اختي وزوجي الحل؟؟؟؟؟؟؟؟؟؟؟؟؟

اللـــــه يهديها

اختك شكلها في سن مراهقة وانتي تعرفين فهذا السن المراهق ما يحب احد يقيده او يفرض عليه شي معين
فالأفضل انك تسايسينها وتجين معاها بالطيب وفي نفس الوقت انا مع الأخت العائدات اذا زوجك كان يبي يطلع يقولك قبل وتعطين اخواتك خبر

شوفي لك حل ودوري لك شقة اطلعي..

اليوم زوجك يعصب ويقول خلها تتحجب..

بكرة ما ندري شراح يصير.. لحقي على زوجك يا بنية..

الله يكون في عونك...

غرييييييييييبة صراحة مجتمعاتنا ...يعني ليش ما يعتبرها مثل أخته الصغيرة ...وإنت يا أخواتي مكبرين السالفة ..صح إن الرجال مالهم أمان بالمرة خاصة في مجتمعاتنا ...بس شوفوا البلدان الثانية ...شو نقول عنهم إختلاط ..وبدون حجاب وأحيانا ملابس مو محتشمة .....بس أهم شيء الجوهر ....يا أختي مثل ما قالوا بعض الأخوات ....لا تفتحين دايما الموضوع عند زوجك ..خلي كأنه السالفة مب هامج ...بس عالجيه من تحت لي تحت ...مع أختج وأهلج وإبعدي ريلج عن السالفة ولا تفتحين دايما الموضوع معاه ......إذا فتحلج الموضوع ...قوليله لا تسوي من الموضوع كبة في النهاية إعتبرها مثل أختك الصغيرة ..وصفي النية ..والله يهديها:shy:

الغاليه بتول
ليش الرسول صلى الله عليه وسلم قال
الحمو الموت؟!
الا لانه الموضوع خطير؟!
انا اشوف انه الاخت وياها حق
شي يقهر بصراحه!!

ربنا يهيدها

من راى كلميها واتخذى موقف معاها

دوري لك شقه لا تحطين اللوم على اختك يمكن عمدا تسوي كذا
علشان وجودكم مضايقها؟

من حقها هي.

وبعدين حتى لو ظروفك اجبرتك تجلسين عدن اهلك. الغرفه لازم تكون خارجيه نوعا ما.

بحيث لو دخل او طلع ما يكشف البيت كله؟

هو عنده بيت اهل يروح يجلس فيه.

ليه تضايقين خواتك؟

من حقهم يآخذون حريتهم

حطي نفسك مكانها؟ ماراح تتضايقين؟

انصحيها بعقلانيه.

وزوجك ما يعرف يغض النظر؟

يمشي ويخلي راسه تحت لا يرفع إلا لطلع من الباب الخارجي بيكون ما حوله احد

وتكونين معاه


أصلا غطل وجودك ببيت اهلك وهو معك

مهما كان الحمو الموت.

وهي مراهقه. ما تجي بالصراخ تجي بأسلوب

قولي لها لو انتي مكاني بترضين اي وحده تفتح وجهها لزوجك ؟

حاولي تدورين غرفه لها باب خارجي أفضل.

ولا دوري شقق مفروشه كاحل مؤقت.

اما تجلسون ببيت اهلك وتحكمين فا هذي صعبه.

الحموووووووووو الموت..

والحمو يدخل تحت مسميات كثيرة ابو الزوج اخوه عمامه خواله. عيالهم
كلهم يدخلوت تحت هالمسمى للمعلوميه

وليس فقط اخو الزوج

ولك تحيتي.

الله يهديها .. حاولي تكلمينها بهدوء وان ما نفع عندج أبوج أو أحد من اخوانج

الله يهديها ..

أختي بتول........

المفروض مبادىء اللي ماخه اسمها تكون موجوده عندك..

فاطمة الزهراء تقول خير للمرأة أن لا ترى الرجال ولا يراها الرجال وانتي تقولي تعتبرها اخته الصغيرة..

الرجال رجال .,. ركب القمر ولا نزل البحر..

نخلي البنزين جنب النار ونقول احترقنا ..

