مكالمه هاتفيه خلتني ما انام الليل .. نوروني شاسوي

لا تردين عليه

وخبري اخوانج او ابووج بالموضوع

وطلعي بطاقة تلفوون يديده باسم اخوانج

ولا تعطين الرقم الا لربيعاتج المقربات فقط

المفروض تكونين واثقه من نفسك وتهاوشينه ولاتهتمين

عموما كل واحد يقدر يجيب أي رقم ويمكن وحده من البنات عطته رقمك يلعب عليك

طنشي واهو بيمل ولاتردين عليه

والله يحفظك

لا تهتمين أختي مادامك واثقة من نفسك ..

أنا مره صارلي نفس موقفك .. دق علي واحد وقالي انت فلانه طبعا الصدمة سكتتني !! قالي انا شفتك وابي اتزوجك انا من الروعه سكرت التلفون .. وقعد يدق وقفلت الجوال واليوم الثاني عطيت خالي التلفون ومن بعدها الحمدلله مارجع يدق ..
أهم شي انك ماتخبين عن أهلك شي وخاصة في مثل هالمواضيع .. اللي مايخافون الله كثير .. وسبحان الله عارفين الأساليب اللي فيها تضعف البنت .. فيجونها من هالطريق علشان تمشي معهم ..

والله يسرلك أمورك .. ويفرج همك ..

هتــــان

ما تخافي انت واثقة من نفسك ما عملتي شيء غلط وكافية خيرك شرك هذا اسلوب شخص يريد انه يجرك معاه

اهم شيء المرة الثانية تعطي التيليفون لاخوك او ابوك وتقوليله السالفة وتخليه يرد عليه هو ويبهدله لما يسمع صوت رجال رد عليه بيخاف وما بتصل


ولا تهتمي هالامور ممكن تحدث بس ما تتجاوبي وخليك مثل ما انت ولا تخلي الشيطان يلعب معاك لعبته


الله يوفقك ويحميكي

الاولاد يدورون أي عذر او جذبه عشان يكلمون البنات طنشيه ولا تردين عليه وتحملي الشيطان له مداخل خبيثه على الأنسان

السلام عليكم ورحمة الله وبركاته


صباح الخير خواتي


بالبداية حابة اشكر كل من تواجد هنا وحاول انه يواسيني ويحل مشكلتي
واستسمحج منكم على تأخيري بالرد لأن توني داخله المنتدى


بس عندي كذا نقطه .. انا حاقرته وما ارد عليه ومن يوم اللي كلمني وانا بالشغل
(( واهي مكالمه وحده بس )) ومن بعدها ما اتصل واتمنى انه ينساني وما يرجع
يتصل فيني مره ثانيه .. لكن اني اخبر اهلي بالموضوع احسها صعبه

خواتي السالفه صارت تقريبا من 5 أيام ولو قلت لأهلي بيقولون لي ليش ما تكلمتي
بنفس اليوم .. ليش الحين ؟؟ هذي نقطه
النقطه الثانيه ان امي مسويه عمليه وتعبانه وااايد .. واحنا تعبانين معاهه وانتوا
عارفين الاهل والزيارات اليوميه لها وابوي بعد مشغول بضغوطات البيت ومحاتاة امي
ولهالسبب انا ما قلت لهم بنفس اليوم لأني ما ابي ازيد عليهم

وفوق هذا انا الاخت الكبيره بالبيت .. يعني عندي خوات اصغر مني لكن ما عندي اخوان

انا الحين قلت لو فكر انه يتصل بالمستقبل راح احقره وما ارد
عليه لو شو ما صار ولو دز لي مسج انه يهدد او اي شي ساعتها راح اعطي
ابوي الموبايل واخليه يتصرف معاه .. فانتوا شو رايكم ؟؟

