تجربة تسوقك في منتدى عروس...هنا أفيدينا بمشترواتك من تاجرات عروس

في انتظار المزيد من الاراء حول مشترياتكم من تاجرات عروس

بنات أحد تعامل مع التاجرة أم الوصايف وشو رأيكم في بضاعتها

اممم انا اشتريت من عند زهرة السعادة تراكي كيوت حدهم وفااان حتى اخواتي خذو وبنات عمي عجبهم لانه وااجد نعومين

وعلى التوصيل كان بسرعة يعني ماتاخرت وكان كل شي على راحتي

بجد تستاهل الفايف ستار حتى تعاملها وااااو

وانا اول مرة اشتري من النت وبصراحة عجبني تعاملها وكل شي كان مرتب

مشكورة حبيبتي " عطر ملائكي "
هذا من طيب اصلج حبوبة

و اي شي تبينه انا حاضرة

واني بعد تعاملت ولأول مرة عبر النت مع زهرة السعادة وخذيت شنطة سبونج بوب والصراحة عجيييبة وحجمها حلو ،عجبتني واااايد وعجبت ولدي أكثر،ووصلتني الطلبية بنفس اليوم وعلى الموعد:083:

صباح الخير بنات

المهم انا شريت من عند زهرة السعادة حلق وتبان حق ولدي وما شاء الله الحلق عجب بنات حماتي واايد واستانسوو عليهم :)

والتبان بعد ما توقعت انة حماتي عندها نفس الشيء وتقول انة اوكي وفعلاً القطن تمام :)

يعطيها العافيه ويوفقها ان شاء الله

منوى .. ميثاق .. يتوم

مشكوريين حبايبي قلبي
و ربي يرزقكم من كل خير يا رب

الله يرزق كل التاجرات الرزق الحلال المبارك فيه

بصراحه ولا مرة جربت اشتري من النت يمكن لان اول الفلوس بعدين اجيش البضاعه وما تعجبش شنو بتسوين فيها ما تقدرين اتردينها
بس طلبت من وحده في المنتدى سلم واستلم يعني مو غاصبتنش ومبلغ التوصيل كلش رمزي
وما شالله عليها زهرة السعاده عيوني عليها بارده مواعيده مضبوطة مع اني اتاخرت عليها ربي يوفقها اشتروا من عندها شريت شباحات لعلوي (تبان) واجد خلقهم زين ومعاملتها احسن من بضاعتها

*الورد*الدلع*;11683346:
اشتريت من طفوف الشور المضيء وااايد حلو ومفييد جدا...ليش؟؟!!
انا ما استخدمته على انه يسوي جو رومانسي وانما له اجابيه ثانيه وهي: تحديد درجه حراره الماء لغسل الاطفال..
عندي الخدامه لما تغسل عيالي ما تعرف مرات بارد مرات دافي زاياده على الحار ودائما يصارخون في الحمام وما يحبون يروحون يغسلون..
لكن مع الشور المضيء انحلت مشكلتي بالعكس صاروا يحبون يغسلون بكل سهوله وصارت الخدامه تعرف درجة حراره الماء من الليت ..
واااايد ساعدني..
فقط ب 90 درهم مع الشحن...
ومشكووووره على هذا المنتج الحلو...

تسلمين يا قلبي
شهادة أعتز فيها ..
و حاضرين لج بأي وقت
إن شاء الله تاريخ 26 هالشهر بتتوفر القطعة المضيئة الخاصة بالمغسلة

Mahary82;11686230:
وأنا بعد ..ما شاء الله على ولدي قام يحب السبوح و يستمتع بالليتات..
وفكره حلوه منج..:014:
تسلمين يا قلبي على وكل الشكر للإخت طفوف و إلى الأمام داااائماً

تسلمين الغالية و الله يهنيج فيه

انا شريت من اختي زهرة السعاده شنط سبونج بوب وخروف شون ذا شيب
صراحه كانو وايد حلوين ومثل الصوره بالضبط
كفايه معاملتها الحلوه

موفقه اختي زهرة السعاده

هلا خيووو اني بعد شريت من عند اختي زهرة السعادة

وما شاء الله عجبتني البضاعه ومعاملتها بعد واجد حلووووة

شريت منها شباحات توم آند جيري كل الالوان و خروف شون ذا شيب

وبالضبط مثل ماهم بالصورة الحمد لله وبضاعتها مضمونه من خلال الجودة

اقصد الشباحات ملمسهم حلووووو

موضوع مفيد ورائع:)

اما عن تجربتي للشراء من خلال النت كانت بواسطة زهرة السعادة شريت من عندها شون ذا شيب وخاطري اجوف بعد التبانات لاني ماجفتهم والبنات اجوفهم يمدحون فيهم!!
ماشاء الله عليها ام برهوم تعاملها ولا احلى طيبة وخلوقة ويا محاسن الصدف طلعت نسيبة زوجي وبنت جيرانهم بعد الله يخلي الجميع:)
وتسلم البضاعه في وقتها ما شاء الله عليها بس كان التأخير كان مني اهي اتصلت المسكينة بس كان تلفوني يا مغلق او ما الحق ارد عليها
اقولها يعطيج العافية والله يوفقج في البيعة ويرزقج خير من ربي:)
وهذي ماراح يكون آخر تعامل مابينا ان شاء الله..:)

تجربتي مع النت كان من خلال الاخت زهرة السعاده شريت منها شون ذا شيب واللي وصلني نفس الصورره بالظبط واللي توقعته ولهذا كل من شافه قال يبي.. ووصلني في نفس اليوم اللي طلبته ما شاء الله عليها

تعاااملها قمة في الذوق والرقي والله يوفقها ان شاء الله وان شاء الله ما تكون اخر مره اتعامل معاها فيها

تحياتي

حبايبي
مشكوريين على تعليقاتكم الحلوة
و انا اللي تشرفت بتعاملي معاكم

و ربي يوفقكم و يرزقكم من حلاله ان شاء الله :L: