حبيتي عبر الماسنجر
ا
30-11-2006 | 06:27 PM
لالالالالا طبعا لا
ع
30-11-2006 | 06:53 PM
انا حسب رائي في علاقات عم تنجح عبر المسنجر بس للاسف احنا المجتمع العربي وخاصه الشباب باخدوا البنت الي قدامهم بس للتسليه ما عندهم لا ذمه ولا ضمير وان كان في ناس بتعد على الاصابع مش هيك الافضل الواحد يبعد عن الشبهات
ب
04-12-2006 | 07:02 PM
ana_lilyee:
بنت بلادي الغالية ,,, نبدا الموضوع من البداية ...!!
اول شي انتي تحبينه ,,, تبينه معاج طول العمر ولا ؟!!! اذا ردج كان ايجابي فوافقي عى الزواج منه بعد ما تصلين استخارة وتفكرين بعقل وتقتنعين انه هالانسان ممكن يسعدج وانه اهل للثقة !!!
واذا مب متأكدة من مشاعرج ,,, فانا بقولج شو تسوين بالضبط عشان تهونين على نفسج ,, وايد من الدراسات النفسية تقول انج لو مارستي شي معين لفترة 14 يوم متواصلة بتتعودين عل هالشي ,,, عودي عمرج من اليوم ولحد 14 يوم انج ما ادشين الماسنجر او الشات ,,وان شاء الله بتتعودين وبتحسين انه الماسنجر مب شي مهم !!! جربي والتجربة خر برهان ,, مثلا وقت ما تحسين انج فاضية وهذا وقت المسن ,, خذي المصحف واقري قران ,, او عودي عمرج تسوين رياضة معينه او اقري لج قصص حلوة ,,,
بس الظاهر من كلامج انج انتي لي مب حابة تستمر هالعلاقة ولا تبينها تتوج بالزواج لانج تهربتي ,, يمكن كونه متزوج هذا لي خلاج تبتعدبن او لانج عارفو وحاسة انه مش هذا هو الانسان المناسب للزواج هو فقط للحب ع الماسجر وبس ,, او انه هو غير اهل للثقة او انه مب من اطباعج !! هذا كله يصب لصالحج انج تنهين هالتعلق وهاي المشاعر ,, اول شي صعب الموضوع ويباله عزم واصرار ,, بس اباج تثبتين لنفسج انج قوية ,, وانه مافي شي ممكن يخليج تضعفين ,, خلي هالتجربة تعلمج وتقويج مب تضعفج ,, خذيها مثل درس لج ,,,
لازم بتتعذبين في البداية كل انسان يتأثر بالفراق ,, هذا شعور طبيعي واللي تمرين فيه بعد شعور طبيعي ,, بس يبالج قوة ونحن معاج ,, وعسى الله يهدي سرج ويهديج ويوفقج ان شاء الله ,,
والله ماقصرتي وريحتيني .......تسلمين الغاليه.