تدرون ؟

السلام عليكم ورحمة الله وبركاته


اليوم انا ما ييتكم اشكتي ولا اصيح ولا اشتاق ...

بس يايه اقولكم ..

انكم عطيتوني دافع كبير ..

غيرني والله ..

في خلال هاليومين ..

تغيرت وايد .. وايد .. وايد والله ..

ما اجذب كلامكم جرحني .. لأبعد الحدود ..

يمكن لأني كنت متوقعه .. تنازعوني وتجرحوني لأني عرفته ..

بس ما توقعت إنكم في لحظه كنتو ممكن تشككون في توبتي ..

بس تدرون ؟

والله دفعتوني للأمام .. ونفسيتي صارت غير ..




تعرفون كيف احس ؟


تعرفون لمى نخيط الجرح ؟ ويبرى مع الزمن وما نحس فيه .. ؟

تعرفون لمى يبدى الهم كبيييييييييييييير وبعدين يصغر ويصغر ويتآكل لين ما يختفي .. ؟

تعرفون لمى تعطون كل شي تملكونه لشخص .. وتعتقدون بأنكم خلاص خسرتوا كل شي ..

وتنسون إن في داخلكم دنيا بكبرها .. وان القليل اللي عطيتوه .. ما يعني شي .. لأنكم اكبر .. لأنكم اوسع .. ؟

تعرفون لمى تنسجنون .. في سجن معزول عن كل البشر .. وتنسون ان هاي فرصه .. عشان تراجعون حساباتكم .. عشان ترتبون عمركم اكثر .. مب عشان تصيحون على جرمكم واثمكم .. لأنكم انسجنتوا عليه .. ويالسين تتعاقبون عليه .. ويالسين تتجرعون الوحده عليه .. ؟

تعرفون لمى تنكسر الدنيا بعيونكم .. عشان شخص واحد .. من ملايين البشر كلها .. عشان روح وحده في زحمة الأرواح كلها ..

وتنسون .. إن في واحد احد يراقبكم .. ويسمعكم ويحبكم اكثر من الحب نفسه .. ويحن عليكم اكثر من معاني الحنان نفسها ..

وتنسون ان ربكم .. ينتظركم كل ليلة .. عشان يسامحكم ويغفرلكم ويعطيكم ويعطيكم .. بس انتو وبكل بساطه تنامون ودموعكم مغرقتنكم وعازلتكم عن الكون كله .. وكله عشان شخص واحد .. وكله عشان روح وحده ..




يمكن ما تفهمون علي ..

بس واخيرا .. واخيرا .. قدرت افهم نفسي .. كنت احتاج لوقفة مع نفسي ..

واليوم قدرت اوقف على ريولي مره ثانيه وكلهم بفضل الله سبحانه ثم بفضل خواتي في الله ..


من الاعماق .. يزاكم الله كل خير .. واعدكم .. من القلب .. ان غرور ما بتخدلكم .. وان غرور .. في عالم مليء بكل ما يسر بإذن الله ينتظرها .. وهي بالتأكيد ما بتضيع هالفرصه من ايدها ..


شكراً خواتي ..


محبتكم ..

غرور ..