اللي عندها مشكله مع طفلها تخبرنا بها وسنحلها بأسرع وقت ممكن

ام شوووق:
هلا حبيباتي
حبيت اسالكم ......

ولدي من عمره 8 شهور مايحبي ولا طلعله اسنان عادي ؟؟؟؟؟؟؟؟؟؟؟؟؟؟؟؟؟؟؟؟

حتى انا الحين ولدي عمره 10 شهور ولا حبى ولا طلع له اي سن ؟؟؟

المياسة:
توتة البحريييييييييييييييييييييييين

حبيبتي دخيلج ساعديني أنا فعلا ضجت و محتاجة حد يفهمني

أنا أم يديدة و عندي ولد توه مكمل الأربع شهور ربي يحفظه يارب

بس


مشكلته انه وااااايد صياح بشكل مب طبيعي ما أدري بس أنا أحس انه صياحه زيادة عن اللزوم

لدرجة لو حد بيلعبه يصيح ،، حد يتكلم بصوت عالي يصيح ،، كله يصيح أخاف يكره الناس فيه

و مع ان بيئتنا حشرة و مب هادية فما أدري ليش أخاف من الأصوات العالية :(

بليز أبا حل سريييييع

عزيزتي المياسه ،،،

طبعا ودي اساعدج واساعد كل ام عندها مشكله ،،وافهمها واخليها تريح قلبها بالكلام معاي ,,

طبعا الام الجديده ينتابها الكثير من الخوف والقلق في البدايه وفي كل مرحله من مراحل نمو طفلها،، وتعتقد ان كل ما يصيب طفل من شي مشكله،،

الامر عادي بالنسبه لطفل صغير في مثل عمر طفلك ،،،

يخاف من الاصوات العاليه والضجيج يضايقه فيحب الهدوء الذي كان يحصل عليه في احشائك،،

وهناك الالام تصاحب الطفل وتعب وغيرها ولكن انتي لم تشرحي لي الشرح الكافي لاتمكن من الحل بصوره دقيقه فياليت نتبادل الحديث لنتوصل لحل لطفلك الحبيب،،،

ابي تجاوبيني على استفساراتي بالشرح ان امكن ،،،

هل كانت الولاده في موعدها الطبيعي وبصوره طبيعيه؟

اريدمعرفه جدوله اليومي للنوم ؟

جدوله النومي لللعب والاكل؟؟

كم عدد الافراد الموجودين في المنزل واعمارهم؟

هل تخرجين معه للتسوق او الزيارات من يوم كان صغير؟؟

وغيرها من المعلومات التي تعتقدين انها السبب وسوف يتم حلها ان شاء الله ،،،

في انتظاركي عزيزتي

وشكرا لثقتكي بي:salam:

ام شوووق:
هلا حبيباتي
حبيت اسالكم ......

ولدي من عمره 8 شهور مايحبي ولا طلعله اسنان عادي ؟؟؟؟؟؟؟؟؟؟؟؟؟؟؟؟؟؟؟؟

اي عزيزتي عادي ومافي عليه خوف إلا لما يكمل السنه والنصف عن الحبي

وسنتين إلى سنتين ونصف عن الاسنان

واذا تحتاجين اي معلومات اضافيه او شرح عن اي منهم ردي علي وان شاء الله اكتب لج معلومات كامله ،،،،

شكرا لثقتكي بي:salam:

رشفه من الحب:
حتى انا الحين ولدي عمره 10 شهور ولا حبى ولا طلع له اي سن ؟؟؟

ما في مشكله عزيزتي وان شاء الله خير

واذا تحتاجين معلومات وشرح مفصل عن الحبي والاسنان ردي علي وسوف اكتب لكي ،،

الاسنان تخرج على حسب بين السنتين والسنتين والنصف اخر فتره لهم ،،، وبعدين تسألين الطبيب،،،

