وش سويتوا بعد الاربعين ؟!!!

م

ماما حسون

عروس برونزية

29-11-2006 | 01:55 AM

قوة بنات .. شخباركم ؟؟

انا حامل وباقي لي 5ايام على ولادتي .. وان شا الله لين ولدت بروح عند اهلي بقعد لي حوالي شهر ..

ابغي لين رجعت بعدين البيت اكون شي جديد في البيت وان اغير من روتين حياتنا للافضل .. انا هذا الحمل الثاني لي وفي المرة الاولى ما حطيت في بالي شي معين ولا خططت لنموذج معين من الحياة لكن كان واضح ان زوجي مشتاق لي وحاب ان يدخل التجربة " انه خلاص صار ابو ومعاه زوجته وولده في البيت " لكن اخاف هالمرة افقد هالاحساس لانه زوجي جرب هالشي من قبل وما راح تكون له نفس المتعة الاولى ..

يعني المطلوب منكم حبيباتي انكم تنصحوني بأفكار اسويها عشان تكون رجعتي البيت هالمرة بعد ولادتي سبشل ولها طعم مثل المرة الاولى واحسن ..

ويا ريت بعد كل وحدة تدخل تقول لنا وش سوت بعد الاربعين لما رجعت من عند اهلها ؟؟؟

اتمنى ان قصدي مفهوم :shy:

ن

نونو قطر

مشرفة سابقة

29-11-2006 | 03:39 PM

:shy:

مفهوم قصدج يالغاليه

وتقومين بالسلامه ان شا الله وتفرحين بالبيبي ان شا الله ويملا حياتكم حب وسعاده اللهم امين

المهم

حلو انج تغيرين الوك مالج من صبغه وقصه وميكب ولبس وكل شي

البيت تعدلينه وتكونين عروس من جد وجديد

وعزيزتي خذي لفه بالقسم لانه مليان افكار

والبنات ان شا الله مابيقصرون معاج

واي خدمه من عيوني

:shy:

م

ماما حسون

عروس برونزية

30-11-2006 | 12:45 PM

مشكورة اختي نونو قطر على المشاركة :shy:

فعلا انا ناوية اسوي نيولوك بعد الاربعين .. لكني حابة بعد ان اسوي نيولوك في حياتي كلها بعد مو بس في شكلي !!!

تمنيت ان يكون في مشاركة اكبر من البنات وان نقرا بعض التجارب عشان نستفيد من بعض في تغيير روتين حياتنا ..

بالنسبة للشقة احنا فعلا بنجري عليها شوية تعديلات اثناء الاربعين لان بكون عند اهلي يعني بيتغير اللوك في الشقة ،، لكن شلون اغير اللوك في حياتي ؟؟ شلون نفرح كلنا - انا وزوجي وولدي - بالبيبي الجديد ؟؟ او شلون نعبر عن فرحتنا بهالتغيير في حياتنا ؟؟

ماني عارفة شقول ؟؟ بس انتون عارفين طلبي ؟؟

اتمنى منكم التفاعل في الموضوع :shy:

وشكرا

ت

تفاحــــــــــ@

عروس نشيطة

30-11-2006 | 01:13 PM

أهليــــــن بنات المنتدى الحلوات
أنا بعد..بخلص الاربعين بعد 15 يوم وبرجع لبيتي
وابي افكار للطلعة ..
ياليت خواتنا اللي ربو قبلنا يعطونا افكار
اكيد ما بيقصروون

ن

نـصـفـ@ الـثـ!نـي

عروس رائعة

30-11-2006 | 02:30 PM

مرحبا خواتي

الله يقومكم بالسلامه يارب وتفرحون بشوفة البيبي

بقولكم يابنات انا شسويت يوم طلعت من الأربعين

زوجي حبيبي كان مسافر له 10 أيام

صبغت شعري أسود ولبست فستان أحمر قصير وحطيت مكياج سموك أسود للعين وعدسات رماديه

وروج احمررررررررر من اللي قلبكم يحبه:shy:

اللي ماتعرف تحط مكياج ممكن تحجز عند ماكييره

جهزت ولدي ولبسته بدله ديور ابوه جايبها له

جا زوجي بالسلامه وفاجأني انه حاجز لي دبي يومين

والحمدلله فرحت وايد بالهسفره حسيت اني عروس جديده:shy:

بس تضايقت وايد لان يوم رجعت كان حليبي خلااااااااص بينشف

مع ان ماطولنا وهذا الشي اللي زعلني وايد

بنات انصحكم لاتسافرون الا مع البيبي:sad:

