الضرب عند ولدي ببلاش

اختي اليوم قريت باقي ردودج والله انج تتكلمين عن حمودي ولدي
يعني لما اشغل اي شي في التلفزيون مايعطيه اهتمام ولا يركز
ادخله سينما مايقدر يقعد يبي يطلع من القاعة اعطيه العاب يحذفهم ومايبي يلعب فيهم
تعرفين شنو اللي يعقله ويخليليه آدمي والله سويته مطراش هههههههههههههههه
فاهمة علي اي شي ابيه اقوله هو والله يفرح وبعدين ابداً ماقوله شوف التلفزيون يعني اذا ابييه ينتبه اقوله حمودي اششششششششششش باشوف شي حلو الحين في التلفزيون ولما اجيب الورق والألوان طبعا لا تجيبين ورق ابيض هاتي المرسوم علشان يلونه وقولي انج بتلونين الوردو وهو يلون الشجرة وتسوون سباق من يلون اسرع او ارتب
بعدين لما تسوين اي شي لأخته ناديه ( شوف انا بأكلها وانت شوفها متى تشبع وخبرني )
وكثيييييييييييييييييير من الطرق اختي والله يساعدج

اختي البطه السوده ..

كيف اقوله وهو من النوع الي ما يفهم عدل .. احس ان اسلوبج صعب على ياهل سنه ونص عمرة

اتخيلي يوم اشوف الجريده ايي يطرها بس عشان انتبهله او يغايضني ...

bj3a:
اختي البطه السوده ..

كيف اقوله وهو من النوع الي ما يفهم عدل .. احس ان اسلوبج صعب على ياهل سنه ونص عمرة

اتخيلي يوم اشوف الجريده ايي يطرها بس عشان انتبهله او يغايضني ...

تدرين اختي المشكلة ان احنا الكبار دايم عبالنا الصغار مايفهمون بس صدقيني ان الدكتور يقول العلماء مايقدرون يدخلون عالم الطفل ويعرفون كل اسراره من صعوبته
تدرين شكثر الصغار اذكياء؟؟ والله اذكى مني ومنج
تدرين ان الطفل يعرف شعورج من نظراتج وحركاتك ومب شرط من صراخج عليه ؟؟
باين من حركات ولدج انه يفتقدج كثير حتى ولو كنتي موجودة معاه فاهمة قصدي اختي ؟
حضنيه كثير تعرفين لما الطفل يكون بحضن امه يحس بأمان كثير جذبيه لج كثير
وبعدين بالنسبة للألعاب جربتي تجيبين له الالعاب اللي تنفك وتتركب يعني مو مكعبات اقصد مثل اللي في التعليم المبكر يفك اللعبة ويرجع يركبها ببراغي وشغلات بس طبعاً بحجم كبير
شي ثاني لازم تودين الطفل يلعب في اماكن مفتوحة لا تسوين مثلي كنت اوديهم الألعاب اللي في المجمعات وكانت تزيد مشكلتهم وديه يلعب بالرمل والألعاب العادية مو الكهربائية عرفتي

والله ودي من كل قلبي اساعدج

هلا الغاليه بالنسبه لاني احظنه حمود 24 ساعه في حظني .. حتى لو سوا شي غلط اكلمه بالزين وحظنه وابوسه .. يستانس ..

وبالنسبه للالعاب ما يتقبل اي لعبه امس شريتله كتاب فيه صور حيوانات استانس عليه شوي وعقب حطاه على الارض وشاته مثل الكورة ..

تخيلي كل شي يسويه كورة المبايل المرضعه الالعاب الفواكهه كل شي يحطه على الارض ويشوته

افهمه اكلمه وييلس يسمعني وعقب شوي يرد يسوي نفس الحركه