اذا اتحبوني ساعدوني

[مرحبا اختي ام عليوي بنصحك تدخلي احد من اهلك او اهله لأنه هذا الشخص وانت عروس بتصرف معاك بهذه الطريقة كيف بتكون الحياة لقدام وخاصة اذا انجبت اولاد انا بفضل الانفصال من البداية لانه هذا الشخص مش راح يتغير وقبل ما يصير عندك أولاد وترتبطي عشانهم . والله يوفقك





اختك rere

اختي ريري ترا انا حامل بالشهر الاول وفي يوم من الايام كلمت اهلي واهله واهم تدخلو بالموضوع وما ياب نتيجة طلعني غلطانه جدام اهله ومارضا يكلم اهلي وابوه كلمه ونصحه وقال كلام مو زين عني واني مقصره معاه وانه اهو الصح

انا توني اشوف مشاركتك في قسم الشؤون الاجتماعية ..
الله يكون بعونك اختي

ماا دري بشنو انصحك لان وضعك غريب
توك عروس وزوجك له هالتصرفات
طيب هل تشكي ان فيه احد ثاني في حياته وانه يمكن كان مغصوب عليك؟
هل انتي مقصرة معاه ؟
هل صحيح بيتك يحتاج لتنظيف وانتي مهملتيه ؟
لو هذا كله " يتلكك " مثل مايقولون ؟

لو انتي حاسة انك مقصرة في شي حاولي تعدليه عشان ما تكون عنده حجة عليك ... خاصة انه قال لك يبيك تتعدلين
يعني يمكن عنده النية يحسن معاملته اذا تغيرت اشياء ما تعجبه

انتي حاولي وخليكي صبورة والله يعينك
صح صعبة ان هذي تكون حياتك وانتي في بداية زواجك بس معليش ..حاولي
حرام تبتدي بالتفكير بالانفصال وانت لك شهرين وماحاولتي
على الاقل تسوي اللي عليكي

كلامي صحيح ؟

شي ثاني ... مو من حقه ابدا يهدد بالضرب لانها اكبر اهانة للمرأة .. ولا تسمحي له بهالشي
بس شلون ؟
بانك تحاولي جاهدة لانجاح علاقتكم
تكلمي معاه بهدوء وخليه يفضفض لك ايش اللي مو عاجبه
وانتي لو شفتي تجاوب منه .. نبهيه بعد لعيوبه ولاسلوبه الجاف في التعامل معاك
ولو مانفع بعدين تحتاجي تدخلي احد من اهله او اهلك

بعدك على البر وماحملتي حاولي تعالجي الخلل في علاقتكم من الحين

الله يوفقكم ويهديه عليك وترجعي تعيشي شهر عسل ثاني
بالتوفيق اختي

اختي الوضع عند ك اختلف عشان انت حامل .حاولي حبيبتي غيري من اسلوبك معاه حاولي اتقربي منه اكثر وانا الي فهمته من رسالتك انك مش مقصرة معاه من ناحية الطبخ وشغل البيت اتركي شغل البيت واهتمي بأمور اخرى
اجلسي معاه واتحدثي معاه بصراحه واعرفي مثلاشو مزعجه منك اسأليه كيف بتحب اكون في اشياء كتيرة الرجل بحبها بالست غير الطبخ وشغل البيت .
والله يوفقك ويهدي زوجك وتتغير طبيعته

ماخذتي سنه ومشكله


الله يعينك ... أختي إسألي زوجك قولي له فيه شي


إنت شاهدت فيني غلط أنت قول وش اللي مو عاجبك


حاولي تتحدثي معاه بهدوء قولي ليه تعصب


مثل ماقالت أختي يمكن يكون أنه تزوجك غصب عنه


قولي ليه كل يوم كذا أريد أن أفهم ماذا تريد بالضبط


أختي أنت حامل والعصبيه والمشاكل يمكن تأثر على الحمل

حاولي تتفاهمون فيما بينكم بود وخاصه هو يحتاج اللي يصبر عليه

إذا طلبت الطلاق المشكله تتعقد أكثر ... حاولي أن تزوري أهلك مع

زوجك والأهل راح يسألونكم كيف حالكم أنت قولي الحمد لله بخير

لاتعرضين المشكله على أهلك إلا إذا تأزمت المشكله


أختي أتمنى أني ساعدتك .

