يا بنات لاتبخلوا علي بالرد فدموعي على خدي

هلا اختي

والله يعينج ..ومثل ما قالت بعض الأخوات في بعض الرجال يحبون الهدوء وما يحبون الإزعاج ..ونومهم حساس ..عشان جي...يعني أي حركة بسيطة تأثر فيهم ..مثل ريلي مع إني مالجة ..لكن حسيت إن ريلي من النوع ما يحب أحد ينام جمبه يعني جمبه بالمرة ..ما يرتاح لأنه أي حركة من طرف الثاني على طول يصحى ..مع إن خاطره إني أنام جمبه وفي أحضانه ...بس ما يقدر هذا اللي فهمته منه ..بس إن شاء الله ما يطلع جي وأقدر أخليه ينام جمبي ...ويارب يثقل نومه بعد العرس :gum: ......إنتي حاولي مثل ما قالوا الأخوات إنج تنومين العيال ....وتتعطرين اوكي ...يعني ريحة حلوة تخلي واحد يبا ينام في أحضانج وجمبج ...وحاولي تقوليله يوم أرقد عدالك أحس بالأمان وأحس إني أنام مرتاحة ....حاولي بالكلام الحلو تجذبينه لج ..شوي شوي ....ونصيحتي إذا رضي ونمتي عداله وان شاء الله يرضى ....إمدحيه وإشكريه ...الرجال يحب أحد يمدحه ويعظم أفعاله ..وقوليله شكرا وقوليله لأول مرة أرقد زين وأحس بالأمان ..والله لا يحرمني منك ويعني قوليله من هالكلام اللي يعظم فعلته ..هذا هي طبيعة الرجال والله يعينا عليهم ..والله يصبرج ويسخر ريلج لج ..ويجعل زوجك قرة عين لك وتكونين قرة عين له ان شاء الله
بس نصيحتي كل يوم في الليل أو بعد صلاة الفجرة تقرين سورة يس بنية إن ربنا يقربه منج ويحبج وما يستغنى عنج ....وداومي عليه مثل الدواء

والله يفرج همك ويحقق اللي في بالك

عندي تعليق بسيط ...ليش في بعض الأخوات يقولون نصائحهم عالخاص ..في رايي يقولونها عالعام عشان الجميع يستفيد منه يمكن في واايد حالتهم مثل حالة أختنا ...

اختي العزيزه اتمنى من الله عز وجل ان يتمم عليك السعاده وان يهدي لك زوجك و ان يعيد البسمه الى شفاهك ,عزيزتي اشعر ان اللذي اصابك عين لم تصلي على النبي,لذا انصحك بقراءه القرآن والادعيه اللازمه كما انصحك بعدم التودد له بشكل مبالغ فيه لان هذا من شانه ان يزيد الامور سوءا بعض الرجال يرفض هذا الاسلوب ويزيده نفورا ,لي اخت اصابها ما اصابك وحاولت ان تتقرب لزوجها وكانت تحاول باستمرار ان تسمعه الكلام الجميل وترسل له المسجات على جواله وما زاده هذا الا بعدا ,ليست كل الرجال تحب هذا الاسلوب ,لذا انصحك بالتقرب منه لكن دون المبالغه,بمعنى حاولي ان تجذبي انتباهه لك بدون الافراط في التعبيربمعنى ان احببت قول كلمه جميله له كي تشدي انتباهه فتكفي كلمه او اثنتين ولا تمطريه بوابل من الكلمات الا اذا احسست بتجاوبه معك وحاولي ان تلفتي انتباهه بلبسك وماكياجك وان تحرصي دوما على تغير مظهرك والتجديد في حياتك ,كما ان البنات في المنتدى ما قصروا ووضعو الكثير من الطرق لكسب قلب الزوج حاولي ان تنتقي منها ما يناسب نفسيه زوجك ,نصيحه اخيره لك اطلبي من زوجك ان ياخذك وتذهبي معه لاداء العمره وعسى ان تكون هذه المناسبه الروحانيه فرصه لتجيدد المحبه ولا تنسي ان تشربي من ماء زمزم وتدعي لان ماء زمزم لما شرب له واكثري من الدعاء ولا تياسي من رحمه الله ان الله سميع عليم .