اختي
الله يكون بعونك

بس ترى من حقها هي يمكن متضايقه من وجودكم
وهذي طريقتها في التلميح لكم

سؤال هي متحجبه أساسا
يعني تغطي شعرها بره عن الأجانب ولا لا؟؟
اذا مو متحجبه ما تقدرين تجبرينها !!!
هالشي لازم ينبع من داخلها ومهما نصحتيها مافي فايده

انك لا تهدي من أحببت :(

انتي ليش ما تروحين مع زوجج لبيت أهل زوجج اختي وترتاحين من هالمعاناة
ع الاقل خواتج ياخذون راحتهم في البيت

واذا ما تقدرين على هالحل
مالج الا انج تنبهين الوالد أو احد الاخوان

لان هم اللي بيحكمونها عدل
وانتي لا تكلمينها في هالموضوع ابدااا

والله يسهل عليكم اموركم ان شاء الله



بخصوص الأخت اللي ذكرت انه محرم
انا اللي اعرف انه محرم مؤقت
يعني بعد وفاة الاخت او طلاقها لا يصبح محرم
ومايجوز انها ما تتحجب عنه وتاخذ راحتها معاه كأنه اخوها

لكن انه محرم
ابدااا ما يصير :)
يمكن اختي خانج التعبيير ومو هذا اللي تقصدينه

هلا أخواتي الغـــ كله ـــلا و نور المدينة

أنا مو قصدي إن شيء إنه عادي ...بس أنا ماريد من الأخت إنها تكبر السالفة .....وبعدين الموضوع بيطلع صدق ..لو هي بينت أهميته لزوجها وأختها ..يعني تحاول تطنش ..ولكن تهتم من بعيد بدون ما يلاحظها زوجها أو تلاحظها أختها...وثاني شيء شوفيها لو قالت لزوجها أحسن النية وصفيها وإعتبرها زي أختك الصغيرة ...بس مب يعني إنه يشوفها ويقعد معاها ...بس أنا قصدي نفسه ..إنها أخت زوجته ..بمثابة أخته الصغيرة جي أنا قصدي .....وأنا أقلكم لا تشعلون النار وااايد .....مافي داعي ..عشان شعرها ...خلاص يعني السالفة فيها إن ..كيف لو شيء ثاني بينته ...يابنات ويا أختي المعنية بالسالفة ....لا تكبرين السالفة ....وإذا إنتي شايفته كبيرة مرة ..خلاص إنتقلي من الشقة وإرتاحي ....بس البنات في كل مكان .....خفتي من أختج ونسيتي اللي برع واللي في الدوااااااااااام ....هذولة اللي يخوفون صدق مب أختك والله يعينك :clap:

اختي بتول انا فاهمه قصدج

هو المفروض مايهمه لو شافها بدون حجاب لان هي مثل اخته
بس هو يعصب لان يبيها تحتشم هذا قصده
وخايف عليها مثل اخته لان هي ما تحجبت عنه وتساهلت يمكن تتساهل مع الغير

بس المفروض يطنشها لان هي يمكن معانده ومتعمده تسوي هالحركات
والاخت صاحبة الموضوع لازم بعد ماتكلمها في الموضوع عشان ما تخليها تعاند زود

والله يهديها ان شاء الله

بصراحة أختك قليلة أدب ..

جيبيها تقرا الموضوع ..

وقوليلها البنات يقولون يبالك ضرب ..




هيا مع السلامة

اعذروني انا مب معاكم فالراي صحيح الحجاب شي فرض علينا شرعا لكن لو هي مب مقتنعه ما نقدر نجبرها واحنا مشكلتنا دايما ناخذ الاشياء فالمظهر مب الجوهر يعني انتو عندكم الاخلاق بس فالاحتشام والحجاب البنت بعدها عمرها 20 سنه وهاي بيتها تبي تاخذ راحتها فيه وصراحه لو انتو متضايقين من الوضع ممكن تنتقلون الى شقه او اي مكان لان سكنكم في بيت الاهل غريب .

اختي الوحده من نفسها اذا تبا بتحاسب انه في ريال بالبيت.....وانتي تقولين بالتقنيه يعني مب ياهل تعرف الغلط من الصح.........وانتي انصحيها قبلتها اهلا وسهلا ماقبلتها ذبنها على جنبها وهيه بالغه ومش ياهل............

الله يهديها

الله يهديها ويصلحها

نور المدينه الحجاب فرض اذا بلغت فقط مو من تسع سنوات والبنت تبلغ اقل شئ12 سنه

وبعدين بصراحه مع البنت حق رجال وفي وسط البيت ليش حتي البيت تبغوونها تتحجب

اجل متي ترتاااح وتاخذ راحتها من الحجاب


انا عمري ما شفت رجال غريب يجلس وينام في وسط البنت

ليش ما عندكم غرفه برانيه ملحق او ما شابه ذلك

وانتي اللي غلطانه اللي تدخلين زوجك وسط بيتكم

أنا صراحة ضحكتني الأخت بنت أبووووها
يوم قريت ردها ....معصبة مررررررررررررة

الله يهدي الجميع
هي وينها الأخت ما قالتلنا شو آخر التطورات:gum: