ياترى ذنب مين ساعدووووني بمووووت

بنااااات مادري انا بعدت ولابحاول ابعد فيني وجع بقلبي
اسال ياترى هو حبني بيوم طيب ليه كذا ينساني ولايسال فيني
كان يقول مستحيل يبعد عني كان وكان والحين بعد

بيقول لها اعطيني فرصه اثبت لك فيها انها اخر مره وماعيدها
وانا لما ترجيته نرجع لبعض يقول لي اوكي خلي الوضع يهدا
يارتى مين فينا الي يضحك عليها
هل هي انا طيب ليش يضحك علي يقول لي روحي مابغاك
يمكن خايف اني اتصل عليها واقول لها كل شيء بينا فحاول يهديني ويسكتني
واحتمال انه ناوي يهديها ويرجع يهديني

يابنات ابغى واحده تقول لي بكل صراحه انا كنت ايش بحياته
وهل بيضحي فيني بكل هذه السهوله
نفسي اساله هذا السؤال
انا كنت ايش بحياته
لما تكلمت معاها وتنقشنا بالموضوع
كان واضح انه يكذب عليها بكل شيء بكل شيء
بشغله بحياته كان يتهرب منها عشان يكلمني قال يقضي تقريبا طول اليوم معي وكان مفهمها انا مشغول بديوني وهمومي كانت لما يسافر هو ماتتصل عليه تخاف تكلف عليه
وانا لما كنت اتصل كان يرفض المكالمه ويرجع يطلبني عشان مايكلف علي
يمكن لانه حس بلحظه انه انا بين يده وهي بيفقدها ضحى فيني لانه شاف من السهوله يرجع لي وراح لها
بنات مو بيدي هذه الاسئله بتقتلني ابغى الاقي لها اجوبه
ساعدوووني تكفووون

انا بفهم شتبين بمشاعره تجاهك ؟ لهدرجه يهمك تعرفين من انسان قاعد يلعب عالحبلين
لاوقدام عيونكم بعد

بكل صراحه هالانسان لعاب ولا لك مكانه بقلبه ولا حتى ذيك البنت

ها ارتحتي الحين !!!!!!!

اسيره اولا وانا بتكلم كل الكلام الي فوق ترى بعدني مقاطعته ولاابغى اكلمه

بس هذه الافكار بتقتلني
اذا مايحبها كيف طلب مني اسوي كل هذا وقال لي روحي كلميها
واذا مايحبني كيف طلب منها تكلمني وقال زوجتي الحين بتكبمك ردي عليها

ياااااااااااااااربي ياااااااارب اصرف قلبي عن هذه الافكار معليش يابنات بس ذبحني التفكير وماني قادره مع اني والله بشغل نفسي بقراءه القران والصلاه بس نفسي الاقي اجبات لهذه الاسئله احيان اقول بس ابغى اكلمه واساله بس مابغى يكون له فرصه يسمع صوتي بعد اليوم

اختي لم يكن ذنبي...هذي الأسألة بتدور في راسك ومابتلقي اجاباات وبتشتاقي له وبتحسي ان حياتك بتختلف الحين لكن ادعو ربي انك تكوني صامدة وتقوي ايمانك بالله وانتي الحين بفترة بتختبري مشاعرك ويمكن هذي اول مرة تحبي وتحسي انك كنت لاقية اهتمام من احد لكن هذا مو اهتمام هذي مذله .
ترى والله انه اذا يحبك بيجي يتقدم حتى لو ماكلمتيه واذا مابيجي بيجي غيره والأحسن منه بألف مرة ..واحمدي الله دوما والله يحرسك..ويوفقك

lovely flower:
اختي لم يكن ذنبي...هذي الأسألة بتدور في راسك ومابتلقي اجاباات وبتشتاقي له وبتحسي ان حياتك بتختلف الحين لكن ادعو ربي انك تكوني صامدة وتقوي ايمانك بالله وانتي الحين بفترة بتختبري مشاعرك ويمكن هذي اول مرة تحبي وتحسي انك كنت لاقية اهتمام من احد لكن هذا مو اهتمام هذي مذله .
ترى والله انه اذا يحبك بيجي يتقدم حتى لو ماكلمتيه واذا مابيجي بيجي غيره والأحسن منه بألف مرة ..واحمدي الله دوما والله يحرسك..ويوفقك

