الجــزء ال20 من تجهيـزات عرايس قطـــــ2006-2007ــــر

الليازي


الحمدلله على السلامة حبيبتي ومنورة

::

رايقة


ما قلتي لي اسامي المحلات المشاركة بخصوص الذهب البحريني ؟

وبخصوص جاك ديسانج ان شاءالله البنات بيفدونج لان ما عندي خبر


::

عنود الغيد:
بيرضوون عاااااد؟!!!

>>> أهم شي اللي داااشه عرررض :bigsmile:

أنا رحاااب حاااقده عليهم من عقب ماشووهووا يدي بعرس خالي :sad:
مااااحببببببهم :confused:
برووحي ماآتحنى إلا بالغصب :(
بعد يعورووني :(

وصراااحه حنااا فنون واااو
ويصبغ لو قبل المناسبه بليلة
ولونه يهبل :shy:

ماماتي دااايم اتحنى عندهم !!!

خبررركم آنااااا :pain:

:mad2: مب على كيفهم .. مايرضون ... يحمدون ربهم بنوفر عليهم ,,,, بياخذون سعر الحنا والحنا مب عندهم ...:mad2:

تدرين ..انا مستغربة انا عبالي كل الدوحة يتحنون عند رحاب بس:smile: ...
بس يوم دخلت اهني اشوف محد يمدحهم.... واشوف كله يمدحون فنون وزبيدة ... ابي اعرف شلفرق .. لان انا تعجبني نقشة رحاب ... احسها مرتبة .. ومب من النوع معفس .. وتحسين يدج مترووووووسه ....

انا دايما اتحنا عندهم .. ولا مره جربت مكان ثاني .. لان احس إذا قلت لهم ناااعم .. وشرحت لهم .. يسووون مثل ما ابي

بس ذاك اليوم شفت رفيجتي حاطه حنااا ناعم يجنن .. وحناه صبغته حلوه .. قالت لي العروسة ..
مسوين لها نقشه خفيفة بس وسطت الكف .. طالعه تجننن

شظايا الماضي:


::

رايقة


ما قلتي لي اسامي المحلات المشاركة بخصوص الذهب البحريني ؟

وبخصوص جاك ديسانج ان شاءالله البنات بيفدونج لان ما عندي خبر


::

فديتج انااا .. نسيت أسأل.. اسمحيلي .. بس روحي المفتاااح على يوم الاثنين ولا الأحد .. بتلاقين أشياء المعرض عندهم.... شوفي فرع السيتي وفرع السد ...
ودامج بتروحين السيتي مره وحده .. روحي شوفي الفردان.. اشياءهم دايماً تجنن وحلوووه
واتوقع اكيد كانوا مشاركين في المعرض

مبروك الجزء ال20 من عرايس قطر وانشالله المليون

حبايبي ممكن رقم اميره مالت الديجيه ووين مكانها

بنات بغيت بعد افكار للزفه

ابي حد يطمني من مكياج عبير لاني للحين ماحجزت عندها وايد متردده خايفه تسويلياه وحشي مع انها قالتلي اني مابسوي وحشي انا ابي استايل لبناني والكل يقولي مكياجها روعه انا وجهي وايد نعوم شرايكم بنات

نسيت اسالكم بنات قبل ما حف يسير احط المشقر على كل جسمي وبعدين احف واسوي حمام مغربي

القطره جربت اشقر جسمي عند مريم قبل الحف تدرين يوم طلع الشعر بعد فتره كانه شايلته بموس بدايه البصيلات حمرا ما ادري ليش الظاهر ان التشقير اثر على البصيلات ولان الحف كان عقبها على طوووووووول

فاذا بتشقير خليها قبلها بيوم

بنات سوري اتاخر في الرد بس مايمديني انشالله بكره باقدم امتحاني وبافتك من امتحانات الfirst


اللي طلبوا رابط التقشير الي انا كاتبته تفضلوا

تقشير خفيف لطيف سهل وفعال بأسبوع واحد

بالنسبه للعرايس ابشروا بالموضوع الزين قريب بافتحه بس انتظر موافقة الاداره ....