انا كنت مفكر اني اغير رقمي واطلع لي بطاقه يديده وما اعطي رقمي
الا لأهلي والمقربين لي بس المشكله اني راح اضطر اقول لأهلي على السالفه
علشان يرضون اني اكنسل هالبطاقه واطلع لي وحده يديده :(

اممم نقطه اخيره .. بالنسبه لأسمي فانا اعتقد انه طلعه من الاتصالات لأن البطاقه
مسجله باسمي .. لكن من وين له الرقم فهذا ما اعرفه .. وما اعتقد وحده من رفيجاتي
ممكن انها تعطي شاب رقمي لأن اغلبيتهم متزوجات وبنات ناس ومتربين عدل
وغير هذا رفيجاتي اغلبيتهم ما عندهم اخوان او عندهم بس اخوانهم صغار مو كبار


فانا قلت اني اسوي مثل ما قلتوا .. اطنش واهو بنفسه راح يمل

هلا حبيبتي
لاحول ولاقوة الا بالله
حسبي الله على هالاشكال
ترى هذا اسلوب جديد يسونه علشان يكذبون على البنات

حبيبتي طنشينه وحقريه ولا تردي عليه

وخليه يموت بحسرته

ربي يبعد عنج كل السوء ما عليج منه خليه يولي هذا ما عنده سالفه

ما دام ما اتصل طنشيه
وحتى لو اتصل احقريه
مول لا تردين عليه!

واذا زودها خلي ريل خالتج يتصرف وياه بما انه من الاتصالات

طالما انتي واثقه من نفسك ماله داعي تخافين وانا مع الاخوات في كلامهم
ولما هذا يعرف اسمك وقالك معلومات ممكن تكوني وقعت في اختبار مع احد المعارفاو مممكن تكون وحده من زميلاتك ضعيفة نفس وتبيك تغلطين او ممكن يكون من اخوان صديقاتك واخذ رقمك من الموبايل بدون ماتدري وووووو الاحتمالات كثير وفي كل الاحتمالات طالما انتي انسانه تخافين الله لاتردين وكلمي اقرب شخص لك من اخوانك او ابوك او امك ويكون عندهم خلفيه عن الموضوع وعشان مايطور الموضوع لاي شي ثاني وقوليلهم كل شي بالحررررررررررررف حت لما ارسلتي المسج
ومن الحلول انك تغيري جوالك او تعملي خدمة موجود
بالنسبه لي انا اي اتصال غريب ما ارد الا نادرا نادر ارد عليه لان زميلاتي حتى اذا غيرو الرقم يرسلون مسج انا فلانه
وحتى اذا رديت ممكن يكون انسان غلطان في الرقم وهذا كله يحصلنا بوجه عام اما اذا استبله ودق مرة ثانيه اطنش ولا ارد وعلى طول اشغل خدمة موجود وكل مايتصل يدي الرقم مغلق طبعا ينقهرون لما يكون مغلق مو زي لما يرن الجوال يخليهم يصرون انهم يتصلون على بالهم انك ممكن تضعفين وتردين واي اتصال زي كذا لازم اكلم زوجي ويعرف ماخبي عنه صحيح ولله الحمد الثقه موجودة بس الافضل اني اقوله ما تدرين سبحان الله ممكن الشيطان يزين له في يوم من الايام شي والا يرد على جوالي بالصدفه اذا شاف رقم غريب مو مدون له اسم ويتفاجا بصوت ثاني ممكن يفكر فيني شي ثاني حتى لو هو واثق بس راح يشك
حتى لو كنت في بيت اهلي واحد استبله علي ودق مره ثانيه وجنبي احد من اخواني على طول اديه السماعه واخوي يتصرف معاه
واصحاب النفوس الضعيفه واجد ولله الحمد
بس بصراحه خدمة موجود رررررررررررررررررررررررررروعه ريحتني في الازعاجات اذا شغلتها يومين بس ويطفشون يبطلون يدقون
واحمد ربي واشكره ان الازعاجات عندي مو واجد
والله يهدي الجميع
اللهم ابعد عنا وعن ازواجنا واهلينا وذرياتنا وجميع المسلمين شياطين الانس والجن اللهم اميييييييين