حبيبتي بالنسبه للتنظيف و خاصه انتي حامل حاولي ف الوقت الي هو فيه ف الدوام ييبي اي حد من اهلج امج اختج او حتى بشكارة اهلج خليهه تنظف البيت كله و تمسحه عدل و في انواع صوابين للأرضيات الي تلمعهه و ريحتهه حلوه
و بدلي اشوي بالنظام
حاولي تحطين شي يديد ف البيت اي زينه
غرفتج بدليلهه الفراش و حطي فراش يديد والله الرياييل يستانسون واااااايد يوم يشوفون فراش يديد و اذا ما تقدرين تطلعين قولي لأي حد من اهلج يشتريلج
و دخني البيت و عطريه
مب لازم يكون اهتمامج بنفسج بس بالنظافه
البسي لبس غير
مب لازم يكون قميص نوم
حتى لو لبس طلعه بدله مثلا و اتعطري و حطي مكياج سوي تسريحه بشعرج
حاولي تسويله اكله خفيفه
او حتى وقت العصر كبتشينو بكوب حلو
حاولي تدلعينه
صدقيني بيتبدل وياج وااااااااااااااااايد

حبيبتي الله يصبرج على إلي الله بلاج به ...نصيحتي لج أدعي أن الله يهديه ..وخلي دايما القرآن
يشتغل في البيت ...ما تدرين يمكن عين الله لا يقول ...بعدين انتي حامل لا اتعبين عمرك في التفكير
حطي في بالج شي واحد ..أنك مب مقصره لا في بيت ولا في زوج....والكلام إلي يقولك إلياه ترى
بس عشان يدور غلط عليج....الله يصبج
المهم أنتي كل يوم غيري من تسريحة شعرج ..مب شرط في الصالون .. وتمكيجي ...وغيري من لبسج مره بالبنطلون ومره بالتنوره ...خلي الشموع هيه إضائة الغرفه ..وخاصه الشموع إلي فيها ريحه ...حضريله الحمام كل ما يرجع من الدوام....
الحمام خليه بإضائة الشموع..وترسي الحوض ماي دافي وحطي فيه صابون بريحه حلوه...وشغلي شريط رومانسي
..........
ادلعي على كل حركه...حتى لو هو معصب لا تبينين انج متضايقه منه..اسكتي عنه ..قدميله عصير وهو يشوف التلفزيون
سويله مساج لكتوفه لرجوله ..حركات خفيفه ...همسيله على الساير والياي انك تحبينه ...تعشقينه
..والكلام طويل بس الله يهديه...........لا ادخلين اهلكم بالسالفه...

الله يصبرج على ما بلاج ... ويهدي زوجج ويهديج له يا رب


البنات ما قصروا ... وانتي حاوووووووووووولي تسوي اللي يبيه

هلا أم عليوي ..

ما أظن أن زوجك كارهك لأنه متمسك فيك وما يبي يطلقك ..بس الظاهر أنه متضايق منك ومب مرتاح من بعض الأشيا اللي كان يتوقع حدوثها قبل الزواج وصار العكس بعد الزواج ..يعني تقدرين تقولين انحبط ..

ومثل هذي المشاكل تصير في أول سنة زواج لأن الزوجين يتعرفون على بعض بصورة أعمق ومن هنيه يصير التصادم بين الشخصيات والأطباع والميول وحتى الهوايات ..لكن مشاكل في أول شهرين زواج صراحة تحتاج وقفة حازمة منك أنت بالذات ..

عطي زوجك ورقة وقلم وقولي له سجل كل الأشيا اللي مو عاجبتك فيني وأنا بإذن الله راح أغيرها علشانك ..وإذا تحبين تعرضين لنا في المنتدى شو اللي كتبه عنك زوجك يكون أحسن ..لأنك يمكن اتشوفينه يظلمك في طلباته بس يمكن الحق يكون وإياه بما أننا ما سمعناه وبعدين فيه حريم يوجهونهم أزواجهم وينصحونهم وهم مب قادرين يفهمون شو مقصد الزوج أصلا فيصرون على نفس الأخطاء ويتعرضون لمزيد من السخط والغضب ..

