطها معاج بما انه هو يستعملخا ولا ما يستخدمها
كوني صارمه

والله ما ني عارفه ويش هوه الحل الصحيح والامثل تعبت والله تعبت

عزيزتي الغالية .. دوودي

برأيي الشخصي .. انك يجب ان تخبري احد من اهلك .. وتتعاملي بجد مع هذا الامر من البداية حيث بداية حياتكم .. قبل ان ترزقي باطفال .. وارجو ان تنتبهي ان لا ترزقي باطفال وحالك هذا .. وان توقفي ضربه .. يجب ان يفهم ان يمسك اعصابه معك من الان حتى لا يضربك بعد ذلك امام ابنائكم؟؟

كان الله في عونك .. وسهل امورك ... وسخر لك زوجك ان شاء الله

تمنياتي الخالصة لك بكل توووووووووفيق ان شاء الله تعالى

عزيزاتي...ممكن استشيركن في حاجه...زوجي بيسافر لدراسه مدة سنتين..هل تعتقدوا اذا رحت معاه ممكن تقل المشاكل بينا لاني بكون متفرغه حاله...يمكن بدرس اذا حصلت مبلغ يساعدني على الدراسة...او احسن اجلس في بلدي اتمسك بشغلي و اكون مع اهلي وكذا بيشتاقني و بيفتقدني؟؟؟؟

الله يسعدك ويهدي لك زوجك


نصيحتي مثل ما قالوا البنات انك تصبري بس حبذا لو انك تكلمي شخص مسؤول ويقدر يتفاهم معه..
يعني ما تشتكي لشخص يزيد الطين بلة ويتهاوش وبدل ما يحل المشكلة يعقدها.. (شوفي حد من أهله أو من أهلك، حد هو يحترمه ويسمع كلامه)
والأحسن انك تاخذيه باللين وتحاولي ترضيه قدر الإمكان، وفي المقابل تفهميه انك ما راضيه عن كونه يضربك بس بطريقة حلوة انتي اختاريها
على سالفة السفر.. يمكن ما دام الحالة كذا تخليه يسافر في البداية لوحده يمكن ابتعادكم عن بعض لفترة يساعدكم على حل المشكلة وانتي تفكري وهو يفكر وبعدها في حالة رجوعه تروحي معه.



الله يوفقك

doodi:
اخاف انه يزعل ومن بدل ما احل السالفه بهذي الطريقه اكبرها اكثر

حبيبتي دودي...
ان شاء الله ما راح تكبر السالفة... شوفي حبيبتي انا استخدمت هالطريقة في حل مشكلة صارت مع صديقة عزيزة علي عانت مثلك مع زوجها واللي سويناه اننا كلمنا امه بالموضوع خصوصا وان امه من النوع اللي ما ترضى ان ولدها يكون ظالم وتعتبر زوجته مثل بنتها تمام... أمه طلعت عظيمة فعلا وخذت الموضوع بالسياسة...بتقولين كيف؟؟؟
راحت ونادت عليه وبدت تسولف معاه وتسأله... هاه يا فلان كيف زوجتك معاك؟؟ تصدق انا حبيتها وايد ما شاء الله ادب واخلاق وجمال... الحمد لله ان الله رزقك ببنت مثل هذي... ولد فلانة تزوج وحدة اعوذ بالله منها لسانها اطول منها وما تحشم احد... وولد فلانه خذ وحدة وسخه زبالة لا مراعية لا زوجها ولا بيتها.... (يعني استخدمت طريقة تحسسه فيها ان هو عنده نعمة وما قادر يحس بقيمتها)
وعطته الام بعض النصايح... يعني تقوله دير بالك على بنت الناس تراه مثل ما هي عازتنك وعازة اهلك معاك حطها بعيونك تراها الحين حسبة بنتي...
والله يا دودي انه من بعد الكلام اللي قالته له أمه جى البيت طيران وراح عند زوجته واول كلمة قالها (آسف حبيبتي... وعد مني ما تشوفين من بعد اليوم الا اللي يرضيك) وبالفعل تغير تماما والحين مرت على السالفة 3 شهور وتقول انها اشهر عسل بالنسبة لها والحين حملت واستانس وايد على الحمل وزاد قدرها اكثر الحين عنده...

