تعالوا باركولي وواسوني

عيون و الله بغيت اخبرج بس تعالي ما خبرتج انا اشتغلت

و ما كنت ناويه احمل تعرفين فكرتي عن الحمل و الولاده كنت اخطط لبعد 3 سنين بس قدر الله و ما شاء فعل

و احاول قدر ما اقدر بس احس وحامي نفسي .. كله أكتئاب و الشغل مب متقبلتنه اقول بستقيل اخويه يطنز عليه يقولي لا اطلبي تقاعد


احس حياتي صارت فوضى كبيرة مب قادرة اسيطر على شي ..

اليوم بنتي تصيح و انا اصيح معاها قاعده عند باب الحمام طرارة ..


ادعيلي ان الله يصبرني و يعيني على الولاده من الحينه خخخخخخخ

ريموو مشكورة حبيبتي

يالدبه

طلع عندج علووووووم وايد وانا خبر خير ..

وين اشتغلتي ها ؟؟؟ وشو سويتي ببنتج ؟؟ وين تحطينها ؟؟ ماظن عند عمتج ..

غير جي احس استعيلتي في الشغل الحمل يبا راحة و البيبي من يشرف يبا رعاية

الله يعينج

بالعكس استانسي ،، حلوووووو يوم اتيبين اثنين ورا بعض اول شي ،،
انا كنت مثلج مو مقتنعة بالموانع الطبية ،،
وحملت على بنتي الكبيرة يوم كان عمرها سنة وشهرين يمكن ،،
والحمدلله اني كنت معودتنها على الحليب العادي بنكهات الفراولة والكاكاو والموز من لاكنور،،
غير الأكل العادي ،، فالحمدلله ما عانيت مع فطامها ،، بروحها نست السالفة ،،
وولدت قبل لا تكمل السنتين بشوي ويبت بنت بعد ،،
والحين ما شاء الله عليهن ربيعات متفاهمات لأن فرق السن بينهن بسيط ،،
وطبعا تعلمت عقبها وركبت لولب على طول بعد ولادتي الثانية ،،
فتفاءلي خييييييير وافرحي بحملج ،، ترا البيبي يحس بقبولج او نفورج ،،
والله يسهل عليييييييييج :)