بنات زعلت زوجي.. شلون اراضيه؟؟؟

يا قلبي يا أم شجاع

انتي توصلين زوجج قمة العصبية لين ماتوصلينها للطلاق عشان بس يراضيج.. صح؟؟؟؟

ولما يعصب تنصدمين كأنج هب مسوية شي صح........صح؟؟؟

استهدي بالله عشان شجاع وتعوذي من بليس

وخلي الزعل على الأشياء الكبيرة

اذا احين ريلج يعطيج ويه

ترى بعدين يتعود ولا يفكر يراضيج

وبس

انشاءالله افدتج ولو باللقليل

قومي أحين بوسيه على راسه ومن عقبها حاولي تدورين لج هواية تنشغلين فيها عشان تشتاقون حق بعض
وسلامتج

يعتمد الموضوع على فداحة غلطتج ... ههههه

اسمحيلي قاعده اتغشمر بلطف الجو... بس تصرفج لازم يكون على حجم غلطتج...

عالعموم انصحج لا تتسرعين بالتصرفات... ولا تخلين غضبج يسبقج...

شوفي انتي شنو سويتي عشان تزعلينه... وحاولي تراضينه على هالاساس...

ونصيحه من قلب:

خلي يكون بينكم ( حــــــــــــــــوار)

والله مافي شي اهم من الحوار لحل المشكلات..لمن كل واحد منكم يفتح قلبه للثاني راح تكون الامور اوضح...

عشان ماتقولين لنا مره ثانيه بنات اشلون اراضي زوجي لانه من الاساس ماراح يزعل.. باذن الله

وتقبلي تحياتي

اخت ام شجاع الله يهديج ويهدي زوجج حاولي تسوين له مفاجاه بعد مايرجع من الشغل مثلا تعملين له غدا سبيشل وتعدلين غرفت النوم وتزينينها بالشموع وتجهزين له الحمام وتعطرينه وتحطين فيه شموع ريحتها حلوه او تسوين بدل الغدا عشا وتقولين له انج تبين تصلحين غلطج وانج اسفه ومن الكلام الحلو وممكن تشترين له هديه حلوه تعبرين له فيها عن حبج له واسفج والله يخلي لج زوجج ويبعد عنكم المشاكل والزعل

والله يخليكم انتوا لي ولا يحرمني منكم يارب