قائمه تجهيزات بنات مصر

تسلم ايدك يا loveme انا كنت لسة هقول للبنات كفاية كده على المطبخ ونشوف بقيت الحاجات زي
الهدوم الخروج والداخلية وكده بس انتي سبقتيني - ربنا يباركلك

واحنا في انتظار المزيد

اناااااااااااااااااااااا جيت

ايه يا بنات مش بتدخلوا تكتبوا لية الاى جبتوا انتوا نامتوا و الا ايه

احنا وصلنا لغاية فين اخير مرة للشتوى صوح

خلاص نبدا فى الصيفى
1- 4 بيجامة قط و شورت و دية بتبدا اسعارا من 30 و 35
و دول كنت جيبهم من المعرض بتاع شهر 7

2- 4 بيجاما قط برمودة و كانت اسعارهم 30و 35 و دول كانوا من التوحيد و النور فى تصفيت الصيفى

3-4 بيجاما نص كم و بنطلون و كانت اسعارهم 30 و 40 و برضة من التوحيد و النور

4- قمصان قطن و كنت جايبة حاول 8 و كانوا اسعارهم من 25 لغاية 40 و كانوا من المعرض بس القماشة كانت تحفة و جميلة كدة و مش بتحرر

5- الجلاليب و طبعا مش مكتر فيهم بس كان فى المعرض عبايات كتان سعارها 45 و كانت جميلة جدا

love me متشكره ليكى جدا جدا على الافاده الهايله اللى افدتنى بيها بخصوص اللبس البيتى الشتوى والصيفي بس هو كل اللبس هيبقى في البيت كده مااشتريش يعنى في الشتوى بناطيل وبلوفرات كده زى الخروج وبعدين لو خلصتى كده الهدوم البيتى ياريت تكتبي الهدوم الداخليه وبعدها الخروج خلينا بقى ماشيين بالترتيب اللى كانت كتباه بوسي كات في الاول

منوران يا سنو برنسيس

و اعقبال ما ربنا يتمللك فرحك على خير

على فكرة يا بنات انا كنت اشتريت كام تى شيرت كدة البسهم فى البيت عشان لما ازهق من لبس البيجامات و دول هتلاقيهم فى اى حتة و كمان معها شورتات و دول جبت جزء من الموسكى بس دة بيبيع جملة و سعرة حلو و كنت اشتركت انا و صاحبتى و قسمنا على بعض و فى كمان فىسواق غزة منهم

عارفين يا بنات

فية فستاين كنت جبتها هما فسكواز و حلوين قوى فى اللبس الواحد كان 35 اول ما نزل دلوقتى اسعارهم بقت 30 و 25 هما كذا لون داخلين فى بعض و تحسى اكنهم لاما لبس هندى او صينى و دول موجدين فى كل حتة فيها لبس بيتى او تلاقيهم اكتر فى المعارض
انا كنت شفتهم فى الاسكندرية فى معرض مفتوح على البحر بعد مكتبة الاسكندرية كدة بس مش فاكرة العنوان و فى منهم كمان فى معرض كان فى مرسى مطروح و فى سوق غزة كمان

الاندر يا بنات انا كنت جايبة منة كتير قوى و بعد كدة ندمت
فا من راى 12 او 15 بالكتير قوى و يا رايت يكونوا فيهم كام واحد لونهم غامق عشان ايام الدورة

و يا بنات اوعوا تنسوا الفوط الصحية عشان المواقف البيخة فى شعر العسل
و ما تسمعويش كلام الناس الاى بتقول دة فال وحش عليكى

البراهات انا جبت منهم 6 و كان فيهم 2 نمرة كبيرة سنة عشان لو ربنا رزقك بالحمل على طول

و بالنسبة للقمصان الاى بتتلبس تحت هدوم الخروج الاى هما بيكونوا جل بيتهايلى كفاية 4 او 6
دة لو متعودة انك تلبسيهم لو مش بتلبسى منهم يبقا بلاشتجبيهم لان انا جبتهم و زاى ما هما فى الدولاب

و فى محل فى الاسكندرية جمب نادىسموحة فية الفستاين القصيرة و اسعارة حلوة قوى بس انتى لازم تدورى فى الحاجة كتير عشان بيبقا فية غلطات لان دة محل بواقى تصدير و انا جبت منة الفستاين الشتوى

قمصان النوام
و دول ما فيش اكتر من محلاتهم

عارفين يا بنات المعرض بتاع شهر 7 بيبقا مع الناس الصنين هناك تشكيلة حلوة قوى و اسعارهم كويسة

