الجزء ال21 من تجهيزات عرايس قطــ2006-2007ــــر

مآخذني مني:

***********

بالنسبة للبخور اللي قلت لج عنه كله في محل ياس .. وهالمحل بتحصلينه في مول الامارات :)
في دبي طبعاً ..

اما محل الباديه موجود في سوق الذهب مال دبي يالغاليه ..

******

شموخ عنادي ..

احسن شي في البحرين العبايات في فريج البوكواره :)

الخبر : فيها وايد اشياء .. بس فيه محل في الراشد اسمه كاري بلانك .. عنده فوط وتلابيس خياااااااااااااااااااال ..

وفي الراشد بعد السواني فيه ماركات بدل وبناطلين وووالخ ..

أما دبي : البخور والعبايات والجلابيات وقمصان النوم .. والله واااايد ..
انتي شوفي شنو ناقصج وركزي عليه :)

************

RoO7 QtR:

.
.

بنات عندي سؤااال ..

اذكر مره قلتو عن دكتوره في مركز جراحة التجميل وانها اوكي في الليزر .. ؟؟ ممكن تذكروني باسمها وشلون هي زينه وايد ؟؟.
.

شموخ عنّادي:
عرفته المحل اللي في وافي

يبيع ماركة سيف ذا كوين صح؟؟؟؟؟

وزون قلت لها تروح له وايد مدحوه لي

ماكرة ارماني طلبت البودره لان عندي كل شي الا البودره

وبوهيل بروحها تدله عدل كل مره تروح تسوي لنا عبايات

عندنا ربع في دبي كل مره نروح على اساس 3 او 4 ايام نقعد اسبوعين مايخلونا نرجع

بس صار لي سنتين مارحت

واذا رحت الحين اكيد بكون مع زوجي ما اعتقد بطلع معاهم مثل قبل:(

RoO7 QtR:

.


بالنسبة لدبي .. عبايات سويت ليدي ف الغرير شغل كرستال حلوو الي في خاطرها عبايه تبرق بتلقى الي تبيه هناك .. حناين بعد معروف بالكرستال بس اغلى من سويت ليدي بوايد ..

.
.[/COLOR][/SIZE]

الليازي:

:up: :up:

أنا تووونيـ مفصلهـ عبيـ عند [ سويتـ ليديـ ] & [ حناينـ ] بالإماراتـ وملييييييانـ كرستالـ وإذا

فيـ يووومـ منـ الأيامـ ضعتـ عنـ أميـ بتلاقينيـ على طووولـ منـ الشغلـ الليـ عليهـ :bigsmile:

بسـ صدقتيـ أختيــ روح قطر شغلهمـ روووووعهـ شويـ عليهـ :up:

فديته والله:


شيخة البنات
دام عرسج في شهر 7
لاتجهزين من الحين

بس اخذي لج الاشياء البسيطه العاديه :gum:

يعني مثل ملابس داخليه

واصبري لان الحين بينزلون كل شي شتوي
بس ابتدي احجزي من الحين مكياج وتسريحه
والحنه
لان بعدين ماراح تحصلين
وفي هالفتره شوفي اشلون بتسوين ليلة حنتج
واخذي الدفتر وسجلي الاشياء اللي تبينها حق تجهيزات الحنه
واذا قدرتي وجا في خاطرج تشترين مداخن او اشياء للتوزيعات ابتدي من الحين وحطيهم في خزانه عندج

وابتدي اشتغلي في الافكار للعرس والحنه
وحطي الالوان اللي تبينها

وابتدي جهزي من شهر 3

وان شاء الله البنات بيفيدونج يا قلبي

************************

غالية ياقطر:
شيخة البنات
مبروووك حبوبه على الخطوبه وابدي اهم شي احجزي للعرس مكياج شعر حنه تصوير هاي اهم شي المفروض تحجزينها من اللحين

دوحانية:

شيخة البنات :: بشرج الله بالخير .. و زين اطلعت الخطوبة مثل ما تبين و عقبال العرس ..

بالنسبة للحجوزات و التجهيز .. و الله يا أختي ما تقدرين تاخذين شي الحين لأن تو الناس على عرسج .. بس تقدرين بعد عيد الأضحى تروحين تاخذين لفة على الكوش و الطاولات .. عشان تحددين ميزانيتج ..و جذي ..

بالنسبة لقائمة التجهيزات .. إن شاء الله باحط لج القائمة : )

*
*

غالية ياقطر:
شيخة البنات

حاولي تحجزين اللحين لان على بدايه السنه الجديده بتتغير الاسعار احجزي الاشياء المهم مثلا التصوير لان انا صارلي موقف حجزت عندهم كلشي في رمضان وبعد العيد رحت دفعت لهم عربون بس تفاجئت انه السعر تغير الا يقولي انتي شفتي وحجزتي بس مادفعتي عربون عشان نحجز لج على هالاسعار جانا كشف من المدير لازم نغير الاسعار بعد العيد نصيحه روحي من اللحين وافتكي

دوحانية:
حبيبتي شيخة البنات .. تفضلي الرد :

http://www.3roos.com/forums/showpost.php?p=2873109&postcount=141

القائمة الموجودة .. هي قائمتي اللي مشيت عليها ..

*
*
*

عاااجل إلى بنت الغالي الغالية ..

أدري إنج مشغولة و إمتحانات و الله يعطيج العافية .. بس يا ليت أول ما تفضين تحطين موضوع

شامل القوائم اللي تحتاجها العروس : قائمة التجهيزات - قائمة شنطة السفر - قائمة الجمعية خخخ

يعني كل القوائم تكون في موضوع واحد ..

و إذا حابة أنا أسويه ما عندي مانع ..