مشكوره ياغاليه كلامك كان قريب من قلبي كثييير فعلا انا محتاجه كلام يساعدني على الي بحس فيه ينصحني ايش اسوي
محتاجه خطوات امشي عليها لاني بحاله ربي يعلم فيها جالسه اعاند نفسي وانتم تعرفون كيف صعب عناد النفس
احيان بفكر بنفسي وحالتي واكرهه
واحيان اتمنى الاقي منه تفسيرات وتعليلات واحيان واحيان مشاعر متضاربه

اختي صاحبة المشكله سامحيني على هالكلمه أنا على بالي وحدني غبيه بس في ناس طلعوا اغبى منى.

شو هالسذاجه اللي عندك !!!! أختي كيف يقول لك كلام مثل هذا وتصدقيه!! أنا احبكم ثنتينكن. هي الاولي وانتي الثانيه. اختي حبيبتي شو هالخرابيط.

اوالله زعلتيني عليش. مزعله عمرك وتصيحي وتترجيه!! على شنو ويا ريته لو جاد؟

قومي تعوذي من أبليس وسيري اقري لك شوي من القرآن واطلبي الله يبعد عنك هالانسان .

الله يسهل عليج

هو ماحب يخسركم كلكم لزوم يتمتع ويلعب على وحده فيكم
عشان كذا طلب منك تكلمينها وهو تعذر بأنه عرفها قبلك لذلك تخلص منك
احمدي ربك والله يثبتك وزين تسوي لاتردين عليه ابد

حبيبتي الله يصبرك ويسهل لك امرك يارب
استكري وربي بيكون معاك

انا حتي مااكملت المووضوع

والله رفعتي ظغطي
يقوولج اهي الاولي وانتي الثاانيه وفرحااانه

حشي موو قلب الاخ فاتح دكاان


ارتفع ظغطي وبسسسسسسسسس


الله يهدييييييييييييج بسسسسسسسس

اقوول تركي واتركيها وخلي عنج هالخباال
هذا مو حب هذا بطيخ



ولا تزعلين بس صج صج ارتفع ظغطي

رجعت اكمل الموضوووع

ولازلت مقهووره منج

عمووما اختي هذا مو حب

انتي عالاقل مااتحبينه انتي متعلقه فيه بس
وفي مكالمااته وسوالفه
ولا لو تحبينه صج مااتتقبلين فكرت ان تشاركج وحده فيه


وهذا بالعربي لعااااااااااااااااااااااب
ويلعب على الحبلين اذا مو ثلاث واربع بعد
وماعنده من الرجوله شعره

لا تزعلين بس من صجي
هذا رال بذمتج يعطيج رقمها ويقولج دقي عليها
وبعدين بسهووله يبيييعج عشانها
لانها اهي الى تخلت عنه للوو العكس جان قالها نفس الشي
يعني عنده حب تملك وبس

صج ماعنده سالفه
ولا تزعليييييييييييييييييين
بس لاقيج مقصه

ترا صج كلامي يعوور بس صج
ابيج تصحين لنفسج
اشفيج شي نااقص عشان يفضلها عليج ولا العكي حتن

اقوول خليه يوولي واتركيه قبل كل شي عشان ربج

وربي بيعوضج بالاخير والاحسن ان شاء الله


والله يهدييييييييج ويووفقج

السلام عليكم ورحمه الله وبركاته
اليوم ولاول مره احس اني بكلمكم وانا بعقل وادراك مني
كثير تكلمتوا فيني وعصبتوا علي لكن تحملت وزعلت عارفه مقهورين عشاني وعارفه تبغون تصحوني
يعطيكم العافيه ماقصرتوا والف الف الف شكر لكم
بس في اشياء ابغى اقولها يمكن تنصدمون من ردي هذا لكن هذه الحقيقه

