عيد ميلاد زوجي

هلا والله حبيبتي

حلووو باقي كم اسبوع يكفي يعني

شووفي من ناحيه الهدايا

اخذي له ساعاه حلوه + زرار يناسب الساعه + عطر + دهن العود

وغلفيهم بمحل تغليف الهدايا باللون اللي راح تسوي فيه ليلة رااائعه

وبعدين بسألج انتي ساكنه بروحج او مع اهل زوجج عشان افيدج اكثر ؟؟

تصدقين انا يوم ميلاد ريلي تاريخ9/12


وهذاني شريت الاغراض


والله يعيني

هلا والله بالغاليات

لا واللو انا ساكنة عند أهل زوجي

ياريت تفيديني

ومابنسى لج هالجميل

اشتريله ساعة + قلم + عطر وغلفيهم في بوابة الهدايا

وبعدين عزميه في مطعم بأي فندق

وفي الليل تزيني له ولبسي والباقي إنتي تعرفينه

عيد ميلاد ريلي الأسبوع إللي طاف..

كنت ناويه أسوي عيد ميلاده في كوفي شوب.. بس الله ما كتب..

سويته في شقتنا.. وزينت الشقه وعدلتها ونظفتها وعطرتها..

وإشتريت له هديه إللي هي.. قلم وكبك وعطر وقماش حق ثوب شتوي وطبعا طلبت له كيكه..

وتعدلت وتكشخت وتمكيجت..

طبعا في هذا الوقت أنا كنت مصرفته من الشقه بحجة إن عندي بنات جاييني..

طلع تقريبا 3 ساعات من الشقه والحمد لله كفتني هالساعات في تخليص أشغالي كلها..

طبعا الشقه منظفه يوم قبل والبالونات منفوخين يوم قبل.. باقي الأشياء سويتها في نفس اليوم..

وجا.. وطبعا كانت مفاجئه له ماكان متوقعها.. ومرررررررره إستانس.. لأن ريلي مش من النوع إللي يحفظ التواريخ..

ولما قلت له إني كنت بسويها برى البيت.. قال الحمد لله إنها صارت هنا..

يعني ريلي مو من المشجعين للإحتفالات برى البيت..

نسيت شيء.. أنا عطيته أول شيء العطر لحاله هدية.. مغلف طبعا تغليف حلو..

كنت أبغى أشوف ردة فعله لأني دايما أعطيه هدايا واجد..

وبعدين عطيته باقي الهديه..

كان متوقع إن البوكس الثاني وأنا شايلته إنه فاضي..

بس طلع فيه الأشياء الثانيه..

طـايــرة ...

مبـارك ع ريلش ...

اذا تقدري تخلي البيبي عند اهلـك ,, او اهلــه ..

حاولي تسوي اشيـاء اضافيــة حق زوجــك ..

مثل ما قــالوا البنــات ...

وحاولي تكشــخي بملابس التقليدي اللي عندكم بصلالــة ..

وبالذهب .. وتكوني عروس في ليلــتــه هذه ..

وان شالله تتهنوا مع بعض .. وبوجود همادن معاكم ..

اانا في عيد ميلاد زوجي علباله اني ناسيه عيد ميلاده بس بيومها سويتله مفاجأة أول شي شريت بالونات على قلوب لون أحمر وكل وحده تكتبين عليها طشرتهم على كبر الدار وثاني شي صممت كيكه من برد توك سوالياها على تشيز كيك فراوله على قلب مكتوب عليها حبيبي وحطيت ليتات على قلوب حمر و مفرش أحمر و عصير فراوله وهديه مغلفه بأحمر ووسيله ورا الستاره مكتوب عليها كل عام وانت بخير وكلها بوسات و اغنيه غنوا لحبيبي وسلامتج

حبيبتي إذا في امكانية تروحو فندق بس تكون مفاجأة بدون ما يدري أو تقدري تحطي لي ورقة او بطاقه أو ترسلي له مسج بأنج تنتظرينه في الفندق (ــــ) الوقت (/ـــــ) ...

بالنسبه للهدية ياريت تبتعدين عن الهدايا التقليدية ... يعني مثلا زوجي يحب العاب الكمبيوتر الي تنلعب في النت .. ففي عيد ميلاده جبت له بطايق مثل فيزا كارد يقدر يستخدمهم في العبة .. طبعا اضفت بعض الهدايا التقليدية مثل ساعة وبزمة ( زر ) وقلم ماركة ديور ... بس صديقيني وايد لفت نظرة البطايق لانه شي مب تقليدي .. وربيعتي بعد في يوم زواجهم شرت لزوجها لاب توب جديد لانه عشقة في الكمبيوترات .. يعني حاولي تشوفي شو يحب وجيبيه له حتى لو يحب مثلا البلاي ستيشن عليج بالسيديات مالته أو حتى لو تقدرين تشترين له اصدار جديد من اللعبه يعني هذا مثاال :)