زوجي و بنته

السلام عليكم ورحمة الله

اختي الله يعينج انتي تجمعت عليج امور فوق طاقتج

انتي في مرحلة المفروض الاهتمام كله لج بس صارت ظروف وسحبت منج نص الاهتمام

واضح انج ابدا مب معترضة على علاقة الابو مع بنته

وانا مع الاخت ليدي جيجي بنت عمرها 9 سنوات وتحت ايدها مبايل بالسعر هذا حتى
لو كان من فلوس ابوها

بنت بهالعمر حتى لو مب عايشة مع والديها الاثنين ما يصير حد يعاملها بهالدلع

هي بعمر صحيح محتاجه تحس بالاستقرار لكن اللي يسويه بيحسسها بانها عندها القوة
تطلب اي شي تبيه

راح يخليها استغلالية بحركاته هذي

انا مستغربه من موقف الام اساسا كيف توافق ان بنتها يصير عندها مبايل

اوكي ما قلنا شي هي وسيلة اتصال بين الاب وبنته علشان لا يسبب احراج لامها بس بعد
كل شي له حدود


اختي انتي هدي نفسج انتي في مرحله اعصابج راح تزيد عن حدها رغما عنج
غير الموقف الي انتي فيه انتي حامل وشي طبيعي افكارج تكون مشوشه وعصبيه


حاولي تكلميه انه راح يحول بنته لشخصية استغلالية بدون قصد منه

الاوقات اللي يقضيها معها ليه اصلا ما يشركج انتي فيها ليش ما تكون طلعه جماعيه

طلعاته معاها وصرفه عليها هالشكل بيحط فكرة انه يبي يفصلج عنها ولانها صغيره
بتفسر هالشي انج ما تحبيها وما تبينها بحياتج



ما اقول الا الله يعينج ويصبرج ولا تحطي في بالج انج مو من حقج تفكرين بالافكار هذي

العكس موقفج طبيعي للي ظروفه هالشكل بس لا تخلي الافكار تتحكم بتصرفاتج

اذكري الله ورددي في نفسج اسم اللله او الحمد لله اذا كنت على وشك تطلعي عن طورج
بالكلام او بتصرف

وان شالله الموضوع يبيله قعده معاه وتفاهم واعصاب رايقه


والله يا رب يساعدج وتتغير هالظروف علشان تعيشي حياتج اللي تمنيتيها

الأخت مرموم ما قصرت

بصراحه الله يكون في عونك

هلا خواتي
مشكوريييييييين وااااااايد على اهتمامكم و ردودكم
عجبتني أفكاركم

ريحتوا بالي و ان شاء الله أبدأ أغير
أنا عارفة إني ما راح أقدر أرجع الحمل المادي على زوجي لأنه وا عليا لو ينتف روحه ما يقدر
بس لازم يكون كل شئ بحدوده
يعني مصاريف زايدة على خرابيط ما فيه
لازم نحدد أولويات لصرفنا و الأهم فالمهم
و لازم أحاول أشيل شي من راتبي لليوم الأسود

بنته هو المسؤول عنها و يحدد لها مبلغ شهري من راتبه ما يتجاوزه لأني حتى لو تفاهمت مع زوجي على إن إحنا نتساعد على مصاريف بيتنا فبنته مسؤوليته لوحده و أنا من حقي يحدد لي لبيتي وولدي من راتبه شي علشان أحس بمسؤوليته و حبه لنا
البنت لها حق إني أحترمها و أحن عليها مثل بنتي
و أنا من حقي إنها تحاسب شوي لما تجي و ما تمشي و ترمي لأني بعد وراي مسؤولية عمل و بيت وزوج و بعد حامل و بكرة بيبي صغير ما فيني شدة هذا كله
أنا ما أطلب منها تنظف حرام توها صغيرة
بس هي حتى لو بنتي باعلمها الترتيب و النظام و النظافة و لما تعفس ترتب عفستها
و سنها يسمح لها بهاالشي
علشان تاخذ عليه لما تكبر و تصير خوش مرة
و ....... بس
سلامتكم