والحبي في بعض الاطفال على طول يمشون ،،، والخوف عليه يكون بعد اكماله السنه والنصف،،

فحاله طفلك طبيعيه ان شاء الله،،،

صباح الخير :salam:

اختي توتة البحرين ...........(f) (f)

ليش ما رديتي علي ؟؟؟؟؟؟؟؟؟:think:


السلام عليكم

انا عندي طفلة عمرها الحين 54 يوم ، ومن فترة الاربعين وهي من صارت الساعة 11:00 في الليل وهي تبدا تصيح وما تنام الا بعد الساعة 2:00

امي كانت تقولي ان الطفل بعد لاربعين يبدا يهدا

استخدمت كل الاساليب اللي تساعد على النوم من وقت
سبحتها
سويت مساج
اشتريت مجموعة حكاية قبل النوم من جونسون ( الصابون والشامبو والزيت واللوشن)
عطيتها ينسون
وشاي أعشاب ما الاطفال

وكله بدون فايدة
ارجوكم اذا عندكم حل ان بنتي تهدا وينتظم نومها ساعدوني وقولولي شو اسوي
والمشكلة اني بعد 10 ايام برجع شغلي اللي يبدا من الساعة 7:00 الصبح

ردوا علي بسرعة وجزاكم الله الف خير

hanaaaaaaaaaa:
السلام عليكم ورحمة الله وبركاته
الغالية توته
انا ولدي كمل ال 6 شهور .. وأبغي أودر عنه الملهية ( اللهاية) .. ومب قادرة .. طول الوقت ممكن أقدر أنسيه باللعب ومرات أشيله فما يحتاجها .. لكن وقت النوم مستحيل ينام بدونها سواء نومته القصيرة خلال النهار او نومته الطويلة بالليل .. على فكرة هو يكون شبعان واذا شلتها عنه وهو نايم يصحى على طول .. ومرات بالليل اذا استغرق بالنوم يعقها من روحه بس اذا وعى يصيح يبيها ومن أعطيه يرد ينام
يعني صعب ابعده عنها لانه ما ينام بدونها مع اني حاولت بس يصيح من الخاطر ما يرضى ينام بدونها .. حتى اعطيه الحليب قبل النوم عشان ينام عليه بدون الملهية لكن 5 دقايق ويصحى يبيها .. شو أسوي الغالية .. وكيف أفطمه عنها
والسموحة

حبوبه من زمان اتريا ردج وما رديتي علي .. الله يرضى عليج عطيني الحل ولدي صار سته ونص اخاف عقب يصير الموضوع اصعب
والسموحة عالازعاج

ماما حسون:
السلام عليكم .. هذه اول مشاركة لي في هالموضوع :shy:


انا عندي ولدي الكبير ما شا الله عليه بكرا يكمل السنتين و11 شهر .. اخيرا قدرت عليه في موضوع الحفاظ وعلمته على استخدام المرحاض ..

الحين هوفي البيت اوكى ، يعني اخليه بدون حفاظ ويروح الحمام دايما لكن المشكلة اني للحين ما اقدر اعتمد عليه في الطلعات يعني برا البيت ووقت النوم علشان اقطعها نهائيا ..

وعندي كم سؤال بخصوص هالموضوع ::

- متى اقدر اعتمد عليه واطلعه او انومه بدون حفاظ .. يعني لين بدا واحنا برا يقولي بروح الحمام او يقعد من النوم علشان يروح الحمام او شلون ؟؟ مع العلم ان حتى لو اروح به بيت اهلي او اهل زوجي ما يقول بيروح الحمام ..