يعنى انا اشتريت قميص يوم الفرح منهم ب 50 جنية و كان لونة ابيض و قصيرة و الروب اكنة كرانيش كدة بس كان حلو و سعرة حلو كمان

و كمان كان فى قميص عجبتى قوى هو لونة نبيتى و فى منة التوبى بس دة كان ب70 و الروب تحفة و كان قصير

و بقست القمصان كانوا اسعارهم من 30 و 40 و دول جبتهم من كذا مكان يعنى لما يقبلنى حاجة عجبتنى كنت بشترية

و يا بنات انا من راى ان 10 من قمصان النوام كويسين قوى لان بعد كدة ممكن تقابلك حاجة تلاقية حلوة و تحبى تشترية لان انا بعد الجواز اشترات تانى يعنى مثلا فى العيد ممكن تجيب واحد جديد فا ما تكتريش قوى من الحجات دية

عارفين يا بنات الناس الصنين الاى بيلفوا على البيوت دول معهم حجات حلوة قوى و انتى برضة تفصلى معهم و ينزلوا معكى

انا جبت منهم
1- 2 بيجاما ستان سعر الواحدة 50 و 60

2- روب ستان سعرة 60

3-بيجامات قطن ب40

بيتهايلى كدة هدوم البيت كلها خلصت و لو حد عندة حاجة يدخل يقولها

و بكرة هكملكم الباقى

انا فخورة بيكم جدا وعاوزة اقولكم اني محتاجة ليكم كتير فرحي في شهر 7/2007 ربنا يخليكم خليكوا معايا ربنا يتمم ليكم كلكم يارب
انا من القاهرة منطقة 6 اكتوبر
وسعيدة بيكم جدا جدا جدا :clap:
يارب تعتبروني اخت ليكم كلكم:shy:

لوف مى ياريت توصفيلي الفساتين الشتوى ده عشان انا مااعرفهاش هى بتبقى قصيره ولا طويله ولا شكلها بيكون ايه

بصى يا سنو الفستاين دية كانت سادة و صوف بس الخفيف و مش تقيلة قوى

انا اختى لبست منهم و بتقولى دول خفاف بس انتى عارفة الحجات دية بتبقا للدلع انا لسة ما جربتهمش لان بحب الترنجات و البيجامات اكتر بس زاى ما قولتلك سعرهم كان رخيص قوى و هو محل بواقى تصدير و منتشر فى كذا حتى فى الاسكندرية و فى منقطة اسمها وبور الماية جمب النادى هناك و اسمة تقريبا المحل كونكريت و حجاتة حلوة بس عايزة تقليب جامد و بينزل منة حجات كويسة قوى اا اشتريت منة كذا حاجة و طلعوا حلوين بالذات التىشيرتات

و استنى يا عسل هكملك بقيت الحجات بكرة باذن الله

اهلا يا بنات
انا عملت لسته لنفسي عشان امشي عليها لهدوم البيت ةالملابس الداخليه بالاعداد
ياريت لو في تعليق عليها تفيدوني لو في حاجة زيادة او لو في حاجة ناقصة
الاندر
- شيفون (6) - قطن ( 10) - هوت شورت ستان ( 4) - شورتات واندر قطن للخروج ( 7 )

البراه
- مبطن للخروج ( 3) - عادي للبيت (2) - مبطن للبيت ( 3) - شيفون واشكال مختلفة ( 4)

اللانجري (قمصان النوم )
- قصير (بيبي دول) (4) - متوسط الطول (4) - طويل (4) - قطعتين ( 4)
طبعا ننوع في الخامة والالوان وشكل الموديل انا بس قسمت حسب الطول لكن كل طول نجيب اشكال مختلفة

اطقم البيت للنهار
- شورتات جينز او قطن - بديهات ( 6) - برمودا - جيبات جينز او قطن - فساتين (6)

بيجامات
- قطن ( بنطلون / شورت) (6) - ساتان (بنطلون / شورت ) (4)

جلاليب / ارواب
- قطن (قصير/طويل) (بكم / نص كم / كت )(4) - ارواب ( 2)

طبعا كل دة للصيف بس

ربنا يهنيكى يانانى بحاجاتك بس الاعداد ماعرفش دول كويسين ولا لا بس اكيد هيفيدوكى البنات
متشكره على تعبك معايا يالوف مى ومستنيه بقيه الحاجات عشان انا بكتب اللى انتى بتقوليه عشان لما انزل اشترى ابقى عارفه وماحسش انى تايهه

على فكرة يا بنات انا كنت امبارح فى شارع الازهر و شفت الجلاليب الاى كنتوا بتتكلموا عليها و هى متطرزة بس مش كتير و الفتحين على الجنب فيهم تطريز برضة

