شوفوا تصميم شقتي وساعدوني في ترتيبها

هلا اختي

شقة حلوة ..صغيرة بس مرتبة وخفيفة

عندي اقتراح أتمنى إنه يعجبج :

أول شي شكل سلة الألعاب في الممر اللي بين الجلسة الأولى والجلسة الثانية أبدا مو حلو
ها المكان بالعادة يحطوون فيه مثل الطاولة الصغيرة الملحقة مع مراية ويتحطى عليها ورد أو تحفة صغيرة ... جربي تييبين لج وحدة منهم راح يطلع شكلها حلو وفخم في نص الجلستين

أما سلة الألعاب فادمجيها بس بصورة حلوة مع الجلسة اللي جنب النافذة .. يبيعون أشكال حلوة حق السلات أشكالهم راقية تحطين فيها أللعاب مع السيارة وتجعليهم بالكورنر ..بيعطي شكل حلو ومريح

وبعدين عندي اقتراح ثاني :

ليش ما تقسمين غرفة الخادمة لو كان حجمها معقول قسمين قسم يكون غرفة صغيرة حق عيالج يناموون فيها بس
والقسم الثاني حق الخادمة
مجرد اقتراح ..لأني أحس إن نومتهم معاكم مو عدلة ..ولا ؟
أما أذا كان ها الشي صعب عليج فسويلهم كورنر في غرفتج ( مبين عليها كبيرة ولا ؟) وها الكورنر خليه بعيد قد ما تقدرين عن السرير المزدوج ..شو رايج ؟

والله يوفقج ويزقج باللي تتمنينه

هلا i wish و الله اقتراحاتج حلوه بس المشكله الشقه صغيره و غرفقها بعد صغيره

غرة الخدامه انا مقسمتها بالدواليب مثل ما انتوا شايفين

الدولاب ظهره لمكانها و سريرها خلف الدولابين و القسم اللي باقي من الغرفه
خليته للكوي و دخلتنا للدولابين مافي مكان للاطفال فيها

و غرفتي بعد صغيره و الله وجهي بوجه سراير عيالي

نومتهم معانا ابداااااااا مو عدله بس ما بيدي حيله و الله


يا ريت ما تبخلون علي

و بالنسبه لسلة العابهم ما اقدر احطها جنب الجلسه اللي عند الدريشه لانه مافي مكان

ما اقدر اسكر البلكونه باي شي لانه ننشف ملابسنا فيها :(

الله يعينكم

زين ليش ماتحاولين تاخذين السراير المزدوجه...اللي تكون من طابقين.. واحد ينام فوق والثاني تحت... بجذي تقدرين تحطين العيال بدار الخدامه... عشان ماينامون معاكم...

وبالنسبه لدار الخدامه...استبدلي الدواليب الكثيره اللي عندج بدولاب اللي يكون نوعه ضخم ويغطي الطوفه من بدايتها الى السقف.... ويكون فيه مساحه تخزينيه هائله...

نصيحه لج اختي تخلصي من كل شي ماتحتاجينه...عشان يصير عندج مساحه اكثر...

وسامحيني على القصور

غرفة الخدامه ما فيها وسع لسرير
و زوجي مو مقتنع ينامون معاها بنفس الغرفه و الله
يقول اكبر غلط
ينامون معانا و لامعاها

و الله ضايقه بي الوسيعه بس ما بيدي حيله

ما تتخيلون كل اسبوع او اثنين اسوي جرد و ارمي بلاوي علشان اوسع المكان بس مو قادره الشقه صغيره اكثر من ما تتوقعون


فكرة الدولاب الكبير وايد حلوه بجرب اسويها و ان شاء الله تنفع


لا تيخلون عليه بافكاركم

زين اختي مافي امكانيه الخدامه تنام على فراش...بمكان اخر غير دارها.. واهي راح تقوم مبجر الصبح من النوم فمحد راح يلاحظها..سواء نامت بالصاله مثلا... وتستبدلون سريرها بالسرير المكون من طابقين وتخلون عيالكم ينامون فيه...


لاني شايفة ان نومة العيال معاكم اهي اكبر مشكله والباقي عادي ههههه
تحياتي....

و الله معاج حق
بس نوومها مو مشكله و اغراضها ؟؟؟؟ احطهم معاها بالصاله و الله صعبه ترى

زوجي يحاول هاليومين يحسن وضعه و ينقلي شقه 3 غرف بس و الله الاجارات بدبي صايره ذبحه
تخيلوا شقه غرفه وحده ب 80 الف
و غرفتين 100 الف و الثلاث غرف عااادي تلاقينها ب 150

هذي الشقق و الفلل لا تقربين صوبهم ابدا

بفكر في موضوع انها تنام بالصاله

بس مشكله
بالليل مو مشكله ترانا بالغرف
بس بعد الظهر ما يصير تنام بالصاله غلط احس لو طلع زوجي الصاله و لا يبي يشوف التلفزيون
ما يصير لازم يكون لها مكان ؟؟؟؟ و لا شرايكم

ممممم

زين بقول لج عن شغله... اغراضها مو مشكله تخصصين لها مكان بالكبت الكبير اللي قلت لج عليه اللي يكون لي السقف...بمساحه تخزينيه كبيره... وعامة اغراض الخدامه مو وايد...


