التنازلات يا بنات

بس موضوع الخروج ده متهيألي مش خلوة مادام هنكون في مكان مفتوح
يعني مفيش مجال لحاجة غلط تحصل
المشكلة الوحيدة في العربية... دي بجد خلوة .... بس هقول ايه ربنا يستر

تَنْثُرُ الكَونَ عِطرَاً:
مغزى الفتوى التى وضعتها أن الخروج مع الخاطب لا يجوز لأنه مازال يعتبر أجنبيا عنك وليس زوجك فتعامليه معاملة الأجنبى


موفقة إن شاء الله ياعسل :)

تَنْثُرُ الكَونَ عِطرَاً:
لا تجوز خلوة الخاطب بالمخطوبة


سؤال رقم 7757

السؤال:

هل يجوز أن يخرج شاب مسلم مع فتاة في موعد قبل الزواج؟ وإذا خرجا، فما الذي يترتب على فعلهما؟ ماذا يقول الإسلام بشأن خروج الرجل والمرأة قبل الزواج؟.

الجواب:

الحمد لله
لا يحل للرجل أن يخلو بامرأة لا تحل له ، لأن ذلك مدعاة إلى الفجور والفساد ، قال عليه الصلاة والسلام : " ما خلا رجل بامرأة إلا كان الشيطان ثالثهما " . فإن كان للنظر إليها حال عزمه على الزواج ، ومع عدم الخلوة بأن يكون بحضور والدها ، أو أخيها ، أو أمها ونحو ذلك ، ونظر إلى ما يظهر منها غالبا كالوجه ، والشعر ، والكفين ، والقدمين فذلك مقتضى السنة مع أمن الفتنة . الشيخ وليد الفريان .

بنت مصر11:

مفيش انسان كامل كل الناس اكيد بيكون فيها عيب يعني مثلا عندك خطيبي اكتشفت بعض العيوب فيه وفعلا الحلو مبكملش يعني لو كان خطيبك بيضايقك منه اي تصرف حاولي تكلميه وتقوليله ان الطريقه دي مش عجباكي واقنعيه برايك ووجهه نظرك دايما وربنا يرشدك للثواب

lemonada:
عارفة الموضوع ده فتحته عشان نتكلم في موضوع حدود علاقة المخطوبين و ازاي نتصرف لو حد اتعداها
نعرف نتعامل بذكاء مع الموقف.... عشان نطلع بنتيجة مرضية للطرفين
بس خلال الموضوع لقيت الكلام كله اتركز على مشكلتي
و أنا حاسة اني بذم في خطيبي كتير عشان الكلام متركز علينا
بس مسألة اني أقول لخطيبي على اي تصرف بيضايقني منه فكرتني بموضوع المميزات و العيوب و فكرتني أقول كلمة حق في خطيبي
لأن من مميزات خطيبي اني لو قلتله مرة على حاجة بتضايقني مش بيكررها أبداً
يعني دي مسألة سهلة جدا
بس الفكرة اني مش هقول على كل حاجة لسبب.... اني عارفة انه مش هيزعلني حتى لو هيتضايق هو
يعني تعتبر استغلال مني عشان انا عارفة انه مش هيرضى يزعلني
و برضه استسهال يعني بدل ما أقوله بكل بساطة و هو ينفذ.... طيب ما اشوف ايه المشكلة و احاول أوصل لحل يرضينا احنا الاتنين

بنت مصر11:
لاء ياحبيتي انا بكلم بصفه عامه يعني مثلا لو حاجه ضايقتك من خطيبك مش معني كده انك بتزميه طب مانا كمان وكلنا فيه حاجات بتضايقني من خطيبي

fardosya;2954840:
بصوا يا بنات يمكن الكلام اللي انا حقوله يضايق ناس كتير بس هو ده الشرع و ثقوا ان عمر ما ربنا حيامرنا بحاجة الا و تكون في مصلحتنا فانا حقولكم علي شوية حاجات من فقه السنة:
1-حرام انك تقعدي مع خطيبك لوحدكم لغاية ما يعقد عليكي و لازم يكون معاكوا محرم .
2-للاسف ناس كتير تهاونت في انهم يسيبوا بناتهم مع خطابهم دون رقابة ويروحوا في اي مكان دون اشراف وللاسف نتج عن كده حوادث كتير انتوا اكيد عارفينها.
3-لا قدر الله ممكن الخاطب يسيب خطيبته لان الخطوبة دي وعد بالزواج ومش عقد ملزم و ده لو حصل يكون حق للعروسة او للعريس.
فلازم يكون في حدود ما بينكم في الكلام كله .
و يارب اكون قدرت افيدكم .