احترم ارائكم فياليت ماتخذلوني

اختي انت جاوبتي نفسج وتقولين لا في مجال ولا مكان يعني شلون نفيدج ....جاوبيني لان عندي المام بالديكور:shy:

السلام عليكم ورحمة الله وبركاته

بعد عمري انتي لاتضايقين بالعكس..مو المكان اللي يهم...الحب والغلا بينكم اهم..

تقدرين تاخذين الافكار اللي من المنتدى وتغيرين فيها عشان تناسبج...

وانا حاسه فيج ادري ان المكان الصغير يحد من الافكار اللي ممكن تطبقينها...بس مافي شي مستحيل.. كل ظرف وله حلوله الخاصه فيه....

خل اقول لج انا شنو فكرت فيه...

عندج الحمام::
تقدرين تسوين فيه حركات..ولمن يدش يتفاجأ فيه

والغرفه نفسها تقدرين تقسمينها لاجزاء وزوايا.. بحيث انج ماتخربين ديكوراتها ويكون شكلها جميل بنفس الوقت..

وتسوين حركه بكل زاويه..واكيد ماراح تضيق عليكم لانكم بس شخصين...

واستغلي طلعته من الغرفه عشان تسوينله هالاشياء... حطيله اشياء بالكبت يبطل الكبت ويتفاجأ...تحت فراشه حطيله بطاقه حلوه فيها مشاعرج...

مممممم

تدرين شنو اهم شي؟

مهما اختلفت الحركات اللي تسوينها؟؟

اهم شي عنصر المفاجأه يعني لاااااازم تتصرفين طبيعي ..عشان مايشك نهائيا وتمشي عليه الخطه..

لاني شايفه المشكله الوحيده ان ضيق المساحه مايعطيج فرصه تسوين شي بدون لا يجكج ويحس فيج..
عادي انتي تصرفي جنه ماكو شي...

واللــــــــــــه يوفقج يارب ويهنيج ويسعد قلبج بغاليج

واعذريني عالقصور

:clap: :clap: :clap:

انزين يوم ينام زوجج ممكن تسوين الحركات
او ممكن يوم يطلع عند ربعه او يوم يرجع من الدوام
لاتزعلين حبيبتي بس انتي بشوية افكار تروم تفاجئينه

وانا مع الاخوات ما شاء الله عليهن
عندج فرص كثيره تفاجئينه ومثل ما قالوا من يطلع يروح عند ربعه او يروح شغله او لمشاور او انتي طرشيه لمكان معين وخلال خروجه يالله ابدي الشغل
سوي الاشياء اللي ببالك سواء ان كان في الغرفه او الحمام واذا سمح الوقت سوي الاثنين حمامج وغرفتج-------واهم شي لزينه والمفاجأت الشموع الورووووووود البيضه والحمراء او انتي اختاري بذوقج
ولا تنسي تتكشخي وتتدلعي له بشعرك وملابسك وغيري كلش من ستايلك خلي ينبهر هذي وحدها مفاجاة
وبتوفيق يا الغاليه

عادي حبيبتي:
بخبرج عن مرت اخوي عندنا في البيت، واهي اصلا صديقة اختي الحميمة، لما كانت تبي تسوي شئ لأخوي، تتفق مع اختي على اساس انه اختي تبي اخوي في رمسة او يطلعون برا او اي شئ المهم اخوي يطلع من الحجرة، تروح وتسوي الحركات اللي تبيها .بس غرفتها كبيرة وايد وداخلها حمام، اساعدها انا او خواتي الباقيات،ولما يرجع اخوي يتفاجأ..
....
وانا مثلا لما ابي اسوي لزوجي مفاجأة بعد استعين بخواته او بخواتي ، ويساعدوني انه ما يشوف اي شئ من المفاجأة..
مع اني في بيت بروحي الا اني احب ا حتفل لعيد الزواج برا البيت يعني في فندق مثلا..
في عيد زواجنا السابق قلت لريلي: انا بروح معاك هلاسبوع الدوام علشان مرت اخوي يمكن تولد وما عندها احد( مع انه مش بروحها معاها هناك اختي ساكنة وربيعاتها ما بيقصرون) قال لي مو مشكلة تعالي معاي وبيتي في بيت اخوج معاها، اتخيلي انا شايلة كل الاغراض حق عيد الزواج بس في سيارة اخوي_________>>فاهمةعلي يعني انا رحت معاه شايلة شنطة صغيرة يا دوب ليوم بس ، وهو يقولي انتي ليش مو شايلة حق اسبوع اقوله ما فيه داعي انا ما بروح مكان بقعد معاها في بيتها ليش اشيل ثياب وايد ووو قعدت اقص عليه بشوية كلام..واقتنع..
اول ما وصلني بوظبي عند نادي الضباط القوات المسلحة( هذ النادي فندق خمس نجووووم وروعة )، اتصل عليه اخوي اللي مش متزوج وقاله مر علي بعطيك شئ..فمرينا، دشينا النادي وانا فيني ضحكة والله تخيلو الموقف(ة اتخيل ريلي شو بيقول)، قال له لالا تعال ابيك الغرفة، ورحنا معاه بس ريلي مو متوفع شئ،، لين ما دخلناه
................


