أخو ريلي يبي اختي

لازم تعلمينها بالموضوع .. ولا زم تعلمينها بطبعه

وفي النهاية القرار راجع لها ...

حبيبتي .. في هذا الزمن ماعاد فيه شي اسمه وحدة شاطرة ووحدة مب شاطرة ... هذا زمن الفتن والفساد في كل مكان .. اذا حال الريال الحينه جيه كيف عاد بعد سنة او سنتين من الزواج
.. يمكن اختج فقيرة وطيوبة وعلى نياتها ومب شاطرة وايد .. ما اتصور بتروم على هالريال .. وصدقيني مافي شي يذبح الزوجة الا خيانة زوجها .. مهما صبرت وصبرت .. بتحصلينها تذبل قدامكم ويمكن تتمنى لو ماتزوجت وابتلت ...
وهذا المعرس ليش ما يتوب من الحينه.. ليش يتريه ايعرس عشان ايتوب؟؟
ربي لا يبليكم بهالبلوة والله المستعان

نص شباب هالزمن لعابين .. ويمكن الأغلبية

بس اذا هو صج تايب وناوي يعرس .. المفروض يكون ترك سوالف البنات

مو يتريا لين يخطب وتوافق عليه اختج وبعدين يودرهم ؟؟ !!!

ومعنى كلامه هذا انه ما يقدر يصبر عن البنات ..


ورايي انج تقولين حق اختج كل شي .. وبعدين هي لها حرية التفكير والاختيار

والله يوفقها ان شاءالله ويكتب لها درب الخير

اختي هل هو ليه علاقات نسائيه في تلفون فقط......او انه ليه علاقات محرمه

لو علاقات محرمه فبتعدي عنده لانه مستحيل مستحيل يتغير

انا افضل انج تقوليلها عن اجابياته او سلبياته

قوليلها انا اقولج من الحين انه عنده نساء...وخليها هي تختار تصلي..وتقرر


عشان لو صار ما صار...ما تلومج بعدين...

انصحج بالاستخارة

ويمكن الشاب صادق ويبي يتوب

اذا اختج من النوع المتفهم انصحج تخبرينها بماضيه اذا تاب وعقل

ولازم يعقل قبل الزواح ويثبت لكم انه عقل وبعدين فاتحي اختج بالموضوع

والله الموفق

خبري اختي ولازم تعرف لانج اذا ماخبرتيها عقب هو رد لسوالفه الجديمه انتي بتحسين بتأنيب الضمير يوم بتشوفينها متعذبه...والله لو انا مكانج اصلا ما بيوافق قبل ماخبرها ولا برضى تاخذ واحد عنده سوالف...الشباب يقولون بنتغير بس كله كلام والله

انا اعرف ناس جيه يسيرون العمره ويتأدبون اونهم وعقب مايتزوجون يرجعون نفس قبل..بس عشان كلام الناس

اذا تحبين اختج دوريلها ريال تثقون فيه

السلام عليكم

شوفي غلاتي انتي لاتزم تقولين لختك انه تقدم لها عشان تبرين ذمتك لان الامر في النهايه راجع لها

وبعدين حبيبتي بصراحه احس نسبة90%100

من الشباب يغازلون لكن انتي قولي له اذا فعلا تبيها تترك المغازل

واذا فعلان تركته هي انشاء الله لك

لاتستعجلون في الامر كلمي اختك خليها تفكر وتستخير
ولاتجيبون له طاري بالموافقه لين ماتحسون انه على الاقل خف عن المعاكسات

واذا الرجال مايعيبه شي غير هالعيب فانه على قولت زوجك هي قادره على انها تغييره

الله يوفقكم وانشاء الله تنحل مشكلتكم

تقبلي مـــروري

هلا حبيبتي

أنا رايي مع الأغلبية لازم اتخبيرين اختج عن سوالفة قبل لباخذها عشان ع الأقل يكون عندها خلفية للموضوع

وإذا هو قادر ينسى سوالفه القبلانية لازم اول شي يودر البنات وياخذها يعني مايتريا العرس

حبيبتي الكل يغلط ف حياته لكن لو ماتلعمنا للحين ما بنتعلم طول عمرنا من أغلاطنا

انا ما بزيد على كلام خواتي ..............المفروض اتقولين لها و هذا من حقها

و خليها اتصلي الأستخارة .................واذا الله سبحانه يسر الأمور تتوكل على الله

وانتي من ناحيتج قولي لها كل شي .................عنه حطي عمرج مكانها ............شو ذنبها تنخدع فيه

والله يسعدها و يوفقها و يرزقها كل خير يارب ياكريم

طيب ليش ما ياخذ من البنات اللي يكلمهم؟؟

يمكن حن قلبه على وحده منهم!!!