اختي
ما عرفت شقول لك
بعض ردود البنات حسيتها مثالية بزيادة
والبعض كان منصف لك

بس انتي غلطانة في اشياء كثيرة
ما ادري هل تقبلي مني اتكلم معك على الخاص ؟

بانتظارك

والله انا اشوف انه حيل يبالغ لان مو معناته انه مايقصر معاها يقصر معاج
انتي بعد من مسؤلياته بنته على عيني وعلى راسي بس
موبايل وهي بهالسن احس ماله داعي خصوصا انها بنت وصغيره
ردود البنات حيل مثاليه وتحملك انتي الحمل انا معاج بصراحه انتي لك
حق فيه مثل بنته انا اقول انك تبدين تتدخرين تسوين استقطاع من راتبك لنفسك والبكره
منتي ملزومه تصرفين كل راتبك على اشياء كماليه يعني هو ملزم من راتبه يصرف على بنته وعليج وعلى مصاريف حملج
وانتي ماقصرتي ساعدتيه واستمري ساعديه لكن بحدود لاا تعودينه انج تصرفين على البيت وتتحملين مصروفه ومصروفك ومصروف البيت اهو شنو يقدم بالمقابل,,!
ساعديه ولكن بحدود وخلي راتبك لك للايام
والله يعينك


..
.

أختي selinaa الله يعطيك العافية و يخليك


RoOoOmy ما عندي مانع بانتظارك
شكرا خواتي يسلم يمناكم

حبيها معاه و دلليها و دلعيها بتشوفينه بيغار منها و بيتقرب شوي منج

جربي و بتقولين سحايب قالت

ليـــــــــــــــــــــــــــــــــــــــــــــــــــــــه الايجار عليك وليـــــــــــــــــــــــــــــــــــــــــــه
تصرفين على البيت؟؟

اعذريني اختي !!بس مين الرجال في البيت؟؟؟

وبعدين خليه هو اللي يدفع الايجار وهو اللي يصرف على البيت ..كيف كان عايش قبلك؟؟

وبعدين تعلقه في بنته بزياده اجل من صباحيه عرسك اخذها يمشيها؟؟شيء موطبيعي!!

تحبينه مااختلفنا ,بس تصرفين عليه لا والف لا,,

شوفي اختي نصيحه الرجال ماينعطون وجه هههههههه قولي له بذوق انه يدفع الايجار.و

شوي شوي اطلبي يجيب طلبات البيت .. وانتي وفري وامسكي لا ترحمين ولاتحنين..

خبي القرش الابيض لليوم الاسود واذا طلب قولي ماعندي خلصت اي شيء...

وهذا للي عندي تعبك مايستاهله الاانتي

ما شاءالله الاخوات كفو ووفوا

انا ماقدرت اقراء جميع الردود بس حبيت اضيف وادلوا بدلوي

اختي تفاعلت معك بصراحه وحسيت بيك وماالومك بس

اختي الغاليه تقدرين تكسبين زوجك اكثر صدقيني

لو قربتي من بنته واهتميتي فيها لا تبينين له ابد انه متضايقه

اسألي عنها دايم ولو طلع معاها سأليه وين رحتوا وين جيتوا

البنت لو جاتك لعبي معاها تكلمي معاها وبين فتره والثانيه

اشتري لها هديه بسيطه حاولي تقربينها منك وتحببينها فيك

بالنسبه انك تدفعي اقساط زوجك مو عيب الوحده توقف مع زوجها

بس عوديه يصرف عليك ولو راتبه ضعيف انصحيه يشوف له شغله احسن

مو غلط انه يكون طموح او انتي اسألي له عن وظيفه عن طريق اخوانك او اهلك

ونصيحه اخيره اختي الكريمه حاولي تحوشي من راتبك حتى لو مبلغ بسيط شهريا

في حساب توفير لاتخلي راتبك يروح بأمور تافهه

والله يسعدك ويهدي لك زوجك وبنته

ياقلبي تصرفك غلط بغلط ياعمري بكرة يتزوج عليك امفروض ايجار البيت يلتزم فية بعدين يعطي بنتة ربع الراتب وياخذ منك لاتبخلين عاى نفسك اشترى اللى بنفسك وانت ياعزيزتي دوامك طويل يعني كل التعب يروح على الفاضي ومثل ماطلق ام البنت يصيرك وفري للك لو شي بسيط تحتاجينه بعدين يمكن تمرضين وتحتاجين فلوس من وينلك وانت تصرفين كل شي

