حبيباتي ممكن شوي ..وأكون شاكرة

الله يعينش إن شاء الله..

حاولي تفهمين طيورش إن وقت إللي تدخلين على أبوهم ما يروحوا وراش..

أو غيري وقت نومتهم.. خليه وقت جية أبوهم أو بعدها بشويه.. وإنتي كملي السهره معاه..

الله يوفقش حبيبتي..

حاولي بعد مرة ترتبين وقتك..
يعني بما انه الاولاد كمان يحبون يجلسون مع ابوهم..
فاتريكهم... لكن في ساعات المساء (بعد الثامنة او التاسعة)
لازم ينامون.. وبعدها لك السهر مع زوجك كما تشائين..
وعلى فكرة مو مهم كم الساعات التي تقضيها معه.. الاهم كيفية قضائكم للوقت سوية..

وموووووووووووووفقة

بما ان ما عندي خبره بس ادعيلج من كل قلبي ان الله يساعدج و تلقين الحل الي يسعدج و خليج في بال زوجج كل دقيقه و لا يحرمكم من بعض ... و اتمنى خواتي الي عندهم خبره ما يقصرون معاج ....


بس حلوه فكرة اختي "بنت قمر راكبه همر " انج ترقدين عيالج وقت جيت ابوهم علشان يفضالج الجو ... و موووووووفقه حبيبتي ...

:gum:

المشكله انك انتي ما تبين تعتمديين على الشغالة انا ما اقولك ان هذا مب زين بالعكس بس يا الغلا ما بكل الاوقات يعني بأوقات معينه مثلا لما تكوني انتي مع زوجك خلي الاطفال مع الشغالة واذا انتي ما واثقه فيها حاولي تختبريها انك تتركي اطفالك معاها وتراقبيها كيف تعاملهم يعني مب كل الوقت يكونوا الاطفال معاكي ونفس الوقت مب كل الوقت يكونوا مع الشغاله ولازم الطفل يعتمد ع نفسه في بعض الاحيان ما يصير كل الوقت يلصقون وياكي وين ما تروحيين نفس الي رجلك له حق ...

في شي ثاني ايش رايك تخصصي يوم على اساس ترجعي الموده اكثر بينك وبين زوجك ان تخلي اولادك بيت والدتك الله يحفظها او ام زوجك وشغاله بعد وتسوين له بالبيت مفاجأه حلوه كذيه علشان يرجعلك وبقوة اكثر من الاول بتكون بادرة حلوه منك :shy:

صدقيني مشكلتك ما صعبه بس حاولي تقسمي وقتك ونفس الوقت تبعدي شوي اطفالك عنك علشان يحسون بالمسؤولية وتخليهم هم بعد يشغلون وقتهم بجدول انتي حطيتيه لهم وفي هذي الاوقات بتكونين مع ابو الشباب لا تحاتين حبيبتي والله يوفقك يا رب :shy:

أختي العزيزة..بنت قمر
أولا أشكر لك تجاوبك وصدقيني أنا ما أخليهم يسهرون ونومهم تقريبا مابين أل9 وال10
والله يجزاك بالخير

عزيزتي شمس وقمر...
فعلا أنا أحتاج أرتب وقتي ودايما أقول لنفسي لو ساعة أجلس فيها معاه لأن جلسته لوحده
بدأ يتعود عليها وأخاف تتطور الأمور
شاكرة لك تجاوبك

الغلا 55
يكفيني إحساسك بمشكلتي وتجاوبك لها
لك كل الشكر

ضياء النور.......
أنا لو أهلي ساكنين معي في نفس المدينة كنت مرتاحة لكن للأسف هم في مدينة ثانية
وأم زوجي الله يرحمها ويغفر لها.......
وفكرتك فعلا صائبة وحسيت إنه فعلا لازم أحدد يوم أجلس معاه وأجدد المشاعر وبإذن الله
راح أنفذ الفكرة من ذا الأسبوع
ألف ألف شكر لك ولفكرتك الرائعة

