تجربة تسوقك في منتدى عروس...هنا أفيدينا بمشترواتك من تاجرات عروس

السلام عليكم ورحمة الله وبركاته

مــــــــــــــــرحبا خواتي

شو الأخبار فديتكـــــــــــــم

أنا راح أخبركم عن تجربتي مع موقع عروس

أنا هذا الأسبوع طلبت كذا طلبيه من الأخوات العزيزات.....


أول طلبيه: من الأخت (( أم خـــــلافي )) من الأمارات

طلبت عينات من شغلها من عطور ودخون وعود
مشالله عليها إنسانه في قمت الذوق
ما قصرت الله يعطيها العافيه طرشتلي عينات من شغلها
والله يا أخواتي أن ريحت العطورررر تفوح من الكيسه روعه روعه
وأنا راح أطلب إنشالله من عندها قريب وراح أعررض طلبيتي

ثاني طلبيه: من الأخت (( Sali_sy )) من الأمارات

طلبت طقم صلاه حجاب...
ومشالله روعه روعه
إنسانه سريعة في إبعاث الطلبيه
إنشالله راح يكون تواصل معاها
الله يعطيها العافيه

ثالث طلبيه: من الأخت ((بنت البنات)) من الأمارات

مشالله عليها غنية عن التعريف شغلها في كل مكان
أنا طلبت منها صندوق عطور وبتنسيقها المتميز والرائع
وهيه مشالله عليها قالت يومين وراح أبعثلج الطلبيه
بس أنا طلبت منها إني أستلم الطلبيه الأسبوع الياي
إنسانه في قمة الذوق ومن يخلص الصندوق راح أعرضه لكم إنشالله

رابع طلبيه: من الأخت (( أحلى كويتيه)) من الكويت

مشالله شغلها في غنى عن تعريف
إنسانه ذويقه ولي الشرف إني أتعامل معاهااا
أنا طلبت من عندها جلابيه وإنشالله خلال أسبوع أو أكثر راح توصل
الله يعطيها العافيه إنشالله

:clap::clap::clap:


هذي هيه طلبياتي حتى أحين
وأنتظروا طلبيااااااااااااااتي الأخرى إنشالله
بصراحه أنا أشجع الأخوات على هذا المجهود الرائع
وأشكر المنتدى الرائع إالي سهل علينا أشياء وايد من خلال أبوابه الرائعه

مشكورة عيوني ان شا الله راح اتشوين المندوس روعة

تجربتي مع الاخت عنود الليل يجزها خير

--------------------------------------------------------------------------------

السلام عليكم ورحمة الله وبركاته

يابنات حبيت اقولكم عن تجربتي مع الاخت الغاليه عنود الليل اليوم وصلتني طلبيه طلبت 4 جلابيات كويتيه من حوالي اسبوعين والله العظيم كنت حاطه يدي على قلبي ان شغل موزين لكن والله كلمه روووعه شوي عليها ونفس اللي في صور بالظبط حرفيا شغل قطعه اللون التطريز والخياطه مرتبه الصراحه فضييييعييين والاخت تعاملها روعه انسانه راقيه وعند كلمتها وخطيبي شاف جلابيات ماصدق قال هذوله نفس اللي في مسلسلات وخصوصا جلابيتين طالبتهم نفس الهام الفضاله لانهم كانوا عاجبينيه وحتي هو لما شافهم قال خلاص تعاملي معاه لاتقوليلي بفصل هني بقطر مافي هههههههههههههههه وخواتي جنوااااا عليهم حتي اختي جنت على شغل لانها تعرف تخيط ومن هسوالف وقالت خياطه شغل مرتب وصدقوني الاخت ماعرفها كلش بس على النت واشكرها من كل قلبي وصدقوني يابنات 600ريال ولاشي وخصوصا قطعه وتفصيل كله ب600 او500 ولاشي خصوصا اني قبل لاافصل رحت عند اكثر من خياط اللي يقول 600 واللي يقول 700 وقطعه عليج

