صارلي شهرين ونص...ماحملت...وزهقت من الاسئة :(

السلام عليكم ورحمة الله وبركاته

الف سلااااااااامة عليج حبيبتي ولا عليج من الناس ...

الوحدة ما ياها نصيبها امتى بتنخطبين .. انخطبت البنت متى بتتزوجين .. تزوجت امتى بتحملين حملتي متى بتولدين ولدتي متى الياهل الي عقبه الي عقب متى الي عقبه واذا يبتي وايد اااااااه كل ذلين ؟؟!!... الحمد لله والشكر منهم بس الله يعافيج من بلوتهم

انتي توج عروسه يديده حبيبتي والي الله كاتبه لج اكيد هو الصلاح متى ما بغاج تحملين بتحملين باذنه الواحد الاحد ...

في أمان الله

الحلم الهادئ ..
اذا انتي اللحين يسالونج انا من اول يوم سالوني خخخخخخخ
لا بس فعلا كلام الناس يعقد ويكدر ..
اخر مرة رحت عرس .. اول ما دخلت وانا اسلم على اهل العروس الا وحدة تسالني هاة مافي شي بالطريق ؟؟؟؟
صراحة صرت اقولهم ما تمللتوا من هل السؤال ؟؟؟
بس باقولج شي .. شيكي على الخاص ..
:)

angel eyes:
الله يهديج حبيبتي...لاحقه عالمسؤوليه والتعب...بعدج عروس..استانسي بحياتج وما عليج من كلام الناس..تراهم بيتمون يسألون..حتى يوم بتييبين اول بيبي بيحنون عليج لين ما تيبين الثاني !!
خليج طبيعيه ولا تفكرين في الموضوع..وخليه يستوي يوم الله يكتب لكم...
استمتعي ترا بعد ما يصير عندج عيال خلاص ما بترومين تسوين شي...لا طلعه ولا سفر ولا غيره
وبالنسبه لعدم انتظام الدوره اعتقد احسن تسيرين للدكتوره عشان تنظملج الدوره..بس مب عشان الحمل..ولا تفكرين في الموضوع وايد ترا اهم شي النفسيه

اللة يرزقج الذرية الصالحة

هلا عزيزتي...
ما عليج منهم واللي بيسألج قوليله في ويهه ولا تستحين..
قوليلهم لاحقين عاليهال... انا وريلي نبا نستمتع بحياتنا مع بعض اول .. ولاحقين على اليهال وحشرتهم..
وحتى يوم بتحملين لا تخبرين حد حبوبه... تريي لين الشهر الرابع عالاقل.. وبعدين انشري الخبر....
والله الناس ما ترحم وجاهزين للحسد ..
والله يعين الجميع :)

يا عروستنا الحلوة ... الف مبروك الزواج وربنا يهنيك ويسعدك

مالك شغل بكلام الناس اصلاً لو حملتي ماراح ترتاحي منهم ومن تدخلهم .... ولما تتعبين والوحم والغثيان و.... و....... واعراض الحمل اللي تغم النفس ماحد راح ينفعك منهم ولا يسأل فيكي ...

لذا نصيحة ... استمتعي بحياتك قد ما تقدري ..... اطلعي ... سافري ... اسهري برا ..... وملحوقين العيال متى ما ربك يريد ....

بس سؤال الناس كوم وسؤال الزوج كوم تاني ...... خبريه انك حتى لو رحتي للطبيب راح يقولك ( بدرررررررررررررررررررري عليك مسألة العلاج ... روحي ولا ترجعين قبل ستة شهور ) .... اما بالنسبة للدورة فعلاجها سهل إن شاء الله.....

كنت نفسج بالضبط قبل الزواج الدوره مو منتظمه وبديت اخذ علاج
وبعدها بسته شهور حملت بس والله الناس لوعوجبدي من هالاسئله اقوول ما حملتي ؟؟؟


انتوووو شكوووووووووو :angry:

والله حبيبتي لا تشغلين نفسج فس اسالت الناس لان مو بس انتي تنحطين في هالموقف وايد بنات من يتزوجون تنهال عليهم الاسألة من كل صوب اقول لج لا تحاتين ترى ياثر على تاخير الحمل واذا زوجك سالك لا تنحرجين قولي الية هذا امر الله مافي يدي شي.
والله يرزقك انشاء الله بالذرية الصالحة ويرزق كل محروم يارب
بحق محمد وآل محمد.
تحياتي
بنت النواعم

ههههههههههههه وانت تاخذين على كلام الناس؟؟؟!!!!!

خليهم على جنب اهم شي انت ترتاحيييين لالالالاحقه لاحقه يا عيني

اذا انت شهرين بس وكذا يسوون فيك شنقول عن اللي سنين؟؟!!

