تجربة تسوقك في منتدى عروس...هنا أفيدينا بمشترواتك من تاجرات عروس

تسلمين حبيبتي:smile:

تعاملــت مع الغاليـــة |؛¤ّ,¸¸,ّ¤؛|*·~-.¸¸,.-~*روز قطــر*·~-.¸¸,.-~*|؛¤ّ,¸¸,ّ¤؛|

وكان حبــوبـة و تعاملهـا قمة الذوق ..... تعبتهــا وايد معاي وهي ما قصرت تحملتنــي

وكلمــة الحــق تنقــال في بضاعتهـا من ناحيـة السعــر والنوعيــة وكل شـي مثل ما قالت عنـها بدون زيادة أو نقصــان

الله يوفقهــا

انا بشتري من الاخت زهرة بنفسج وباخبركم باذن الله اول ما ربي ييسر وارسلها المبلغ وترسلي البضاعة

ومن منتديات اخرى تعاملت مع الاخت بنت العطاء ومع الاخت موولي وكانوا اخوات وتاجرات رائعات

::السلام عليكم والرحمة::

تعاملت مع الإخت أم خلافي
حبوبه ما شاء الله وتعاملها حلو

وطبعا ذوق بالبخور والعطور اللي شريتهم منها

الله يوفقها زود

^_^

فراولــة قطــر:
تعاملــت مع الغاليـــة |؛¤ّ,¸¸,ّ¤؛|*·~-.¸¸,.-~*روز قطــر*·~-.¸¸,.-~*|؛¤ّ,¸¸,ّ¤؛|

وكان حبــوبـة و تعاملهـا قمة الذوق ..... تعبتهــا وايد معاي وهي ما قصرت تحملتنــي

وكلمــة الحــق تنقــال في بضاعتهـا من ناحيـة السعــر والنوعيــة وكل شـي مثل ما قالت عنـها بدون زيادة أو نقصــان

الله يوفقهــا

فراولة قطر الغالية ..

تسلمين والله وماقصرتي .. وتعبج راحه يالغالية ..

ومعاملتج بعد كانت راقية جدا .. الله يوفقج ان شاءالله ويخليلج بنوتج يارب ..

مشكورة وماقصرتي اسعدني كلامج .. :)

جزاج الله كل خير أختي كاتبة الموضوع ..
..
أنا بس حابه أقول شغله .. أنا عادة أشتري من الانترنت خاصة من موقع فكتوريا سيكرتس وموقع لاش للعناية بالجسم ..
لكن بالنسبة للمنتدى هذي أول تجربة لي عرضت بضاعتين للبيع وحده فستان ليلة حنة .. والثانية تاج كرستال ليوم الزفاف ..
..
لكن وللأسف المشكلة تكمن في طلب معرفة التفاصيل من غير جدية ..
يعني بعض الأخوات عندهم مجرد فضول في معرفة التفاصيل ورؤية الصور ..
وما عندهم أي رغبة بالشراء .. وهذا الشي يتعبني أنا أولا وأخيرا لأني أرسل التفاصيل .. ويعشمني إن في مجال للشراء ..
وهو بالأساس مجرد فضول لا أكثر ولا أقل ..
..
إذا جينا نحل هذي المشكلة كيف ممكن تكون الطريقة لمعرفة جدية العضوة ؟

هذي شغله جدا جدا مهمه بالنسبة لي .. وأكيد لغيري من الأخوات ..
على الأقل توفر علينا الوقت والجهد في ارسال تفاصيل على الخاص ..

أتمنى من أخواتي المشرفات على القسم إنهم يلقون حل لهذي المشكلة ..
وجزاكم ربي كل خير جميعا
..

انا اؤيدك و اضيف انه للاسف عندما توضع كل التفاصيل على العام لا تجدى الاقبال المطلوب :(
فعلا هذه الشغلة متعبة جدا..

شكرا لج أختي على التأييد .. وأنا ما كنت أعرف مسبقا بحجم التعب والمسؤولية في بيع أي بضاعة من خلال المنتدى ..
هذي أول وآخر مرة ما أعتقد بأنني راح أعيدها .. خاصة وإن الغالبية غير جديات بطلب التفاصيل ..
ومثل ما ذكرتي ما يكون هناك اقبال في حالة عرض التفاصيل على العام ..

أرجو إيجاد حل لهذي المشكلة ..
..