بس حبيت افيدكم بتجربتي واشكر الاخت عنود الليل من كل قلبي واقولها كل عام وانتي بصحه وسلامه لاني مسافره بعد شوي

بعد يابنات تعاملت مع الاخت روز قطر وارسلتلي قمصان نوم والصراحه انسانه ذويقه وراقيه فوق ماتتصورون والقمصان احلى شي فيها انها مريحه جدا جدا وقماشها روعه ماتتخيلون كيف انهم مريحين ماتحسون انكم لابسين شي واسعدني التعامل معاها

السلام عليكم ورحمة الله وبركاته ..

خواتي حبيت اقولكم عن تجربتي ويا دار زايد ، الصراحة اليوم وصلتني الطلبيه وكانت معاملتها واااايد حلوه وراقيه

وبصراحه كانت صادقه بكل شي ، اللي حاب يتعامل مع هذي الانسانه لايتررد لانه ما بيندم ..

وانا اشكرها جزيل الشكر ..

اختكم بنت بوخليفة وافتخر

واتمنى من العضوات اللي شروا مني يكتبون عن تجربتهم ..

أنا اشتريت من الاخت غلى زوجي

ماسك الكولاجين لتحت العيون... ما شاء الله وصلني واليوم بجربة... وتعاملها وايد حلو وراقي وتصبر على تلفوناتي واسئلتي

ما بتردد اني اتعامل معاها بالمستقبل

عروس الدوحه:
بعد يابنات تعاملت مع الاخت روز قطر وارسلتلي قمصان نوم والصراحه انسانه ذويقه وراقيه فوق ماتتصورون والقمصان احلى شي فيها انها مريحه جدا جدا وقماشها روعه ماتتخيلون كيف انهم مريحين ماتحسون انكم لابسين شي واسعدني التعامل معاها

عروس الدوحه ..

تهنين فيهم يالغالية ..

ماقصرتي حبيبتي على هالكلام ..وانتي بعد انسانه وايد طيبه وحبوبه .. الله يوفقج يارب ..

والحمدلله انهم عجبوج .. وملبوس العافيه يارب ..

انا اليوم الصبح استلمت من أم خلافي و الصراحة إنسانة ما قصرت و يابتلي الطلبية للعود الملكي و كيف ما قالو البنات الريحة تفوح من أول ما مسكت الكيسة

و طرشتلي عينات من مخلطات الشيخ و الشيخة و الحجر الأسود مع دهن العود و ريحتهن أكثر من روعة .... أسعدني التعامل معاها لانها ما قصرت سلمتلي الأغراض من وقت صعب انه تحصلين شخص ملتزم ... و كان الدفع في نفس الوقت مع انه بعض العضوات يطالبن بالدفع مقدما بعدين المشترية تستلم البضاعة وممكن ما تستلمها ... بس هاي الانسانة بكل أمانة قدرت أثق فيها و ما بتردد إني أتعامل معاها مرة ثانية و يزاج الله ألف خير و مشكورة على الأذكار عساها تكون من ميزان حساناتج

السلالالالالالالام على كل الحلوات اللي يقرون هالموضوع الحلوو
انا تعاملت مع أحلا كويتيه والبنت ماقصرت معاى تعبتها معاى بس البضاعه اللي وصلت اتهبل اتهبل اتهبل واحلا عن الصورة
والشغل احسه متقن وايد وابي اشكرها على اسلوبها الحلووو وطووله بالها وووانشالله دوم موفقه يااحلا كويتيه

مرحبا يا بنات انا اشتريت ملابس داخلية من موقع 3wishes البضاعة وصلت وجودتها وايد وايد عالية وحلللللللوة والمقاسات وضبوطة وطالبة من فيكتورياز سيكريت وانا في انتظار وصولها :cool2:

انا اشتريت كريم الانوثه من حياة الحب و اوصلو وتعاملها وايد حلوو

انا طلبة شوية مخللات و دهن عربي من الأخت كوكب الشرق و ما شاء الله تعاملها قمة في الذوق
و طلبيتها وصلتني ثاني يوم من تحويل المبلغ

و حبيت اشكرها و اوصيكم على مخللاتها تراها ما تتفوت

شكرا يا اخت سحايب دبي
ماقصرتي حبيبتي على هالكلام ..وانتي بعد انسانه وايد طيبه وحبوبه وراقيه ..