الله يوفقك الغالية وبشرينا عنك

ياصاحب الهم ان الهم منفرج ابشر فإن الفارج الله

لا حول ولاقوة الا بالله اذا كلمتيه وعلى الفاضي لازم تقولي لأحد من اهلك او اهله علشان يحطه عند حده ، هذا مو انسان :(

واذا كان بسافر لسنتين روحي معاه لانه هذا زوجك ولا زم يتحمل مسؤوليتك وانت أولى تكوني معاه

واذا تأزمت حياتك معاه وعلى الفاضي الطلاق من حقك لانه الزواج مودة ورحمة مو حلبة مصارعة

الله معكى انا شاعره انك بتتكلمى عنى لكن مع الفارق واعوذ بالله انا طلقت ومعى طفله لانى بعد التحمل فى مره ضربته وكانت الكرثه كيف اعمل كده انا ارى انك لازم تقولى لاهللك وتخذى موقف لانه هو شايفك ضعيفه واصبرى لا تنجبى اطفال

السلام عليكم والله انج عورتي قلبي شوفي حببتي انتي صبرتي صبرتي 7سنوات اتحملتي وهسه اتريدين تطلقين لالاتسوين جذي والله راح تندمين اصبري اني في بداية زواجي يعني بعد مرور 3شهور مشاكل وصلت للطلاق بس اني اسويت بكل هدوء رغم انه كانت نار احس مشتعله تحتي كلت مو هين ارجع الى أهلي واني صارلي3شهور متزوجه سايسته يصير عصبي اسكت ما أجاوب رحت اتصلت في أخته وعلمتها وقلت لها حاجيه بس لاتكولين وتبينين انه اني اللي كتلج الحمدلله على كلام اخته صار هادئ شويه وبعدين ظل ميحاجيني ولا يسأل عني واني كاتمه في قلبي وحسيت الحياة صارت مافيها طعم حجيت ويه نفسي قلت ليش ماأتنازل اني بلمبادره والكلام ومن الامور الباقيه والله شوصفلج اني تزوجت شهر6 والمشاكل صارت شهر8الشهر كله سحبني مشاكل للعلم اذا انتي وسط اهلك اني في غربه حتى اتصال انمنعت وكلت ماشي خلي اتحمل واتنازل والله وهسه لو تشوفينه الحمدلله ماشين واكو امور ماأكدر اكتبها لج على العام وكلها تعديتها اصلا لو هسه اتناضرينه تتعجبين على حسن معاملته ياحبيبتي حبيت اكلج الحياة مو كلها حلو فيها مر وفيها عسل ولازم تتحملين اصبري لاتهدمين بيتج بهذه الامور اني اعتب عليج لانه انتي من البدايه السبب
اشلون اتصرفين عنه اشلون يضربج والله اني مره وحده بس قال لي امشي ولي اسويت فيه وبعد ماعادها ابد وأعتذر مني يعني يحترمني وهسه كله يناديني حبيبتي وحياتي.......الزوجه ياأختي تعرف اشلون تتلافى المشاكل رغم انا تكون دائما جارحه وأحب اضيفلج لاتخبرين أهلج الحين لانه هتزيدين المشاكل استعملي كل الوسائل وياه اذا مانفع بس في تلك الحاله خبريهم .ابدي حياة جديده بينج وبين نفسج مثل ماأني سويت كانه هسه متزوجه والمهم لاتدلعيله ابد ابد يعني اني اكلج اشلون سويله اكل عادي وخليه ياكل ينام يطلع كله خليه في راحته وسوي نفسج ممهتمه ابد وكأنه ماكو مشكله بينكم وأصبري فأن الله مع الصابرين واشتكي الى الله فان الله يسمع شكواج وصلي ركعتين الشكر وقولي الحمدلله على كل شيء وأستهدي بلرحمان ولا تدعي الشيطان يؤثر عليج وأقراي القرأن فهو النور والهدايه واستغفري الله .....ولاتنسين كل متكملين امور زوجج من اكل ونوم والى اخره اقرئي القرأن وصلي بحيث يكون هو موجود في البيت يعني كدامه بحيث يشوفج تقرأين وتصلين وانتي تقرأين ادعي ربكي يهدي واي شيء تحتاجين امانه اكتبيلي على الخاص وأني بلخدمه

