أسافر أو لا

شكرا على المشاركه والنصيحه

عــــــجديدةـــروس دووم

الينبوعة

almazyo0ona

fnonartists

ريح العطر


اختكم

دودي

انا رايي سافري معاه
وبصراحه من تجربه شخصيه تركت وظيفه الكل يحلم فيها راتب قوي ومنصب بالنسبه للمرأه جدا مهم
وسافرت مع زوجي لاني انا بعد كنت عروس وماتحسفت الاهم حياتي مع زوجي
الوظيفه والراتب ترى شي يروح ويرد لكن الزوج والبيت والاستقرار اهو الاهم
والله انا اتكلم عن تجربه ونصيحه مني لك الغربه صحيح صعبه
لكن تجربه حلوه تقربك من زوجك وتقوي علاقتج معاه خصوصا في بدايه حياتج
والله لو تشوفين الشباب اهني كيف يلعبون عليهم البنات انا بامريكا والله
اني عرفت مواضيع تقهر توصل انه يتزوج اجنبيه عشان يحفظ نفسه
وعنده بنات واهله مايدرون تخيلي الغربه كيف صعبه خصوصا على الرجل
بالتوفيق حبوبه


..
.

هلا حبيبتي selinaa....صار لك كم سنه هناك؟........اذا سافرت ويش ممكن اسوي هناك في الغربه...اخذ كورسات او اشتغل او....؟؟؟؟؟

آنه من رأي الأخوات سافري معاه والله يعوضك خير،، إذا ماتقدري تسافري قبل إنتهاء القرض،، أنتظري حتى تنتهين منه ولحقيه بس لا تخلينه بروحه.
هناك شغلي نفسك بدورات او إلتحقي بأحد تجمعات الجالية العربية او نوادي،، وربما يرزقك الله طفل ويشغل وقت فراغك بالغربة.,,,

لما ترجعون الديرة الله يسهلها لكم وتحصلين وظيفة أحسن وعن السكن إن شاء الله تستقلون بروحكم مثل الحين ويمكن مكان أحسن وأفضل,,,,,

دعواتكم خواتي تتسهل اموري و يرزقني من حيث لا احتسب

doodi:
إن شاء الله مسافر لأستراليا أختي مدري وش اسمي

بس عندي اقساط سيارتي تخلص نهايه 2007 و عندي دين يخلص نهايه شهر اغسطس 2007....وانا نفسي اروح معاه واريد ادرس هناك........بس انا بصعوبه حصلت هذا الشغل ومعاشي على شهادتي كثير والحمدلله.......وبصراحه ما اخبي عليكم نحنا عايشين على معاشي انا اصرف على البيت...لما ارجع كيف بتكون عيشتي لا وظيفه ولا دراسه؟؟؟ من وين بنعيش؟ اعرف الرزق على الله بس انا تعودت على النعمه والحين انا حارمه نفسي من كل شي قبل الزواج كنت اسوي بس عشان اصرف على البيت

اسمعي اختي الوظيفه بيرزقك ربي غيرها واكيد لو سافرتي بتدرسين هناك شي حلو واذا رجعتي يمكن تلقين وظيفه احسن من الاولى بالتخصص اللي درستيه برى خاصة ان دول الخليج يموتون في الشهادات اللي جايه من برى00 واما الصرف على البيت يسهلها ربك

انا بقول لك قصه تثبت لك ان الرزق يجيك وانت ماتدري عنه

انا خالي ما معاه الا شهادة ثانويه زين خلص الثانوي وجلس في البيت ويوم وصل لسن الـ29 سنه جدتي قالت لازم ازوجك قال ماعندي وظيفه ولا بيت ولاشي قالت يسهلها ربك


المهم راحت ودورت دورت وسبحان الله احنا في الرياض والبنت اللي صارت من نصيبه في الشريقه عائله مالنا علاقه فيهم ابد ولا عمرنا شفناهم

وهي من عائله غنيه ومدلعينه اهلها
واحنا عائله على قد حالها

المهم راح وخطبها ووافقوا وكل شي ولاحظي ان الرجال ما معاه وظيفه والبنت بعد ماتوظفت وتوها تدرس في الجامعه

سوينا ملكه وزواج وجت هنا لرياض بعد شهر من زواجه ماتتخيلن الحمدلله وشلون ربي يسر اموره
فتح بيت وجته وظيفه وزوجته بعد فتره تخرجت وتوظفت في مدرسه أهليه راتبها مو كثير لكن الحمدلله يسر امورهم
والحين عنده بنت وولد والحمدلله


وانتي الحمدلله زوجك يدرس واكيد راح يجيب شهاده ترزقه في وظيفه عاليه لان دوم اللي شهاداتهم من برى تكون وظيفتهم عاليه ولهم أكراميات واشياء غير عن الباقين


توكلي وروحي معاه

اسفه اذا طولت عليك بس من جد متحمسه لك عيوني مابي تخلين زوجك يروح لديار برى لحاله والرجال ماينضمنون وخاصة اذا صادق له رجا ل هناك بيقولون له لو زوجتك تحبك كان جت معاك تزوج على وحده غيره <---وهالكلام نفسه صار مع بنت عمي وزوجه

زوجها يَدرس في مدرسه مو في الرياض وهي ماتقدر تروح معاه وقالوا له المدرسين تزوج عليها لو تبيك كان جت معاك

لكن الحمدلله الرجال طلع عاقل ويحب زوجته ولاتزوج ووقفهم عند حدهم

:salam:
مع حبي
الهنوف

اسعدني كثير ردك اختي الهنوف.........شجعتيني كثير اروح معاه والله يسهل

توكلى على الله وسافرى مع زوجك لأن مكان المرأة الطبيعى هو بجانب زوجها

ولما ترجعو يا أختى لكل حادث حديث

لا احد يدرى ماذا يحدث غدا.. وان شاء الله ربى يرزقكم من واسع فضله ..