......................

...:clap: ...............

السويت اللي اخوي حاجزنه لنــــــــــــــــــــا وكانت النفافيخ الحمرة والحركات الحلوة اللي مسويتنها مالية الغرفة بطولها وعرضها [COLOR="SlateGray"]ولدي اول ما شاف النفافيخ فرح وااااااااااايد ههههههه على باله حقه..اخوي بس وصلنا الغرفة اختفى علشان اقعد انا وريلي ، والله لو شفتي ويه ريلي فرحااااااااااااااااااااان يقولي يا ام الحركات انتي ههههههههههه [grade="00008B FF6347 008080 4B0082"]كيف قدرتي تقصين علي ساعتين ونص احنا نمشي بالسيارة وانا متوهم انج بتروحين بيت اخوج آخر شئ حاجزة لنا سويت [/grade].، ومسوية لي مفاجأة ________>>طبعا اتعرفون الباقي:shy: .. قعدنا اسبوووووووووووع هناك وكانت من اجمل ايام حياتي
بخبرج من تجربتي للمفاجآت اللي اسويها لريلي: لازم يكون معاج حد علشان ما تخلين ريلج يحس باي شئ، يعني انا عندي اخواني الاولاد اثنينا في بوظبي واحد متزوج والثاني اعزب، وخواتي ماشاء الله ، يطلعون وايد يعني ابي اي شئ يوفرونه لي بدون ما اروح انا الوحيدة اللي في البيت ما اشتغل
فانتي اتفقي مع احد وفكري وايد علشان تسوين لريلج مفاجأة تخليه يحس انج تحبينه وتسوين المستحيل علشانه
والله يوفقج يالغالية اسمحيلي طولت عليج بس ابي اعطج افكار حلوة لج[/COLOR]

انسه فله، دهن وعود، روعة دبي، ahlameye، كويتيه، الف الف شكر لكم ولمداخلاتكم الطيبه
أول شي انا اشتغل وهو يشتغل يعني نروح ونرجع مع بعض
ثاني شي انا وياه وامه وخوانه اثنين ويانا يعني ماعنده خوات عشان اتفق معاهن (n)
ثالث شي انا عندي بنت وسرير بنتي في غرفتي يعني الحجره بالمره ماتساعد :sad:
رابع شي هو مايطلع ماعنده ربع يعني في السنه مره اذا بيطلع وانا لما اريد انفرد لحالي ماقدر اقل شي مثلاً اشل حلاوه ماقدر لانه دايما في الغرفه شسوي اروح بيت اهلي :sad:
وانا اصغر وحده من خواتي يعني خواتي كبار معرسات ومحد فاضي لحد
خامس شي انا اكشخ واتعدل واتلبس بس هذا اللي اقدر عليه :sad: :sad: :sad:
واكثر مره صارحته بهالشي ويقول صبري :sad:
مشكورين على مروركم والله يعطيكم العافيه يارب

[grade="0000FF FF6347 008000 4B0082"]انزين ما ترومين تترخصين من دوامج بس ليوم واحد؟؟؟؟ اذا طلعتي بها اليوم ترومين تسوي اللي تبينه حاولي وشوفي[/grade]

فديتج والله فكره تصدقين مايت في بالي
تسلمين يا ام الافكار انتي