شك الزوج

هلا اختي.

طبعا لازم تنكر. !!!! وردة فعلها طبيعيه. لازم تقوله انها انجرحت من سؤاله وما توقعته وهالشي هو اللي خلاها تطلع من عنده وما ترد عليه.

الله يهديهم ويستر عليهم.

بس هو مازال مصمم على انها تحلف على المصحف وهي تبا تحلف عادي لكن مرات تتراجع تقول كراميتي أهانها وشرفي نزله بالارض أحلف على شو وهو عارف ان هالشي ما استوى شو الي خلاه يشك 3 سنوات زوج وبعدها يشك

والسبب هو انها اعطته كامل حقه في الفراش يا ناس هل هالشي يعطي الزوج الحق بالشك انها كانت على علاقة اخرى بشخص اخر على اعتقاده انها تعلمت من الشخص الاخر هذه الحركات

اعوووووووذ بالله

لاحول ولاقوة الا بالله
والله مشكله بصراحه !! الحين الحرمه اذا ماتعرف شي قام وخانها وحط كل شي على راسها
واذا تعرف يشك فيها !!

خليها تقول له محنا بزمن طف اللمبه !!
يعني الحين البنت ماتدخل بيت زوجها الا عارفه كل شي والزمن تغير بوقتنا البنت تتقبل النصائح قبل الزواج اكثر من اول
اول كانت البنت من تنخطب تندس بغرفتها وتصيح
والحين تعرض قدام اهلها وش شرت وتاخذ نصائح منهم
هذا غير الصديقه اذا كانت متزوجه تنصح صديقتها قبل الزواج وتفهمها بس طبعا كل شي له حدود
ولازم تقول له اول ليلة من زواجنا هي دليل برائتي على ماعتقد
واذا انت يعجبك البرود ولايهمك واذا تبي كل شي تمثيل بتمثيل مالك الا اللي يرضيك وبس
كذا بتخليه يستحي انه طرح هالسؤال

تعتقدي هالشي ممكن يأثر فيه على وعسى يأثر فيه فعلا الرياييل ما يعجبهم شي لا البرود ولا الوحدة تسوي لهم الي يريحهم سبحان الله

الله يهديه اختي بس اهم شي انها ما تعصب وتاخذ الموضوع بروية مع انه بصراحة ما يستحق الروية لو انا مكانها كنت حد ما طليت بعيونه ولا عطيته شي عشان يتادب ويعرف هو من معاشر

لاحول ولاقوة الا بالله


كل شي بالعكس دنيا مضحكه

ربي يهديه ويصلح باله

شو هالرجاجيل المرضى ( الحمد لله والشكر)
يعني الوحدة منا اذا سوت حق رجلها كل اللي يبي يجازيها بهالسؤال
والله انا اقول لازم تتخذ معاه موقف قوي يوقفه عند حده عشان مره ثانية مايجرح كرامتها
والله يعينها ويهدي لها

والله صدقتي الدنيا تمشي بلعكس

هاذا انسان مريض وشكاك

وكلن يرى الناس بعين طبعه

الله يعينها اذا بعد ثلاث سنوات شك فيها اكيد هذا فيه شي مب صاحي... اسفه على التعبير بس شي يقهر يعني بدل مايفرح ويرتاح ان عنده مره تريحه يشك فيها وردت فعلها طبيعيه لو اي وحده صار لها جيه اول شي بتطلع من المكان اللي اهوه فيه وانا اقول لاتحلف وتقول له اذا اهوه مب واثق فيها ليش تزوجها وليش صابر ثلاث سنين والله يعينها على مابتلاها

الله يعينها فعلا اختى اسيرة قلبه معاها حق

انا استغرب ..؟؟

هو لما تزوجها .. اعذروني يعني ..

ما شاف انها عذراء ؟؟ شو هالغباء ؟؟

خليتها عندك 3 سنين وياتك بنت شريفه عذرا عقب تشك فيها ؟؟

حبيبتي .. قولي لها لا تحلف ..

لازم تتخذ موقف معاه وموقف قوي .. هذي مب كرامتها بروحها .. هذي كرامة اهلها بعد .. يعني هو ما غلط عليها بروحها بس ..

خليها على موقفها وتكون قويه ... عشان يتأدب ويعرف انه الله حق ..

اول شي اسمحولي على هذه العبارات .. صح انه زوجج بس هذا انسان مريض و متخلف و ما عنده عقليه من الاساس ..