وبسسسسسسسس

نسيت زوجي شرا لي ساعه شانيل هديه وانا شريت له قلم وزرار من مونت بلانك

م

ماما حسون

عروس برونزية

30-11-2006 | 09:44 PM

اهلين اختي Qatar's Bride

الله يخليكم لبعض ان شا الله .. على سالفة الهدية انا اهداني زوجي ساعة حلوة بعد ولادتي الاولى لكن انا ما اهديته شي :qaq: وهالمرة من الحين اقوله جهز هدية ولادتي وطلعتي من الاربعين :shy:

وفكرة السفر حلوة وانا اكيد اذا بسويها باخذ معاي عيالي <<< ما صار شهر عسل هذا :sad: بس لان ما عندي احد يمسكهم لي وظروفنا بعد ما تسمح وزوجي ما عنده اجازة بعد :angry:

يالله نبغي افكار بعد ,, يا ريت تكون افكار بيتية وطويلة المدى مو حق اول ليلة مثلا او اول شهر .. نبغي افكار تستمر لما يكبر البيبي وبدل ما نحس بالثقل والضيق والمسؤولية والخوف نكون نحس ان البيبي والحياة الجديدة خلت حياتنا احلى ومرحة اكثر ..

على فكرة انا عندي ولد عمره سنتين و8 شهور والحين باقي لي 3 ايام على موعد ولادتي ..

يالله .. وينكم :shy:

ا

البتول 1

عروس مشرقة

01-12-2006 | 01:08 AM

الله يسهل عليك ولادتك وتقومين بالسلامة انتي والبيبي يا رب ..

حبيبتي .. نصيحتي لك من خلال تجاربي ...

انك تتحلين بالصبر وطووووووووووووووووولة الباااااااااااااال !!! ولا تنسين انك طالعه من ولادة

وجسمك يحتاج لراحة حتى بعد الاربعين .. حاولي تنظمين وقتك وتستغلين فترة نوم البيبي بأنك

تخلصين امورك خاصة لو ما عندك شغالة ..

وكثر ما تقدرين حاولي توفقين بين البيبي واخوه الكبير وزوجك .. الله يوفقك ويديم السعادة بينكم

ر

ريانية%

عروس مشاركة

01-12-2006 | 05:08 AM

الله يهون عليج اختي

انا عن نفسي كنت احاتي بس مو زوجي كنت

احتي نفسية ولدي شلون بيتقبل هالضيف الجديد

اما زوجي بالعكس متفهم وهو الي كان يبي البيبي

الثاني وطبعا اتفقنا تكون التربية متبادلة بيني وبينة

وصدقيني اذا الزوج متفهم ومتعاون والله هذا يكفي

بس الي لزم تعرفينة ان الحياة مع ولدين غير واحد

والله يعينج ويعينا

ح

حلم النور

عروس نشيطة

01-12-2006 | 10:53 AM

السلام عليكم
الله يقومكم بالسلامة
وأول ما تطلعون على تبشرونا

أنا فكرتي تو وحدة اعرفها مسويتها
هذاك الأسبوع..

سوتها بأستراحة..
خلت أخوتها عند الباب يضيفون الحظور ولكل
وحدة وردة وعلق فيها شعر بأسم البيبي

وهي طبعا راحت المشغل >>راحت الهودج <<عندنا في الحسا يجنن

وحطو دي جي مع واحد يسوية وعلى كل أغنية يقول أهدا
مثل.. اهداء من(اسم الأب) إلى(أسم الأم)
واغنية غيرهاأهدامن (الأم)لولدها(البيبي)والعكس من الأبو وللجدات ووو

والعشاء كان مشويات
وغير الهدايا للصغار بالونات ووووو
وهدايا للكبار.....

د

دهن عود معتق

عروس مبدعة

02-12-2006 | 09:48 AM

حلوووووووووووووووووووووووووووووه الافكار

نبا المزيد من الافكار

r

rockerbabe

عروس مشرقة

07-12-2006 | 07:23 PM

هلا حياتي.. أتمنى ما أكون متأخرة بالرد.. بس حاولي إنج تكونين عروس جديدة من جد و جديد يعني نيو لوك.. قمصان نوم بستايلات ما شافها عليج من قبل مكياج حلو و ناعم عند ماكييرة شاطرة.. ثياب ستايلها جديد.. رتبي بيتج بطريقة حلوة عطور جديدة و مكياج جديد.. و أعتقد إذا بتجددين في ستايل حياتج فكري في الأشياء

r

rockerbabe

عروس مشرقة

07-12-2006 | 07:30 PM

عفوا حبيبتي بس قصدي حاولي تتدراكين أخطائج لما كان في حياتكم طفل واحد .. و الله يوفقج..