[grade="4B0082 FF6347 008000 4B0082"]حبيبتي النجم الساطع:
انا حاسة بمشكلمج، احس انج شوي تشبيهين حياتي بس انا ما اشتغل,,
انا بعد عندي ولدين الله يخليهم وصغار ، وانا ما اشتغل وعندي خدامة، مشكلتي مثلج اني ما اعتمد ع الخدامة نهائي، انا لازم اشرف على كل شئ ( بالكواي+نظافة الغرف+غسيل اللبس والطبخ) يعني مرة تعبانة:sad: ، عيالي احيانا يبكون لأنهم صغار الكبير سنة و3 شهور والثاني توه داش الشهر الخامس..كنت مثلج لين ما رتبت وقتي وضغطت على نفسي، نرقد كلنا نفس الوقت اجباري ونقوم مع بعض، علشان ولدي صغير اضطر اني اقوم الصبح اسوي الريوق لريلي وبعدين انا اوعيه من النوم علشان اقعد معاه ونتريق ويطلع يشوف شغله، في هلاوقت العيال بعدهم نايمين، اقول حق الخدامة سوي جذه وجذه وادش ما ارقد( على الرغم المفروض اني ارقد لأن العيال راقدين) اقعد انظف اشوف ثيابي ارتبهم ارتب ثياب ريلي ارتب اغراضه اجهز له ثيابه علشان اذا كان تعبان يتغدى ويسبح ويرقد،بعدين عيالي يقومون من النوم يلعب ولدي الكبير اخليه على راحته علشان يتعب من اللعب، زوجي يرجع احيانا متأخر على طول يسبح ونتغدى كلنا، بعدين نقعد نسولف ونضحك، احيانا نروح البحر واحيانا كلنا نرقد، ..
على الرغم اني مشغولة لراسي بتأثيث بيتي الجديد بس ما اخلي هالشئ ياخذ كل وقتي( ازور اهلي وبيت عمتي وازور اخواتي اتكلم بالتلفون مرتبة مرة شغلي) والله انه ريلي فرحان لأني غيرت نمط حياتي ، ما اقدر اضيع ريلي بسبب اني مشغولة بالعيال، وتصدقين اني تعبانة ناقصني الرقاد بس شسوي علشان ريلي يشوفني جدام عينه اني مهتمة وتعبانة :sad: بالبيت والحمد لله انه راضي علي والله فديته مو مقصر فيني الله يخليه لي :shy: ولعياله[/grade]

اعتقد يا اختي لازم ترتبي وقت اطفالك وتخليهم يمشو على نظام معين وقت للنوم وقت للاكل وقت للدراسة ووقت للجلوس مع الاب ومعك ووقت للعب وباذن الله بتلاقي وقت لزوجك

لما بترتب وقت اطفالك بترتب وقتك كمان

واذا مو مضطرة للوظيفة اتركيها وتفرغي لبيتك ومملكتك

السلام عليكم ورحمة الله وبركاته

أختي النور الساطع...

يمكن هذه مشكلة نعاني منها جميعا...فعلا أزواجنا نحن مقصرين في حقوقهم...و هم يستاهلوا أكثر بصراحة...

طبعا بترتيب الوقت ممكن المشكلة تكون أهون...و لازم يكون لكم يوم إجازة تنتظروه كل أسبوع...يعرف إنك في هاليوم...بتكوني متألقة...و تقدري تسهري معاه براحتك لحد الفجر...و الأولاد بيكونوا نايمين في معادهم...

يمكن الأزواج ما بيشتكوا كتير...لكنهم فاهمين و حاسين بكل شيء...

الله يخلي لك زوجك و عيالك يا رب...

والله نصيحتي لك تتفاهمين معه ومايصير مايدخلون عيالك عنده

قولي مهما كان ذولي اولادك ولهم حق يحسون فيك وبحنانك

ومهمااااااااا كان لاتخلينه يقعد بروحه لأنه لو تعود خلااااص انسسسسسي تغيرينه

والاطفال بتنعدم نفسيتهم اذا ابوهم ماشاركهم بكل شي بيجيهم احباط

فهميه هالكلام واذا دخلوا عيالك عطيهم شي يلهون فيه

الله يصلح حالكم يارب

ان شاء الله يفيدونج المتزوجات

أختي العزيزة ..روعة دبي
الله يعطيك العافية على ردك الحلو وفعلا من كلامك حسيت إن في شبه بين حياتي وحياتك
لكن ربنا يوفقنا إلى مافيه الخير

أختي جودي نونو
صدقيني أنا عمري ماحرمت عيالي من اللعب مع أبوهم خاصة لما أشوف إن عنده إستعداد
أما بالنسبة للإهتمام فلا توصين حريص و الهدايا هذي ضرورية في حياتي
مشكورة على إبداء الرأي

العزيزة..
الآنسة فلة
مشكورة على المشاركة

أختي ..أسيرة قلبه
لايخطر ببالك إني أمانع في دخول عيالي عند أبوهم بل بالعكس أحيانا أنا أرسلهم بس إلي
ينرفزني منهم إنهم يبون طول الوقت إنه يلعب معاهم وأحب إنهم يسوون أشياء تفيدهم و مو طول الوقت لعب وإنهم لازم
يتعودون على الإحترام وعدم مقاطعة حديثي مع أبوهم
أنا أشكرك جدا على مشاركتك