عارفينمحطة الاتوبيس بتاعت حمام التلاتة في هناك محل هناك جمب المحطة هو دة الاى شفت فية الجلاليب

فى اية يا بنات ما حدش لية بيخش على الموضوع دة هو وحش قوى كدة

لا طبعا بالعكس الموضوع جميل جدا ومفيد جدا وأنا نفسي أشترك معاكم بس حسيت إن مفيش حاجة أضفها عشان مكتبتش حاجة علي العموم أول ما هلاقي حاجة عندي تفيدكم هقولكم
عايزة بقي أقولكم إن في حاجات المطبخ متنسوش المضخة بتاعة تسليك الحوض وسلك المواعين
بالنسبةبقي للبس البيت في كمان محل حلو أوي في إسكندرية عشان أنا من إسكندرية المحل إسمة collection في جليم علي لبحر علي طول في الشارع اللي قبل Belle Donna و كمان في محل زية كدة قريب من الوطنية مول إسمه Beethoven في بردو حاجات شيك أوي وفي نفس الوقت سعرها حلو ولو في حاجة تانية شايفة إنها تستحق تتقال هقولكم متخافوش.
سللللللللللللللللللللللللللللللاااااااااااااااااااااااااااااااااااااااامممممممممممممممممممممممممم

:shy: :shy: لا طبعا بالعكس الموضوع جميل جدا ومفيد جدا وأنا نفسي أشترك معاكم بس حسيت إن مفيش حاجة أضفها عشان مكتبتش حاجة علي العموم أول ما هلاقي حاجة عندي تفيدكم هقولكم
عايزة بقي أقولكم إن في حاجات المطبخ متنسوش المضخة بتاعة تسليك الحوض وسلك المواعين
بالنسبةبقي للبس البيت في كمان محل حلو أوي في إسكندرية عشان أنا من إسكندرية المحل إسمة collection في جليم علي لبحر علي طول في الشارع اللي قبل Belle Donna و كمان في محل زية كدة قريب من الوطنية مول إسمه Beethoven في بردو حاجات شيك أوي وفي نفس الوقت سعرها حلو ولو في حاجة تانية شايفة إنها تستحق تتقال هقولكم متخافوش.:ok:
سللللللللللللللللللللللللللللللاااااااااااااااااااااااااااااااااااااااامممممممممممممممممممممممممم