السلام عليكم ورحمة الله وبركاته

اختي العزيزة احب اقولك لالالالالالالالالا تخافييين ابد انا صارتلي مثل قصتك تقريبا دق على جوالي رقم غريب ما اعرفه وانا العادة ما ارد على ارقام غريبة بس هالمرة رديت قلت يمكن احد مكلمني بخصوص شغل خصوصا اني مقدمة في اكثر من وظيفة وقلت يمكن احد متصل علي ... المهم رديت وإلا واحد يقول كيف الحال وش الأخبار عاد انا على طول هبيت فيه وقلت نعم وش تبي راح قلي انتي فلانه انا انصدمت :qaq: :qaq: من هذا الي عارف اسمي ورحت صكيت السماعة بوجه وعلى طول كلمت اخوي وقلتله على صار وعطيته الرقم
اخوي ما قصر كلمه واعطاه محاضرة طويلة عريضة في الأخلاق .... وقام الولد وتأسف وقال انه عرف الرقم من جهاز مستعمل توه مشترية ولقى اسمي مسجل فيه وعلى باله انه رقم وحدة من قريباته وحب يتأكدة ----------> شوفي العبط كيف:angry: :angry:

المهم اختي لا تخافيين ولا شي وانتي بنفسك قلت انه ماعندك شي تخافيين منه واذا دق عليك مرة ثانية لا تردين عليه واذا ضايقك باتصالته كلمي الإتصالات ويوقفون رقمه

وبعدين حبيبتي انتي غلطتي لمن ارسلتيله المسج كان طنشتي وهو لو كان شخص يعرفك او يبيك ضروري كان راح يرجع ويدق عليك .

السلام عليكم ورحمة الله وبركاته

هلا بيكي يا روان...

شوفي طالما إنتي واثقة من نفسك و ما عملتي شيء غلط...ما تقلقي و لا تخافي...ما بيقدر يعمل شيء

هذا شباب فاضي في حياته مسكين قاعد بس على البلوتوث ينتظر أسامي بنات !

إذا رجع إتصل مرة ثانية...خبري أحد من إخوانك...حتى لو ما قلتي له على المكالمة...قولي له شوف لي هالرقم كل شويه يتصل...رد عليه إنت...

خلي أخوكي يرد عليه علشان يعرف صاحب الإتصال إنك خبرتي أهلك و لك أحد كبير و يخاف...

الله يوفقك إن شاء الله...

رايي من راي العزيزة اسيرة قلبه

الريال يبي يخليكي تتواصلي معاه بهذه الطريقة..

يعني يصير عندك فضول تعرفين وش سر البلوتوث.. وتتصلين.. وهو يماطل في الموضوع..

لين ماتوقعين في شباك الله اعلم وين راح توديك.......

طنشي إذا انتي واثقه انك مو مسويه شي غلط

تحياتي لك

لاحول ولا قوة الا بالله

الله يعينج


والحقران يقطع المصران


خليه يولي ولا تفكرين فيه وان زادها عطيه لحد من هلج وفكي روحج

والله حاسة بيكي
انا عاد اخسس منك
انا جاني رقم غريب على موبايل امي اللي انا اخذه معاي علجامعة
وصارت تقولي كلام غرييب وانفجرت تببببكي وتقوولي انتبهي على نفسك ترا اللي عرفته مو قليل
عاد اناااا دوريني وين انا بطبعي اخااف من شي اسمه موبايل وكمرات من البلاوي اللي اسمعها بس قلت لها مين انتي
البنت لو تسمعيها صووتها يجنننن ناعم وحجازي من هذا الدلوووع وازا ولزيز ومن هذا الصنف
بس شوية فجأة اتغير الصوت لولد
انا خلاص حسيت اني بمووووت
وصار أو صارت ترسل لي وانا طنشت بعدها من حالها راحت
قلت لخالتي قالت لي هدول اللي بالجامعة معجبات وقليلات حيا شكلها بنت مو متربية مستخدمة جهاز يغير الصوت
ومن بعدها ما صار شي
بعدين انا واثقة من نفسي وكلمت ماما وبابا وماصار شي لأنهم واثقين بيني
ولا تشيلي هم موقفي اخس منكـ انتي طنشي واضحكي بسس ههههههههههههههههه
يلا خدي بالك من نفسك
زهرة الموت

