شنو الشي اللي مايستغنون عنه عيالكم عند النوم؟؟؟

مشكورة اختي رانيا على الموضوع ..

انا ولدي قبل كان ما ينام الا وهو يشرب الرضاعة وساعات ينام وهو حاضنها اذا كان شبعان :shy: بس بعد ما فطمته عنها قام ما ينام الا على سريرنا :angry: :sad:

للحين مستمر على هالوضع مع ان عمره سنتين و7 اشهر وبعد اسبوعين راح يشرف اخوه وما ادري شسوي معاه :confused:

اما عن عادات معينة ثانية فما اشوف شي خاص ملتزم به .. ساعات يجيب معاه العاب صغار يلعب بهم ع السرير قبل ما ينام وبعدين يخشهم تحت مخدته وينام ههههههههههههههههههه ، وغالبا يلصق في ابوه طول الليل والصبح لين راح ابوه الشغل يلصق فيني :shy:



على فكرة ام عبدالله :: مخدة ولدج ام الخيوط نفس مخدة حسون ههههههههههههه بس انا حسيت انه كبر عليها وشلتها عنه من فترة واخذت مخدة اكبر شوي .. الحين يوم شفت مخدة ولدك دايركت تذكرت مالت ولدي ..


الله يخلي لنا عيالنا ويبلغنا فيهم ويهديهم ان شا الله :shy:

مــــاشاء الله مووضوع حلو يا رانيا...

الحمدلله ولدي ما عنده شيء معين او لعبة يلتزم فيها..

بس دائما يبي اغراضنا..
الحين مثلا صار له فترة اسبوعين ما ينام الا على موسدة ابوه ! ولازم يتلحف ببرنوصه !

وانا طبعاً حاقرتهم مالي شغل فيه اهو وولده ههههه لما ينام بعدين يوديه السرير ويسترجع ممتلكاته ههههه

وصج لين قالوا متخرع مثل الياهل.. اذا نشتريله شيء يديد حق النوم.. مثل لحافه الشتوي مثلا.. ما ينام من الفرحة والخرعة هههههه وكل شوي ماما بنووووس حلووو ( برنوصي حلوووو ) يسندرني..


الحمدلله ما عنده خرابيط على الرضاعة ( الله يكون بعونكم معاها )
بس في المقابل يحب يهودر ويسولف حتى لوبروحه.. ساعات احقره عشان ينام.. يظل يردد كلمات على نفس الوزن لما ينام : حسن ، لبن ، عسن ( عسل ) هههههههه ساعات تييني الضحكة بس ايود روحي عشان لو شافني اضحك خلاص راح يقعد ولا ينام..


مشكورة حبيبتي مرة ثانية على الموضوع الحويو.. لا تحرمينا جديدك ..

حسن
لبن
عسن

ياحليله حسون ... بس زين تطنشيه لو بتعطين الاطفال وجه والله تقعدين للصبح معاهم

ياحليلهم عليهم سوالف

ليدي جيجي... البطانية قلنا اوكي ، عاد مص الإبهام لا تخليها ترى مو زين لأسنانها..
مسكينة البطانية هلكت من الغسيل..

أحاسيس المحبة.. حياج الله معانه وربي يحفظ لكم ولد أختك ويفكم من الرضاعة...

omdoody الله يتوب علينا من الرضاعات... آنه ولدي طول النهار مايذكرها من أرجع من الدوام وه ومافي على لسانه غير (حليب على رضاعة)..

خيال ملاك.. ربي يحفظ لك بنتك ويبلغك فيها ويخلي لكم الدبدوب..

umm 7amoody آنه آقول ولدي كبير على الرضاعة طلع حمودي أكبر وبعده ياخذ رضاعة،، والله عقدونه شنو نسوي معاهم؟؟؟؟

ماما حسون.. عاد أنت أفتكيتي من الرضاعة وتوهقتي معاه بالسرير،، كلها كم أسبوع ويشرف الثاني مو تصيرون 4 على السرير لازم تبعدينه...
المخدة مثل ماقلتي صديقته،، تشققت وطلعت خيوطها والأخ بعده مايفارقها..

جمانة.. الله يسلمك أختى،،، وعن الرضاعات الله يكون بعونه حمدي ربك ماعندك هالمشكلة..
عودي إبنك على السرير بروحه ترى بعدين بتصيرون أربعة...

RoOoOmy ياهلا اول وحده ترد اليوم ماشاء الله،، مثل ماقلتي مانعطي عيالنا وجه وايد لأن يمصخونها،، البارحة ساعة كاملة احاول أنوم فيه وهو كل ساعة يتذكر رضاعته.. مافي قصة ماقلتها وكنت أحقره يالله نام بدون مايشرب الرضاعة.. والأخ قعد من الفجر يبي ينام عند أبوه يكون يقول له شنو صار أمس،، طيب آنه شذنبي وراي دوام وقاعدة من الفجر ومارديت نمت...

السلام عليكم دخلت على المشكلة الي تعانون منها
النصيحة
1-تغير فاغراض الياهل من وهو صغير
م-:الاوان مختلفة من الخدادت والبطاطين
2تغير موقع السرير ينام في جميع الاماكن
3-الرضاعات شكلا ولون
4-حتى لو اترضعينة من صدرج
مثلا:ونت نايمة -جالسة بالسيارة فالنور فالضلام
وبالتوفيق
اسال مجرب ولاتسال طبيب

دعواتكم ام راشد
:salam: :salam:

صباح الخير،

صج القصة مؤثرة يا روومي، عورتي قلبي من الصبح. الله يساعد قلب امها. :sad:

صغرى،، ياهلا فيج وماقصرتي على النصايح...

أكبر قلب.. فعلا القصة مؤثرة البارحة طول الليل أتذكرها...

ولد اختي ماينام الا يمسك منديل وينتفه الف وصلة يخلي الرضاعة بين ايدينه يثبتها وهي بفمه ويجلس يقطع بالمنديل لين ينام
مريح اختي متي ماتبغاه ينام تعطية رضاعة ومنديل والباقي عليه

دودة81 ربي يحفظ لكم هالولد،، والله طريقته مضحكة بالمنديل،، أول مرة اسمع عنها...

انا بنتي لازززززززم اقول لها باي باي قبل النوم ولازم تسمعها والا مافيه نوم وطول ماهيه في السرير تقول لي باي باي وانا ارد باي باي وزوجي راسه منتفخ من ها الحاله لين تنام وانا وهيه باي باي باي باي ما شي شغل

مارووكو،، ربي يحفظها إن شاء الله بس والله حركة متعبة ، على طول تتكلمين لحد ماتنام، صدقه زوجك راسه ينتفخ...