في ناس يخلون الخدامه تنام بالمطبخ...وانا ماحب هالفكره...بس بحالتكم يمكن تنفع... خاصة اذا كان في مجال بالمطبخ...مجرد فراش تحطه واذا قامت من النوم تشيله... انتي شوفي الوضع...

ولاترهقون نفسكم باجارات غاليه... خنفكر شوي وانشالله ينحل الموضوع

:)

اختي الغالية انت مو ملاحظة انه الخدامة مستحوذة على مساحة عيالكم ؟؟؟؟؟؟

يعني حمام الخدامة عيالكم اولى فيه وكذلك بالنسبة لغرفتها هم اولى فيها

شقتك حلوة وتلم شمل العيلة ولكن انا لو محلك استغني عن الخدامة مهما كانت ظروفي لانه الشقة ما تحتمل وحدة اجنبية تسكن فيها وتزاحم العيال!!

والشقة باين عليها ما تحتاج شغل كثير يعني بالنسبة لي ادبر اموري بدون خدامة لحد نتوسع بالمسكن..

وبهالطريقة تجمعي العاب العيال في غرفتهم مع اسرتهم واغراضهم وتنامي بهدوء ورومانسية انت وزوجك وتاخذوا راحتكم في البيت اكثر من جميع النواحي

وانا مع الاخت سوسو
أحسن شي ممكن تسوينه ويوسع عليج الشقة هو التخلص من الخدامة
وبالتوفيق

أحسن شي تسوينه انج تحطين نو البارتيشن جنب الحمام اللي في المدخل للشغاله... يعني تسوين نوع كبينه من الخشب فقط الواح خشب بدون سقف لوضع الخادمة فيه...

هاذا انا مسويه جذيه في صالتي مسويه نوع كابينه من الخشب وتم عزلها بفضل الله
وبالتوفيق

عروس سوسو و الريم


استغني عن الخدامه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟و دوامي

انا اطلع من البيت الساعه سبعه الصبح و ارجع 5 العصر

عيالي وين اوديهم

و مع من اخليهم \....


ما اقدر اوديهم عند اي احد اهلي و اهل زوجي ساكنين بعيد عني و مو على دربي و انا رايحه الدوام

و اصلا كلهم يادومون و ما في حد يتولى عيالي عندهم :(

و الله فكره

بس مجلي الاعمار اللي احنا ماجرين عنده

يمنع تسوين اي تعديلات بالشقه الا بعد موافقهتم و لا و الله بسويلها غرفه مكان القعده العربيه اللي بالصاله و بتخلص منها


بشاور زوجي بالموضوع و يمكن يقتنع يروح يكلمهم في الموضوع مع انا متاكدين انهم ما بيوافقون لانه مو من مصلحتهم

الافضل لهم انتقل شقه كبيره و ادفع لهم و لا يسمحون لي اعدل بشقتي


كراوا معاي بحلول عمليه و اللي يسلمكم

عندي لج
اقتراح
ليشاتشيلين دولاب الخدامه او دولاب عيالج وتخلين الاغراض في دولاب الغرفه
وسرير الخدامه لصقيه في الطوفه وحطي حق عيالج سرير بطابقين
او تشيلين سرير الخدامه وتخلينها تنام على الارض اتوقع راح يصير مكان

وبالنسبه حق الكراسي اللي عند التلفزيون
تقدرين تستغنين عنهم وتحطين بدالهم الكرسي الطويل وكرسي ثاني صغير عشان يصير مكان
او انج تكنسلين الجلسه العربيه اذا انتي مب النوع اللي ايونج زوار وايد وتكتفين بقعدة الكراسي

ومكان الجلسه تسكرينه باالبارتيشن وتسوينه غرفه للخدامه وللكوي

الاقتراحات الاولى ما اقدر اسويها لاني ما احب انيم الخدامه مع عيالي بمكان واحد قلبي ما يطاوعني و الله

بس بالنسبه ل ومكان الجلسه تسكرينه باالبارتيشن وتسوينه غرفه للخدامه وللكوي

هذا قاعده افكر فيه حاليا و ان شاء الله اقدر انفذه بموافقة المجلس

سحايب دبي .. انا عندي سؤال ما يخصه بالموضوع خخخخخخ .. ممكن اكلمج خاص ؟

cute barbie

تفضلي فديتج اسالي

ان اراسلتج على الخاص عيوني لج

مس ريم و الله تصميمج وايد حلو

بس مساحة الصاله واايد صغيره و لو حطيت طاوله بين الصاله و البارتشن ما بيصير ممر نمر منه لانه الصاله وااايد صغيره

بس فكرة البارتشن ترى موت دخلت براسي و شكلي صدق بدخلها براس زوجي ا ن شاء الله


و يا رب يوافق يكلم المجلس

حبيبتي انا رايي من راي احلام صغيره
تستغنين عن الجلسه العربيه وتستخدمين البارتيشن علشان تسوين غرفه حق الخدامه
وبهالطريقه بتنتهي كل مشاكلج
اولا العيال مابينامون وياكم وهذا اهم شي
ثانيا ماراح يرقدون ويا الخدامه بمكان واحد
وثالثا تغيرين ديكور الصاله
ورابعا مابتصدعين راسج بالاجار لانه انا بعد ساكنه بدبي وعندج حق والله اجاراتهم وااااااااااااايد غاليه
او ليش ماتنتقلين الشارقه ارخص وتحصلين 3غرف والشقه وسيعه وبنفس سعر شقتج
والله يوفقج حبيبتي