وربي صغيره على هالهم..

الله يهديه ويسخره لج ان شاء الله وادعي له بالهدايه واصبري ان الله مع الصابرين كان من البدايه رفضتيه اذا مايصلي ولكن الان مافي فايده.. وتحملي عشان الطفل

يارب يهديه ويصلحه قولي امين

وعليك بالعاء بالدعاء بالدعاء

بعد قلبي .. كله أجر لج ان شا الله

ادعي ربج وان شا الله ما راح يخيب ظنج

الله يهديه ويسخره لكم

اللهم اني اسالك ان تفرج عنها كل ما اهمها وكربها يارب العالمين

حبيبتي كلنا مرينا بهالمواقف بس اول ما يرزقج ربي بالذريه بتنسين كل شي ..وبتتمنين ان البيبي

ياج من زمان لانج بتحسين براحه ماله حدود..

من ناحيه الصلاه حاولي انج تخوفينه بعذاب القبر و شغلي له اشرطه دينيه اللي تتكلم عن الصلاه وعقوبه تاركها بس سالفه الطلاق


شيليها من بالج والله راح تندمين كثييييييييييييييييييييير اذ استوت خاصة اذ كنتي تحبينه


اذ على عمته طنشيه ومصيره بيرد لج ...


الله يوفقج يالغاليه ويرزقج بالذريه الصالحه

جزاكم الله الف خير على كل دعوه وكل نصيحه

ما قصرتوا الف شكر

وانا محتاجه دعاكم ادعولي وادعوله بالهداااايه

حبيبتي والله ما تستاهلين كل هذا والله عورتي قلبي
ابيج تفكرين عدل يا قلبي وتتخيلين حياتج مع هالانسان مو مع هالطفل لاء مع اطفال وبعدين تطلبين الطلاق وانتي برقبتج هاليهال فانا من رايي انج تصلين استخارة وشوفي شنو راح يصير فيج ودامج حامل ما يصير يطلقج انتي خلي هالفترة فترة امتحان لزوجج سوي كل شي زعلي منه روحي بيت اهلج شوفيه يردج ولا لا. بعدين قعدي معاه عامليه بحب وبعناية وبرومانسية شوفيه يتعدل ولا لا .جربي كل الطرق معاه بهالفترة حتى جربي معاه العصبية يمكن من النوعية الي تيي بالعين الحمرة. المهم انج بهالست شهور تختبرينه تشوفينه قد المسؤولية ولا لاء وصدقيني يا وخيتي اذا ما فاد معاه وظل على اطباعه بس تولدين طلبي الطلاق وخلي يموت قهر لانه بنات الناس مو لعبة وخل عمته النسرة تفيده . وانتي راح تعيشين مع ولدج معززة مكرمة حتى لو ما تزوجتي ما راح ينقال عنج عانس راح تقضين وقت فراغج مع ولدج واهتمي فيه وانا ادعيلج من كل قلبي ويارب الله يهدي زوجج وييسر امورج

نصيحه مجربه اختمي سوره البقره كل يوم وادعي ان الله يسخر زوجك لك


وانتي بتشوفين النتائج

اللهم اني اسالك ان تفرج عنها كل ما اهمها وكربها يارب العالمين

لازم احد من اهلج يحاول يكلمه وانتي عليج بالادعية وقراءة القرآن وان شاء الله خير

والله يسخر زوجج لج ويبعده عن الشيطان

الله يهديه لج يارب مالج اختي الا الدعاء بقلب صاااااااااااااادق بصلاه الليل وبصلاه الفجر وعند السجود وووقت المطر هالاوقات اللي يستجاب فيها الدعوه صدقيني مالج الا ربج هو اللي بيساعدحج وبغيره لج

يارب اهدي زوجها وسخره لها

وادعي هالدعاء ترى سحره عجيب


(اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يامن لاتضيع ودائعه

اللهم اجعله لي قرة عيني الوحيد واجعلني له قرة عينه الوحيدة

اللهم حببه فيني وحببني فيه اللهم اطمس على قلب زوجي وسمعه وبصره ان لا يرى من نساء الدنيا غيري

اللهم سخره لي في سمعه وبصره وقلبه وماله اللهم استر عيوبي عنه واقنعه فيني وجملني في عينيه

واجعلني اجمل من الحور العين في عيني زوجي اللهم اره الحق حقا واره الباطل باطلا يارب العالمين )

هذي وحدة بالمنتدى حطته بموضوع الله يجزاها خير

اختي انا بقول لج شي
انا سمعت فتوى لكذا شيخ انه دامه زوجج مايصلي فهو يعتبر كافر ويعتبر زواجج منه باطل والله اعلم
فانتي قولي له هالكلام وترى اهم شي الصلاه واذا الواحد ماخاف ربه اجل مامنه فايده وحتى لو انتي حامل منه انا عندي الطلاق احسن من انج تواصلين مع شخص مثله
يمكن بعض البنات مابيوافقوني على كلامي بس ترى اهم شي انج تسألين شيخ عن مسألة الصلاه وهددي زوجج بها وكوني متمسكه بقرارج ولا تتراجعين عشان يشوف ان انتي جاده لان هالاشيا الواحد المفروض مايتساهل بها
واذا ماتغير فما اعتقد ان لك عيشه معاه
هذا اللي كنت انا بسويه لو كنت في مكانج
والله يهدي زوجج