الليـــ تبيــ شعرها يطول تدخلــ ....

yara2006:
يعطيك الف الف الف عافية


لكن شنو هي الحبة الحمرا

وينك ؟؟:
السلام عليكم ورحمة الله وبركاته
شخباركم حبايب قلبي ؟؟

انا عضوة يديده بينكم واتمنى ان تقبلوني كفرد من افراد هذا المنتدى المميز والراقي .. وان شاء الله اتفاعل معاكم واكون عند حسن ظنكم ..

انا نزلت هالموضوع عشان خاطر الخوات اللي يعانون نفس معاناتي بس الحمد لله وجدت لها حل وحبيت اعرضه لكم الحل لمساعدة الخوات ..

انا من النوع اللي يحب الشعر الطويل مره ومن كثر حبي لطول الشعر صرت اركض وراء كل شي ينقال لي استخدمت الحشيشه الخضراء ويبتها من برا واستخدمت دابر املا واستخدمت الحلبة وزيت العافيه وواااااايد اشياء وقسما بالله اني ايلس على النت بالساعات بس عشان ادور خلطات واسجلها واخلطها بس وربي شاهد على كلامي ماشي فايده ..
والله ياخواتي مصروفي كله احطه في هالشغلات لي مافلست وصارت الديون مغرقتني ..
المهم عندي ربيعته الروح بالروح مرة كنت انا وياها نسولف وانصدمت بان جدتها خبيرة شعر يعني عيوز عوووده بس ياخواتي عندها خبرة ولا خبرة خبيرات هاليومين المهم قلت اعرضي مشكلتي على جدتج وعرضتها بنت الحلال وماقصرت ..
ردت علي وقالت ان جدتها تقول ابعدي عن الصبغات والسشوار ووصفت لي خلطه اول مره اسمعها المهم سرت واشتريت مكونات هالخلطة وخلطتها مثل ماقالت لي بالحرف الواحد ..
انا من النوع الكسول اللي ماحب استمر على شغلة وحده فترة طويله ابي النتائج بسرعه المهم ماطولت استخدمه اسبوع وودرتها ..
قالت وحدها من ربيعاتي عطيني الخلطة بدل ماتنعق المهم عطيتها وشعر ربيعتي جاف مره وخفيف وقصير ..
استخدمت هالخلطة تقريبا مده شهرين وياليتكم تعرفون اشلون تحطها!!
تحطها في الشهر مرتين بس لانها انسانه موظفه وماتحصل وقت تهتم في شعرها بس والله ياخواتي انها يوم فتحت شعرها جدامي انصدمت بشكل فظيع والله ياخواتي ان يوم شفت شعرها قلت مستحيل يكون شعر طبيعي شعرها كان لحد كتافها الحينه صار لنص الظهر وكثف وصار يلمع احلف لكم بالله اني ماصدقت اللي اشوفه
قلت عيل برد اخلط الخلطة واجربها على حد ثاني عشان اتاكد من مفعولها وهالمره جربتها على اختي الصغيرونة كان شعرها مقصوص كاري بس بعد ماصارت امي تحطه على شعرها كثف شعرها وصار ينمو بشكل ملحوظ حتى قصتها من جدام طولت وطلع لها شعر صغيرون من جدام يعني شعر البنيه تحسن على هالخلطة ..
وبعد ماشفت هالتجربتين جدامي سرت للسوق واشتريت المقادير وخلطت هالخلطة لكل افراد بيتنا وكلنا الحينه نستخدمها بس فيه تحسن ملحووظ بشكل فظييييييييع ..
حبيت انزل هالموضوع وربي شاهد على كلامي لاني حسيت قبل باللي يبون يطولون شعرهم ويحسنونه بأي طريقه فقلت حرام اقتصر هالشي على عمري لاني احب الخير لغيري مثل ماحبه لنفسي ..

بعدين اانا طالبه في المرحله الثانويه العامه يعني محتاجه لدعاكم واذا كذبت عليكم بشي او غشيت وحده منكم فهذا مب لمصلحتي لان دعوة المظلوم مابينها وبين الله حجاب ..

فيا خواتي الغاليات اللي تبي اسويلها هالخلطة ماعليها الا ترسل لي عالخاص وانا تحت امرها والله لعتبرها مثل اختي واعز لاني احب الناس تذكرني بالخير ,,

دمتم بالف صحه وسلامه ..
اختكم الصغيرونة ..