انا لي بنت وزوجي مهتم فيها وانا بقير من بنتي مالومك بس حاولي ماتبيني عشان مايلعب على اعصابك وبعدين حاولي تحببي البنت فيكي والله هو حيحبك

سحايب دبي
ما أقدر أدلعها أكثر منه أخاف تفلت البنت و تخرب

toti1
انا معاك المفروض هو اللي يدفع بس ما يقدر و من قبل كانوا عايشين و حالتهم لله

زوجي بالدنيا
ان شاء الله ابدا احوش من هذا الشهر بس بنته هالأيام تقولي معلمة ما تكلمني حتى سلام اول ما تيجي ما تسلم علي
بصراحة احس امها ورى هللشي!!

هودي2006
تسلمين لي بس يتزوج على .. استبعدها منين له
و ثاني شي هو حنون وايد و يحبني بس الفلوس قاصرة عنده
الله يعطيك العافية اختي

nensse
و الله صادقة صعب المرة تحس ان زوجها يدلل غيرها و انا ا قاعدة احسسه بهالشي هي حقها يدللها بس بحدود مو جذيه

و ربي يحفظكم خواتي و يسعدكم و يحقق الي تتمنونه دنيا و اخرة(w)

انا مع كلام البنات بس حبيت اضيف شي

لاتعطينه اكثر من حقه لاتعطينه عطاء ماله حدود

عشان بعدين ما تتحسفين

يعني لما تعطينه بدون حد ويخذلك فشي لاسمح الله بتقولين انا عطيتك وعطيتك هو بيقولج محد قالج عطيني بدون حد

يعني لاتقصرين معاه ولاتعطينه بدون حدود فهمتي اشلون؟؟

انتي عايشه عشن تستانسين مو عشانتكرفين طول اليوم وبالنهايه ما تحصلين فلوس تشترين فيها اللي بخاطرج

وهو قاعد يدلل هالبت فوق طاقته!!!!!!!!!!!

عطيه بحدود بس خلي لج فلوس للزمن على جنب وفلوس افرحي فيها انتي واشتري فيها اللي بخاطرك

شوفي حرمتي نفسج من لبس الشتا مع ان معاشك قوي والحمد لله

وبالمقابل زوجك اشترى لبنته شي مو ضروري ليش؟؟

انتي ما حطيتي قدر لنفسج قدامه

كل شي لا مو لازم اهم شي الديون لا عادي انا بدفع ومن هالشكل

ويوم حصل فلوس شرى فيهم هديه لبنته صح ؟؟ ليش ما قال لاء انا عندي ديون صح؟؟

عزي عمرج بيعزج هو بس متى ما قصرتي بحق نفسج راح يقصر بحقج

الله يوفقج اختي

ما تزعلي مني
اكبر غلطة عملتيها انك تساعديه

عيشي على قد مرتبه يا أختي وخلى فلوسك لك انت شقيانة بها دي اولا
ثانيا بقى شئ طبيعي احساسه وتعامله مع بنته لأنها بنته وبعيدة عنه فهماني وانت ما تعرفي يمكن امها موصياها على حاجات
تعملي ايه؟
اولا تكسبي البنت في صفك يعني حبيبيها فيك انت تقدري تحطيها في جيبك بشوية حلويات وتعطفي عليها ومن وقت للتاني هاتي لها هدية صغيرة
ثانيا تكلمي مع زوجك في الموضوع ده وقولي له انت عارف اد ايه هى زى بنتي بس انا بقيت اتعب نبهها انها تاخد بالها هى صارت عروس ولازم مش تبهدل حواليها وانت ابوها ومش هتزعل منك لو قلت لها
وفهميه على الحاجات اللي تضايقك