انا الحين صار لي سنه و خمس شهور من تزوجت ولا حملت لاني ما ابي

بس شوفي كم عانيت من كلام الناس خاصه ان اللي تزوجوا معاي ست بنات وكلهم حملوا في الشهر

3 من زواجنا

بس خليت الناس على جنب

وش ينفعني كلامهم وحنتهم لما نا اقعد اتعب من الحمل بعدين الولاده بعدين الربى؟؟

كنهم بيساعدوني في شي

وبعدين زوجك قولي له انك توك عروس وهو بعد توه معرس

ليش يبغى يصير ابو بهالسرعه!!!!!

والله ما في احلى من اول ايام الزواااااج

تهني يا قلبي بعدين فكري بالعياااااال

الله يرزقنا جميعا الذريه الصالحه

اختي شهرين ونص قليل انا ماحملت الابعد 3شهور ونص من زواجي وعادي تاخير بسبب الهرمونات تبتدي تتغير في جسمك وعن الاسئله قوليلهم الله ماكتب لين كتب بخبركم

اعنبواا انتي سوبر ومن

هلا الحلم الهااادئ حبيبتي ماعليج من كلام احد هذا نصيب من الله والله كاتب متي بتصيرين ام اشعليهم الناس على فكرة انا ماحملت الا بعد شهرين ونص من عرسي وعرفت اني حامل بعد 3شهور وشوي عاادي هو حسب كل وحده

واختي حملت بعد اسبوع من عرسها وعرفت

هو على حسب جسم كل وحده

وتوج شهرين ونص ماعليج منهم لين قالولج قوليلهم توا الناس ابي استانس مع ريلي ولاحقه على حمال واذا على ريلج اشفيه مستعجل لاحق على الوحام واللوعه وان شاءالله بيصير ابو

خلاص انتي روحي لدكتورة عشان تنضيم دورتج وقوليلها وخبريها واذا قالت مافيج شي خل زوجك يسوي تحاليل لايقول عيب يمكن لاسمح الله فيه شي

على الاقل تعرفون من البدايه وتلاحقوون

والله يرزقج بذريه وعلى فكرررة بقولج شي مهم الحاله النفسيه تاااثر في حمل واايد اذا قعدتي تفكرين كل شهر بتتعبين تركي الموضوع وشيليه من بالج وبتحملين باذن الله

صادقه يالحلم الهادئ انا صار لي شهرين بعد والكل يسالني اذا حامل وإلا لا

يبطووووووووووون الجبد

الله يرزقك يا اختي
و انا أتفق مع كل الأخوات في إللي قالوه

انا بعد صارلي سنه و نصف تقريبا و بعدني ما حملت

الله يرزق الجميع

حبيبتي انا كنت مثلك انا متزوجه 1 سبتمبر والكل كان يقابلني يسألني وحماتي لانه البكري كانت مستعجله بس الامانه بنات خالاتي وامي كانم يهدام من قلقي وخوفي وزوجي كمان كان يقولي مش شرط تحملي من اول الزواج ممكن تحملي بعد 4 شهور 5 او 6 لان اهم شئ ان ده امر مش بأيدك ولا بأيد غير ده امر بيقدره المولي سبحانه وتعالي وكانت لما تيلي الدوره وابكي هو يقولي لا تبكي قولي الحمد لله ايش يدريكي انك لو حملتي دلوقت يكون خير ربك اعلم بالخير فين وهو راح يرزقنا به وسبحان الله بدأت بالدعاء الخاص بسيدنا زكريا رب لا تذرني فردا وانت خير الوارثين وحاولت ما احط بالي الدوره تيجي ولا ما تيجي الشهر ده وسبحان الله الدوره ما جت وانا حامل مع اني كنت محضره كل اغراضي حق الدوره وعطيتها لاختي اما بالنسبه لعدم انتظام دورك راجعي طبيبه لان لو في شئ بسيط علاجه في الاول اسهل واخف فزوري طبيبه وقبل ده ادعي ربك في كل وقت اجابه وكل صلاه

انا الحمدالله محد كان يسئلني لكن بعد زواج ب3 شهور بدوا يسئلوني بس على خفيف وقلتلهم هذي ارادة ربنا انا شو بيدي وبس الكل سكت وبعد 5 شهور من زواج حملت بطفلي الاول

وبطفلي ثاني سبحان الله حملت بشهري اللي نويت فيه

وبنت خالتي نفسك كان عندها لخبطه بدورة نظمتها خلال 6شهور حملت

عيشي حياتج وشهورج الحلوة هذي بالطوووول والعرض والارتفاااااع

وماااا اوصيج...ولاحقه عالمسؤوليات والعيال:)

وكل شي يصير بامر الله ولاااا عليج من حد

آ آ آ ه من الأسئلة مايخلون حد في حاله

إذا الوحدة في الجامعة ها ماتخرجتي ؟

وإذا تخرجت ها ماشتغلتي ؟

وإذا ماتزوجت ها ماتزوجتي

وإذا تزوجت ها ماحملتي

شي يضايق ويضحك في نفس الوقت !

على العموم وسعي صدرج وأنت توج عروس

والله إن شالله بيرزقج ^ __ ^