لازم مشاركاتك توصل 15 عشان تقدرين تقرين الخاص

الله يعينك ياعمري بس أنا كان معي العكس ماأطيق رائحته والسرير بكبرة ماقدر أنام معه وزاد الطين بله إني تركته ينام في غرفة وأنافي غرفة بس ألحين تحسن الوضع وين عن أول بعدين ياعمري يمكن زوجك مثلي ماأحب أسمع أحد يتنفس مو يشخر بعد والليتات وطبعا ظلام في ظلام حبيبتي أصبري على زوجك وتقربي منه

انا رأي يختلف شوي عن الاخوات ......
1-اقول اهمليه وعيشي حياتك يعني اهتمي بنفسك ورتبي شكلك واتعطري واهتمي باولادك هذه النقطة تخليه يفكر بانك ما مقصرة معاه
2- اتقربي له من خلال اطفالك كيف يضحكون كيف يلعبون شاركي وبنفس الوقت دلعيه بصورة غير مباشرة هو لان الرجل مثل الطفل يحب الاهتمام وطبعا اذا زاد عن حدة انقلب ضده فانت خليج ذكية بحركاتج
3- اعطيه الحق بالتفرد لان يمكن يكون عليه ضغط بالشغل ويحب ياخذ كفاية من النوم
4- حاولي عدم الضغط بالاشياء الي تريديها من اهتمامه بك شوي شوي الى ان يتعود
وكل هذا انا مااعرف شنو حياتكم داخل البيت فانت اكيد على دراية كاملة من هل الاشياء الي ذكرتها اذا كانت تنفعج او لا مع هذا كله حاولي تذكير نفسج بكتابة رؤس اقلام بالاشياء الي تبين اتسويها وحدة وحدة وليس دفعة واحدة لان بعض النساء ماتصبر وتهجم على الرجل بكل الاشياء الي تبيها بغض النظر عن ظروفه
5- اعتبريه صديق واحكيلة مشاكلك بدون ما تزعجيه وكل ما يدور في بالك بس بذكاء
ان شاء الله افيدج بهل نصائح وخبريني اذا حبيتيها او لا

دوري على الاسباب حبوبه
احتمال انتي مقصره في شي و لا في شي ينفره منج

من جذي قال انا ما احب ارقد مع حد

شوفي و تقصي بدون ما يحس ا كيد بتلقين سبب مقنع


والله يقربكم من بعض

جــ ورد ــوري:
مرحبا حبيبتي الله يعينج على بلاوج .. حاولي تتقربين منه وحاولي قدر الامكان تتلزقين فيه .. حتى حاول قدر الامكان بكل دلع وحنيه تحتضنينه او تقريبه لصوبج ... يا حبيبتي الرجال كلهم جيه .. لازم انتي تاخذين الخطوة الاولى .. ساعدي نفسج عسب يساعدج .. يعني مثلا اخطفي بوسه عالطاير حسسيه ان الرقاد حذالج بيكون حلو بطرقج الحلوة .. واتمنى ان شاء الله تتوفقين وتنحل مشاكلج الغلا
اختج
جـ ورد ـوري
:shy:

رايي مكن راي اختي ورد جوري

وانشالله ربي يهدي قلوبكم لبعض ويعد عن المشاكل وبستر عليكم انشالله ولا تنسين دعائج في كل اوقاتج وربي يجمعكم على قلب واحد


طمنينا عليج

انا بقترح عليكي انك تتناقشي معاه وتفهمي القصة منه

وين مايسير يرقد سيري وراه حتى لو على السطح ولاتخلينه يرقد بروحه قوليله اخاف وشفت حرامي ولا يني والله قهر هل الرياييل تمي لازقه فيه.....

و الله سخيف هالريل

اختي شو رايج تتصلين في هاذيل مال الصلاح الزوجي في المحاكم ... عندهم واحد اسمه خليفه المحرزي خليهم يحولونج عليه وايد فنان ..يمكن ينصحج بأشياء لانه ريال و الرياييل يعرفون لبعضهم

الغالية الله يعينج على زوجك

حبيبت اسأليه أيش السبب ؟؟؟


وقوليله انج من حقج انك تنامى معاه بغرفة وحده لانه هذا الشئ شرط من شروط الزواج الصالح

الغالية ناقشية ولا تكونى سلبية معه قولى اذا انا ما حسيت بالامان معاك على سريرواحد من وين ايبه يعنى

واسمحيلى كيف المعاشرة الزوجية تكون ؟؟؟

معقوله عقب ما ينتهى الامر يروح ينام بعرفه بروحه ؟؟؟

اذا نعم الغالية قوليله انج ما بتحرمينه من هذا الشئ لان طاعة الزوج امر من عند الله

بس انت ترى مو سعيده بهذا الشئ ...