هو مو لعاب هو فعلا يحبها ويحببني لكن فيه حب طغى على حب بلحظه ورجع بلحظه ثانيه حب طغى على حب
هذه الحقيقه
لكن من ناحيه الزواج ماقدر اجزم باي شيء بستغرب كيف فضلت علاقتهم لسنوات من دون زواج لكن ماقدر اكد شيء
عاده احنا البنات اول مانسمع قصه نقول كذب ولعاب لكن يابنات بالذات في هذه المواضيع قلبي دليلي
كنت احس بحبه لي لكن كنت حاسه في شي بنغص علينا وكنت دايم اكرر سؤالي له انت متزوج مادري ليه احس بيوم بتفاتحني بموضوع زي كذا او قريب من كذا
حتى هو كان بيلاحظ اني بحس فيه واقرا افكاره

بالنسبه للي يقولون اني كيف تحملت وصبرت لما عرفت انه فيه غيري
بقول لكم بلحظه فكرت ابعد راح اسيب لها كل شيءويمكن تطلع الصدر الحنين وتاخذه مني او يمكن يتغير شي المهم كنت بنتظر النهايه لكن دائما كنت اقول له انا الاولى والاخيره او مافي غيري
الاهم من هذا كله
في كلام قراته بموضوع وحابه تقروه كمان وبحط لكم رابط الموضوع اقرووووه يابنات تستفيدون

وهذا رابط الموضوع
يمنع وضع روابط لمواقع اخرى
اقروه اكيد بتستفيدون
ويمكن بتعذروني بلحظه بتفكيري
ثالثا انا خلاص فوضت امري لله وتركته وتركتها وبدعي ربي يكتب لي نصيب يكون لي لوحدي ادعو لي كمان الله يسعدكم


وبالتوفيق

من[grade="FF1493 800080 FF1493 4B0082"] الاهم في نظرك هو ام(((((((((((( الله)))))))))))))

هذا حب مايجوز حبيتيه وفضلتيه على الله وسويتي الي مايجوز وكلمتيه

فكري بربي كيف عصيته ايش قلبك هذا لاااااااااااااتفكرين بقلبك فكري بعقلك

انتي انسانه طاهره ولاترضين لنفسك بواحد مثل كذا خذي واحد يصونك مو تتزوجينه

وتشكين فيه له مااااااااااضي

فوقي وتوضي واستقبلي القبله وادعي ربي

بتتعبين لكن اخلصي النيه لله اتركي الضعف ولاتقولين مااقدر هنا يبان

إيمانك وحبك لربي امنى اني ادخل الموضوع وانتي تركتي هذا الشخص

لانه في النهايه بتقولين انا كيف كنت افكر كذا وذليت نفسي

وآسفه على القسوه بس تقبلي الكلام لان الموضوع ماينفع معاه طبطبه

تحياتي لك00 [/grade]

بالنسبه للكلام الذي كتبتيه يخص الزوجه فقط وليست العشيقه
شتان بين هذا وذاك
فلن تستطيع العشيقه تطبيق الكلام الخاص للمتزوجات
لأن المتزوجه من حقها الصبر على زوجها
لكن العشيقه ليس من حقها الصبر على من تحب
واسأل الله لك الثبات

سمو الاخلاق شكرا لك عزيزتي على كلامك فعلا كلامك رائع وانا اشغر بخجلي من الله لم اترك هذا الموضوع وانصرف عنه الا من اجل الحرام وليس من اجل حبه لها او لانه تركني

لا لاني اردت ان لااستعجل الحرام عن الحلال وباذن الله ربي يعوضني بالحلال

اختي اسيرة قلبه كلامك كان كالسكين التي تجرح القلب
لم ولن اكون عشيقه لااي احد كان مبدئنا واتفاقنا هو الزواج ربما نكون قد تجاوزنا بعض التجاوزات والتي استغفر الله العلي العظيم فيها واتوب اليه وباذن الله لن اعود اليها
لم اكن اريد ان اكون عشيقه كنت اريد ان اكون زوجه