تسلمون خواتي الي ذكرو جلابياتي

اختي ساميتو
واختي اثير
واختي المفنوده

واعتذر عن الاخوات الي تأخرت عليهم جلابياتي واعتذاري بالعام والسموحه منهم بس خواتي اعذروني التاخير صار من شكرة ارامكس نفسهم لانه كانو معطلين عندكم بسبب حالت الوفاة وعظم الله اجركم

ومره ثانيه اعتذر منكم
وحق كل بنيه تأخرت عليها جلابيتها
واتمنى ماياخذون بخاطرهم مني

بنات الامارات انتو خواتي واتمنى ماتزعلون مني

تحياتي
كويتيه

السلام عليكم ورحمة الله وبركاته .................


مرحبا بنات انا اول مرة اشتري من النت وتعاملت مع اختي روز قطر ( تبيع قمصان نوم )

وهالكلام من فترة بسيطة واللي شجعني اني اشتري منها انها من قطر وهذا طبعا سهل علي عملية الشراء


طلبت منهاانها طرش لي الروابط وبعد ما شفتهم واخترت اللي عجبني اتفقت معاها على يوم ورحت لها للبيت وشريت الأغراض اللي اخترتها وكانت بالضبط مثل ما شفتها من الكاتلوج

بصراحة اختي روز قطر ما قصرت واسعارها حلوة وتستاهل ويكفي انها أمينة في التعامل مع الزبونة

واكيد ما راح يكون هذا آخر تعامل معها

اتمنى اني فدتكم

تحياتي................

بالتوفيق اخواتي

حلو نتواصل مع بعض في هالموضوع عشان نشجع العضوات اللي تميز تعاملهم بالرقي والامانة ونشجع الباقي لنفس السلوك

يعطيكم العافية

بنات ياليت اللي حجزت فستان من عند الاخت توتا من لبنان تقوللنا اذا وصلها وكيف طلع شكله ؟

وهل ديزاينة بالضبط نفس فستان الفنانات والقطعة والاكسسوارات بعد؟

بالانتظار

السلام عليكم ورحمة الله وبركاته
خواتي أنا أريد أشتري أشياء من النت بس خايفه
في أشياء وايد حلوه عند الأخت مرمورة وأريد أشتري من عندها شو رايكم أخواتي

أم لولوة:
السلام عليكم ورحمة الله وبركاته .................


مرحبا بنات انا اول مرة اشتري من النت وتعاملت مع اختي روز قطر ( تبيع قمصان نوم )

وهالكلام من فترة بسيطة واللي شجعني اني اشتري منها انها من قطر وهذا طبعا سهل علي عملية الشراء


طلبت منهاانها طرش لي الروابط وبعد ما شفتهم واخترت اللي عجبني اتفقت معاها على يوم ورحت لها للبيت وشريت الأغراض اللي اخترتها وكانت بالضبط مثل ما شفتها من الكاتلوج

بصراحة اختي روز قطر ما قصرت واسعارها حلوة وتستاهل ويكفي انها أمينة في التعامل مع الزبونة

واكيد ما راح يكون هذا آخر تعامل معها

اتمنى اني فدتكم

تحياتي................

ام لولوة ..

مشكورة حبيبتي على هالكلام .. وكلج ذوق يالغالية ..

اسعدني التعامل معاج وتستاهلين كل خير .. وانتي من الطيبات اللي تعاملت معاهم والاهدى ..

الله يوفقج ويسهل لج امورج ان شاءالله