وخلي اختك تستخير فيه

انت خبريها الصراحه وشوفي رايها

والله يا اختي ما ادري رديت على موظوعج من قبل او لا .

هو يبي اختج لانه معجب فيها وله لانه يبي يتغير؟؟ يبي يستقر يبي ينهي حياته السابقه؟؟ هذا الشي يبين عليه بكلامه تصرفاته وله خاطب اختج وللحين مستمر بسوالفه؟؟ وربي يوفق اختج واخوزوجج ويقدم الي فيه الخير

أختك
أم زهراء

اللي متعود على هذا الشي مستحيل ان يستغنى عنه بين يوم وليلة . . احسن شي خلها تشوف لها واحد مصلي يخاف الله لا عنده سوالف بنات ولا خرابيط ...ترى عقب حتى انتى وزوجك بتكونون كل على هواش ومشاكل الله لا يقولون .فلا تسببين بتعاسة اختج......

أنت قول لأختك أنه يريد خطبتها و لا تخبي عليها شئ من تصرفات أخو زوجك..

أنت قول لأختك أنه يريد خطبتها و لا تخبي عليها شئ من تصرفات أخو زوجك..

جنا الكويت:
,,,, انتي يعني مو يكون لعوب وجذاب وراعي بنات يعني شقق وغيره وتزوجينه اختج

مرحبا اختي

خليج حريصه ودققي في كلام اختنا جنا الكويت

لان كل الشباب يكلمون في فترة المراهقه

لكن يا محلاهم لما يعرسون ويستقرون

ولكن المغازل أنواع

والنوع الخطير هو موضوع الشقق والخرابيط هذي


والله يسهل عليها وعلى البنات اجمعين

اللهم امين

حصل معاي نفس الشئ وأخو زوجي بعد يشرب لكن انا قطعت العرق من بدايته وما عطيت أهل زوجي وجه بخصوص هالموضوع وأختي بعدين الله وفقها وتزوجت مع انها أكبر مني بس أنا تزوجت قبلها وتلاقي اهل زوجي قالو يمكن عشانها كبيرة بتوافق تاخذ ولدنا الخمار المغيزلكي ويمكن تهديه. أي هداية بالله عليهم (أنك لن تهدي من أحببت ولكن الله يهدي من يشاء) الهداية من الله واللي ما يجي هدي وصالح من البداية كيف راح يستقيم.

ما انصحك أبدا أبدا أختي أنكم اتوافقو وطبعا الشور الأول والأخير لأختك يمكن لها رأي أخر.

شوفي حبيبتي انا بقولج رايي مع اني ما قريت راي البنات بس اتمنى انج تسمعين كلامي وخصوصا بهالشي اللي بقوله انج محاسبة عند ربج اذا اخترتي رجل سيء حق اختج مو بس اختج اي وحدة وانتي عارفة عيوبه وهذي عيوب خايسة تأثر على اختج بالمستقبل اذا اهو ترك البنات البنات اللي يكلمونه ما راح يهدونه وراح يخربون على حياة اختج ولا تنسين حديث الرسول اهم شي الدين والاخلاق وانا لو منج اقول حق اختي كل شي فيه وكل عيوبه واهي عندها عقل تفكر وبيني لها انج تقدرين تنهين الموضوع وانه ما يأثر على علاقتج مع ريلج واهي حرة بتفكيرها اذا عندها هالشي عادي راح توافق ويمكن تكون شاطرة على كلام زوجج وتغيره ما تدرين بس اهم شي شهادة الحق اتقولين عيوبه كاملة وهم ميزاته علشان اختج تعرف

اختي نصيحه صج قليل الى ماعنده علاقات بس علاقه عن علاقه تفرق على قولتهم اسئل مجرب ولاتسئل طبيب اقول هالكلام وقلبي يعتصر بس والله نصيحه انا تقدم لى واحد كان رفيج اخوي ويعرف ان عنده سوالف بنات وقالي عنه قلت ماعليه مافي رجال ماعنده علاقات وخصوصا بهزمن والي خلاني اتمسك فيه لانه تمسك فيني بقوة مع ان اهلى رافضين لكن الصدمه الكبيره ان اكتشفت رقمين بعد زواج لبنات يدزون ليه مسجات ويدز لهم وغير ه اشياء وايد نصيحة ترى الزواج مو لعبة او تجربه تجرب هل تقدر تنسيه علاقاته حتى اهيا نضرته له بتكون مهزوزه وماكو ثقه وهذا بيأثر على تعاملها معه يعنى الموضوع صعب صراحه

اختي قولي لها سوالفه احسن

وانا مافضل تاخذه لان هالشي راح يضرج انتي بعد لو تصير اي مشكلة بينهم راح تتاثر علاقتج انتي وزوجج

باجر انتي وزوجج بتتهاوشون لو اخوه سوى شي في اختج او اختج سوت شي في اخوج