فديتج عنوده توني منتبهه انج حطيتي الرابط ......امممطططخ

:shy:

اليااازي واللله امس فالليل على بالي قبل لانام شلون مادري بس تذكرتج قلت جنها طولت ... الحمدلله عالسلامه وقوليلنا شسويتي عاااد ششريتي ماشريتي ووين رحتي >> لقافه

رايقة

ما تقصرين حبيبتي


::::


بنت الغالي

موفقة حبيبة قلبي وان شاءالله اعلى المعدلات



::

شظايا الماضي:
بنت الغالي

موفقة حبيبة قلبي وان شاءالله اعلى المعدلات



::

تسلمين حبيبة قلبي عالدعاااء .....اللهم امين

غالية قطر هذي اهي الخلطة
http://www.3roos.com/forums/showthread.php?t=187460
انا جربتها فضيعه بس الزيوت ماحطيت نفسها لانه ماعندي حطيت زيت الزيتون وزيت السمسم لانه متوفر كان عندي
وماكان عندي عصير تانج حطيت بيكم بودر عشان فيتامين cوالحليب نيدو
بس بنات جربوها تعطي نتيجه حلوه وتنعم الجسم وتنظف مكان الحبات السود مالت الشعر اللي في الريل انا باقي منها شوي بس تعيزت اشتري واسوي لي مره ثانيه شريت من البودي شوب السكراب اللي على ملح اللي جربته تقولي شلون نتايجه

بنات صور عرس اختي الكوشه







تم تصغيرالصور بواسطة بنت الغالي

يتبع





تم تصغير الصوره بواسطة بنت الغالي

الليازي .. الحمدلله ع السلامه حبيبتي منوره ^_^
لج وحششششششه والله مكانج مبين .. يالله قولي لنا شخبارج ومتى عررسج ؟؟

**

نور الدوحه .. عظم الله اجرج وعساها آخر الاحزان ياااااارب ..
ولاتفكرين هذا حكم الله وهذا مصيرنا اجمعييين .. ادعولها بالرحمه ولاتنسونها من صالح الأعمال ..

**

بنات .. أبي أرقام مالات الدي جي .. لاني مسحت رسايلي .. بليززز بنت الغالي الفزعه :(
أبي سعر مناسب بليييز .. مهري كله طااااار وباقي حجوزاتي كلها على اهلي خخخخخ

بخصوص ام النعيم اللي تسأل عنها تراها وايد اوكي .. ^_^ < ناسيه من سألت ..

**

عيون المهاا .. حبيبتي .. روحي لايف ستايل اللي في بوينت سنتر أحلى من مال الستي وعنده أفكار ..
بخصوص الحركات .. حطي ناموسيه تووول وانثري ورد على حسب لون المفرش بكل مكان ..

وحطي شموع بكل مكان وطبعاً لاتنسين الفواحه ( المبخره ) وفيه كريسماس لايتس وايد رووعه
تحصلينها في ذا ون ..

اممممم كثري من الكوشنز وانثريهم بكل صوب ترى تعطي شكل ..

لو تذكرت شي بقولج ^.^


ترانيم قطر .. روعه الكوشه الله يوفقها ان شالله ويرزقها الذريه الصالحه :)

lovely girl مشكوووورة على الافادة بخصوص حنا فنون :)

رايقة ويزاج الله كل خير على الاقتراح :)

عنود الغيد شفيج مع رحاب؟؟ خليتني انسى افكر فيهم نهائيا:)

وفي النهاية شكلي بستقر على اني احجز عند فنون لاني اشوف اغلبيتكم تمدحونها
الله يوفقكم ويحفظكم

يا حلوااات بعد عندي سؤال

الله يعينكم علي
<<<<<< أسئلتها ما تخلص:shy:

بسألكم بخصوص ( شنط المكياج والاكسسوارات ) وين احصلها؟؟؟

http://go.3roos.com/QP592g0IZ6F

خاطري شي سنع مثل ذي:ok:









أي

بعد سؤال صغنون

وين أحصل ( بتلات الورد )؟؟؟
انا شفت الطبيعية في كارفور
لكن الصناعية وين ؟؟ يقولون انها حرير وما ادري وشو

.....عشان انثرها عالسرير وعشان استخدمها مرة ثانية



وربي يعطيكم العافية

حبيبتي بتلات الورد ممكن تطلبينهم من برا ما اعتقد موجودين
شفتي محل الاثاث الي في لاند مارك ممكن عنده

شلونكم بنات
والله صدمتوني اول مره اعرف ان في ثنتين نعمات في صالون جاك ديسانج
الحين احترت وين اقص شعري؟
ستار او زينه

just 4 him
شوفي ماركس سبنسر منزل شنط مكياج روعه