انتي صريحة؟؟؟؟؟ من تحبين اكثر من عيالج وليش؟؟

انا اول ما ولدت في ولدى شفت ان زوجى تعلق ببنتى اكثر من ولدى يعنى ما كان يعطيه ويه وانا قلبي عورنى ولاشعوريا تعلقت بولدى اكثر من بنتى لأن كان عمره شهر والحين بعد ما صار عمر ولدى الله يحفظه 8 شهور قوت علاقتى ببنتى اكثر واكثر الله يحفظها عمرها 4 سنين يعنى صارت مثل اختى واشوفها تهتم بولدى الحين صاروا الأثنين نفس الشي يعنى بنتى وولدى احبهم نفس الشي ولين يسألنى زوجى تحبين من اكثر أقول له احب عيالي اكثر منك ......... وما في فرق بين الولد او البنت مستحيل الأثنين نفس الشي الإثنين تعبت عليهم وطلعت روحى لين جبتهم الله يخليهم لي انشالله واشوفهم من الذرية الصالحة آمين يارب العالمين.

أنا عندي ما شاءالله الله بنت وولد
البنت 3 سنوات والولد سنتين
بس والله اعلم كلهم قطعة من قلبي ...
هذي اكبر نعمة ربي يحفظهم ويبعد عنهم الشر كله (( وابوهم بعد ان شاء الله )))

الله يحفظهم من كل شر يارب

موضوع حلو
بالنسبه لي انا ماعندي الا بنوته وحده الله يحفظها واحبها موت هي كل دنيتي
بس انا دائما اقول للوالده منو تحبي اكثر تقول انها تحبنا كلنا كثر بعض بس كل واحد له غلاته الخاصه وطباعه المميزه:cool2:
بس انا دايما اقولها انتي تحبي اخوي اللي اصغر مني
واحنا الباقي بطات سود
خخخخخ:bigsmile:
:flower:

موضوع حلو
أنا ماعندى غير بنتى حصوص فديتها أأأأأموت فيها فيها كل حياتى متعلقه فينى وايد وأنا بعد نفس الشئ
والحين أنا حامل.... وايد أفكر بحصوص فديتها لانها مريضه ومتعلقه فينى موووت... وماترضى أشيل أ
أشيل ياهل حتى ولد أختى ماتحبه ولما أشيله شو تسوى تصيح ما ترضى...

بس حصوص حبها غير لانها أول وحده ولانها مريضه والمولده الثانى بعد بيكون حبه غير ما بفرق بينهاة

بينهم...

ربي يحفظ لكم عيالكم ويبلغكم فيهم...

انا عندي بنتين احبهم وايد ونفس المقدار بس الثانية شخصيتها وايد احلى من الأولي ما ادري لان الأولى وايد تحن وتصيح بس الثانية جدا اهدأ

الله يحفظهم ياااااااارب
واختي ام حصوص انشالله تولدين بالسلامة وتحبين المولود الجديد مثل الغالية حصة ربي يبلغج فيها

انا عندي ولد واحد واحبه حب لا يوصف
بس ما اعتقد انه في ام تفرق بين اعيالها بالحب كلهم سواسيه وكلهم قطعه منها مستحيل تحب واحد اكثر من الثاني

انا عندي بنتين وحده سنه و 8 شهور و الثانيه 6شهور

احب بكري احبها موووت لانها جت في فتره كنت اظن اني خلاص ماراح احمل حتى لو حملت بيموت ...وحتى يوم حملت كنت خايفه طول الشهور و كنت اكلمها واقعد اصيح لها اذا ضايجه,,,عموما البكر دايم غلاته غيييير واول ..و اول فرحه
حملت في الثانيه وكنت شوي ضايجه بس بعد الحمدلله ومن شفتها قلبي اتعلق فيها فديتها حببببببببببببوبه صح صياحه بس تبتسم و تضحك اكثر من اختها من يوم كانت في سنها.... والحين اموت فيهن ..ما يندرى اللي عقب شلون

بس مثل ما قالت الاخت قلب الام يتسع لحب اكثر ومن ضنا

مشكووووووره حبيبتي just meعلى الدعوه الحلوه مثلك

أختي الصراحة انا هالسؤال ما حبيته
الان كنت دايما احس ان الوالدة الله يحفظها لي تميز اختي البكر عني وكنت احس بالغيرة الزايدة الاني اشوف الاهتمام فيها والحين انا ام لثلاث بنات الله يحفظهم ووغلاتهم بقلبي وحدة ومستحيل اميز وحدة عن الثانية الاني عانيت من تجربة وما احب بناتي يتعرضون لها الموقف ويتأثرون

بس اختي عندها ولد وبنت ومن كلامها احس انها تفضل والدها (3 سنين) على بنتها (سنة )

بالنسبة لي انا عندي توأم بنت و و لد الله يخليهم لي00

و الله ما يهونون عاي اموت فيهم اثنيناتهم00

فديتهم و الله00

مستحيل الأم تفرق بين عيالها في الحب بس ممكن تميل لأحدهم لأسباب معينه وهذا الشي حاصل مع نبي الله يعقوب وابنه يوسف يعني خلونا نكون اكثر واقعية
انا كنت اميل للبكر وبعد ماكبر الصغير صارو سوا والسبب ان الكبير كان يتفاهم معاي والحين الأثنين الله يحفظهم ماكلين قلبي من السوالف والهذرة وشطانتهم اللي الله لا يحرمني منها

انا بالنسبه لي احبهم اثنينتهم ..

واليوم سالت زوجي قلتله بسالك سوال وجاوبني بصراحه ..؟؟

قالي انا عارف شو بتقولين بس قولي ..

قلتله اتحب .... بعدني ما كملت السوال ...!!

قالي احب حمود اكثر ( مع ان هو واهله كانوا يتريون البنوته على نار من اول ولاده )

طبعا مثل ما تعرفون البنت بنت ابوها والولد ولد امه .. والعبرة فالنهاية ...