مشكلة البنات والزواج؟؟؟؟

انا تزوجت وعمري 21...بس ابد ما كنت افكر بالزواج حتى ريلي يوم تقدملي عصبت وقلت خله ياخذ بنت خالته احسله ومادري ليش سويت جي وليش عصبت...بس خفت اني اتزوج تخيلو؟؟؟ انا كنت دريسه درجه اولى واتخرج بامتياز سواء بالكليه او بالثانويه العامه والحمدلله وما كان عندي وقت افكر بعواطفي اللي ابغي افرغها لانه العواطف ما كانت عندي لها هاييج الاهميه...مادري يمكن كنت مب طبيعيه بس الحمدلله انا اشوف انها نعمه لانها خلتني عاقله وايد مقارنه بالبنات اللي بسني

تدرون بس في نقطه انا كنت وايد انقهر من شلتي بالكليه..كله يفكرون بالعرس جنه كل وحده عمرها ستين سنه وخلاص ما فيه امل..كنت ارد البيت منقهره اقول للوالده ليش جي بنات بلادي ليش كل همهن الريل وبس !! كانت تقولي هالشي طبيعي وانتي مب طبيعيه...ههههههههه

ويوم بدو الخطاب يهلون كنت ارفض حتى اخليهم اييون البيت ... كان طموحي اخلص وعقب اعرس وفعلا هذا اللي سويته شرط على ريلي يترياني ليييييييييين اخلص واذا ما يبى كيفه..بس وافق واترياني وبالرغم انه ما كنت شرات البنات افكر بالعرس وانه وناسه وطلعات ومشتروات وردات الا انه انصدمت بالزواج

الحمدلله مشاكلي طبيعيه ويا زوجي بس والله ما بنات اللي تفكر انه الزواج وناسه ترى غلطاااااااانه... مب كله وناسه ..الزواج مسؤوليه كبيره ويباله من تكون قده ...البنت من تهد بيت ابوها لازم تعرف انه بتتحمل اي شي وكل شي وبتتنازل وايد وبتضحي وايد عشان اسرتها..انا ما احبطكن والله...بس وايد بنات عايشات بالاحلام وترى القلب اللي يدق يوم تشوفين ريلج واللسان اللي يتخزبق وما يعرف شو يقول وكل هالمشاعر اللي نشوفها بالافلام الهنديه مدتها قصيره بس بعد جي ايي حب العشره الخاااااااالي من دقات القلب..ويحل معاه الحب بالعقل وكل شي بحسابه

ادري طولت بس فعلا هالموضوع وحال البنات وايد شاغل بالي...تدرون مرات الزواج ما يكون نعمه عالبنت..مرات الله يبى يرحمها فليش تصر عالزواج؟؟ومرات النصيب باييها بس متأخر والله يبغي يختبر صبرها فليش ما تصبر؟؟؟ تدرون اخت ربيعتي وصلت الثلاثين وما عرست وحليلها ربيعتي كانت وايد تحاتي اختها ونفسيه اختها وانها صارت انطوائيه وهالكلام كله بس سبحان الله عقب ياها المعرس وعرست..والحين عندها بنوته بس والله انها تعيسه في حياتها ريلها مسويلها بو لاااااااابس وكله ويا الربع حتى السفر يسافر ويا ربعه وحليها تصيح ندم وتقول اسميني كنت مرتاحه ببيت ابويه ومكرمه ومعززه !!
ونفس الشي استوى ويا قريبي تحن وتحن ابغي اعرس ابغي اعرس ويوم انقولها اصبري بعده النصيب تقول متى انا صكيت الثلاثه وثلاثين...ويوم اتقدملها واااحد وافقت عليه وللاسف عقب ما عرس عليها التم على شله صايعه وصار سكير تخيلو...والحين تعاني معاه اشد المعناه وصابره وتقول شو بسوي يعني اطلق شو بيقولون الناس...ويوم تتذكر عيشتها ببيت ابوها تصيح من الندم...

صدقوني ادعو انه الله يرزقكم بالزوج الصالح بس مب مهم متى...المهم يكون صاااااااااالح

مشكورين بنات عالمرور الطيب والتفاعل واتمنى كل بنت تحس انها تعيسه انها ماتزوجت تقرأ وتستفيد وتفكر بعقلها مب بقلبها

الحمد لله على كل شي والله يرزقنا بزوج الصالح و كلن يباخذ نصينه ...الله يستر علينا و يرزقنا يا

كريم .....دائما احط في بالي اني راح اتزوج اليوم او باجر ودايما اكون متفاءله والحمد

لله صح اني مرات اتضايج بس اتذكر ان الله تعالى كريم و راح يكرم عليه و بيرزقني

مثل ما قلتوا لا يرد القضاء إلا الدعاء والتقرب الى الله تعالى

و يجب علينا اليقين في الدعاء والتوكل على الواحد الصمد في امورنا

والحمد لله رب العالمين و اللهم صل على سيدنا محمد و على آله و اصحابه اجميعن

الله يسعد الجميع ياااااااااااااااااا رب

المفروض كل وحده تتوكل على الله ولا تياس وتعيش حياتها بحسرة والم وبكاء

لانه عدم الزواج ليست نهاية الحياة

يعني اهم شي الرضا والقناعة
وكل شي بيد الله وتوفيقه