ولكن لن اصبح له زوجه فماكان حراما لا يمكن ان يكون حلال
الحلال بين والحرام بين

بارك الله فيك

كلامك عين العقل الله يثبتك يارب

ثريا الامارات:

أختي أنا ما راح اعاتبج ولا راح اقولج ان اللي سويتيه صح او غلط

لا

أنا بقولج نصيحتي وفيج تاخذين بها او تتركينها

أختي هذا شكله لعاب والله باين اصلا ...شو يعني يكلم ثنتين ويلعب قاعد بمشاعركم

هذا اصلا بس قاعد يتسلى ويضيع وقته


جربي تطنشينه ولا تردين عليه ...اكيد راح يحاول يتصل فيج بس اتركيه والله نواياه باينه اصلا

لا تسمعين لقلبج نصيحة والله نصيحة

فكري بعقلج وصدقيه وامشي على اللي يقوله له عقلج وبس

راح تتعبين

اكيد بتتعبين و وايد بعد بس صدقيني تتركينه الحين ولا عقب لان في كل دقيقة بتحسين ان حبج له يكبر

ويا ريته بس يستاهل

اختج الثريا

انا معااااج

لم يكن ذنبي:
سمو الاخلاق شكرا لك عزيزتي على كلامك فعلا كلامك رائع وانا اشغر بخجلي من الله لم اترك هذا الموضوع وانصرف عنه الا من اجل الحرام وليس من اجل حبه لها او لانه تركني

لا لاني اردت ان لااستعجل الحرام عن الحلال وباذن الله ربي يعوضني بالحلال

اختي اسيرة قلبه كلامك كان كالسكين التي تجرح القلب
لم ولن اكون عشيقه لااي احد كان مبدئنا واتفاقنا هو الزواج ربما نكون قد تجاوزنا بعض التجاوزات والتي استغفر الله العلي العظيم فيها واتوب اليه وباذن الله لن اعود اليها
لم اكن اريد ان اكون عشيقه كنت اريد ان اكون زوجه

ولكن لن اصبح له زوجه فماكان حراما لا يمكن ان يكون حلال
الحلال بين والحرام بين

:clap: :clap: :clap: :clap: :clap: :clap: :clap: :clap: :clap: :clap: :clap:




الحمد الله يااختي

الحين انسيه وانسي انج اتكلمت معه

واذكري ربج ياالغاليه ,ودعي


وربج ماينسى اي عبد من عباده اذا دعاه



الله يحفظج

موضوعج غريب وردود البنات مشجعه ومنها ما يحير ...

انا قريت الموضوع كامل ... الصراحه انا من الناس اللي ما اشك في اي شخص ... يمكن الكلام والتساؤولان اللي سالتيها من حقج لانج كنتي طرف في الموضوع ... ولكن يا اختي هذا اللي يسمونه وسواس من الشيطان يتم يوسوس لج ويخليج تتفكرين في الموضوع ...

بالضبط في موضوع من هو الله ؟؟؟ وتمين تفكرين وتسألين ...

وهذي بالضبط نفس الاسئلة ....

اختي توكلي على الله وهذا اللي اشوفه مشالله عليج انسانه قويه اعترفت بالغلط وابتعدت عنه

ونصيحتي حتى لو كان صادق وجاء يخطبج انسيه ... لانه رضى يفكر بغيرج وانتي معاه ماضن باجر يقتنع بوجودج انتي فقط