بكل بساطه لو انا مكانج بقوله ما بحلف في القرآن و برجع بيت اهلي و انت بتيي معاي و لازم يشتركون معانا في الموضوع لان هذا شرف اسرة كااااامله امي و ابوي اللي ربوني ..و خواني و خواتي اللي هذا شرفه و سمعتهم بعد .. و اباك اطالع في ويه كل واحد فيهم و تقولهم انا اشك ان بنتكم كان عندها علاقه سابقه و انها مب شريفه

و اليوم اللي بحلف فيه على القرآن هو اليوم اللي بدوس فيه على كرامتي و شرفي و انا ما اخاف منك و لا تهمني نظرتك حقي دام الله يعرف اني شريفه بس حسبي الله و نعم الوكيل .. و بتم هذه الكلمه في قلبي حتى لو سامحتك لانها طعن في كرامتي و لو زوج اختك قالها لاختك ما رضيت ...


و الله لاخبر ابوي و لو الكل يقول نستحي انا ما استحي من شرفي و دام انا بنت ريال لاخليه يندم على هالسؤال ومثل ما حرق ويهي و كرامتي احرق ويهه و ما اخليه يرفع عينه جدام اهلي ..


هذه انا و هذه شخصيتي .. و اللي يحترم نفسه تحترمه الناس

و انتي الله يعينج و يرشدج للصواب ..

من جد اختي بعد هالعشرة الطويله 3 سنوات جاااي يقول احلفي

كرامتها الزم ماعليها

والله ماعرفنا للرجال ان صرنا جريئات صارو يشكون

وان صرنااا نستحي قاالو يووو موجريئه ومانحب اللي تستحي واجد


اختي انااقولك كرامها الزم ماعليها

شــنو هــذا التفكــــــــــــير زوجــها اكــيــد بتعطيه كـل شي يبييه زوجهاا حلالها
لو انها منها اروح بيت اهلــي واخـليه والله انجن.... متخلف ... بس لازم تتفاهمي معاه والا حقج بيضيع

اكيد ده موقف صعب اي انسانه تستحمله وتفكير سطحي من الزوج بس الزوجة دي غلطانه في رد فعلها الراجل بطبعه بالكلمه الحلوة بتكسبي زي الطفل كان لازم تتكلم تفهمه انها عرفت ده منه من حبها ليه
كان لازم تعرفة ان ده غلط وان كلامه بيجرح اوي وانها بتحبه وده عمره ما كان غلط وانها بتحافظ عليه وانها انسانه كويسة وده مش بس عشان حبها ليه لا عشان خوفها من ربنا ده كان كافي يطمنه ويحسسنه انه غلطان وكان اعتزر
حصل معايا قبل كده ان خطيبي شك اني عرفت قبله وبجد لما اتكلمت معاه وحسسته اني زعلت واقنعته بكلامي وتصرفاتي خلص الموضوع خالص وهو اعتذرلي صحيح الموقف اللي حصل معايا اسهل شوية من الشك في حاجه كده بس الحل واحد
واللي المفروض تعمله دلوقتي انها تكلمه وتحسسه قد ايه كلامه جرحها مش بشدة لا برقة لدرجة خلتها متعرفش ترد عليه وقتها وتقوله ان كل ده نابع من حبها ليه والموضوع مش محتاج خبرة او علاقات سابقة لا ده موضوع فطري بيعبر عن حبها ليه
ومن كلامها هيحس انه ظلمها وهيعتذر
ربنا يوفقها ويهدي ليها زوجها ويفرج كربها


انا انثي ولدت ومعي قرار اعدامي ولم اري باب محكمتي ولم اري وجه حكامي

اخواتي انا لي وجه نظر بالموضوع وكلام الاخت اكدها لي
الا وهي ان الرجل عندنا لا يحب باي حال من الاحوال المرأه الجريئه زياده عن الازم!! يحبها خجوله حييئه ..... واحيانا يطلب منها الجرئه ويقوللها خلاص كملنا متزوجين الى الان تستحي مني؟
واذا تمسكت بحيائها وخجلها احبها اكثر واكثر واذا ماصدقت وقالت خلاص هو اللي قال نزلت من عينه
هذي هي الحقيقه الجرأه في الجنس للمرأه منتهى المهانه لها حتى لو رأت الرجل مستمتع في لحظتها استمتاع حيواني لكن انسانيا راح تطيح من عينه
هذي نصيحه لكل الاخوات تعرف الى اي مدى يجب ان تتجرء وتعطي لكن بكل حياء وخجل
واذا احست في يوم من الايام ان كل ماعندها من حيا قد نفذ فهذه مصيبه لكن فلتتداركها ولا مانع ان تمثل الحياء والخجل على زوجها لتحتفظ باحترامه

I DONT KNOW WHAT YOU MEAN BY BEING BRAVE IN THE BED. I GUESS HUSBAND AND WIFE SHOULD GIVE AND TAKE. IT DOESNT HAPPEN FROM ONE PERSON.