لون المطر:
::السلام عليكم والرحمة::

تعاملت مع الإخت أم خلافي
حبوبه ما شاء الله وتعاملها حلو

وطبعا ذوق بالبخور والعطور اللي شريتهم منها

الله يوفقها زود

^_^

تسلمين يالغاليه
وان اللي اسعدني التعامل معاج :)

ويا مرحبا بج في اي وقت

مرحبا خواتي

انا طلبت دخوون ياس وكريم ام ماجد من الاخت الماسه امارتيه

واليووم وصلتني الطلبيه والحمدلله

والصراحه الدخون وايد عيبني وريحته تجنن

والكريم احس به وايد اوكيه ومرتاحه له وان شاء الله استفييد نفس ما استفادوا الباقيين من خواتي

واقوول للاخت الماسه مشكووره وايد والله يعطييج الف عافيه

انا اشتريت من P!NK G!RL
سيديهات لتعليم المكياج لبسام فتوح
وايد روعة السيديهات ، :up:، بس واحد ما اشتغل والغاليه ما قصرت وبطرش لي غيره

وبصراحه
وااااااااااااااايد كانت صبوره وحبوبه معي
واتحملتني واااااااايد :dd:
والاحلى هو تعاملها الرائع :salam::shy:

انا طلبت من وحده اسمها المحجبه ولا وصلتني الاغراض ولا ترد علي اصلا

يعني شكلي اكلت مقلب ممتاز قيمته 1700 ريال

اما الاخت بنت الامارات وريم البوادي ماقصرو وصلت الاغراض من احسن مايكون

كلــــــــمة حــــــــــق
..

بصراحة اليوم الصبح وصلتني الأغراض اللي اشتريتها من أختي أم خلافـــــــي ..
وما شاء الله شي ذووق وكلمة الحق تنقال .. تسلمين لي يالغالية ..
كنت جدا سعيدة بالتعامل معاج .. وبإذن الله يكون بيننا تعامل آخر بالمستقبل ..

الف الف شكر لج أختي

:)

.
.

ام خلافي ما عليها كلام

اختي شرت عندها مره من المنتدى

صراحه بخورها يخبل وناويه جريب اتعامل معها


.
.

انا حابة اعرض تجربتي مع ا لاخت طفوف

الله يجزيها خير

ما قصرت

وصلني الغرض اللي طلبته من عندها

ولي تعاملات ثانية معاها ان شالله

مع اني لعوزتها شوي

بس تأخر الغرض لان البريد غلط بين الرقم 6 و 9 بالعربي
فما وصل الا لين انا رحت وتأكدت من جميع اللي وصل

يعطيج العافية اختي طفوف
على التزامج معاي واخلاقج الرفيعة

شكرا لج

تسلمين لي حبيبتي المشتاقة لقطر
شهادتج اعتز فيها
و يشرفني اني كسبت اخت مثلج

عروس اغسطس:
كلــــــــمة حــــــــــق
..

بصراحة اليوم الصبح وصلتني الأغراض اللي اشتريتها من أختي أم خلافـــــــي ..
وما شاء الله شي ذووق وكلمة الحق تنقال .. تسلمين لي يالغالية ..
كنت جدا سعيدة بالتعامل معاج .. وبإذن الله يكون بيننا تعامل آخر بالمستقبل ..

الف الف شكر لج أختي

:)

تسلمين يالغاليه واسعدني التعامل معاج

خوااااااااااتي أنا ناااااااااوية أتعاااامل مع moony_light بس خاااااااااااايفة
العضوة يديدة بضاااعتها واااااااايد حلوه بأسعااااااااار مغرية جدا... وانا شااااكة في السالفة... (ان بعض الظن اثم)
يا ليت اللي اتعاااااااملت معااااااااها اتفيدنا

انا للحين ماشريت من العروس بس ان شاء الله بجرب بالقريب لان في بضاعه هني عجبتني كثيرة


والاحسن ان اعضاء عروس كلهم طيبين وحبيتهم من قلبي والله

انا تعاملت مع الاخت عايشة 18

واخذت منها تذاكر مخفضة على طيران الاتحاد

وبصراحة وبامانة قبل لا اخذ منها التذاكر لفيت العروض السياحية بالانترنت كلها ولالقيت سعر نفس اللي قالت لي

واتصلت و تأكدت من طيران الاتحاد بنفسهم وقالوا اقل سعر ازيد عن السعر اللي قالته لي ب300 درهم

وبما اني باخذ اربع تذاكر اكون وفرت 1200 درهم

ما قصرت فديتها قابلتها عند المطار وجاتني بنفسها للسيارة
والحين التذاكر معاي

واتمنى اتوفق برحلتي معاها

واذا ضبطت اموري

ان شالله ماراح اتعامل للسفر الا معاها

تسلمين عواااشة

وماقصرتي

تحياتي لله ثم لج