خايفة اكون حامل :(

والله حاسه فيج انا بعد نفسيتي زفت مالي خاطر اسوي شي ولا اكلم حد ولا حتى الاعب عيالي ....مادري شو اسوي اخاف اسوي تحليل او اسير عند الدكتوره و اطلع حامل .. بس يالسه احاتي لا وحلم كوابيس بعد.....صح الحمل نعمه والحمد الله بس لني انا جربت قبل حملت و ولدي بعده ماكمل سنه يعني تقريبا كان 9 اشهر ... وايد انظلم وياي مسكين ماعطيته كل حناني واهتمامي اللي كان محتاجه... تدرون وحام والنفسيه تكون منهاره .... الله يستر

شخبارج اختي
نزلت عليج الدورة ولا للحين !!!!!!!!!!!!!!!!!!

هلا خواتي شحالكم
داخله ابشركن انه نزلت علي الدوره <<<<<< اول مره افرح لما اشوفها تنزل

والحمدلله مافي حمل وان شاء الله افكر اخذ مانع الحين
واشكركن من كل قلبي على وقفتكن وياي وتفاعلكن معي
واختي ام حارب طمنيني ها نزلت ولالا؟

كل الشكروسلامي لكن
بشبشه

مبررررررررررررروك زين جااتك الدورة

السلام عليكم الصراحه انا اول مره ادخل صفصة الحمل والولاده لانه انا من المتأخرات عن الحمل :confused: والحمدلله على كل شئ احمدي ربكي واشكريه على رزقه لكي اللي استطيع اقوله لكي الله لا يحرم وحده من طفل لان والله وايد صعبه اني هسه اتكلم ومليانه جروح :sad: وأهات :confused: وكلام يغث من هذا:sad: واسأله من ذاك :sad: المهم انا قررت ادش في صفحة الحمل والولاده واترك قسم المتأخرات عن الحمل لانه تعبت ومليت وشبعت قهروالحمد لله والشكر على كل شئ:shy: ولكن ارجو منكم ان تقبلوني معكم هنا ارجوكم واشكركم:salam:

اختي بشبشة ممكن تقولين لي شنهو المانع اللي راح تستخدمينة ؟؟ اتمنى احد ينصحني بشنو استخدم

اختي بشبشة ممكن تقولين لي شنهو المانع اللي راح تستخدمينة ؟؟ اتمنى احد ينصحني بشنو استخدم

الحمدلله على كل حال

والله فرحتلج وايدي اختي بشبشه و عقبالي :( انا لين الحين انتظر لانها من بعد ماربيت وهي مو منتظمه وياي .... ادعولي :(

ام ملاااك:
اختي بشبشة ممكن تقولين لي شنهو المانع اللي راح تستخدمينة ؟؟ اتمنى احد ينصحني بشنو استخدم

ان شاء الله افكر استخدم حبوب منع الحمل للرضاعه اعتقد اسمها مايكرومات مادري هذا الاسم اعتقد

ام حارب انتظري عسى خير ان شاء الله

ساره تسلمين على ردج:/:÷:)

بشبشه:
هلا خواتي شحالكم
داخله ابشركن انه نزلت علي الدوره <<<<<< اول مره افرح لما اشوفها تنزل

والحمدلله مافي حمل وان شاء الله افكر اخذ مانع الحين
واشكركن من كل قلبي على وقفتكن وياي وتفاعلكن معي
واختي ام حارب طمنيني ها نزلت ولالا؟

كل الشكروسلامي لكن
بشبشه

عقبالي

والله خايفه..وشكلي بمر بهال كابوس كل شهر لين ما اقدر اقنع ريلي باخذ الحبوب

لاانا الحمدلله حاولت قد ما اقدر اني اقنعه والحين الحمدلله اقتنع وان شاء الله ببدى من بكره استعمل الحبوب والله يعينا على الاثار الجانبيه لهن بس بتحمل

كيف اقنعتيه؟

انا اشوف انه ماله داعي يتدخل الزوج بهالامور...انتي بس قوليله انا ما ابغي احمل الحين...وخذي الحبوب عادي....

واذا تبغون تقنعونهم بالسياسه...خبروهم بأهمية الرضاعه للطفل وانها تنمي الذكاء وتزيد مناعةالطفل...الخ...واذا صار حمل قوليله ما بقدر ارضعه...اكيد الريال تهمه صحه طفله...وما بيضحي بالرضاعه وفوايدها ...هذي وسيلة اقناع حلوه....

حبيبتي بعد وقت على الفحص والله كريم انتظري

angel eyes:
كيف اقنعتيه؟

والله حاولت بشتى الطرق مابقى شي ماخبرته
اول شي خبرته عن الرضاعه اني لو حملت بفطم بنتي وهيه بعدها صغيره وهو عاد كله ولابنته
وخبرته اني برجع لمعاناتي انا واهو بالوحام والنفسيه الزفته
وقلتله اني بتاخر مابتخرج من الجامعه عاد هو مناه اني افتك من الجامعه
وقلتله اني مابشتغل بقعد بس اربي العيال وخلاص
وووووو والحمدلله اقتنع
عاد انتي شدي حيلج والله يوفقج:)

اشو محد رحب فيني يبدو لي ان اخرج من عندكم انقهرت:sad: :sad: :sad: :sad: :sad: :sad: :sad: :sad: :sad: :sad: :sad: :sad: :sad:

اختي العزيزه..

قولي الحمدالله...اليهال نعمه من الله...

غيرج يتمنون...

و حد رفس النعمه و الله ابتلاه بعدين....

احمدي الله في كل وقت....

اليهال في البيت بركه....

الله يسر امرج الغاليه