بعدين كيف ما تتعدلين للزوج وانت توك عروس ؟!! يعني هو مو عاجبه وهو ما أدري شو لكن التزيين والتعدل من واجبات الزوجة وهي تسوي هذا الشيء طاعة لله عز وجل لاعفاف زوجها وما تتريا الأجر منه بل الأجر من عند الله يعني هي تسوي اللي عليها وما عليها من ردة فعل الزوج لأن هذا واجبها ومب عذر أنها تتركه لمجرد إنها تبغي تسمع اللكلام الحلو ..يمكن يكون زوجها ارتاح نفسيا لمجرد رؤيتها بهذه الصورة الحسنة ومب شرط انه يقول ..

وأخيرا ..أذكرك حبيبتي ان زوجك جنتك ونارك ..إذا رضا عنك في غير معصية الله يرضا عنك ..رضاه يوصل الجنة وسخطه يوصل لطريق مسدود ..


الله يوفقك وينور حياتك ويصلح زواجك ..

شوفي حبيبتي كل شئ له حدود انتي ماسويتي شئ عشان يمد يده انتي غيرلي اللوك يعني استايلج ووجربي معاه طرق ثانيه بس اذا زودتها دخلي حد من اهلج لانه الزوج لازم مايتمادى مع زوجته الين الطق وهيه موغلطانه
والسموحه

مشكورين يا بنات على النصايح والله يوفقكم .راح اسوي اللي قلتوه اجرب فيه وانتو ادعولي:)

الله يهدي زوجج ويسخره لج بحق محمد وآل محمد ..

حبيبتي كثري من قراءة القرآن وراح تنفرج كل همومج ومشاكلج ولاتنسين المعوذات والله يسر امورج بإذنه تعالى

الله يعينج ويسخر لج زوجج

البنات ماقصروا بالحلول وباقي علينا ندعيلج

حبيتي ام عليوي
انا بصراحة تضايقت من موضوعج والله حرام صارلج شهرين وتفكرين بطلاق وانتي حامل بعد
مايصير حبيبتي دام انه هو ما يبي يطلقج هاي معناته انه يحبج لو اهله غاصبينه كان طلقج
بس اكيد انتي مقصره في حقه في شىء مب اشياء بس شنو ها شىء لازم انتي تعرفين هاشىء أو اتكلمينه بهداوه لا تصارخين ولا تعصبين واذا شفتي انه هو متضايق لا تكلمينه حاولي اتكلمينه لما يكون رايق وخلج دووم رومانسيه وكاشخه وحطي مكياج وحاولي انه كل يوم تطلعين بشكل مره بنطلون ومره بفستان النوم ومره بتنوره قصيره او طويله يعني كل يوم لبس او شكل وغيري تصريحتج وعطري واهم شىء تخلين غرفتج معطره بعطور اللي هو يحبه ومثل ما قالت الاخت حاولي بعد تغيرين الشرشف وكوني دوم مرحه معاه انسي العصبيه
عن الضرب حاولي انه ما يمد ايده عليج ولا تسكتين له اذا مد ايده وحاولي انج دخلين اهلج اذا مد ايده عليج
واهم شىء انج لا تنسين الصلاة ودعاء وكل يوم اقرائ الآيه الكرسيه واصبري عليه شوي انشاءالله فالج طيب" انه الله مع الصابرين"

خواتي العزيزات مشكورين وماقصرتو على نصايحكم الحلوه:)
زوجي بدا يتغير للاحسن ومعاملته صارت زينه والحمدلله بس انا محتارة اهو قالي انه ما يحبني وانه تزوجني باختياره ومحد غصبه بس ما يحبني والحين عقب التغيير قال احبج شالتغيير المفاجيئ احس انه يجذب علي ويمثل الحب !

انا سويت الي قلتوه وتسنع الريال معقوله بهالجم يوم حبني!!!!!!! ولا كله تمثيل او علشان يسكتني؟؟

لا تخافين لانه اهو من زمان يحبج او يمكن حس بالذنب على الكلام الي قاله وصدقيني اذا استمريتي على النصايح راح يتغير للاحسن والاحسن

إصبري عزيزتي واحتسبي الأجر

وياليت تقرين رد الإخت رومي اكثر من مره علشان تستوعبين الموقف


الله يكون بعونج ويفرج كبرتج ويوفقج ويقومج بالسلامه ويهدي سركم