انا مضايجه وهو يقولي عادي :(

سكون:
الله يعينج يا قلبي .. حاسه فيج والله

بس انتي حاولي بهدوء تفهمينه وحركة الأخت لمسات فرح حلوة وبتحسسه بالغلط بس أهم شي يكون النقاش بهدوء

فديتج والله ..فخاطري اجرب حركتها بس يوم بحس انه وااايد رايق واعاصبه هاديه :gum: عسب مايعصب عليه

اميرة زوجي:
الله يعينك والله الرجال ها الايام مالهم امان

الله يعينا عليهم ..والله يقدرنا ان شالله نسعدهم ونحافظ عليهم والاجر كله عند رب العالمين

skymoon:
الصراحه مشكلتش هينه بالنسبه لمشكلتي ريلي يطلع من 8 باليل و يكون الساعه الثانيه والنصف عندي وانا اكون تعبانه من شغل البيت ويسبني سب مع إني حامل ورقدت بنتي في المستشفى ولا قال بساعدك على العيال ويتم هو راقد في البيت واسير بتكسي معنه عندنا سيارتين مب حرام ويسير يوصل ربعه لبيوتهم مع إنه المسافه بعيده

الله يعينج اختيه ..والله وااايد صعب ان الريال يكون ماعنده حس بالمسوؤلية ولا يفتكر بحرمه وعيال ..الله يعنج ان شالله ادعيله حبيبتي انا الله يهديه ويصلح باله ويسخر قلبه لج ولعياله ان شالله ..

زوجة راشد:
وديمه ..... اول شي اسمج حلووو وانا وايد احب هالاسم ... ادري طلعت من الموضوع استحملينى ... بس عسب اتفرفشين اشوى

ويا حبيبتي لا تعطين الموضوع اكبر عن حجمه .......وما استوى شي عسب تزعلين

بعدين نصيحه واسمعيها منى .....انتى بسكوتج عنه وزعلج تدرين شو بتسوين ... بتخلين الريال مووول ما يقولج شي ولا يصارحج بشي يصير له ......كونى اذكى من جذه .... اسمعي الشي واوزنى الامور ..ولا تيلسين تربطين الامور ..مسج بالانكليزى يعنى لابد اخوه والا اللى ايعرفها لهم دخل ؟؟؟ ... خذي الامور بحس نيه ترا اكره ما على الريال انه حرمته اتشك فيه وهو مب امسوي شي .....

الله يهديج ويصلح ما بينكم .. واكسري الزعل وقومي راضي ريلج

فديتج مشكوره حبيبتي وانا بعد واايد احب اسمي :shy:

الحمدلله احينه رضيت وراضيته بعد وهداني هدية حلوه عسب الحركه الي سواها وخلتني ازعل عليه..وانا موول ماافكر اشك فيه ودومي واثقه منه بس تعرفين الحرمه وغيرتها ...

ومشكوره حبوبه مره ثانيه والله يخليج لريلج ان شالله ويوفقكم ويبعدكم عنكم عيال الحرام