اليازي111:
لاحول ولاقوة الابالله العلي العظيم

الله يعينج اختي ويصبرج لكن اقول بعد انه الغلط منج انتي لأنج ما تكلمتي من اول مرة ضربج فيها وسكتي عن حقج لحد ما تمادى اكثر واكثر ومدام عندج أهل والوالد عايش الله يخليه حقج ليش ما تاخذين موقف من هذا الريال ليش ما تسيرين بيت اهلج وهم بيتصرفون وياه يوم ما عندج عيال المسأله هينه شوي واصلا هو ما يمن عليج بشي اذا انتي دافعه اكثر منه مصاريف العرس ومصاريف البيت انا ما أدري ليش ساكته لحد الحين قوي قلبج وخبري اهلج والله انه الحق معاج وانتي توج مكمله 6شهور حبيبتي الحياه قدامج وهذا زواج يعني عمر بينج وبينها ومب معقوله بتمين على هذه الحاله وبعدين لازم تعرفين سبب التغير هذا والراتب ماله وين يوديه وبعدين انتي قلتي انج اتعرفينه من 7 سنوات وهذا كافي لان تعرفي هذا الريال زين والا لا ........................ والله معاج

الله يهديج و يهدي ريلج و يهدينا اجمعين

لا حول ولا قوة إلا بالله

منن راي لاتسكتي خبري احد من اهلج بس وايدانه ذلج !!!!!!!!:@

كله ولا الضرب ارجع بيت ابوي احسن لي

ولا اخبر اهلي يأدبونه

الله يكون في عونك

انا ترددت اني اقول رأيي
بس ما شاء الله عليها اختي الغـــ كله ـــلا قالت كل اللي في نفسي
كل شي ولا الضرب

والسكوت عن حقك راح يخليه يتمادى
اما سالفة اصبري هذي !! والله غريبين هالبنات
صرت استغرب من الردود
وحدة زوجها يخونها ... الرد بالصبر
وحدة زوجها يشرب ... الرد بالصبر
وحدة زوجها تزوج عليها ... الرد بالصبر
وحدة زوجها مايدري عن البيت ولا الاولاد .. الرد بالصبر

يا بنات الصبر زين بس لازم تنحل المشكلة .. لان السلبية بعد لها دور في هدم بيت الزوجية
اذا شاف الزوج زوجته ساكتة .. بيفكرها راضية
او مو مهتمة
او مستسلمة

اصبر .. ماقلنا شي
بس في نفس الوقت احاول احل المشكلة وادخل احد من الاهل
هذا ضرب يا بنات مو شي بسيط
الوحدة ما تستقوي على زوجها ... بس ما تسمح لاحد يهينها وهي اللي عاشت في بيت اهلها معززة مكرمة

حتى الشرع وضح هالنقطة ( امساك بمعروف .. او تسريح باحسان )
معليش انا طلعت من الموضوع بس عشان اوضح وجهة نظري ... المفروض انزلها في موضوع منفصل

الله يصلح بينكم اختي ويهديه و يعرف حقوقك زين
وان شاء الله مايصير الا اللي فيه صلاح لك وله

كل ها وبعدج صابره
لشو ذاله عمرج
الحمدالله قولي وخبري اهلج
ترى مليون واحد غيره
والله بيكتب الي فيه الخير

لا حول ولا قوة الا بالله فعلا هذا رجل ما يستحي على الاقل يقدر انك ساعدته وقفتي بجنبه فعلا في رجال ما عندهم دم وهذا ما عنده دم ولا احساس وانتي لازم يكون موقفك اكبر من هيك وتوقفيه عند حده وتكلمي اهلك لازم اهلك يعرفه خلي بلكي استحى على دمه المفروض اصلا ما يلمسك بسوء ويدير بالو عليكي مش يضربك يحمد الله اصلا انه ماخذ وحدة مثلك مش انانية صرفتي كل لفلوس حق العرس ومصاريف لازم هو يدفعها فعلا صدق المثل اللي قال اتقى شر من احسنت اليه بس انا لو منك اتركله البيت وامشي خصوصا انك ما عندك اولاد شوفي كيف بيجيلك انا ما بدي اخرب والله عن تجربة ازبلي الرجال بيجي لاعندك اعملي موقف كبير بحقك عشان يعرف قيمتك اتركيه وشوفي النتيجة بس لا تجيبي سيرت الطلاق بس عاقبيه عشان يعرف انو غلط بحقك والله اني زعلانه عشانك وانشاءالله بيجيب نتيجة .

الله يعينج .........................
اكبر غلط انه الحرمه تقوم بواجبات ومسؤليات الزوج لانه بيحس انه انتي شاريتنه وما تقدري تعيشي من دونه بالعكس خبري اهلج علشان يحس بالمسوليه وصدقيني ما بيقدر يسوي شي وكل ما حاول يهددج بالطلاق هو خسران لانه انتي تدفعي كل شي عنه واذا الريال ما منه فايده في البيت ليش عايشه معه حطي لج حل نهائي بدل ما تمرضي