السلام عليكم ورحمة الله وبركاته،،،
أول شي ألف ألف الحمدلله على السلامة أم سعيدة ومبروك ما ياج (مع إنها يايه متأخرة وايد) بس اسمحيلي ما كنت أدخل النت وايد من كثرة الشغل...
أما عني أنا فما أذكر بالضبط شو كانت اتسويلي إياه الوالدة بس بكتبلكم إلي أعرفه وإذا وحده عندها أي استفسار بسأللها الوالدة وبرد عليها ...
أنا أذكر في أول حمل لي يوم كنت أربي من أول أيامي في المستشفى الوالدة تقولي لا تشربين ماي وايد عشان ما تسويلج كرشه .. بس بعدين ما قدرت وقمت أشرب الماي
وكانت تسويلي الحبة الحمراء إذا تعرفون عنها (ما أعرف شو مكوناتها بس كانت تسويها مع جرفه وحلبه) وهي تنزل الوصخ .. بس أنا كان يعيبني طعمها ...
والحصا الحارة إلي قالت عنها أختي أم سعيدة كانت من أول يوم أطلع فيه من المستشفى
وكانت تييبلي حرمه حق المساح (تعرفون تمسحلي ظهري وبطني عشان تنزل الوصخ وحق الكرشة بعد)
ومرة سألت الخدامة الأندونيسية عن الكرشة بما إنها أم (ما شاء الله عليها ما فيها كرشه) قالتلي إنها تشرب الدوا مالهم الصراحة ما عرفته وإنهم يربطون بطنهم طول اليوم وسوتلي الرباط مالهم يابت فوق الثلاث شيل (مالت البيت) وربطتهم مع بعض بحيث إنه يستوي مثل الساري ولفت فيه بطني
بس حسيت عمري بختنق (لكنها تقول إنها يفيد وايد حق الكرشه) وقالت المساج بعد زين وسوتلي الصراحة (والله وهي تسويلي كانت الوساخه تنزل)
وبعد عشر أو عشرين يوم كانت تحطللي الملح مع القرط (يعني أيلس في ماي مع قرط وملح) واستخدمه كغسول للمنطقة إياها. اتقولي ينظف ويطهر المكان
وفي أول حمل عطتني كسرة شبه إذا تعرفونها (كسرة صغيرة بس) أحطها بعد ما يخلص النفاس ( وإلي حسيت فيه إنه قام ينزل مادة بيضا وإن المكان ضاق) بس وايد اتلعوزت وعورني الصراحة فتركته وما كملت عليه...
وهذا إلي أذكره إلين ألحين و
وإذا فيه أي استفسار بسألكم الوالدة وأرد عليكم ...
يالمتزوجات.. وخاصة الي ولدو.. كل وحه تحطلنا خبرتها وطريقتها للاستفاده..
م
10-12-2006 | 08:16 AM
أ
12-12-2006 | 11:29 AM
السلام عليكم ورحمة الله وبركاته..
تسلمين على الرد حبيبتي.. انفينيتي تقريبا طريقتج شرات طريقتي وتسلمين فديت قلبج..
[glint]وين البقيه؟؟؟؟؟؟؟؟؟؟؟؟؟؟[/glint]
وشكرا..