انسان تعود على وجود اكثر من وحده في حياته

والله يوفقج اختي العزيزه

فنون كلامك مره حلو ويدخل القلب

بنات اطمنكم على حالي الحمدلله حتى الان لم اعود اليه ومازلت اقول لن اعود اليه
اتذكر بعض الامور في بعض الاحيان احاول اشغل كل وقتي وان لاابقى لوحدي واذا وسوس لي الشيطان بقوه اتحدث مع صديقتي والتي تعلم بامري وهي دائما تنصحني
ذهب كل شيء واصبح من الماضي وبقي الانكسار
لقد كسرني بمافعله وكسرت نفسي بما فعلت
اليوم حلمت به انني اتصلت عليه وكنت احاول الحديث معاه ولكن انكرني وقال اني نسيتك ولااعرفك
استيقظت متضايقه كثيرا
وفكرت كثيرا ان اتصل لااري مايحدث ولكن ماذا لو فعل هذا
ولماذا اتصل عليه ماذا اريد منه
العذاب مره اخرى
كل ماطلبه من الله ان يساعدني وان يعوضني بما يعيد لي ماقد كسر
ادعو لي يابنات
احيان اشعر بغيره قويه من البنت الاخرى
واحيان اقول رب ضاره نافعه ربما قد تكون هي من كسبت بالبدايه ولكن كسبت كل شر
واعانها الله
بصراحه اعترف لو لم يحدث ماحدث ماكنت ساتركه ابدا احببته من كل قلبي
ولكن الحمدلله على كل حال وعسى ان تكرهوا شيئا وهو خير لكم
ادعو لي
وشكرا لكم شكرا لكم جميعا
وشكرا ايضا لمن هزئني اعلم انكم لم تقولوا هذا الا من الزعل والقهر علي وتمني الخير لي
الف شكر لكم جميعا ادعو لي بالثبات وانه ربي يعوضني

أهم شي اختي انج تقتنعين من داخلج انج لازم تودرينه,,,

لو ما اقتنعتي، عادي تلقين عمرج عقب ما يهدج الصياح
تتصلين وتترجينه انه ما يودرج...وِأكيد ما بيرفض عشان
بنتين أحسن عن بنت وحده

اختي الرياييل مب مثل بعض،،،وشي طبيعي ان كل واحد
له اسلوبه في اللعب ببنات الناس...

كنت اعرف وحده تعرفت على واحد له اسلوب يعشم البنت
يخليها تكلم أمه ، والبنت تقول مدام انه خلاني اكلم امه
يعني بيتزوجني، طبعا تركها عقب ما شبع منها وسار
عند غيرها

هذا اسلوبه التصريح عشان انتي تقولين انه لو كان كذاب
ماكان قال هالكلام, عشان تعطينه العذر وهو يلعب بج
ويلعب بها...يبغيج تحتارين، ،، يباج تحطين أمل انه يختارج
ويكون لج انتي بروحج على اساس انج بتقولين أنا احبه
أكثر من الثانيه...مثل المتزوج يوم يتعرف على وحده ويقول
لها انا متزوج من البدايه عشان ابنت تقول انه لو مرتاح
ويا حرمته ، ماكان كلمني...

اختي مافكرتي هو ليش ما خطب ليش مستمر ويا البنت وما
فكر انه يتزوجها؟؟ عشانه يلعب عليها ومافي شي احلى
عند الريال تكوين علاقه ويا أكثر عن بنت في نفس الوقت
يحب يرضي غروره...

كان يقدر يطلب منج الدليل على انج تحبينه اكثر من الثانيه
وكان ممكن الدليل يكون طلعه وياه او شي أغلى...
تأكدي ان عادي عنده لو تركتيه....يا كثر البنات اللي
يحطن عمارهن بين ايدين هالنوعيه باسم الحب..

اللي يحب، يحب شخص واحد واللي يحب ما يرضى ان يحط
حبيبته احتياط لو افترق عن الثانيه

هو انسان مب أمين اصلا....كيف يكشف شخصية البنت لج؟؟
مافكرتني انه ممكن يسوي هالشي ويا بنت ثانيه وتخيلي
لو كانت هالبنت ما تحبج.....أكيد بتتكلم عنج جدام الناس


اختي أكيد الفراق واااااااااااااايد يعور في البدايه وأكيد انتي
متخيله انج ما بتتخلصين من حبه.... ولا بتقدرين تواصلين حياتج..
بتضحكين على عمرج في يوم من الايام عقب ما تكتشفين كيف
كنتي ساذجه، وتأكدي ان هالحب وهم...
الوهم ما يمسحه إلا حب قوي

والله يرزقج بالزوج الصالح اللي يمسح كل أثر لهالريال الأناني
اللعاب