جنّه:
بصراحه : استغربت ردود البنات !!
تبون تهدمون بيت المره بدال ما تهدونها ؟؟؟؟؟!!
لا حول ولا قوة إلا بالله
.
.
يا حبيبتي
الوحدة منا لما تستخير ربها ببداية الخطبة وتوافق
تحط دايم في بالها شيء واحد : ان الله كتب لها اللي فيه الخير لها ..
"وعسى أن تكرهوا شيئا وهو خير لكم "
"الطيبون للطيبات ,والخبيثون للخبيثات" ...
حطي نفسج بكرة بمكان أهله , وولدج بكره زوجته تقوله خلاص راعيت أمك وايد والحين لازم تستقل وتخليهم ...! وتخيلي كيف بيكون شعورج !!
يمكن يكون زوجج مبالغ فيه باهتمامه , لكن تأكدي ان انتِ ممكن تكونين تشيلين جزء وجزء كبير من زيادة هذا الاهتمام بـ كلامج عن أهله وتضايقج من اهتمامه فيهم ..!
اللي مافيه خير لأهله -أمه وأبوه وخواته- لا تتوقعين يكون فيه خير لج أبدا ..
.
.
الدنيا أخذ وعطى .. ومثل ما تبين تاخذين منه -ومن كلامج تبين تكوشين ع باقي الفلوس حتى ماياخذونهم أهله وقلتي له اشتري لي طقم ذهب- ..
مثل ماتبين تاخذين وبس , عطي زوجج ..وقولي هذول أهله مايخالف ..هذول عزوته وعزوتي وعزوة عيالي بكرة .. هذول بمكان أمي وأبوي واخواتي اللي لي برّيتهم كأني أبرّ أهلي ولي أجر ان شاء الله ..
.
.
لا تتشكين ..واصلحي من نفسج وادعي وافتحي قلبج لـ ربج ..
وتوكلي عليه ... وصدقيني نفسيتج بترتاح حتى لو ماتغيّر شيء ..
الإيمان بشيء -مهما كان- ..راح يكون الإيمان مصدر راحة واطمئنان
ولو تغيرت نظرتج للأمر ..راح تتغير نظراتج لأشيءا ثانية ويمكن يكبر زوجج بعيونج وتقولين الحمدلله الله وهبني زوج بارّ بوالدينه وأهله ..والله راح يرزقني وياه ويوفقني بحياتي معاه ..
.
.
آسفة إن ضايقتج بكلامي ,
بس يا بنات حرام عليكم اللي تقولونه , طفوا النار ولا تزودونها ,خاصة انكم تسمعون القضية من طرف واحد - وآنا ماقصدج بشيء أختي والله- بس دايما كل انسان يشوف الموضوع من زاويته ,فتكون نظرته غير .. ما يقدر يحكم بسهولة ...لازم يكون حيادي بهالوضع هذا- !
والله يهدي سرّج ويوفقج يارب ...
الأخت ما قصرت معاك .. وأنا معاها بكل كلمة قالتها..