موضوع حلو يا بوسى و انا كنت بفكر فيه المهم انا جبت حاجات و ناقصنى لسة حاجات انا جبت
12قالب جيلى الومنيا 6 متوسط و 6 صغير
6 قالب كيك مسطح صغير
1 منخل سلستين
1 طقم كنك صاج
1 لدانة
1 مخرطة 1 نشابة
1 عصارة برتقال كهرباء
طقم تيفال
1 طاسة تيفال مربعة
1 طاسة تيفال بغطاها
1 صينية كيك الومنيا على شكل وردة
1 طقم مصافى
ا مدق لحمة
1 براد سلستين صفارة
1 براد بيركس
1طقم حلل ثلاجة صاج
ا طقم معالق خشب للمطبخ
1 طقم صوانى سيرفيس
1 طقم صاج تشيكى للطبخ
1 كيتشن ماشين
1 فوالة متوسطة
1 طقم شاى 5 قطع سلستين
1 فرشة حمام
2 مساحة
1 مكنسة
2 فرشة بلاط
1 فتالة
ا مصفاة برجلين
1 كولمن صغير
1 عصارة برتقال يدوى
1 مبشرة كبيرة
1 مبشرة للشيكولا
1 طقم بلاستيكات مطبخ للعجين
1 فرشة بيض
2 مصفاة بلاستك
ا قمع ذواق
ا قمع حلوانى
1 شيالة حلويات مربعة زجاح
1 فتاحة سلستين
1 مضرب سلك يدوى
1 مضرب بيض
1 عصارة ليمون
1 معلقة ايس كريم
1 طاسة الومنيوم صغيرة
1 قطاعة بيض سلستين
1 عصارة ثوم سلستين
1 طقم سكاكين
3 سكاكين فردانى
12 سكينة اكل
2 مقورة
1 مقص بالكسارة و بفتاحة سلستين
1 قطاعة سلستين
2 طبق سمك سرفيس
6 طبق سمك صغير
1 مريلة مطبخ
3 فوطة اطباق
1 قشارة
1 ولاعة
1 قطاعة بطاطس
1 طبق فاكهة
3 طفاية صغيرة زجاج
3 طقم صوانى تقديم
1 طقم شربات زجاج سادة
1 طقم شربات كحلى
1 طقم اطباق شوربة 3 قطع
1 طقم فناجين قهوة للا ستعمال
1 بمبونيرة زجاج
1 بمبونيرة صينى
1 طقم جيلى برجل
1 طقم خشاف زجاج سادة
1 طقم خشاف مزركش
12 طبق زجاج للشوربة
12 طبق زجاج 6 مسطح 6 غويط
6 كوب ماء عادى
1 مج زجاج كبييير
6 مج صينى كبير
6 مج صينى صغير
12 كوب شاى زجاج عادى للاستعمال
6 كوب شاى ملونين
1 طقم شاى و ماء مذهب
1 طقم توابل صينى
1 طقم توابل زجاج
1 طقم صوانى الومنيا مدور
2 قالب تيفال
1 طقم فناجين شاى بالاطباق زجاج
6 كاسات طويلة قلب احمر
6 كاسات اخضر
6 كاسات مدهب
6 كاسات ابيض
6 كاسات ازرق
6 كاسات كريستال اصلى للنيش
1 طقم ميلامين كامل
1 طقم معالق سفرة 24 قطعة
2 صينية سلستين صغيرة
1 فازة صينى كبيرة للاركان
1 فازة صينى للصالون
2 فازة زجاج
6 طبق زجاج مسطح و 6 غويط للجيلى
1 شيالة حلويات سلستين
1 ماكينة بيتفور
1 طقم توزيع ستالس
1 سكينة تورتة كبيرة
1 مكواة
1 طقم شاى برجلين مدهب
1 طقم كاكاو اسود
1 طقم ملاحات للسفرة صينى
1 طقم كوبيات لبنى كبيرة
1 طقم شاى ابيض فى دهبى
6 كاسات سالستين برجل
6 كوبيات شربات مدهب
2 كاس ابيض للدخلة
1 طقم بيركس فاميه اسود
1 طقم صينى
1 طقم اركوبال
1 طقم حلل الومنيا
1 طقم بيركس صوانى فرن
1 طقم برادات شاى دهبى
1 لبانة
2 ساعة حائط
1 هون
1 مخرطة
3 قالب كيك الومنيا

المفروشات بقى ده اللى انا جبتو
6 ملايات سرير(لبنى--برتقالى-- بمبى--احمر--ابيض--بيج)
3 ملاية بدانتيلا(اصفر--موف--نبيتى)
6 فوط وش قطيفة
6 فوط وش عادى
2 باشكير
2 برنس حمام
مفارش للنيش
2 مفرش للسفرة
1 طقم مفرش للصالون
1 لحاف فيبر
1 لحاف للاطفال
1 مفرش سرير دهبى داخل فيه زيتى و بيج
1 مفرش سرير orange
2 لكلوك (بمبى و بيج)
ستائر
1 سجادة
2 كفرتة بالمخدات
ده اللى جيبتوا لسة الباقى

ايه يا بنات هو الموضوع اتقفل و لاحاجة؟؟؟؟؟؟؟؟؟؟
محدش ليه بيدخل و يقول هو جاب ايه
مش المفروض كل واحد يقول عشان اللى ناقصه حاجة يفتكرها
و لا انتوا بخلة و لا ايييييييييييه؟
يلا انا مستنياكم بلييز لان ناقصلى حاجات
:sad: :sad: :sad: :sad: :sad: :sad: :sad: :sad: :sad: :sad:

الموضوع رائع فعلا وانا شخصيا استفدت منة جدا .
انا نفسى اقولكوا على كل حاجتى لكن انا للاسف مش كتباها ومش هقدر افتكرها كلها .
على العموم انا ان شاء الله بكرة اكتب كل اللى فكراة .
وجزاكى الله كل خير ياباندون انتى وبوسى كات وكل البنات اللى شاركت .

الموضوع جميل جدا بس محتاج شويه ترتيب وارجو الاكمال ويا ريت موضوعات اكثر عن ما يخص البنات المصريات خاصه البنات اللى من الاسكندريه لانى من الاسكندريه وشكرا .

تحفففففففففففه

بصراحة انا لما جيت اكتب قايمة بكل تجهيزاتى للمطبخ لاقيت انى مش هخرج عن الحاجات اللى انتوا كتبتوها وللسبب دة انا مش كتبت تانى لانة هيكون تكرار بدون فايدة .
المهم اننا عاوزين نكمل لو فية حد عندوا اضافات على المفروشات مثلا
وكمان الاجهزة الكهربائية والبوتجاز وكدة بالماركات .
فين النشاط يابنات ؟؟