- متى اخليه ينظف ويغسل لروحه بعد ما يخلص ؟؟ يعني لو علمته الحين عادي بيعرف ولا شنو ؟؟ انا احسه ان ما بيعرف وحتى لو حاول ما بينظف روحه عدددل ؟؟


افيدوني باللي مفروض اسويه عقب ما وصلت لهالتطور في الموضوع .. وهل ولدي تأخر في التعلم ع الحمام ؟؟

انا بعد انتظر الرد اختي توتة :sad:

مشكوره توته البحرين .......بعد بسال سوال بصير ملقوفه ههههههههههههه

ولدي ليش ماياكل شي تخيلي الحين عمره 8 شهور هو ماياكل شي الى حليب طبيعي قبل كان يمسك المرضعه الحين ودر المرضعه احاول معاه ياكل ماشي فايده وديته عند الدكتور يقول لي حاولي حاولت والله كل يوم اسويله شي بس كله يصيح يذبح عمره اهئ ماعرف شو اسوي والله وايد تعبانه طول الوقت افكر فيه ........:(

مرحبا .. أنا عندي ولد عمره سنة ونص .. دايما يرمي الأغراض اللي بيده خصوصا اذا كانت زجاج يكسرها على طول .. وأنا من أروح مكان يحرجني بهالتصرف ماخلى كوب ولا طبق الا وكسره حتى العطورات ماسلمت منه .. الله يحفظه .. قولو لي شوالحل خصوصا انه صغير فالسن واحسه مايقدر..........

السلام عليكم

أشكرك اختي على المباذره الطيبه .. والله يعطيط العافيه

حبيت استفسر .. صار لآبني يومين الاحظ فيهم ان لون البراز اخضر شديد مع وجود افرازات .. وهو عمره 4 اشهر وانا توني قاعده أأكله تفاح مهروس .. فهل هذا الشي طبيعي او في مشكله معينه ؟؟

ومشكوره مقدماً

هل كانت الولاده في موعدها الطبيعي وبصوره طبيعيه؟

++ الحمدلله طبيعية ++ و اتأخرت بس يومين على حساب المستشفى و جدمت يوم على حسابي أنا ++

اريدمعرفه جدوله اليومي للنوم ؟

++ امم ما ادري تقريبا ينام معانا على ال 12 ليلا بس من كم يوم وايد يزعجنا ليم ما ينام عادي تصير الساعة 2 و 3 :( و ينش يرضع كل ساعتين تقريبا و آخر شي ينش عالساعة 11 الظهر و بعدها يرقد عالساعة 2 أو 2 ونص تقريبا و شوي المغرب و شوي عقب العشا .. ++

جدوله النومي لللعب والاكل؟؟

الأكل من كم يوم بس بديت ع خفيف بسكوت و على حسب جدولج موز و جزر بس عقب المغرب ما اعطي شي إلا حليب و شاي أطفال :) ++

كم عدد الافراد الموجودين في المنزل واعمارهم؟

++ بيت زوجي : أنا و زوجي و أمه و الخادمة بس أحيان أبات بيت أهلي و ما شاء الله مزحوم واايد ++

هل تخرجين معه للتسوق او الزيارات من يوم كان صغير؟؟

++ امم لا اخليه عند أمي بس فالسيارة ممكن انحوطع معانا و فديته يحب السيارة يطالع و يشوف و وديته الجمعية مرة و كان هادي يطالع الناس و هو مستغرب ++

بسبعد ما أدري شو أزيد :)

hanaaaaaaaa

سامحيني يالغاليه ودي ارد على الكل بس عندي مشكله في المنتدى كل ما بي ادخل على الموضوع يقولي مغلق تعب والله اني منحرجه منكم وايد بس السموحه ،،،

واكيد بتفهمون ظروفي نفس ما اتفهم مشاكلكم ،،،:sad:

عزيزتي نرد لمشكلت طفلك الصغير،،،

انتي علمتيه على طريقه خاطئه وهي اللهايه وما يحتاي اقولج اضرارها كفايه انها الحين صارت عاده عند طفلك وتعود عليها ويصيح لو تركها اقل من خمس دقايق،،

المهم الحين هو تعود عليها ويخاف لو تركها ،،،

بس يبيله وقت مب يوم ولا يومين انتي عودتيه عليها ولازم تتحملين شوي لين ينسى ان شاء الله،،،