اختي انا اكثر من مره ادخل الموضوع وخاطري ارد و اخاف ردي يكون سلبي شوي .. الريال المفروض يتحمل مصاريف بيته مب انتي .. الواحد يوم يتزوج يبا يستانس مب يتلعوز .. .. المهم اول خطوه .. انتي اقعدي ويا ريلج و كلميه بكل هدوء .. وقوليله انه راتبج حقج بالكامل و انتي حره فيه تحرقينه و لا اتحطينه في البنك ريلج ما يخصه بالراتب موووول .. انتي ممكن اتساعدينه برضاج و جزء بسيط بس اتم مسؤليات البيت على راس ريلج مب عليج ..

اما البنت حاولي على قد ما تقدرين تكسبينها .. وبكون صريحه وياج .. البنت في هالعمر ما اتعرف شو اتسوي اتلاقين امها هي اتقولها سوي جذي و جذيه .... عشان ريلج ما يحصل وقت ويقعد وياج انتي .. دورج الحينه انج اتخبرين ريلج بالموضوع وانه لازم يخصص وقت للبنت مثلا ساعتين كل يوم بعد صلاة المغرب مثلا .. و في الويكند خليها 4 ساعات .. اما باقي الوقت يكون وقتج انتي .. وانتي حاولي اتفهمين ريلج ان البنت المفروض اتقوي علاقتها بأمها بعد مب كل الوقت يالسه عند ريلج .. وحبوبه اتوكلي على الله في كل شي و الله يسهل عليج الامور .. بدعيلج من كل قلبي ..

lamsat fara7 أختي الغالية بصراحة زوجك مدلع بنته بطريقة خطرررررررررررررة جدا
ايش عمرها 9 سنوات وعندها جوال؟؟؟؟؟ والله هذة مصيبة وهذا الدلال راح يفسد أخلاقها وراح تتذكرين كلامي
الدلال حلاتة يكون بالحنان والحب وبعدين وايد مقصر بحقج والله حرام
عندي نصيحة وصدقيني بتنفعج 100% بما ان زوجج متمسك ومتعلق في بنته حاولي تكسبينه عن طريق بنته اي حاولي تهتمين فيها وبعدين في شي اهم من هذة كله ان شاءالله لما تودلين اكيد راح يلتفت لولده الجديد والله يكون في عونك والله حاسة بمصيبتج
ويابنات لاتحملون اختنا هم فوق اللي عايشته :sad:

بنات انتو اشفيكم مو فاهمينها

كل الي قلتوه مو في بال البنت ولا في خاطرها وكلامها عدل

اهي مو قصدها تمنن او اي شي من الي يا في بالكم

لكن اهي تبي تحس انه لها قيمه لي احتاجت ريلها يكون يمها وعزوه لها تعتمد عليه يعني بختصار
المره تحب تتهنا بمعاشها لكن الواضح انه ريلها ماخذ ثلاث ارباع نصيبها وهذا مو من حقه هذا من حقها اهي اهو المفروض يصرف عليها

اهي ماقالت احرمها ولا تطلعها ولا تسويلها لا بس
هم اهي لها حق يابنات في شي اسمه عدل يعطي البنت حقها لكن هذي بعد مرتي هم لها حق فيني
اوكي ونسني مثل ما تونسها اشتريلي مثل ما تشريلها
بس يابنات اهو قاعد يونس صوب ويهتم بصوب على احساب الصوب الثاني !!
يعني ريلها راح تعود ياخذ منها ما يعطي وريلج على ما تعودينه
جذي ماراح يحس بالمسؤليه وخاصتا مو حلوه بحق ريال اصرف عليه صررف واهو شايل ايده من الصرف
مو من حققققققققققه يعني حتى ما كلف على خاطره يكمل دراسته عشان يزيد معاشه او اي شي اتكالي صار وعديم مسؤليه