ومثل ما قالوا البنات لاتهملين بنفسك ابدا

ادرى ان الامر موسهل بس شو عندج غير الصبر والدعااااااء والله يوفقج

اللهم يا مغير الاحوال من حال الى حال غير حالها الى احسن حال اللهم ريح بالها واسعدها وازل همها يارب العالمين...
والله يا قلبي مني عارفه ايش اقولك بس والله اني بدعيلك من كل قلبي وربنا معاكي يارب وحاولي تسمعي كلام الاخوات وتنفذي نصايحهم وربنا معاك..

اللهم يافارج الهم فرج كربك اختى .....اللهم اقر عينها بهدايه زوجها واجعل بينهم الموده والرحمه

يارب يصبرك ...وانا يااختى بقولك انتى لازم تهتمى بنفسك وحاولى انك تحسسييه انك مش

قادرة تبعدى عنه بس اكيد بذكاء وربنا معاكى يااااااااارب

عزيزتي... يمكن رجلك متزوج من واحدة أخرى من غير علمك. ابحثي عن الأسباب... بما أنك عملت المستحيل وما في فايدة... سلمي أمرك إلى الله

اختي بما انك قلتي انك جربتي كل الطرق لجذبه لكن دون جدوى
مالك الا الذي خلق القلوب
عودي اليه وانطرحي عليه بركعتين في جوف الليل
ابكي و ابكي و قولي كل شكواك تكلمي كأنك تكلمي احد قدامك
ارفعي يديك وقولي يااااااااااااااااااااااااااااااااارب انت اعلم بشكواي يارب ياللي خلقت قلب زوجي خلي قلبه يحبني و خلي يرجع يرقد وياي قولي يا من يجيب المضطر فرج همي و لا تنسي ان تبدإي الدعاء بالحمد و الثناء والصلاة على النبي
<لان الدعاء يعلق في السماء ولا يرفع الا اذا صلي على النبي صلىالله عليه و سلم >
ادعي وادعي لا تيأسي من رحمته وتذكري قول الشاعر
يا صاحب الهم ان الهم منفرج ابشر فإن الكاشف الله

الله يصلحلج زوجج ويقربه منج ويمووووووووووووووت فييييييييييييج ان شاء بعد حبه لربه ورسوله صلى الله عليه وسلم والديه يااااااااااااااااااااااااارب

السلام عليكم,,,,عزيزتي صدقيني في شي بما ان قبل مايجيكي عيال وهو يحب ينام برا معناه في شي يعني باختصار انا اتوقع مثلا انه يشخر او يحلم ويمشي في الليل او او او وهدا مسبب له احراج,,,,يعني سمعت عن وحده زوجها ماينام معاها يحب ينام لوحده بس مع الايام وطول المده اعترف انه يعاني من اضطرابات معويه تسبب له احراج وهو نايم لانه مايدري عن نفسه ارجو انا تبحثي عن السبب ولا تياسي

السلام عليكم ورحمة الله وبركاته شخباركم يا اخواتي صدقوني بنات نسيت الي انا فيه والله اني فرحت وحسيت انكم اهلي لان كل وحده ردت ونصحتني ودعت لي والله لا يحرمني منكم ويوفجكم في كل خطوة في حياتكم ونا الحينه قاعده احاول اتقرب من ريلي واصلي وادعي الله يهديه في بنات قالوا اني يمكن اتحرك وعشان جذه ما يرقد ويايه وبنات قالوا اني يمكن مهمله بنفسي بس لا يا اخوات والله اني انسانه هاديه براي كل من رقد عندي في الغرفه من خواتي او خوات ريلي وعمتي وعني انا اهتم بلبسي وشكلي واشتري ملابس نوم غاليه واغير لون شعري واتعطر وازين الغرفه بس شوي يتاثر وبعدين يرقد بعيد بس والله اني مستغربه ما كان جذه ؟ مابطول عليكم واشكر كل من رد علي ونصحني سواء على العام ولا الخاص والله يهدي الجميع

السلام عليكم

ادعي ربك حبيبتي ومثل ماقالو حاولي تجذبينه بكل الطرق والمنتدى فيه شيا وايدحلوه

وشوفي ايش اللي يخليه يتصرف بهالطريقه وابدا لاتخلينه بغرفه وانتي بغرفه هذي فيها مصااااااايب

حببيه في اولادج خليه يمسكهم يشارك في كل شي يخصهم

ادعي الله في اخر الليل بعد ماتصلين ركعتين خليج كم يوم هذي مجربه ..كان الله في عون العبد ماكان العبد في عون نفسه

لاتمنعيه ابد من حقه الشرعي

وشوفي وين ابتدت المشكله انا فاهمتج وحاسه فيج واعرف ان الوضع صعب

والله يوفقج ويهدي زوجج