عزيزتي لا تحرمينه منها بسرعه وفجئه الطفل يخاف ويضطرب وينقلب الامر عكسي،،،

ولكن اخذيه بالتمرين وببطئ،،،

يعني اول يوم احرميه منها في ساعات الصباح واجعليه يلعب او يشاهد التلفاز،،، وبعها ظهرا عطيه اياها وبعدين العصر لما الليل حرميه منها ورجعي الليل عطيه اياها ،،،،

وزيدي في الوقت كل كم يوم لين ينساها ،،، ويتعود من دونها ولكن ليس بالسرعه القصوه فهذي الطريقه خاطئه ،،،

وان شاء الله تبشرينه قريبا عن حل المشكله ،،،،

شكرا لثقتكي بي وسامحيني على التأخير وان شاء الله خير،،،

ماما حسون


سامحيني يالغاليه ودي ارد على الكل بس عندي مشكله في المنتدى كل ما بي ادخل على الموضوع يقولي مغلق تعب والله اني منحرجه منكم وايد بس السموحه ،،،


واكيد بتفهمون ظروفي نفس ما اتفهم مشاكلكم ،،،:sad:

الله يخلي لج ولدج ان شاء الله ،،،

انتي عزيزتي قطعتي شوط كبير ومهم مع طفلك وفي وقت مناسب ما شاء الله عليج

وطفلك صار يتفهم الموضوع ولكن المشكله تكمن في وقت خروجك من البيت ،،،

حبيت توضحين لي اكثر شلون ما يقدر يقولك برع البيت،،؟؟؟

يعني شنو الظروف تكون عندكم ؟؟

المهم عزيزتي حبيت افيدك ان الاطفال تختلف ادراكهم لهذي الامر من طفل لاخر ولكن ،،،

على حسب استيعاب الطفل لهذه الحاجه ،،، فمثلا عندما تكونين خارج المنزل ما عليكي إلا ان تخبريه كل 25 دقيقه لو كان يريد الحمام يخبرك علشان يكون على علم لذلك ،،، فيستوعب هذا الموضوع حتى لو كان في بيت غير بيتكم ،،،

وبعدين مع الوقت راح يتعود حتى بعد الاكل بعشر دقايق او الشرب اخبريه يالله حمام حبيبي وروحي معاه وجلسيه في الحمام طبعا عزيزتي انتي تعرفين جدوله للحمام اليومي يعني في اي وقت يكون يحتاج للحمام ومتى ومع الوقت بيتعود بنفسه وهو اللي بخبرك وبيترك الحفاظ حتى لو كان خارج المنزل،،،

طبعا في وقت النوم راح تمنعين عنه الاكل والشرب قبل النوم بساعتين كي يتمكن من النوم بدون الحاجه للحمام،،،

او توقضينه في نصف فتره النوم وتذهبين به إلى الحمام،،


طبعا الطفل يستغرق الفتره إلى سن الخامسه يكون الطفل مهيأ كليا للحمام ،،،

طبعا في خصوص ان ينظف روحه بيتعود الطفل من خلال اخباره بطريقه مفهومه ان يغسل كما تغسلين ويتعلم بالتدريب ومع الوقت راح يعرف يعتمد على نفسه ولكن يجب ان تنظفيه من بعده لانه لا يعرف إلا التقلد وبعدها سوف يتعلم ومع الممارسه سوف يتقن الطريقه الصحيحه لتنظيف نفسه ان شاء الله،،،،

طفلك في حاله طبيعيه للتأقلم في التعليم الطريقه الصحيحه للذهاب للحمام لا تتسرعي ولا تخافي فذا الامر طبيعي ،،


شكرا لثقتكي بي وسامحيني على التأخير وان شاء الله خير،،،

رشفه من الحب

عزيزتي كل ما استطيع اخبارك ان تذهبي بالطفل بصوره سريعه لدكتور متخصص في امراض الاطفال ليأخذ منه التحاليل اللازمه لمعرفه السببب بشكل دقيق وان شاء الله خير واسفه على تأخري في الرد لما اواجهه من مشكلات في فتح صفحه الموضوع ،،، يخبرني الموقع بأن في صيانه ولم استطيع الرد عليكم ،،،،

الف الف شكر لج اختي توتة البحرين على الرد..