مرحبا
اذا انتي في وظيفة حكومية وفيها نوع الإجازة ( اجازة بدون راتب لمرافقة الزوج ) مثل حالنا هنيه خذي هاي الاجازة واذا ما فيه قولي حق الشغل مع السلامه .... لانه الاولى تكونين مع زوجج .... تراه الغربة صعبة صدقيني ... مش بس من ناحية انه يحتاجج كزوجة وبس لا هو اصلا بيشوفج كل اهله

وبيلاقي حد يلجأ له إذا تضايق او شي .......... اسمعي مني ولا تخلينه والله يوفقج

اشكر كل إللي مروا ونصحوني...والله يوفقكم جميعا ويسر عليكم كل اموركم دنيا واخره

اختكم

دودي

لالالا والف لا

لا تخلينه يروح روحه واذا عن شغلج الله بيعوضج غيره ان شاء الله اهم شي بيتج الشغل يروح ويجي

تقدرين انج توقفين سنتين ولا ما اعرف نظامكم كيف ؟؟

أخذي راي زوجج
بس يفضل تروحين معاه
وبالتوفيق

ماني رايحه مع زوجي.......من بعد ما رجعنا من شهر العسل بعد كم اسبوع مد يده علي لسبب تافه............قلت مره وحده وما بيعودها...بس الظاهر عجبته السالفه...على سبب انا احسه تافه ضربني وشدني من شعري......الثلاثاء الماضي بالليل ضربني لحد ما صارلي علامات سوده في يدي...والسبب لاني ما ذكرته بمسج اني بروح بيت اهلي مع انه عارف اني ناويه اروح عشان اجيب اوراق مهمه عشان السفر وهوه قالي انه روحي...ما قدرت انام معاه في الغرفه واول مره انام بدونه نمت في المجلس وحدي...اليوم الثاني وقت الغداء حاول يراضيني ورضيت(غبيه اني رضيت)...ويوم الجمعه بعد ما رجعنا من بيت اهله كان جالس يمازحني ويعصبني وانا عارفه انه يمزح ولما مزحت معاه زعل مني وما كنت اعرف انه زعلان المهم بعد كذا وقت المغرب جالس يتنازع وضربني كف مرتين...بعدكم تريدوني اروح معاه وحدي في الغربه؟؟؟ تعب من هذي المعاملة.......هذا وبعد كان بينا علاقه 7 سنوات قبل الزواج كان كلها تفاهم وحب


اااااااااااااااااااااااااااااااااااااااااااااااه

بصراحــة ..

ما اعرف وش اقول لش .... ؟؟؟

بس الله يكون في عونــك ... اختي هذه زوجــك .. ومالك غنـى عنــه ...

لا تنسي ان الغربــة صعبــة عليــه .. وفي مغريـات كثير ممكن تصير لــه وانت بعيدة عنــه

حاولي تتفاهمي معــه وان شالله خير ...

والله يكون في عونــك

بس انصدمت .. كيف كذا .. يمد ايده بدون سبب . وبعد لسبب تافــة ...

حاولي تتكلمي معــه .. لانــه شكلــه طيب وراضاك .. والله يكون في عونك

الوان سحريه هو طيب ويحبي بس انا ما اقدر استحمل كل ما عصب يضربني احس اني ما احبه مثل اول...ومن يوم الجمعه وانا ما قادره اتقبله ابدا

دودي ...

كلمي .. وان شالله خير .. فهمي ان الضرب ما يؤدي الا الى خرب بيتكم (الله لا قــال)

ما دام يحبك .. والعشرة بينكم 7 سنوات .. ما شوي ..

doodi

انتي دلوقتى أولى انك تروحي معاه
عشان لو مسافرتيش معاه دلوقتي و انتي زعلانة هتزيد الفجوة بينكوا لا قدر الله
و عندنا مثل بيقول كتر البعد يعلم الجفا
طيب مابالك بقى و الجفا بدأ من دلوقتي يعني انتي لو محاولتيش تصلحي الموقف كأنك بتنهي الموضوع ببطء
حاولي تصلحي علاقتك بيه و تكلميه في موضوع الضرب ده و هدديه انك مش هتسافري معاه بالسبب ده
و متخافيش لما تسافري يمكن الغربة تقربه منك و تخليه يحس انه فعلا محتاجك
و بعدين لو ضربك في بلد أجنبي تقدري تاخدي حقك و زيادة عشان هناك مش زي البلاد العربية هناك بيقفوا في صف المرأة
توكلي بس على الله و متحسسيهوش انك ضعيفة

وانا من راي الاخت lemonada
ممكن السفر يقربكم لبعض لان مابيكون له الا انتي هناك وانتي بعد نفس الشي
وعن الشغل اذا عندكم نفسنا هني انج ممكن تاخذين اجازه بدون راتب فتوكلي على الله
بس لو انا مكانج ما اخليه يسافر بروحه وخصوصا بعد اللي صار آخر شي
لان صج اذا تباعدتوا وانتو متزاعلين احس انه بتبتعدون عن بعضكم اكثر واكثر وبيتعود على بعدج ويصير عنده عادي
اختي توكلي على الله واستحملي في سبيل مستقبلكم وان شاء الله تتعدل الاحوال بينكم

انا من رايي انه لازم تروحين معاه وفالتوفيق ان شا الله.