الحين الحل بعد هل قرقه
تصارحينه بكل الي بخاطرج
بس لا تييبيله طاري ينته
لانه متعلق فيها شكله
اي شي يمس بنته بتروحين فيها
كلميه عن الصرف وقوليله كمل دراسه دورلك مكان ثاني تصرف بس شوفلك مكان معاشك قوي
وقولي كل الي بخاطرج
بس لا تقولين انا ادفع وانا سويتلك ووو اهو بحس بنقص وكانج بتمننين عليه
بختصار حسسيه انج تبين ريال يعتمد عليه وانتي وشطارتج بس حطي بالج نقي الكلام العدل عشان مما يزعل ولا يفهمج غلط

لحقي على نفسك قبل لايطيح الفاس بالرااس كيف مالك الاشهرونص متزوجه
وانتي صايره الرجاال لاتزعلين وين قاعدين احنالايكون انتي دفعتي المهر
بعد شوفي اختي لاتخلين عاطفه زوجك لبنته يستغلك براتبك خلييه يحس
انهامسؤؤل عن بيت وبكره بيجيه ولد لازم يصرف عليه ومن ناحيه انك واثقه
انه ماراح يتزوج علييك وش هالثقه الا خلاك تاخذينه في غيرك تاخذه لاتثقين واجد
ياحبيبتي الطييبه بحدوود موباقساط زووج واجاراات وانتي ماصارلكم الاشوي
يعني موعشره سنيين واللي بعشره ياكثرهم اللي خانوهاا ومن ناحيه البنت
فااتوقع انك وحده تخاافين ربك وتسوين اللي يرضي ربك

والله ناس فاضييه بنت صغييره نجي ونفتح عيونها ونعطييهاجوال خربت والله خربت

اسيرة قلبه:



هلا اختي الحبيبه
بصراحه وماتزعلين !!
قلبي عورني عالبنت والله ماتتصورين شكثر تعاطفت معها
يعني ابوها منفصل عن امها ومن حقها هذا كله
والله زوجك ونعم الرجل
اغلب الرجال اذا تزوجوا نسوا اطفالهم وتركوهم عند امهم
لكن زوجك ماشاء الله لاحظت من خلال كلامك يحاول يعوضها
لاتشرهين عليه صدقيني عمر البنت اهم سن محتاجه فيه للتعويض
زوجك يبي يعطيها حب وحنان عشان تستفيد بالمستقبل وماتتحطم نفسيتها اذا كبرت وشافت انها مهمله من والدينها !!
وانتي بنفسك اعترفتي بحنان وحب زوجك لك
لكن انتي مو عاجبك الوضع عشان كذا تتخيلين اللي قاعد يصير انه مبالغه فيه
لكن انا بصراحه اشوف انه نعم الرجال الله يبارك له ماشاء الله وجعله يذوق برها يارب
ولاتتذمرين من راتب زوجك بإعتقادي ماخذتيه الا انتي عارفه البير وغطاه
سوي لك ميزانيه خاصه وحاولي تدخلين انتي وياه جمعيه وساعديه على جمع راتبه عشان تستفيدون منه
ونصيحه لوجه الله
اذا انتي تبين تحافظين على بيتك لاتجيبين طاري البنت قدام ابوها بالعكس امدحي فيها واشكريه على اللي يسويه لها والله بتكبرين بعينه

عين العقل

قلتي كل الكلام اللي المفروض ينقال

بس لي تعليق صغير

بالنسبه لراتبج

حطي على جنب مبلغ شهريا يكون لج

ومحد يلمسه مهما كانت الظروف

دلعي نفسج واشتري اللي خاطرج فيه

دام هو مب قادر يدلعج ويشتري لج

بس البنت حرام مسكينه

تقربي لها عشان فالمستقبل ماتكون ضدج واكسبيها كبنت لج واذا شفتي ابوها غلط بشي

مثل سالفة الجوال

نبهيه بس بطريقه حلوه وحسسيه انج خايفه عليها لا اكثر