وبالنسبة لسؤالج ::

حبيت توضحين لي اكثر شلون ما يقدر يقولك برع البيت،،؟؟؟

مو مسألة انه يقدر او ما يقدر ،، لكنه برع البيت يصير على العكس تماما .. يعني ما يسأل عن الحمام ابدا سواء كان المشوار طويل او قصير ، وانا بعد الصراحه خايفة انه اذا طلعت به بدون حفاظ يطلب الحمام واحنا في السيارة او في مكان ما فيه حمام وما يقدر يمسك نفسه ويبلل روحه او شي :sad: هذا اكثر شي احاتيه ..
واما عن الزيارات فأنا اسأله لما اكون عند اهلي مثلا اذا يبغي يروح الحمام فدايما يقول لا .. ويروح يركض علشان يلعب واذا رحت وراه علشان اوديه الحمام يشرد وما يرضى :sad: لانه يكون كل همه ع اللعب اما في البيت فيكون بروحه واخوه صغير للحين ما يلعب معاه فيتفرغ شوي لسالفة الحمام ..

عجبتني فكرة النوم وان شا الله اقدر اطبقها .. حاليا هو مريض شوي ،، لين خف عنه المرض ببتدي معاه واتمنى من الله التوفيق

ومشكووووووووورة اختي توتة البحرين مرة ثانية على نصايحج وما تقصرين يالغالية :shy:

عندي بنت عمرها 6 سنوات ابيها تنام في غرفة لوحدها لانها تنام معي ابي اكثر من طريقة حتى اخليها تنام في غرفة لوحدها لانها تقول بتخاف لوحدها

تووووووووووووووووووووووتة توتة بانتظارج :)

مشكورة حبيبتي توتة واسمحيلي عالاستعجال والف شكر على ردج
بس حبوبه انا الحين تقريبا قطعتها عنه طول اليوم وينساها لاني الهيه باللعب وغيره الا اذا يصيح بقوة اعطيه وهالصياح يكون لانه فيه نوم يعني قدرت عليه بكل الاوقات ماعدا وقت النوم ما ينام بدونها واذا استغرق بالنوم وشلتها خمس او عشر دقايق بالكثير ويصحى يبيها ماعرف شسويله؟
على فكرة هو بآخر الليل لما استيقظ اشوفه يكون بدون اللهاية عاقنها ويتم للصبح بدونها بس بأول نومته او بنومته القصيرة مستحيل ينام بدونها
شو الحل وسمحيلنا عالازعاج

[اختي توتة البحرين مشكورة على المبادرة الطيبة وبانتظار ردج على مشكلة ولدي :clap:

السلام عليكم
اولا يعطيك الف الف عافيه علي مجهودك الرائع في الرد علي البنات
بالنسبه لي انا عندي بنت عمرها سنه و نصف حبيت اعرف شنو الجدول الغذائي المناسب لها و في سؤال بنتي صايره تمد يدها علي و على اي احد تشوفه تريد ان تضرب الكل مع اني ما علمتها هذا الشي و ساعات تريد ان تعض ....سؤالي كيف افهمها انه هذا غلط؟؟؟ احاول اقولها عيب ...و اقول لها كلمه [grade="00008B FF0000 008000 4B0082"]لا[/grade] بس بحده
ما ادري هل الطفل في هذا العمر ما يعرف يفرق بين الصح و الخطأ ممكن تعطيني الحل كيف افهمها انه الي تعمله خطأ
و مشكوره