أطفالنا والتلفزيون .... هام لكل الأمهات

مشكورة عزيزتي على الموضوع الرائع
أنا صار لي متزوجة 3سنوات و نص و إلى الآن ماعندي تلفزيون!!!:qaq:
و الكل يستغرب لما يزورني من هالشئ.......بس أنا عندي عادي جداً و كانت رغبتي من البداية و زوجي وافق..........لأني أحسه مضيعة للوقت و غير البلاوي إلي فيه و الآن عندي بنوتة عمرها سنتين و 4 شهور أخليها تشاهد على الكمبوتر و أنا أختار لها السيديات التعليمية و بعض أفلام الكرتون و فعلاً تعلمت الأرقام والألوان من المتابعة و (طبعاً ما أخليها فترات طويلةعند شاشة الكمبوتر)
والله يحفظ أطفالنا و أطفالكم و يجنبهم كل سوء

موضووووووووع رائع ومفيد كثييييير
مشكوره أختي

وفعلاً ألاحظ أولاد أخواني كثير يشوفوا التلفزيون وخاصه في الأجازه الصيفيه وعاد إذا ماالبرامج تراهم عالبلاي ستيشن ووحدها هذي مشكله عويصه بس أخواني صاروا لما يجي الصيف يدخلوهم مدارس تحفيظ القرآن عشان يستفيدوا شوي من الأجازه بدل مايمرروها كلها على اللعب والتلفزيون.
أما ولد أختي تقريباً عمره 11سنه فهذاك مدمن تلفزيون وبلاي ستيشن وإذا أغلقناهم عنه يروح للكمبيوتر واحنه وياه في صراع على هالأشياء .

أما ولدي الحين عمره 11شهر بس حريصه من الحين ماأخليه قدام التلفزيون وإن شاءالله بعدين البرامج اللي يشوفها مراقبه وعدد ساعات قليله وأحاول أخليه يشغل عقله بعيد عن هالغزو الفكري

اختي omdoody فديته بدوري مسوي فيها لاعب الهلال من صغره
الله يخليه لك ان شاء الله
اهم شي انك دامجة البرامج التعليمية مع افلام الكرتون
على الاقل يستفيد من الوقت اللي يقضيه قدام الشاشة

أسعدني مرورك

موضوع فعلا رائع، تسلمي يا اخت رومي.

والحمد لله انك نبهتينا قبل فوات الاوان.

أنا عن بنتي ما اخليها عند التلفزيون كثير ومو كل يوم واللي تطالعها اشياء محددة، ستروبري شورت كيك، فلا، هامتروا واكون معاها واداا ما كنت معاها ما تقعد اصلا.

خيال ملاك
ما شاء الله عليك اختي .. ارادة قوية
انا عكسك تماما عندي ادمان على التلفزيون
صحيح خفيت كثير عن اول بحكم ظروف العمل بس لازم اشوفه قدامي واشغله حتى لو ما اتفرج
وحلو انك معودة بنتك على البرامج التعليمية احسن لها من افلام الكرتون اللي فيها بلاوي