سوري اختي بدون لا اقرا اي رد من ردود البنات بس مااشوف السالفة
مستاهله كل هالخوف كان بإمكانك توفرين على نفسك كل هالخوف
وتتكلمين معاه بأسلوب راقي ومؤدب وتستفسرين منه الكلام اللي
جالس يقوله وقصه البلوتوث وان ماعجبك الكلام وحسيته يتبلى عليك
او يبي يتغزل سكري الخط بوجهه وانتهت السالفه

بس حبيبتي لا تخافين انسي الموضوع ودامك واثقه من نفسك نامي وارتاحي واذا يبي هالولد شيء مهم بيرجع يدق

حبيبتي دامنج ما سويتي شي غلط خلاص ليش كل هالخوف ؟ خليج واثقه ن نفسج اوكي حبيبتي ؟
وبعدين في مليون بنت بنفس اسمج مب شرط انتي ..
انا اقول لا تكبرين السالفه ولا تدخلين حد من اهلج فالموضوع .. واذا حسيتي انه زادت اتصالاته او
قامت تيج ارقام غريبه .. احسن شي تسوينه انج تغيرين رقمج على طول .
وحاسبي لا تعطين رقمج لاي بنت تتعرفين عليها ..

اولاالحمد الله على كل حال
ثانيا هو بس يبي يخرعك عشان كذا يقول عندي بلوتوث

نصيحه انسي كلامه ولا تعطينه وجه
وشكله كذاااب

حبيبتي روان لا تخافي ولا تعبي نفسك هالموضوع جدا عادي ممكن عرف رقمك من الهاتف او شغله مثل كذا ومسوي سالفه عشان يخوفك بس انتي لاتهتمي ولاتبالي ولاتردي عليه واذا مخصها كلمي اخوك او حد من اهلك يكون متفهم وبس

بقولك انا وش صار لي عشان تتطمني اتصل واحد فيني قلي انتي اسمك كذا وهذا رقم بيتك وهذا عنوانك والله لااجيك وقت مايكونون اهلك مو جودي ن وهالسوالف صح اني خفت وحسيت رجولي تتنافض بس على طول كلمت امي راحت اعطته من الدعوات الحلوه واخوي بعد اعطاك كلام ولااحلى وعدا الموضوع على خير


فلا تشيلي هم هذي حركات الشباب وخرابيطهم بس اهم شي انتي لاتبيني انك خايفه وكلمي اهلك

حبيبتي روان لا تخافي ولا تعبي نفسك هالموضوع جدا عادي ممكن عرف رقمك من الهاتف او شغله مثل كذا ومسوي سالفه عشان يخوفك بس انتي لاتهتمي ولاتبالي ولاتردي عليه واذا مخصها كلمي اخوك او حد من اهلك يكون متفهم وبس

بقولك انا وش صار لي عشان تتطمني اتصل واحد فيني قلي انتي اسمك كذا وهذا رقم بيتك وهذا عنوانك والله لااجيك وقت مايكونون اهلك مو جودين وهالسوالف صح اني خفت وحسيت رجولي تتنافض بس على طول كلمت امي راحت اعطته من الدعوات الحلوه واخوي بعد اعطاه كلام ولااحلى وعدا الموضوع على خير


فلا تشيلي هم هذي حركات الشباب وخرابيطهم بس اهم شي انتي لاتبيني انك خايفه وكلمي اهلك